Sólsveifla 25

er að hefjast. Ef hún líkist nr.14 þá er ekki að vita nema að kólni verulega á næsta áratug. Ég vona sannarlega ekki þó gaman sé að segja:I told you so.

En að segja að CO2 í andrúmslofti sem hefur aðeins aukist um örsmæðarbrot, er nún 401 hluti af milljón í andrúmsloftinu, ráði hlýnun eru ekki trúverðug vísindi. Vita menn ekkert um mátt sólarinnar og hegðun hennar?

Tíminn leiðir þetta í ljós því að Kínverjar blása út CO2 sem aldrei fyrr og munu auka útblásturinn til 2030 segja þeir. Eftir það skuli þeir skoða málið. En þeir byggja eitt kolakynt raforkuver í mánuði sem hvert eitt mengar meira en Ísland. 

Íslendingar framleiða 0.04 % af rafmagni heimsins, einhver 2.8 Gw af 7,000 slíkum. Mest af því er framleitt með kolum sem breytast talsvert í CO2 við bruna.

Íslensk fífl halda að þeir ráði eitthvað við hlýnun andrúmsloftsins með því að skattleggja okkar fátæka fólk og pumpa CO2 úr hellisheiðarvirkjun niður í jörðina fyrir 3.500 kr/tonnið meðan virkjunin blæs svo miklu af brennisteinssýru út í loftið að hún er búin að eyðileggja öll háspennumöstur til Hveragerðis og Guð einn veit hvernig lungun í Hvergerðingum líta út núna og hvort þeir fái engar afleiðingar af þessum umhverfissóðaskap Dags B. Eggertssonar og hans kommasafni í Borgarstjórn Reykjavíkur. Auk þess bila raftæki mun  meira í Grafarvogi en í Vesturbæ. 

Sólsveifla 25 er að hefjast og nær hámarki um miðjan næsta áratug þannig að einhver gæti talið skynsamlegt að bíða ögn með fjárútlát vegna hlýnunar af mannavöldum.

Athugasemdir

[Hörður Þormar (IP-tala skráð) 20.8.2019 kl. 19:33]

Hér er kafli úr merkum fyrirlestri sem danski jöklafræðingurinn, Jörgen Peder Steffensen, hélt fyrir u.þ.b.einum áratug um rannsóknir sínar á Grænlandsjökli og Suðurskautinu og skoðanir hans á loftslagsbreytingum :                2011 okt 4_Science & Cocktails_Jørgen Peder Steffensen3               

[Vagn (IP-tala skráð) 21.8.2019 kl. 02:52]

50% aukning CO2 frá iðnbyltingu er ekki örsmæðarbrot.

Það hefur ekki kólnað við síðustu 10 sólarsveiflur. Hvers vegna ætti að kólna við þá elleftu þegar stöðugt hefur hitnað við hinar 10? Árin eftir 1980 hefðu átt að vera köldustu áratugir ævi þinnar. Gallinn við sólarsveiflukenninguna, fyrir utan það að hafa verið afsönnuð strax og hún kom fram, er að hundsa verður allar mælingar á hita svo hún gangi upp.

[Húsari. (IP-tala skráð) 21.8.2019 kl. 12:08]

Sæll Halldór.

Fyrirbrigði það sem þú nefnir "Sólsveifla 25"
hefur fram að þessu gengið undir heitinu sólstormar
og einnig Sólblettasveifla.

Hún tekur yfir 11 ár.

Á fyrri tíð þá menn kunnu enn að gleðjast
yfir heiminum þá var það eitthvert mesta gaman
að telja upp undur flest sem gerst gætu við sólbletti
og allt illt til þeirra rakið.

Þetta er venjubundið ferli og hefur fáa drepið hingað til
en fátt er svo með öllu illt að þetta geti ekki verið
ígildi skattstofns eins og þú sjálfur ýjar að!

En að öðru leyti er þetta hættulaust með öllu og
bölsýnismenn og heimshryggðar verða að finna sér annað til.