Ekki gott Elías

minn Elíasson  finnst mér að lesa þig snúast í 3.orkupakkamálinu. Sópa til hliðar megininntaki hans um að koma á sameiginlegum markaði með orku.

 Ég skil ekki hvernig sú þjóð sem gerist aðili að markaðsstefnumáli um orku getur verið á móti því  að fara á þann markað með því að hafna tengingu við markaðinn? Mér finnast rök um að spilla ekki andrúmsloftinu í EES með höfnun léttvæg þegar engir kostir fylgja.Eru fleiri ástæður fyrir viðsnúningi þínum en við blasa á þessari stundu?

Ég fylgi ekki þeim stjórnmálamönnum sem greiða atkvæði með samþykktinni. Ég verð áfram á móti 3.orkupakkanum sem ekki góðum kosti þótt þú Elías minn Elíasson hafir snúist svona algerlega í málinu.

  . 

Athugasemdir

[Gunnar Rögnvaldsson, 26.3.2019 kl. 17:03]

"Ég skil ekki hvernig sú þjóð sem gerist aðili að markaðsstefnumáli um orku getur verið á móti því  að fara á þann markað með því að hafna tengingu við markaðinn?"

Þetta ætti að vera einkunnarorð landssölufélags Bakkabræðrafélagsins FÁ/BJÁN.

Halda þessir menn að fólk sé almennt fábjánar?

Tek undir með þér Halldór.

Kveðja

[Júlíus Valsson, 26.3.2019 kl. 17:40]

Elías Bjarni er ekki að snúast í málinu. Hann var að fagna lögunum um sæstreng en ekki 3. orkupakkanum.

[Júlíus Valsson, 26.3.2019 kl. 18:13]

Hann sagði það sjálfur á Facebook sínu varðandi gildi fyrirvaranna:

"Sú skoðun er óbreytt. Þetta er hinsvegar ekki fyrrirvari heldur íslensk lög. Þó þeim sé hægt að hnekkja með ýmsu móti, þá tryggja þau okkur annan umgang til að fella pakkana. Þetta er svo alvarlegt mál og stendur þannig, að þessu verðum við að taka og berjast svo áfram."

[Grímur Kjartansson (IP-tala skráð) 26.3.2019 kl. 20:18]

Ef næ mér í langa rafmagnssnúru í t.d BYKO og bæti við framlengingarsnúrum þanning að rafmagnsinnstunga í Neskaupstað verði aðgengileg í Brussel þá reikna ég fastlega með að lögfræðingar komist að þeirri niðurstöðu að ég sé búin að tengja raforkukerfi RARIK við guðina í Brussel

[Halldór Jónsson, 27.3.2019 kl. 00:35]

Takk Gunnar

[Kristinn Bjarnason (IP-tala skráð) 27.3.2019 kl. 11:22]

Það þarf nauðsynlega að aftengjast Evrópusambandinu.

[Halldór Jónsson, 27.3.2019 kl. 12:55]

Kollege Bjarni Jónsson skrifar svo sem ætti að vekja einhvern til umhugsunar:

"...Í umræddri fréttatilkynningu ráðuneytanna (UR, ANR) 22.03.2019 stendur: „Á sameiginlegum þing­flokks­fundi stjórnar­flokkanna 20. marz sl. var ákveðið að draga til baka umsókn um sæstrengs­verkefnið IceLink inn á fjórða PCI-listann (e. Projects of Common Interest). Hefur erindi þess efnis þegar verið sent.“ Núgildandi PCI-listi er nr 3, ekki nr 4, og gildir hann fram á árið 2020. 

...."Hvers vegna var ekki óskað eftir að fjarlægja „Ice-Link“ af núgildandi lista ? Það er vegna þess, að slík beiðni myndi engin áhrif hafa. Beiðni ríkis­stjórn­ar­innar er ekki einu sinni nægjanleg til að forðast, að „Ice-Link“ fari á nýja listann árið 2020. Þótt hann fari út af fjórða listanum, getur hann farið inn á fimmta listann 2022. Hvaða réttmætur hagsmuna­aðili sem er, getur óskað eftir því við ACER/ESB, að „Ice-Link“ eða t.d. „Ice-Ire“ (sæstrengur til Írlands) fari inn á PCI #4, t.d. raforku­fyrirtækið E´ON eða annar sæstrengs­fjárfestir. Þótt beiðni ríkis­stjórnar Íslands verði vafalaust vegin og metin, hefur hún ekki neitunar­vald um málið.
Það er ekki sopið kálið, þótt í ausuna sé komið, því að í Kerfisþróun­ar­áætlun ESB er gert ráð fyrir „Ice-Link“, og hann er einnig í samevrópskri heildaráætlun (energy corridors) fyrir orkuflutninga. Þar eru mörg samþykkt skjöl og formleg ferli, sem við eiga, svo að áhrif íslenzku ríkisstjórnarinnar eru takmörkuð. Þessi beiðni frá Íslandi dugar ekki endilega til að hindra, að strengurinn fari inn á PCI#4.

Hreinar línur:

Sú leið, sem ríkisstjórnin ætlar að fara í orkupakka­málinu, er ófær, af því að hún brýtur EES-samninginn og er þar með á skjön við Evrópurétt. Annaðhvort verður þingið að samþykkja Orkupakka #3, eins og hann kom frá Sameiginlegu EES-nefndinni, eða að hafna honum alfarið. Það er ekki hægt að samþykkja aðeins hluta af honum, en hafna eða fresta hinu. 
Afleiðingin af þessu er sú, að hagsmuna­aðilar, t.d. Vattenfall í Svíþjóð, geta kært ólögmætan gjörning Alþingis (að Evrópurétti) fyrir ESA, og þá mun þessi innleiðing hrynja, eins og spilaborg, og eftir mun standa í íslenzkri löggjöf Þriðji orkumarkaðs­laga­bálkurinn án nokkurrar undantekningar, þ.á.m. sá hluti hans, sem 2 af 4 lagalegum ráðgjöfum utanríkis­ráðu­neytisins töldu brjóta í bága við Stjórnarskrá Íslands. 
Þar með virðist einnig myndast grundvöllur fyrir málshöfðun á hendur ríkinu fyrir íslenzkum dómstólum fyrir stjórnar­skrárbrot.

Bjarni Jónsson rafmagnsverkfræðingur."