Þjófagóss?

en ekki ríkiseignir? Eru bankarnir ríkiseignir en ekki bara þjófagóss sem var stolið af eigendum sínum án þeirra löggerninga sem ná yfir gjaldþrot?

Ég var hluthafi í Landsbankanum.Hann átti hús í miðbænum með viðarinnréttingum og málverkum á veggjum. Hver á þetta núna og hvernig fékk sá eigandi þetta til sín? Ég á víst ekkert í þessu lengur eftir að Steingrímur Jóhann fullfjármagnaði hann eins og hann sagði án þess að tiltaka nánar hvernig hann gerði það.

Fór Landsbankinn í gegn um lögbundið gjaldþrotaferli þar sem eigur eru seldar og búinu skipt upp milli kröfuhafa? Ég varð ekki var við það heldur allt í einu á og ræður fjármálaráðherra þessum banka og öllum hans eigum. Sama gildir um hina bankana. 

Einhver kona út í bæ er orðin forstjóri Landsbankans. Þessi banki er núna orðinn svo ríkur að hann er að byggja milljarða höll yfir þessa konu á dýrasta stað í Reykjavík.

Björgólfur Thor er með ríkustu mönnum heims og pabbi hans við bestu heilsu. Ég fékk ekki neitt nema fékk að borga allt upp í topp og fékk ekkert afskrifað né heldur fékk ég að flytja skuldirnar yfir í einkahlutafélag sem fór svo á hausinn. 

Ég átti líka í Kaupþingi og Glitni. Allt farið og ég á ekki neitt þó allar gömlu eignirnar séu á sínum stað. Nú á að finna nýja Björgólfa, Jóna Ásgeira og Ólavíusa til að einkavæða þetta allt aftur. Stofna svo þjóðarsjóð með eigum Landsvirkjunar held ég sem þeir fá svo að stýra?

Hver á þessa banka? Þó ekki þjóðin er það? Er einhver von til þess að þjóðin fái sendan einhvern hlut í þessum gersimum? Var  ekki Sjálfstæðisflokkurinn einhvern tímann með hugmyndir um að þjóðin gæti átt einhverja hluti í þjóðareignum eins og fiskinum í sjónum eða orku fallvatnanna? Hver á þetta allt núna? Ekki ég.

Hver á annars bankana? Símann og Sjóvá? 

Eða er þetta kannski bara ekki allt saman þjófagóss?

 

Athugasemdir

[Símon Pétur frá Hákoti (IP-tala skráð) 29.9.2019 kl. 19:29]

Ég átti einnig hluti í Landsbankanum.

Og einnig í Kaupþingi.

Aldrei bað ég hins vegar um að verða hluthafi 

í Exista þeirra Bakkabræðra

og heldur ekki í Rauðsól Jóns Ásgeirs,

þó ég hefði einhvern tíma keypt smá í Íslandssíma sem Jón sölsaði undir sig og tók nokkra snúninga á og hviss bang, þar með hvarf það sem ég átti í Íslandssíma.  Svipað var með Exista sem Rauðsól.

Þetta er allt saman þjófagóss nú, en þökkum samt Halldór minn, að formaður Sjálfstæðisflokksins og formaður Viðreisnar fengu sinn hlut, þökk sé helferðarhjúum þeirra, Steingrími J. og Jóhönnu Sigurðardóttur.

[Halldór Jónsson, 2.10.2019 kl. 22:13]

Já formaður Viðreisnar vissi alveg hvernig maður átti að sleppa við óþægindin sem við gengum í gegn um Símon minn Pétur frá Hákoti