Furðuleg niðurstaða Lögreglustjóra

þegar máli sem hún stofnaði til lýkur með sektardómi yfir henni sjálfri. Henni léttir við að tapa málinu!

 

„Það er léttir að þetta er búið. Þetta voru virkilega erfið mál.“

Þetta sagði Sigríður Björk Guðjónsdóttir, lögreglustjóri á höfuðborgarsvæðinu, í gær eftir að tveir dómar féllu í Hæstarétti þar sem ríkið var dæmt til að greiða tveimur lögreglumönnum hjá embættinu bætur.

Annars vegar var um að ræða Aldísi Hilmarsdóttur aðstoðaryfirlögregluþjón vegna breytinga sem gerðar voru á störfum hennar árið 2016. Henni voru dæmdar 1,5 milljónir króna í miskabætur vegna tilfærslu í starfi og eineltis sem hún taldi sig hafa orðið fyrir af hálfu lögreglustjóra og 366.720 krónur, sem svara kostnaði hennar vegna innlagnar á Heilsustofnun NLFÍ í Hveragerði, sem fallist var á að væri bein afleiðing af þeirri ákvörðun sem hún sætti. Alls greiðir ríkið henni því tæpar 1,9 milljónir króna. Hins vegar er um að ræða lögregluþjón sem sakaður hafði verið um brot í starfi og var veitt tímabundin lausn frá störfum. Honum voru dæmdar 1,5 milljónir í bætur.

„Mér þótti mál Aldísar sérstaklega erfitt, það hefur tekið á, ekki síst vegna mikillar opinberrar umræðu. En ég verð að segja að dómur Hæstaréttar í því máli kom á óvart vegna þess að Héraðsdómur var svo afdráttarlaus,“ sagði Sigríður Björk. „En staðfest hefur verið að Aldísi hefði aldrei verið sagt upp, eins og haldið hefur verið fram, enda hefur ekki verið ráðið í starfið hennar, heldur hefur verið leyst af í því með tímabundnum ráðningum.“

Sigríður sagði að eitt af því sem skoða yrði í framhaldinu væri skráning mála innan embættisins. Ljóst væri að við meðferð þessara mála þyrfti nú að taka upp nýtt verklag. „Þetta er eitt af því sem við verðum að vega og meta.

“ Lögreglufulltrúinn sem um ræðir kom strax aftur til starfa hjá embættinu eftir að ljóst var að hann hafði ekki brotið af sér í starfi.

Aldís hefur ekki starfað þar frá árinu 2016. Sigríður segir að á þeim tíma sem liðinn sé síðan þá hafi verið skorað á Aldísi að snúa aftur til starfa. Það muni einnig verða gert núna þegar dómur liggur fyrir. Hefur þú, eða einhver annar hjá lögreglunni á höfuðborgarsvæðinu, haft samband við Aldísi eftir að dómurinn féll? „Nei, það hefur ekki verið gert. En ég býst við að hafa samband við Aldísi á morgun [í dag] og hvetja hana til að snúa aftur til starfa.

“ Hafa þessir dómar og/eða umfjöllun um þá áhrif á þína stöðu? „Ég á ekki von á því.“ annalilja@mbl.i"

Þetta eru einkennileg málalok og ályktun Lögreglustjóra af þeim.

Raunar hefur manni sýnst að talsverður ófriður hafi verið innan embættisins allar götur síðan núverandi Lögreglustjóri tók við. En í hennar huga er allra orsaka að leita annarsstaðar en í hennar störfum. 

Finnst engum það furðuleg niðurstaða embættismanns að fagna tveimur sektardómum yfir sjálfum sér sem létti? 

 

 

Athugasemdir

[Jóhannes Laxdal Baldvinsson, 12.10.2018 kl. 11:37]

Tilfinningar stjórna konum en rökhyggja körlum.  Er það ekki sennileg skýring?  Með því er ég ekki að segja að konur séu verri stjórnendur bara að þær virðast oftar baka sér skaðabótaábyrgð með spontant ákvörðunum en karlar sem velja frekar að bregðast ekki við heldur en þurfa að svara fyrir rangar ákvarðanir. Just my 2 cent

[Valdimar Samúelsson, 12.10.2018 kl. 17:45]

Halldór Gott málefni og þarft og eins og Jóhannes segir þá ráða tilfinningar og reiði málum kvenna og í raun er það einhvað sem þarf að tala um. Alþingi sjálft logar í tilfinningamálum og röngum hugsanalausum ákvörðunum. 

Konur eru hópsálir eins og kemur fram með ýmsu móti og eitt dæmið er MeeeTooo fyrir utan að það myndast stór bara afþví bara samtök á móti Trump. 

[Halldór Jónsson, 12.10.2018 kl. 21:11]

verðum við ekki reknir Valdimar fyrir hatursorðræðu ef við vogum okkur...?

[Valdimar Samúelsson, 12.10.2018 kl. 23:01]

Halldór gleymdi mér kannski reyni e´g að laga það.

[Valdimar Samúelsson, 12.10.2018 kl. 23:09]

Halldór get ekki lagað né leiðrétt svo spurning hvort þú viljir fela þetta en ég fékk einusinni á baukin vegna komments annars. Það er orðið stórvarasamt að segja einhvað svona. :-)

[Halldór Jónsson, 14.10.2018 kl. 13:12]

Nei Valdimar, ég kann ekki að taka svona út. Þara að auki finnst mér þetta fínt hjá þér og þurfa að heyrast.