Af hverju að bjarga?

fyrirtækjum úr þroti?

Þegar ég var ungur fóru þeir á hausinn sem áttu ekki fyrir skuldum. Nema svokölluð samvinnufyrirtæki, kaupfélög,kölluð Sambandsfyrirtæki þar sem eigendurnir stjórnuðu bönkunum. Aðallega  tengd Framsóknarflokknum minnir mig.

Kvöldúlfur fór svoleiðis á hausinn fyrir stríð að það varð að bíða með uppgjörið í hálfa öld til þess að krónurnar yrðu nógu lítilsvirði.

Til hvers eiga skattgreiðendur að borga hóteleigendum sem byggðu herbergi sem erlendir túristar áttu að leigja?

Eigum við að leigja þessi tómu herbergi? Af hverju ekki bara á hausinn með þetta lið?

Rútufyrirtæki sem skulda rútur sem enginn fer upp í. Af hverju eigum við að borga fyrir ákvarðanir sem aðrir tóku án þess að spyrja okkur? Mega þau ekki bara fara á hausinn?

Af hverju eigum  að borga einhverjum fréttamiðlum, sem kalla sig einkarekna fjölmiðla, sem við báðum aldrei um að stofnsetja?

Borga Sósíalistaflokki Egilsson bræðra fyrir að skrifa það sem þeim hentar og enginn hefur beðið þá um að gera? Fréttablaðinu, Mannlífi, Kópavogspóstinum?

70% atvinnuleysi í ferðamannabæjum af því að skuldugur ferðamannapekúlant og hótelbyggjari getur ekki borgað kaup ?

Hvort á fólkið að fá peninga fyrir mat eða bjartsýniofósinn aura fyrir bankaskuldum?

Er ekki réttara að fæða fólkið heldur en að ausa skattfé í spekúlanta í einhverjum fyrirtækjum?

Hvað liggur á að steypa ofan á ElGrillo núna?

Er núna rétti tíminn til að tala um nauðsyn nýsköpunar- og sprotafyrirækja fyrir opinbert fé?

Áttum við ekki að borga erlendar skuldir óreiðumanna á Icesave tímanum? Annars yrðum við Kúba Norðursins samkvæmt ísköldu mati?

Verðum við ekki að draga línu milli fólks og fyrirtækja? Það verðúr alltaf til fólk sem vill fara í rekstur og græða. Byggingarnar fara ekkert. Ef gróðinn kemur ekki þá er tap og þá fara fyrirtæki á hausinn.

En fólkið verður að fá mat og húsaskjól.

Frestum frekar afborgunum af lánum í eitt ár og frystum verðbótaþáttinn þangað til.

Heldur drepum við fiskinn heldur en fólkið er setning sem á við núna.

Af hverju að bjarga spekúlöntum? 

 

 

 

Athugasemdir

[Vagn (IP-tala skráð) 18.4.2020 kl. 22:18]

Fólkið verður að fá mat og húsaskjól eins og fyrirtækin rekstrarfé og fyrirgreiðslu. Af hverju að bjarga spekúlöntum sem veðjuðu á að halda vinnu, geta eignast húsnæði og fætt sig? Af hverju eiga skattgreiðendur að bjarga lántakendum, bótaþegum og vinnuveitendum? Til hvers eiga fyrirtækin að standa með ríkinu í taprekstri með mannskap sem ekki er þörf á fyrir peninga skattgreiðenda? Til hvers eiga skattgreiðendur að borga laun og bætur til fólks sem ekkert hefur að gera og engu skilar til þjóðfélagsins?

Hvers vegna ekki að gera eins og í hruninu? Selja atvinnutæki fyrirtækja í fjárkröggum úr landi. Losa okkur við fasteignir, hótel og fyrirtæki til erlendra banka og vogunarsjóða. Selja ríkisbankana erlendum fjárfestum, enda innkoman engin og tap á þeim þessa dagana. Verjum almenning fyrir óþarfa skattlagningu, borgum ekki fyrir óreiðufólk og fyrirtæki í erfiðleikum.

Þarf ekki hver að sjá um sig og hætta að seilast í vasa skattgreiðenda, bótakerfi og björgunarpakka?

