Dómgreindarbrestur

hefur verið mikill í Beirut. Hvernig getur yfirvöldum verið stætt á að horfa á 3000 tonn af Ammonium Nitrate á lager í höfninni?

Venjulega lítur maður ekki á efnið sem sprengiefni fyrr en maður er búinn að blanda það með smá olíu,1.5-3%. En það getur samt sprungið við nægilegt högg.

Starfsmaður var að brjóta harðan haug af efninu á lager BSAF í Þýzkalandi til daglegra nota  og sprengdi klumpa með svartpúðri sem vinnuaðferð. Nýjum manni fannst púðrið of seinvirkt og náði sér í TNT í staðinn.

Hvellurinn heyrðist um allt Þýzkaland.

Tæknimaður á að vita um svona hættu. Lögfræðingur síður. Var skortur á þekkingu ástæðan fyrir þessu í Beirut?

Það er dómgreindarbrestur að leyfa svona lagerhald í þéttbýli en tjóar lítt að fást um orðinn hlut.