Rekja slóðina?

eins og Eva Joly sagði þegar menn voru að spá í gerendur hrunsins.

Hversvegna er Samfylkingin núna svona áhugasöm um að byggja hótel ofan á gamla kirkjugarðinum við Austurvöll?

Vilja vinstri menn ekki venjulega vera öðrum göfugri og ræktarsamari þegar menningarverðmæti eru annars vegar? 

Má ekki alveg eins hlutlaust byggja eitthvað arðsamt  í gamla kirkjugarðinum við Suðurgötu? Ofan á elstu gröfunum eins og til dæmis leiði Jóns Sigurðssonar og Ingibjargar og þaðan af eldri gröfum? Eru sumir grafreitir heilagri en aðrir frá svipuðum tíma? Segist ekki Samfylkingin vera jafnaðarmannaflokkur?

Hvaða tímamörk setja menn annars við aflagningu kirkjugarða?

Má ekki reyna að rekja slóðina?

Athugasemdir

[Þorsteinn Briem, 29.9.2018 kl. 13:57]

Landsímahúsið við Austurvöll verður gert upp og húsið lengt um nokkra metra til suðurs þar sem áður var lítið bílastæði.

Víkurgarður verður einnig gerður upp eftir skipulagssamkeppni í samráði við Minjavernd.

Síðastliðna mánuði hafa verið þar matarvagnar, borð og bekkir og þúsundir manna, bæði Íslendingar og útlendingar, ganga í gegnum Víkurgarð sér til ánægju og yndisauka, rétt eins og gamla kirkjugarðinn við Suðurgötu.

Og Víkurgarður verður áfram á sínum stað.

[Jónas Gunnlaugsson, 29.9.2018 kl. 14:30]

Steini, flott hjá þér, þú átt svo að hæla okkur annað slagið.

Ég aftur á móti er að verða 84 ára, og mér gengur illa að skrifa hóflega.

Halldór Jónsson er alltaf með svo áhugaverð málefni.

Ég ætla að reyna að bæta mig.

Batnandi mönnum er allt til blessunar.

Egilsstaðir, 29.09.2018  Jónas Gunnlaugsson