Konungsbók

eftir Arnald var ég að leggja frá mér.

Ég er nú yfirleitt ekki að lesa mikið bullusögur sem ég kalla allt annað en staðreyndabækur.En af því maður er lausbeislaður þessa daga þá datt ég í að lesa þetta í sólinni.

Satt að segja varð ég alveg klumsa yfir því hversu rosalega þekkingu höfundurinn hefur á fornbókmenntum alveg áður en hann fer að semja þessa ferlegu spennusögu sem fer víða um lönd og fléttast raunverulegum atburðum og persónum.

Ef þetta er ekki efni í spennumynd hjá Baltasar þá er ég illa svikinn. Ég fór svo að byrja að lesa Reykjavíkurnætur á eftir og finnst hún hundleiðinleg það sem af er í samanburði við Konungsbók sem líklega enginn leggur frá sér ókláraða.

Athugasemdir

[Jón Valur Jensson, 22.3.2019 kl. 19:02]

Konungsbók er snilldarverk eftir Arnald, ég hreifst mikið af henni, glæsilegur samsetningur.

[Húsari. (IP-tala skráð) 22.3.2019 kl. 19:24]

Sæll Halldór.

Svarthöfði (Indriði G.(Guðmundur)Þorsteinsson))
var frábær penni á sinni tíð svo Arnaldur á ekki
langt að sækja þessa gáfu sína.

Sá höfundur sem vekur mesta athygli mína
er hins vegar Auður Ava Ólafsdóttir.
Þar er mikið efni á ferð.

[Halldór Jónsson, 22.3.2019 kl. 20:33]

les lítið af bullusögum þannig að eg þekki hana ekki

[Húsari. (IP-tala skráð) 22.3.2019 kl. 22:03]

Sæll Halldór.

Er það nú ekki fulllangt gengið
að hrakyrða það sem þú kannast ekkert við!

Það er fleira til milli himins og jarðar
en Konungsbók Eddukvæða!

[Halldór Jónsson, 22.3.2019 kl. 22:21]

Já ég efasdt ekkert um það sem þú segir um þennan höfund. Ég var bara að segja að eg les sárasjaldan reyfara þannig að ég er menningarlaus á því sviði. ´g dáist aðþví fólki sem hefur þá hæfileika að gega samið sögur.

[Halldór Jónsson, 23.3.2019 kl. 14:35]

Reykjavíkurnætur endu nú bara með því að vera í lagi