Fríverslun við Bandaríkin

virðist vera möguleg undir framsýnni stjórn Trumps Bandaríkjaforseta sem gerir sér betur ljóst en forverar hans hversu þýðingarmikill bandamaður Ísland getir verið Bandaríkjunum.

Í ræðu Matthíasar Bjarnasonar ráðherra á Alþingi 13.03.1983 komu upplýsingar um tolla fram.  En Matthías var sem kunnugt er  í Sjálfstæðisflokknum þar til flokkurinn gekk úr Matthíasi síðar, eins og gerst hefur víst nú hugsanlega aftur hjá einhverjum með (fasískri?) ofbeldisafgreiðslu þingflokksins á 3. Orkupakkanum í trássi við vilja almennra Sjálfstæðismanna.

Í ræðunni kom eftirfarandi fram:

"Athugun á útflutningi okkar til Bandaríkjanna sýnir að helstu útflutningsvörur okkar eru að mestu tollfrjálsar í Bandaríkjunum.

Þannig er enginn tollur á frystri fiskblokk, frystri rækju, frystum humri, frystum hörpudiski, þorskalýsi og niðursoðinni reyktri síld. Heilfrystur og ísaður fiskur er tollfrjáls nema karfi, 0,5 senta tollur er lagður á pundið.

Tollur á frystum flökum er 1,875 sent á pund fyrir fyrstu 15 millj. pundin og mun sá tollur gilda um allt innflutningsmagnið frá og með árinu 1987.

Þessi magntollur svarar því til 1,25% verðtolls.

Hins vegar eru tollar á ullarvörum 15-20% ásamt magngjaldi, 2-31 sent á pundið.

Tollur á ullarlopa og ullarbandi er sem næst 9%.

Ekki verður séð að tollar séu sérstakur Þrándur í götu aukinna viðskipta við Bandaríkin. Einna helst er bent á að allháir tollar séu á ullarvörum í Bandaríkjunum, en útflutningur íslenskra ullarvara til Bandaríkjanna hefur verið hverfandi lítill í samanburði við heildarútflutninginn eða innan við 5% að undanförnu.

Þá hefur verið bent á að allháir tollar séu á unnum fiskafurðum. Af þeim sökum hefur hins vegar verið byggt upp mjög öflugt fiskvinnslu- og fisksölukerfi á vegum Sölusambands hraðfrystihúsanna og Sambands ísl. samvinnufélaga eins og öllum hér er kunnugt."

Öllu þessu hefur nú verið glutrað niður og allt sölu-og vinnslukerfið sem var svo blómlegt í USA eyðilagt. Var ekki vörumerkið Icelandic líka selt? Auðvitað ráða hér viðskiptahagsmunir miklu, því styttra er til Evrópu en USA.

En hvernig sem allt er þá ætti fríverslunarsamningur við Bandaríkin að vera Íslandi mikilvægir. Til dæmis munu  bandarískir bílar vera  gerðir hér dýrari vegna þvingunaraðgerða ESB og á fleiri sviðum þar sem sérreglur ættaðar frá eru hér íþyngjandi. Allt slíkt myndi að sjálfsögðu hverfa með fríverslunarsamningi við Bandaríkin. 

Athugasemdir

[Tómas Ibsen Halldórsson, 24.9.2019 kl. 16:31]

Ég er sammála þér Halldór að við eigum að gera fríverslunarsamning við Bandaríkin og eigum að stefna að góðum samskiptum við þá. Evrópusambandið er í kröggum og ættum við að passa okkur á því að verða ekki fastir í klóm þeirra sem þar ráða ríkjum.

[Vagn (IP-tala skráð) 24.9.2019 kl. 21:55]

Óheftur innflutningur Bandarískra landbúnaðarafurða hefur helst staðið í vegi fyrir samningum. En það hefur ætíð verið ófrávíkjanleg krafa Bandaríkjamanna.

Fríverslunarsamningur við Bandaríkin afnemur engar reglur sem hvíla á vörum seldum á Íslandi. Áfram munu allar vörur hér seldar þurfa að uppfylla þá staðla sem hér gilda, eins og CE merkingar, magntölur í metrakerfinu, efnainnihald og innihaldslýsingar á Íslensku. Klórþvegnu kjúklingaleggir Bandaríkjamanna og hormónahamborgarar þurfa meira en fríverslunarsamning til að enda á Íslenskum borðum.

Hvað möppudýrin í stjórn Trumps segja og hvað Trump gerir eru ólíkir hlutir. Trump er upptekinn við að rústa öllum fríverslunarsamningum og hefur augljóslega ekki trú á fríverslunarsamningum.

[GÍSLI HOLGERSSON - ICELAND (IP-tala skráð) 25.9.2019 kl. 01:04]

Gamla Evrópa dróg til sín miljónir ferðamanna. Gamla Evrópa var stórkostleg og ÖRUGG og ferðamenn ferðuðust með vegabréf. Tugmilljóna Fjölmenning hefur yfirtekið "stjórnlausa" Evrópu.

Það sama er að gerast á fámennu ÍSLANDI?.

Losum okkur við allt stjórnleysi ESB og tryggjum okkur með vegabréfum lögreglu og tollgæslu. Ég treysti björgunarsveit-inni betur en evrópuhernum.

Ég er sammála mörgum, sem vilja treysta ÖLL bönd og viðskipti með Leiðtoga TRUMP í AMERIKU. Samningsstaðurinn er á ÞINGVÖLLUM og á KEFLAVÍKURFLUGVELLI.