Skýrist eitthvað?

varðandi Borgarlínuna þegar slíkt apparat er tekið til starfa í Kóngsins Kaupmannahöfn.

Þarna eru komnar fallegar hjólahlífar fyrir afturdekkin sem er til mikillar prýði. Þessir vagnar fara á eigið spor til að hleypa fólki inn og út.

En hvernig er borgað fargjald? Verða "Schaffners" með aurabox sem rukka eins og í Stuttgart þegar ég var ungur? 2 eða 4 á ferðinni í vagninum að rukka? Það verður að vera jafnræði kynja svo að oddatala er útilokuð. Nei Atvinnuskapandi framkvæmd verður þetta óneitanlega.Tvöfalt lengri strætó með 5 manna áhöfn í stað eins núna.

Hlutfall almenningssamgangna er búið að dingla hjá okkur um 4 % í áratug.

Einkabíllinn flytur þannig yfir 90 % fólksins milli staða.

Vísitölufjölskyldan þarf eiginlega tvo bíla til að ráða við lífsstílinn með skutlinu og vinnunni því ekki eru margar húsmæður heimavinnandi lengur. Og táningurinn þarf svo líka bíl í skólann.

Hversvegna er tími mislægra gatnamóta í Reykjavík liðinn að mati Dags B. Eggertssonar Borgarstjóra?

Svo á að leggja járnbrautarlest meira og minna í undirgöngum til Keflavíkur af því að meirihlutinn vill flytja Reykjavíkurflugvöll til Keflavíkur.

Kaupmannahöfn er fimm sinnum stærri en Reykjavík. Þess vegna skal hún vera fyrirmynd okkar í einu og öllu. Reiðhjólum sem og Borgarlínu og járnbrautarlagningum út á flugvöll.

Þetta er allt að skýrast eða hvað?