Leita í fréttum mbl.is

Staðfastur í illskunni

til hinstu stundar.

Dagur B. Eggertsson sem veit að dagar hans eru jafnvel taldir á valdastóli í borginni reynir að gera allt sem hann getur til að eyðileggja Reykjavíkurflugvöll fram á síðasta dag.

"Félagsstofnun stúdenta og Bjarg íbúðafélag verkalýðshreyfingarinnar hafa fengið vilyrði fyrir lóðum til að byggja 260 leiguíbúðir fyrir stúdenta og félagsmenn verkalýðshreyfingarinnar í Skerjabyggð við Skerjafjörð.

Skipulagssamkeppni var haldin um skipulag í Skerjafirði og er deiliskipulagstillaga unnin á grundvelli hennar. Svæðið sem um ræðir er landsvæði sem opnaðist sem byggingarland er litlu flugbrautinni var lokað. Er þar gert ráð fyrir byggð með um eitt þúsund íbúðum. Bjarg fékk vilyrði fyrir lóð fyrir 100 íbúðir og Félagsstofnun stúdenta fyrir lóð fyrir 160 íbúðir.

Leiguíbúðir verkafólks og stúdenta í Skerjafirði Samkomulag Dagur B. Eggertsson borgarstjóri, Guðrún Björnsdóttir, framkvæmdastjóri Félagsstofnunar stúdenta, og Gylfi Arnbjörnsson, forseti ASÍ, skrifa undir."

Þannig skirrist þessi valdafíkill Dagur B. Eggertsson ekki við að reyna að hafa áhrif á hagi fólks og þjóðarinnar allrar langt fram eftir öldinni eins og enginn sé morgundagurinn.

Borgarlína, þétting byggðar, skuldafen, drullug borg og  döpur torg.

"Vi alene vider" segja menn staðfastir í illsku sinni.

 


« Síðasta færsla | Næsta færsla »

Athugasemdir

1 Smámynd: Már Elíson

Ég hefði nú haldið að íbúðir fyrir þá sem minna mega sín vægju meira í hugum fólks en einhver staðsetning sem virðist skipta síðuhafa öllu máli. Hví skyldi það vera ? - Talandi um illsku...Er það ekki ákveðin illska hjá síðuhafa að vilja ekki að fátækir, námsmenn og/eða öryrkjar hafi og eigi það yfir höfuðið ? - Er þetta einhver þáttur í stefnu "ákveðins flokks" síðuhafa, að tala niður til annarra, rægja og uppnefna einstaklinga eða stefnu þeirra til borgarmála og þeirra sem minna mega sín ? - Þetta eru ljót skilaboð og innræti, ágæti síðuhafi.

Már Elíson, 15.5.2018 kl. 12:05

2 Smámynd: Halldór Jónsson

Það er miklu auðveldara að byggja annarsataðar ódýrari íbúðir fyrir þessa hópa. Kynntu þér hvað Þorvaldur Gissurarson er að gera. Byggir frá 230.000 kr/m2 og upp úr fyrir millana.

Hversvegna að taka verðmæti frá þjóðinni og fleygja í gin útvaldra vegna skammtímahagsmuna.

Halldór Jónsson, 15.5.2018 kl. 12:38

3 Smámynd: Jónatan Karlsson

Sæll Halldór.

Auðvitað á Alþingi tafarlaust að grípa inn og stöðva allar frekari skemmdir og eyðileggingu flugvallarins í Vatnsmýri.

Það liggur í augum uppi að það er lýðheilsumál og stórkostlegt öryggisatriði fyrir allt flug á og við Ísland, fyrir utan þau nálægt eitt þúsund störf sem ella myndu glatast úr höfuðborginni.

Það jaðrar nánast við sturlun eða geðveiki að vera að rökræða mál sem er svo augljóst, eða þarf virkilega stórt flugslys eða eldsumbrot á Reykjanesi til að sanna hlutverk Reykjavíkurflugvallar.

Jónatan Karlsson, 16.5.2018 kl. 01:07

4 identicon

Íbúðir eru dýrari í og við miðbæinn vegna þess að það er meiri eftirspurn eftir húsnæði á því svæði. En kostnaður fyrir borgina er miklu minni, vegna þess að ekki þarf að fara á rándýrar vegaframkvæmdir. En auðvitað á bara að byggja á svæðum þar sem enginn vill búa.

Jonas Kr. (IP-tala skráð) 16.5.2018 kl. 10:04

Bæta við athugasemd

Hver er summan af tíu og átján?
Nota HTML-ham

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (25.5.): 49
  • Sl. sólarhring: 276
  • Sl. viku: 2958
  • Frá upphafi: 2199433

Annað

  • Innlit í dag: 42
  • Innlit sl. viku: 2335
  • Gestir í dag: 41
  • IP-tölur í dag: 41

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband