Plattenschlägerei

er svona skemmtisamkunda eins og Landsfundur Flokks Fólksins. Gersamlega ábyrgðarlausar yfirlýsingar um stórhækkuð skattleysismörk. 

Bjarni Benediktsson hafði svarað því hvað hækkun 300.000 kr. myndi kosta ríkissjóð:

" Tekjur ríkissjóðs af tekjuskatti einstaklinga myndu skerðast um rúmar 149 milljarða ef skattleysismörk atvinnutekna yrðu 300 þúsund krónur. Þetta kemur fram í svari Bjarna Benediktssonar fjármálaráðherra við fyrirspurn frá Guðmundi Inga Kristinssyni, þingmanni Flokks fólksins. 

Þar kemur jafnframt fram að með slíkri breytingu myndi þeim sem greiða hvorki tekjuskatt né útsvar fjölga úr rúmlega 42 þúsundum í 119 þúsund manns. Þeim sem ekki greiða ríkissjóði neinn tekjuskatt myndi fjölga úr 78 þúsund í 171 þúsund.  Þá myndi þeim sem greiða tekjuskatt til ríkisins að sama skapi fækka úr 220 þúsund í 126 þúsund eða um 42 prósent. "

Ekki dugði þetta grátkonunni Ingu Sæland né hagfræðingnum Ólafi Ísleifssyni. Þau bættu við 20.000 kalli og komu því tekjufallinu langleiðina að 200 milljörðunum.

Til hvers eru menn með svona gersamlega ábyrgðarlausar sýningar og upphlaup?

Þjóðverjar kalla svona fyrirbæri Plattenschlägerei en ekki pólitík.

 

Athugasemdir

[Eðvarð L. Árnason (IP-tala skráð) 10.9.2018 kl. 11:26]

Ráðstjórn Íslands þarf mikið fjármagn til að reka sig.  Af þeim sökum finnst skattmanninum allt stórar tölur þegar farið er fram á leiðréttingar á fyrri skerðingum og nú kjaraleiðréttingum. 

Svo er komið að þjóðinni ofbíður allur fjáraustur til stjórnsýslunnar.  Ráðherrar komnir með svo og svo marga aðstoðarmenn.Þingmenn eru komnir með aðstoðarmenn. Bruðlið verðist engum takmörkum sett.  Hvað hefur kostnaður stjórnsýslunnar aukist á árabilinu frá 1978 til 2018.

Á sama tíma og fjárausturinn er settur ótæpilega í gæluverkefni, eru stoðir samflélgsins að bresta og blekkingum beitt.  Ekki er langt síðan þjóðinni var kynnt það í öllum fjölmiðlum að íslenska heilbregðiskerfið væri einna best í heimi hér.  Hvað segja daglegar fréttir okkur.

Löggæsla og Landhelgisgæsla hver er staðan þar.

Löggæsla landsins er að brenna eins og f.v yfirlögregluþjónn lýsti.  Löggæslan er komin af fótum fram undir óstjórn tveggja sjálfstæðiskvenna sem hafa farið með ráðuneyti lögreglumála.  Borgarinn á ekki völ á vernd og aðstoð frá löggæslunni sökum mannfæðar.

Aumingjadómur kemur víða fram í okkar örríki.  Nú á dögunum var eitt af varðskipum okkar sent til Færeyja til að taka olíu sem er ódýrari þar. þvílík smán. Ísland hefur ekki efni á að eiga Þyrlur, heldur eru hér notaðar gamlar Þyrlur leigðar af normanni.

Ekki má gleyma stýringu sjálfstæðismanna og hinna á því hvernig vegakerfið var látið grotna niður, og eins og fréttir segja er vegakerfið orðið hættulegt.

Hér að ofan er nefnt árið 1978.  Á því herrans ári gátum við byggt upp vegi og brýr. Við höfðum byggt upp sjúkrahús og heilsugæslur um land allt.  Við byggðum myndarleg skólahús um land allt.  Allt var þetta gert án þess að stjórnvöld þeirra tíma væru á setja á aukaskatta. Nú væla stjórnvöld og vilja auka skatta t.d. að setja á vegskatta ofan á hæstu skatta á bifreiðar í allri evrópu.

Fróðlegt var að sjá mynd framan við Bessastaði þar sem ráðherrar örríkisins sátu á fundi og höfðu mætt á svörtum glæsibifreiðum,sem öllum var ekið af einkabílstjórum.

Skyldu ráðherrar örríkisins ekki skammast sín, ef svo ekki, þá er eitthvað að.

[Halldór Jónsson, 10.9.2018 kl. 12:54]

"Fróðlegt var að sjá mynd framan við Bessastaði þar sem ráðherrar örríkisins sátu á fundi og höfðu mætt á svörtum glæsibifreiðum,sem öllum var ekið af einkabílstjórum.

Skyldu ráðherrar örríkisins ekki skammast sín, ef svo ekki, þá er eitthvað að."

Er þetta ekki óþarfa flottræfilsháttur?