Meira á miðopnu

Morgunblaðsins eftir Björn leví fer í taugarnar á mér.

Þar skrifar hann um nauðsyn þess að fjölga  ruslflokkum á Alþingi. Björn segir m.a.:

" Ég segi að kosningalögin séu drasl af því að í undanförnum þrennum alþingiskosningum hefur munað mjög miklu á að stjórnmálasamtök fái þingmannatölu í fyllsta samræmi við heildaratkvæðatölu sína.

Ein helsta ástæðan fyrir því er hin svokallaða 5% regla sem var bætt við í stjórnarskrána árið 1999, þeim flokkum sem það samþykktu til ævarandi skammar. Hún hljóðar svo: „Þau stjórnmálasamtök koma þó ein til álita við úthlutun jöfnunarsæta sem hlotið hafa minnst fimm af hundraði af gildum atkvæðum á landinu öllu

Munurinn á þingmannatölu eftir núverandi kosningakerfi og einföldu hlutfallskerfi var árið 2013 átta þingsæti. Það eru átta þingsæti sem aðrir flokkar en komust inn á þing misstu af og flokkar sem komust inn á þing græddu. Þar hallaði tilfinnanlega á stærri flokkana en ríkisstjórnarflokkarnir þá fengu sex af þeim þingsætum. Árið 2016 var munurinn fimm þingsæti þar sem Sjálfstæðisflokkurinn fékk þrjú sæti aukalega og árið 2017 munaði þó ekki nema einu þingsæti sem Framsóknarflokkurinn fékk á kostnað Bjartrar framtíðar.

Að það sé möguleiki á svona mikilli skekkju í kosningakerfinu gerir það að verkum að ég tel mig geta kallað það drasl. Hvað er þá hægt að gera? Þarf að breyta stjórnarskránni? Já, en ekki af þessari ástæðu. Það er hægt að laga þennan galla bara með því að breyta kosningalögum. Með því að takmarka fjölda þingmanna sem hver flokkur getur fengið við atkvæðahlutfall á landsvísu og heildarfjölda þingsæta getur ekkert framboð fengið fleiri þingsæti en eitt umfram heildarþingmannatölu á landsvísu.

Er heildarþingmannatala einhvers framboðs 4,6? Þá getur það framboð mest fengið 5 þingmenn ef, og bara ef, ekkert annað framboð er með hærri hlutaþingmann (0,6) þegar kemur að úthlutun síðustu þingsætanna. Þetta myndi þýða að framboð myndi örugglega fá þingsæti ef það fengi 1,587% af atkvæðafjölda á landsvísu. Í kosningunum 2017 hefði þurft 3.115 atkvæði. Björt framtíð fékk 2.394 atkvæði eða 1,22%. Það þýðir hlutaþingsæti upp á 0,77 sem var þriðji stærsti hlutaþingmaðurinn af sex sem væri útdeilt á þann hátt. Ýmsir hafa sagt að það sé svo flókið að vera með marga flokka á þingi.

Það getur vel verið en lausnin á því má ekki vera sú lýðræðisþynning sem undanfarnar kosningar hafa skilað okkur. Að ríkisstjórn með 51,13% fylgi fái 60,32% þingsæta ætti að særa lýðræðiskennd okkar allra. Við getum gert betur og eigum þá að gera betur."

Hvað skyldu þjóðir sem búa við einmenningskjördæmi segja um lýðræðisþynningu? Hvað mátti UKIP hans Nigel Farage segja þegar hann fékk sinn dauðadóm þrátt fyrir mikið fylgi? Er það ekki einmitt kostur fulltrúalýðræðisins að það verndar þjóðirnar  gegn vanhugsuðum geðþóttaákvörðunum beins lýðræðis þar sem múgurinn stjórnast af stundar geðhrifum en ekki yfirvegun.Allt margreynt frá dögum Kleons sútara. Það er einmitt sá hemill sem fulltrúalýðræði er sem jafnar sveiflurnar i þjóðlífinu og dempar óæskileg áhrif óþroskaðra þingmanna eins og ....

Upplausnin á Alþingi sem hófst með veikingu fjórflokkakerfisins hefur leitt okkur til stjórnmálalegrar upplausnar. Í beinu hlutfalli við fjölgun þingmanna smáflokkakraðaksins sem engu geta náð fram vegna innbyrðis sundrungar og skorts á stefnumiðaðri hugsun.

Framferði Björns Levís í þingsal og tilgangslaus fyrirspurnavaðall er einmitt gott dæmi hér um þingmann sem til einskis gagns verður vegna þessara staðreynda. Í það heila geta menn séð árangurinn með því að virða fyrir sér árangur þingmanna til viðbótar á borð við Þórhildi Sunnu og Halldóru Mogensen  og spurt sig hverju störf þessara þingmanna hafi skilað þjóðinni þegar það eina sem upp úr stendur er rógur og tilraunir til mannorðsmorða á saklausu fólki.

Þröskuldurinn þarf að hækka ef nokkuð er í 7.936 % til að koma á stjórnmálalegum stöðugleika í formi 5 manna þingflokka sem lágmarki.

Þetta var enn einum og mikið fyrir mig  á miðopnu Moggans.

Athugasemdir

[Óskar Helgi Helgason (IP-tala skráð) 13.7.2018 kl. 14:28]

Sæll Halldór jafnan - sem og aðrir gestir, þínir !

Halldór !

Það er EINMITT: fyrirspurnavaðli Björns Leví´s Gunnarssonar og stöku Pírata annarra (þeirra: sem þora eða nenna) að þakka, að upp hefur komizt um Milljóna þjófnaði Ásmundar ökumanns Friðrikssonar úr sjóðum landsmanna, hvað Benzínið varðar / svo og Tuga Milljóna Króna þjófnaði Steingríms J.Sigfússonar, undir alkunnu yfirskini og lygum þess vesalings, um meintan húsnæðiskostnað hans, á milli Þistilfjarðar búsetu þykjustunnar, sem og hinnar raunverulegu, suður í Reykjavík:: allar götur, frá árinu 1983 aukinheldur, Verkfræðingur vísi.

Væri ekki nær - AÐ ÞAKKA Birni Leví fyrir að lyfta ofan af kerjum ban- eitraðar sér- íslenzku spillingarinnar, í stað þess að vera að skenza hann, með reglulegu millibili, Halldór minn ?

Ef eitthvað er: mætti setja Túrbó búnað á Björn Leví, ekki veitir af, hann á eftir að fletta ofan af óendanlegum viðbjóði ennþá, í íslenzku stjórnmála- og embættismanna Hland- forar vilpunni, fornvinur góður.

Af - MJÖG miklu enn af taka, á þeim slóðunum, Halldór minn.

En: fáðu þér eitthvað vel styrkjandi Vítamín Halldór:: áður en þú rennir yfir næstu- og þarnæstu miðopnu Morgunblaðsins, svona, til öryggis, fornvinur mæti !

Svo - þér svelgizt nú ekki neitt ýkja mikið, á Kaffisopa þínum, þau skiptin. 

Með beztu kveðjum - sem endranær, af Suðurlandi /