Af hverju getum við þetta ekki?

í stað þess að spilla landinu okkar með sorpurðun?

 

 

 

 

 

 

 

https://www.a-r-c.dk/amager-bakke.

Þetta er alveg stórkostlegt mannvirki sem dugar öllu Íslandi. Framleiðir 63 MW. af rafmagni og/eða247 MW.af hitaorku. Höfum við efni á að jarða þessa orku til einskis gagns? 

Af hverju byggjum við ekki svona í stað þess að gæla við einhvern þjóðarsjóð sem á að grípa til í einhverri kreppu framtíðar? Við erum í sorpherkví Íslendingar. 

Af hverju getum við ekki afritað þetta mannvirki?

 

Athugasemdir

[Helga Kristjánsdóttir, 23.7.2019 kl. 16:26]

Dettur í hug teprulegt "ojbjakk" sem ratar beint í allra vasa; Ekki mína.

[Þorsteinn Siglaugsson, 23.7.2019 kl. 21:05]

Þetta virðist vera snjöll lausn. Væri áhugavert að vita hversu mikla orku væri hægt að framleiða með svona græju, t.d. á höfuðborgarsvæðinu, og hvað myndi kostað að byggja og reka hana.

[Ómar Ragnarsson, 23.7.2019 kl. 22:44]

Ef þetta er fyrir hálfa aðra milljón manns, er ekki víst að við ráðum við það. 

En það má áreiðanlega gera vasaútgáfu af þessu sem hentar okkur. 

[Halldór Jónsson, 24.7.2019 kl. 09:45]

Ég hef ekki fengið tölur um hvað þetta notar mikla orku til að kveikja upp og hækka hitann í ruslinu en það er áreiðanleg eitthvað. 

En Ómar, þú ert áreiðanlega með fingurinn á púlsinum.

Þorsteinn, þetta framleiðir 63 MW af rafmagni og 247 MW af hitaorku segja þeir.

Helga, ég skil þig ekki alveg. Viltu halda áfram að urða sorpið?

[Þrándur Ólafsson (IP-tala skráð) 24.7.2019 kl. 10:02]

Við höfum ekkert að gera við varmaorkuna, hún kemur yfirleitt upp úr borholum (~92% með hitaveitu*), þannig að eftir stendur spurningin hvort stofnkostnaður 63 MW rafmagns réttlæti fjárfestinguna. Af stærðarhlutföllum trjáa á myndinni að dæma er það mér til efs.

*Sk. köld svæði eru ekki með hitaveitu. Helstu þéttbýlisstaðir þar eru á Austfjörðum, Vestfjörðum og í Vestmannaeyjum.  Ef ég man rétt er búið að reyna sorpbrennslukyndingu á amk. Ísafirði og Kirkjubæjarklaustri en mig minnir að báðum hafi verið lokað. Nb. þar var ekkert verið að tengja rafmagnsframleiðslu við hitaframleiðslu.

[Halldór Jónsson, 24.7.2019 kl. 11:41]

Víst höfum við við hana að gera í stað þess að jarða hana. Þetta er allt önnur brennslutækni heldur en fyrri díoxínbrennslur

[GÍSLI HOLGERSSON - ICELAND (IP-tala skráð) 24.7.2019 kl. 20:15]

Við eigum óbyggðar fallegar og ljótar eyjur allt í kringum Landið okkar.  

Auðvelt væri að byggja RAFORKUVER á sumum þessara eyja og nota aðfallið og útfallið til að framleiða rafmagn.  Þarna eru stór pökkunarsvæði.

Þetta væri gott verkefni fyrir Marel h/f í Garðabæ.