Er þetta svo flókið?

Launatafla Eflingar: 

Er það óyfirstíganlegt án verkfalla að breyta skilgreiningunum þannig að félagsmenn sem eru í lægstu flokkunum flytjist einfaldlega upp til flokka sem eru of lágir að bestu manna yfirsýn?

Er það ekki sanngirnisatriði að meta störfin upp á þennan hátt.

Kjarasamningurinn er vandað plagg og vel upp byggður. Er virkilega nauðsynlegt að blanda sósíalistapólitík Gunnars Smára Egilssonar og Sólveigar Önnu í þetta mál sem utanaðkomandi virðist ekki flókið að leysa?

Það eru sárindin vegna ósanngjarnra hækkana til ráðherra, embættismanna og bankastjóra sem sitja í láglaunafólkinu.Heimska og síngirni þessa fólks stendur í vegi fyrir sáttum. Elítan vill ekki láta neitt og gefur öllum almenningi langt nef. Vilja ráðherrar og þingmenn ekkert gefa eftir af kjararáðsúrskurðum? Bara þeir lægst settu geta ekki fengið neitt nema örfá prósent?

Af hverju er ekkert gert í bankasráðs-og bankastjóramálum ríkisins? Er svona mikill vandi að vera í þessum störfum. Ég fullyrði að þau eru ekki flóknari en svo að hver meðalsnotur maður getur gegnt þeim. Og ég tala ekki alveg reynsluslaust í þeim efnum.

 

Er þetta fyrirfólk okkar blint á allt sem heitir mannleg samskipti? Svöruðu spurningu Sólveigar í sjónvarpi um hvort að þeir gætu lifað á lágmarkslaununum neitandi. Hækka kaupið með fullum skattgreiðslum en ekki einhverju sértækum ráðstöfunum. leyfa öldruðum að vinna án skerðinga með fullum skattgreiðslum launa?

Þetta er ekki svo flókið ef ekki þarf að blanda pólitík og marxískum kenningum í málið.

Athugasemdir

[Eðvarð Lárus Árnason (IP-tala skráð) 22.2.2019 kl. 15:12]

Gæfuleysi þjóðar.  

Allt það ástand sem er að hellast yfir þjóðina er ekki gæfulegt.  Orsakavald þess gæfuleysis má  rekja til fjármálaráðherra landsins, Bjarna Ben. Hafði Bjarni ekki forgöngu um skipan kjaradómsins = og m.a. formann hans.Niðurstaða kjaradóms sem nú er orsakavaldur þess sem nú er að hellast yfir landið?

============

Hvað sagði formaður bankastjórnar Landsbankans.  Launahækkanir til bankastjóra eru í samræmi við eigandastefnu hans.  Hver á Landsbankann?  Þjóðin á 98% í bankanum. Eigandastefna er í höndum þess sem fer með 98% eignarhlutans þ.e. Bjarna Ben. Bjarni  þá sá sem hefur samþykkt hinar miklu launahækkanir til bankastjórans.

==============

Sjálfstæðisflokkurinn sem í eina tíð var mætur og merkilegur stjórnmálaflokkur en eins og honum er stýrt nú er hann þjóðhættulegur stjórnmálaflokkur.  Framundan fer þessi flokkur að leggja fram frumvarp frá EES um orkupakka 3.  Utanríkis og iðnaðarráðherrar stíga þetta ógæfu spor undir forystu formannsins.  Talið er að innleiðing orkupakka 3 muni skerða fullveldi Íslands mjög innan fárra ára.  Eins og kom fram hjá Styrmi Gunnarssyni eru sjálfstæðismenn  hollir leiðtoga sínum.  Bjarni Ben formaður og  þeir gönguliðar, sem eru flokkshollir formanni sínum leiða afgreiðslu, EES málsins sem á að knýja ísland til að innleiða  orkupakka 3.

=====================

Hin opinbera framkoma sjálfstæðisflokksins og formanns hans nú í aðdraganda upplausnar og verkfalla er óðum að hrinda hógværu fólki í faðm þess hörmungarafls sem flestir töldu út dautt,sósalista sem er að nú að rísa upp á Íslandi undir yfirstjórn leiðtogans ===== Gunnars Smára Egilssonar. Vöxtur hreyfingar undir stjórn  Gunnars Smára mun vaxa eins eins og fjóspúkinn. Hver er ástæðan?  Hún mun öll skrifast á sjálfstæðisflokkinn ásamt hinum flokkshollu gönguliðum formannsins, og opinberri framkomu  Bjarna Ben. í fjölmiðlum 

[Halldór Jónsson, 22.2.2019 kl. 16:39]

Það er þungt að þurfa að lesa svona texta eftir heiðbláan íhaldsmann eins og þig Eddi vinur.

Því miður er mikið til í þessu sem ég velti fyrir mér af hverjuj sé svona.

það er eins og það þýði ekkert að æmta né skræmta. Þessi flokksforysta talar mest við sjálfa sig en ekki grasrótina.

Styrmir segir að maður hafi heilsað sér í Valhöll með þeim orðum að samþykki flokkurinn 3. orkupakkanna hrynji flokkrinn.

Þinglíðinu virðist vera bara sama um þetta eða fylgið sem er orðð fast í portvínsstyrk  og segir að pakkinn skipti ekki máli þar sem enginn sæstrengur sé. 

En málið er að eftir ACER getum við ekki neitað að taka við sæstreng ef einhver leggur hann hingað. Það er alveg klárt því annað væri brot á samningnm..Þar með erum við komin inn á orkumarkaðssvæðið sem getur ekki þýtt annað en samkeppni um raforkuna.Vetnismál innanlands eru þar með í uppnámi