Styrmir lætur blekkjast

 

og gengur í grátkórinn yfir óléttu konunni:

Hann segir:

"Sagan endurtekur sig aftur og aftur. Almennum borgurum misbýður hvernig opinberar stofnanir standa að brottvísun fólks, sem hér hefur leitað sér skjóls. Forstöðumenn þeirra stofnana koma fram og útskýra að öllum svonefndum verklagsreglum hafi verið fylgt.

Hver eða hverjir ætli setji þær?

Og ef í ljós koma augljós göt á verklagsreglum er lofað samtölum um að bæta þar úr.

En það er jafn víst og nokkuð getur verið að mál hinnar barnshafandi albönsku konu, sem vakið hefur reiði meðal almennings verður ekki hið síðasta sinnar tegundar.

Það er eitthvað stórkostlega mikið að í rekstri íslenzka stjórnkerfisins á mörgum sviðum þess.

Hvernig væri nú að ríkisstjórnin sjálf horfist í augu við þann vanda, sem ráðherrar þekkja áreiðanlega betur en allir aðrir og hefji róttæka endurhæfingu þess kerfis, sem snýr m.a. að því hvernig það upplifir sjálft sig.

Stjórnkerfi okkar þarf augljóslega að læra upp á nýtt að því er ætlað að veita þjónustu.

Völdin eru annars staðar - hjá Alþingi."

Ég held að Styrmir fari núna miklu offari og láti stjórnast af tilfinningum en ekki venjulegri rökhyggju.

Ég held því fram að fólki hafi líkað betur heldur en verr að konan var flutt úr landi. Dekrið við hælisleiðendurna er löngu gengið fram af fólki.

Þetta lið kemur  hingað ekki í neinum göfugum tilgangi, það er miklu fremur að leita að betra lífi en það sem það er að fara frá og gerir sér upp vesaldóm til að kría út samúð hjá fólki sem að óathuguðu máli lætur blekkjast.

Þessi kona ætlaði sér augljóslega að fæða barnið sitt hér á landi og skapa því þannig ríkisborgararétt og henni þá líka og skylduliði.

Eigum við að bjóða allar óléttar konur velkomnar hingað? Það er sjálfsagt stefna NoBorders og Sororsar en það er ekki mín stefna, sem vil fara sparlega með veitingu ríkisborgararéttar vegna þess að hann er takmörkuð auðlind og ber að fara með á sjálfbæran hátt sem önnur gæði landsins.

Þó að Styrmir láti blekkjast þá geri ég það ekki.

Athugasemdir

[Símon Pétur frá Hákoti (IP-tala skráð) 6.11.2019 kl. 09:42]

Algjörlega sammála þér Halldór.

Styrmir virðist hallur undir Sorosar kratisma

en við erum þjóðlegir íhaldsmenn.

Það er jafn augljóst og að sú albanska flaug hingað beinlínis til að fæða hér, gengin þá 32 vikur með. 

Styrmir er farinn að valda mér ítrekuðum vonbrigðum. 

[Jón (IP-tala skráð) 6.11.2019 kl. 11:27]

"Þessi kona ætlaði sér augljóslega að fæða barnið sitt hér á landi og skapa því þannig ríkisborgararétt og henni þá líka og skylduliði" segir þú.

Þú ert orðinn allt of ameríkaníseraður. Þetta gildir kannski í Ameríku en alls ekki hér. Ég þykist muna að börnum fæddum hér hafi verið vísað úr landi með foreldrum sínum.

[Símon Pétur frá Hákoti (IP-tala skráð) 6.11.2019 kl. 12:16]

Hvers konar kjaftæði er þetta í þér Jón.

Konan kom hingað af markvissum Sorosar ástæðum.

Heldurðu virkilega að hún geti ekki fætt heima hjá sér, hvað var hún að fljúga norður í dumbshaf gengin 32 vikur?  Viss um að konugreyið var nörruð til þess af freka góða fólkinu sem græðir vel á þessum fíflagangi meðan það kreistir fram tárin og ber sér á brjóst í tilgerð sinni og skinhelgi.

Það er leitt að Styrmir falli fyrir þessu skúespili freka góða fólksins, örfáum frekjudollum hér á landi í open borders klúbbi gerðum út af Soros. 

[GÍSLI HOLGERSSON - ICELAND (IP-tala skráð) 6.11.2019 kl. 18:02]

ÍSLAND er auðvelt fyrir hælisleitendur og flóttafólk, sem tengjast íslenskum og erlendum "vinum". Tíminn líður og menn verða að snúa heim!. Þeir eru dæmdir frá landinu og sóttir AFTUR á kostnað ríkisins. Eru ekki landamæri ÍSLANDS ennþá við MIÐJARÐARHAFIÐ gegnum SCHENGEN og ESB?. Er "litla" ÍSLAND og ALÞINGI ENN að Grobbast við ALHEIM.

ÍSLAND er of heilagt og fámennt fyrir slík samskipti ALÞINGIS.

Eigum ÍSLAND sjálfir og tökum eigin ákvarðanir í ÖLLU. Við erum í fyrsta flokki. Sameinumst í einum stórflokki við næstu kosningar fyrir Landið OKKAR.