Veggjöld eða ekki?

Ómar Þ.Ragnarsson hefur hugsað umferðarmálin til enda.

Hann segir m.a. svo:

 

 

"Veifa menn því að lausnin á fjármögnunarvanda samgöngumannvirkja náist auðveldlega og einfalt með því láta allt skattfé af samgöngutækjum renna beint til samgöngumála. 

Gott og vel, en þetta er aðeins önnur hlið málsins og hálfsögð saga, því að með þessu yrðu bráðnauðsynleg verkefni ríkisins eins og heilbrigðismál, velferðarmál, mennta- og menningarmál o. s. frv. svipt tugum milljarða króna. 

Þeir, sem setja fram ofangreindar tillögur, verða að upplýsa, hvaðan eigi að fá þá miklu peninga, - tilgreina, hvaða nýja skattheimtu eigi þá að taka upp."

Þetta er nefnilega lóðið!

Veggjöld eða eitthvað annað?

Athugasemdir

[Kjartan Sigurgeirsson, 29.12.2018 kl. 11:28]

Eðlilegast er að skattar á akstur dekki allan kostnað samfélagsins af akstri, önnur fjármögnun hítarinnar fari fram með sköttum sem miðast við greiðslugetu, s.s. tekjuskattur og neysluskattur(Vsk.)

Þetta að nota tekjur af umferðinni til að fjármagna menntakerfi og niðurgreiðslu landbúnaðar afurða er jafn vitlaust og fjármögnun reksturs sveitarfélaga sé að miklu leiti með fasteignagjöldum, sem ekki taka á nokkurn hátt mið af greiðslugetu íbúanna.

[Ásgrímur Hartmannsson, 29.12.2018 kl. 12:48]

Ef þessir vitleysingar geta ekki rekið allt ríkiskerfið eins og það leggur sig fyrir *helminginn* af peningunum sem þeir fá, þá eru þeir vanhæfir með öllu og eiga að segja upp störfum eða verða grýttir ella.

Á hverju ári borgum við meira, en fáum minna.

[Halldór Jónsson, 29.12.2018 kl. 12:55]

Lítt hugsaðar  finnast mér þessar athugasemdir.

[Ásgrímur Hartmannsson, 29.12.2018 kl. 23:41]

Finnst þér þetta í alvöru boðlegt?

Eigum við að borga vegakerfið, sem við höfum þegar borgað *þrisvar* aftur, bara vegna þess að peningunum sem áttu að fara í heilbrigðis og menntakerfið hefur verið spanderað í einhverja vitleysu?

Já, við erum líka rukkuð þrisvar fyrir það.  Hvers vegna heldur þú að við séum að borga meira en 1/3 af laununum í þessa hít?  vegna þess að kerfið er vel rekið?

Kanntu annan?

[Halldór Egill Guðnason, 30.12.2018 kl. 00:16]

 Hættum að borga með menningu og listum. Ef enginn hefur áhuga á einhverri list, er hún ekki list og því síður menning. Það sem er vinsælt af sjálfu sér og ber sig sjálft uppi, er list og menning. Annað er ómerkilegt drasl og ekki nokkur ástæða til að borga með því.

 Hættum að moka undir utanríkisþjónustuna og bjúrókratið, í eilífðar eltingaleik sínum, við að þóknast erlendum reglugerðarbjálfum, sem hafa það eitt að markmiði að eignast auðlindir okkar.

 Hættum að hlusta á bjúrókratana, sem dag hvern telja okkur trú um að ef við fylgjum ekki regluverkinu hjá öðrum, munum við stikna í helvíti, eða verða Kúba norðursins.

 Mesta peningabruðlið, sem annars hefði mátt nota í uppbyggingu og viðhald innviða samfélagsins hefur verið sóað í áratugi, af valdasjúku fólki, sem hugsar aðeins um það eitt að halda sinni stöðu. Skítt með þá sem borga. Það má alltaf kreista agnarögn meir. 

 Kerfið þarf jú sitt, svo það geti áfram haldið að snúast um sig sjálft og viðhaldið sjálfu sér. Helst með hagnaði fyrir kerfið, allt á kostnað þeirra sem greiða jafnvel fimm sinnum fyrir sama hlutinn!

 Væru þetta almenn viðskipti, væri búið að skjóta kerfið!

 Góðar stundir, með kveðju að sunnan.

[GÍSLI HOLGERSSON - ICELAND (IP-tala skráð) 1.1.2019 kl. 21:20]

Gerum ekki ÍSLAND "leiðinlegt" með veggjöldum fyrir Íslendinga

Innheimtum í Hvalfjarðargöngum að nýju til öryggis fyrir umferðina.

Innheimtum tryggingargjald af erlendum ferðamönnum á leið til ÍSLANDS. Íslendingar greiða engin gjöld.

Þarna koma um 20 miljarðar fyrir vegakerfið.