Af hverju að bjarga gagnslausu fólki og gagnslausum fyrirtækjum?

Fiskurinn vex og verður verðmætari, gagnslausa fólkið ekki.

Af hverju er gagnslausasta fólkið ákafast í að ríkið spari og hjálpi helst engum....nema þeim?

[Jónas Gunnlaugsson, 18.4.2020 kl. 23:00]

Sett á blog:  Halldór Jónsson

Af hverju að bjarga?

Ef fyrirtæki fór á hausinn, þá hirti bankaeigandinn allt saman. 

Við vitum nú að banki lánar aldrei neitt, skrifar aðeins tölurnar sem lán inn á bankareikning lántakans. 

Bankinn heldur aðeins bókhald fyrir okkur.

Maðurinn með hugmyndirnar, er nytsamur og getur gert gagn.

Bankinn sem slíkur á aldrei að fá neitt, ef tekst að setja eitthvað á hausinn.  

Ef banki fær allt ef allt fer á hausinn, þá setur bankinn allt á hausinn á svona fimm til fimmtán ára fresti. 

Þá græðir eigandinn, hann vill fá gróða. 

Flárfestar vilja fá gróða.

Einfalt. 

Allt sem fer á hausinn fari, falli til baka í sameiginlegan sjóð, bókhaldssjóðinn. 

Þá verður allt greitt út úr félaginu,og það þarf að skoða. 

Oft  sýnist að ef þessi leið dugar ekki til að mata krókinn, þá er önnur fundin ef reglunum er breytt. Og við finnum lausn á því

000

Alltaf þegar til er flókið kerfi eins og orkumarkað urinn þá á fólk eftir að pota í það og sjá hvað virkar. Ég lifði samkvæmt þessu: Ef maður stjórnaði ekki markaðnum með brögðum, þegar maður hafði aðgang að vélabrögðum, þá var öskrað á mann.“

17.4.2019 | 09:29

000

Egilsstaðir, 18.04.2020  Jónas Gunnlaugsson

[Þorsteinn Siglaugsson, 18.4.2020 kl. 23:35]

Það sem er að gerast núna er að ríkið, ekki bara íslenska ríkið heldur ríkisstjórnir um allan heim, er að setja efnahagslífið á hliðina. Lausnin er ekki að bjarga fyrirtækjum heldur að bakka út úr vitleysunni.

[Sigurður Kristján Hjaltested, 19.4.2020 kl. 18:46]

Það er nú bara þannig Halldór, að

pólitíkinn sér um sína.

Hagsmunir almennngs skipta engvu máli.

Nægir að benda á Engeyjarættina sem fékk

136 milljarða afskrifaða. Ekkert mál.

Einnig kúlulána drottninguna í Viðreisn.

Aðeins 2 milljarðar afskrifaðir á hægri 7.

Brosir aldrei sem fyrr, enda í Viðreisn.

Er samt alveg sammál þér í flestu af því

sem þú telur upp.

Auðvitað eiga flest af þessum fyritækjum

að fara á hausinn. Sérstaklega þeir sem

voru í rútubíla og hótel kjaftæðinu.

M.b.kv.

[GÍSLI HOLGERSSON - ICELAND (IP-tala skráð) 19.4.2020 kl. 20:27]

Sagan er sorgleg hjá gististöðum á Landinu öllu. Ég vorkenni síður dýrum Hótelum í eigu ríkra.

Getum við einfaldað hlutina?

INNHEIMTUM allan kostnað við dvölina á ÍSLANDI með einu gjaldi þegar farmiðinn er SELDUR erlendis. Losum gistihúsin og hótelin við allt vafstur með peninga og skil til Ríkisins.

Sólarhringsgjald kr.7þúsund. er sanngjarnt gjald á ÖRUGGA,FALLEGA Landinu okkar. BURT með "kodda og gistigjöld"?.

LOKA og VERJA skal gististaði og hótelin fyrir allri innheimtu BANKA og RÍKISINS næstu 6 mánuði. 

Það verður sprenging, þegar ALLT fer í gang að nýju.