Vaðlaheiðargöng eru afrek

og þjóðarstolt.

Hvernig okkar vösku verktakar unnu bug á yfirgengilegum erfiðleikum vatnsflóða og náðu að virkja áföllin til gagns fyrir íbúa nágrannabyggðanna.

Göngin fylla mig stolti að tilheyra þessari þjóð sem aldrei lætur bugast þó sundurlynd sé.

Þetta stælir mig í andstöðu við allar hugmyndir um hverslags fullveldisframsal með inngöngu Í tollabandalag með óskyldum þjóðum eins og ýmsir tala fyrir hvað varðar hið hlutfallslega smáa Evrópusamband meðan heimurinn bíður með útbreiddan faðminn til  þeirra sem þora að standa á sannfæringu sinni og gefast ekki upp fremur en verktakarnir í Vaðalsheiðargöngunum.

 

Gröfum göng, leggjum vegi og brúum fljót á 100 ára afmæli fullveldis Íslands og á 75 ára afmæli lýðveldisins,. Gerum Ísland betra en við fundum það fyrir og .

Til hamingju íslenska þjóð með Vaðlaheiðarafrekið. 

Athugasemdir

[Þorsteinn Siglaugsson, 12.1.2019 kl. 20:29]

Já, spillingin er stórkostleg og frábært að vera hluti af svona spilltri þjóð. Sannleikurinn aldrei sagna bestur, en lygin er það hins vegar. Lifi hin íslenska siðferðisvitund!

[Símon Pétur frá Hákoti (IP-tala skráð) 12.1.2019 kl. 20:57]

Sammála Halldór, en vil þó bæta við að einkaframkvæmd er jafn sjálfsögð og ríkisframkvæmd, en að sulla þessu tvennu saman þannig að úr verði einkaframkvæmd með ríkisábyrgð er ætíð gruggug leið, pilsfaldakapítalismi.

[Ómar Ragnarsson, 12.1.2019 kl. 22:39]

Efasemdir voru settar fram um lekahættu vegna Hvalfjarðarganga. Ekki hefði verið gæfulegt ef jafn "óvænt" vandamál hefðu komið upp þar. Þar vorum við heppin en hins vegar óheppin nyrðra.

[Helga Kristjánsdóttir, 12.1.2019 kl. 23:43]

 Það er auðvitað heppni að eiga hugmyndaríka verktaka sem hugnast ekki að sjá verðmæti fljóta að ósi engum til gagns. Þar er mannauðurinn hvað skírastur og við hin eldri þekkjum það svo vel., 

[Jón Valur Jensson, 13.1.2019 kl. 00:10]

Já, til hamingju, Halldór, Norðlendingar og Íslendingar allir, með að svo vel hafi á endanum tekizt til um Vaðlaheiðargöng, þótt drjúgur yrði kostnaðurinn að lokum. En mesta sögu segir það, hversu ánægt fólkið sjálft á svæðinu er með þessa þörfu og glæsilegu framkvæmd. Hættum nú að öfundast, fá ekki allir landsmenn einhverja ríkisstyrki hvort eð er?

[Halldór Egill Guðnason, 13.1.2019 kl. 02:27]

 Sannarlega mikið þrekvirki, nafni. Ekki síst í ljósi þeirra óteljandi vandamála sem urðu á vegi þeirra sem verkið unnu. Eins og þú bendir réttilega á, var hindrunum og fyrirstöðum breytt í hagkvæma kosti og hitinn nýttur, í stað þess að veita honum burt. Verkfræðilegt afrek á allan hátt, en kostaði sitt. Reynslan sem af þessari framkvæmd fæst, mun um ókomna tíð minnka skaðann við sambærileg verkefni. Pólitík, framúrkeyrsla og annað bíður betri tíma. Þar verður vonandi rætt saman á skynsamlegan hátt.

 Til hamingju allir, með þetta nýja mannvirki. Megi allir njóta sem lengst.

 Góðar stundir, með kveðju að sunnan.

[Halldór Jónsson, 13.1.2019 kl. 12:12]

Þú átt bara  bágt Þorsteinn að sjá allt svona svart. Reyndu að draga frá sálarglugganum og sjá sólskinið en ekki bara allt svart.

[Valdimar Samúelsson, 13.1.2019 kl. 12:58]

Halldór flott grein og umhugsunarverð, ég var einmitt að minnast á útreiðina sem verkfræðingar Kárahnjúka virkjun fengu eftir æðislegt afrek. Þeir voru útskúfaðir í beinni hjá RÚV og fleiri miðlum. Það var sorgleg stund fannst mér.

Já var einmitt að svara Gunnari Rögnvaldssyni en hann skreytti bloggið sitt með ..Wittchica Lineman.. með Glenn Campbell en það lýsir Glenn stolti manna sem framkvæma. Já sjá einhvað eftir sig.

Aðrir lasta allt sem er gert.  

[Sigurður Bjarklind (IP-tala skráð) 13.1.2019 kl. 14:40]

Þakka fallegan og jákvæðan pistil Halldór. Ég er fæddur og uppalinn í Reykjavík en hef búið á Akureyri í 43 ár. Ég er hvorki Reykvíkingur né Akureyringur heldur Íslendingur. Og ég gleðst með öllum landshlutum sem njóta samgöngubóta. Góðar samgöngur eru lífæðar landsins.