Talna Bensi

skrifar enn eina greinina í Morgunblað helgarinnar mér til skapraunar. Þar kemur hans pólitíska lífssýn fram:

"Ísland þarf framsækna ríkisstjórn, stjórn sem vill að þjóðin öll njóti afraksturs af sameiginlegum auðlindum, gerir Ísland að virkum þátttakanda í alþjóðastarfi og hverfur frá einangrunarhyggju, tryggir öllum landsmönnum jafnan atkvæðisrétt, beitir sér fyrir lægra matvælaverði og stöðugum gjaldmiðli. Þjóðin þarf stjórn sem berst gegn veirum og óværum. Benedikt Jóhannesson Pistill Ósýnilegi óvinurinn Höfundur er stærðfræðingur og stofnandi Viðreisnar

Dettur einhverjum í hug að Benedikt þessi myndi færa farsæld yfir þjóðina með inngöngu í ESB og upptöku EVRUNNAR? Sjá ekki allir hvernig komið er fyrir minni ríkjunum í Evrópusambandi? Var ekki verið að leggja þau frekar í álög skulda og fátæktar sem efnahagsþrælar Þýskalands? Var ekki búið að leggja nóg á Grikkland, Spán og Ítalíu? Heldur einhver að vegur Íslands yrði greiðari með Benedikt þennan sem bjúrókrat í Brüssel á "samráðsvettvangi"  hinna smáu í ESB?

Vonum af öllu hjarta að þessi stærðfræðingur og glóbalisti og fullveldisfjandi Íslands, sem ég uppnefni gjarnan Talna Bensa vegna ritsins sem hann gaf út á sínum tíma, komi aldrei aftur til áhrifa í íslenskum stjórnmálum þar sem við erum reynslunni ríkari af flokki hans og ráðleysi frá 2017 þegar Skjóni sprengdi stjórnina sem betur fór.

Athugasemdir

[Þorsteinn Siglaugsson, 26.7.2020 kl. 21:59]

Af hverju ertu á móti því að þjóðin njóti góðs af sameiginlegum auðlindum, hafi jafnan atkvæðisrétt, stöðugan gjaldmiðil og sanngjarnt verð á matvælum Halldór?

[Hrólfur Þ Hraundal, 27.7.2020 kl. 07:04]

Er hann ekki Zoega þessi Bensi?

[GÍSLI HOLGERSSON - ICELAND (IP-tala skráð) 27.7.2020 kl. 13:36]

ÍSLAND þarf EKKI "framsækna ríkisstjórn", sem hleypur eftir ALÞJÓÐASAMVINNU landa, sem EKKI eru sjálfbjarga. Það er EKKI nóg að húsast í stóru glerhúsi með embættismönnum í BRUSSEL.

HEIMURINN þekkir fámenni ÍSLENDINGA. Sæfarar, víkingar og LANDNÁMSMENN, sem skrifuðu SÖGU sína frá fyrstu dögum. ENGIN er hér "einangurshyggjan" og ALLIR ÞEKKJA OKKUR af því BESTA.

Við eru STERKIR með NATO og Keflavíkurflugvelli og gætum kynnt ÍSLAND, BÆNDUR, SJÁVARÚTGERÐ og FRAMTÍÐ GRÓÐURHÚSA á einum klukktíma hjá FOX, SKY og BBC með STERKUM SÖGUMÖNNUM. "ÓÐINN" KÁRI hjá Erfðargreiningu og SIGMUNDUR færu létt með að kynna ÓMENGAÐ ÍSLAND og sameiginlega ORKUNA okkar.

VALKYRJUNAR/konurnar, KAPTEINARNIR FRÁ ICELANDAIR gætu síðan flutt út ómengaða framleiðslu ÍSLENDINGA út til BORGA EVRÓPU OG til  A M E R I K U  á glæsiflugvélum í "NORÐURLJÓSALITUM".

[Halldór Jónsson, 27.7.2020 kl. 17:05]

Jú Hrólfur, sonur öndvegismannsins Jóhanmnesar "kuldabola" svo uppnefnds þegar hitaveitan bilaði í gamla daga.

Ég hef barist fyrir jöfnum atkvæðisrétti síðan ég man eftir mér en án árangurs.

En ég er ekki svo vitlaus að halda að vinstrisinnuð verkfallaþjóð með tvöhundruð  kjarafélögum með stöðvunarvald geti búið við stöðugan gjaldmiðil eins og þú heldur að upptaka Evru myndi þýða.

Ég vil að samkeppni ríki á matvælamarkaði og ég er ekki hrifinn af kvótakerfinu lengur. Þó að ég taki ofan fyrir mörgu sem hefur gerst í sjávarútvegi eins og hjáSamherja og fleirum þá þarf að fara að krukka eitthvað í það.

[Kristinn Bjarnason (IP-tala skráð) 27.7.2020 kl. 20:32]

Við erum með stöðugan gjaldmiðil því miður, þökk sé seðlabanka og lífeyirssjóðunum. Íslenska krónan á að enduspegla efnahagsástandið eins og það er hverju sinni en gerir það ekki. Þess vegna t.d. byggðist túrisminn allt of hratt upp sem var ekki skynsamlegt.

Þjóðin nýtur góðs af sameiginlegum auðlindum eins og staðan er í dag.

Það er ennþá til fólk sem heldur að okkur sé betur borgið í ESB. Ótrúlegt.

[Þorsteinn Siglaugsson, 27.7.2020 kl. 21:34]

Upptaka Evru þýðir að við fáum stöðugri gjaldmiðil. En það eru fleiri leiðir en upptaka Evru og innganga í ESB til að koma sér upp stöðugum gjaldmiðli. Það er rétt að til að það gangi þurfa að verða breytingar á vinnumarkaðnum, en er ekki hugsanlegt að stöðugri gjaldmiðill skapi einmitt nauðsynlegan hvata til að þær verði? Eða, svo það sé umorðað, er ekki ólíklegra að slíkar breytingar verði á meðan gengisfall reddar alltaf málunum? Stöðugur gjaldmiðill og stöðugur vinnumarkaður eru algerar lykilforsendur þess að hér sé hægt að byggja upp virðisaukandi iðnframleiðslu, fyrirtæki sem njóta samkeppnisforskots á grundvelli hugvits.

Um kvótakerfið er ég í megindráttum sammála Bensa. Auðvitað á að selja eða leigja aflaheimildirnar á opnum markaði í stað þess að standa í sífelldu þjarki um upphæð veiðigjalda á þinginu. Verðmæti þessara heimilda grundvallast á því einu að ríkisvaldið hefur ákveðið að takmarka þær og verðmæti sem eru þannig til komin eiga með réttu að renna til þjóðarinnar en ekki þeirra sem fá þeim úthlutað. En það þarf að gæta þess að þau renni beint til fólksins, ekki í vasa misviturra pólitíkusa.

[Kristinn Bjarnason (IP-tala skráð) 28.7.2020 kl. 19:24]

Það er algengur misskilningur að meiri tekjur í ríkissjóð skili sér til fólkssins. Ég get ekki betur séð en að opinberi geirinn hafi vaxið á ógnarhraða í góðærinu sem er sennilega helsti óvinur fólkssins. Við stefnum á þjóðfélag þar sem eru litlir þegnar og stórt ríkisvald. Stórfurðulegt að fólk skuli ekki átta sig á því hversu ömurlegt þjóðfélag það er.

Reyndar er ég hlyntur óstöðugleika því þar er iðandi líf, en stöðugleika fylgir dauði.