Eg er asni

að fara  í Kringluna í gær að leita að fyrirtæki til að gera við símann minn. Ég snéri ekki við strax og sjá hvers kyns var heldur fór áfram án þess að hugsa. Var þó upplýstur þarna um fyrirtæki í Bolholti 4, Smartfix,  sem svo leysti vandann strax og ég kom þangað og ekki í margmenni.

Þar var pakkað af fólki og nóg af skiltum um 2 metra reglur sem voru svo greinilega ekki virtar. Ég gat ekki séð annað en að ítölureglan um samankominn fjölda væru víðs fjarri og hundruð manna hlypu um gólfin í Kringlunni á öllum hæðum.

Ef þetta er ekki uppskrift af hópsmiti þá veit ég ekki hvernig hún á hljóða.

Enda eru smita tölur dagsins eftir því. 17 í gær. Veldisvöxtur?

Ég var asni í gær og þarf að hugsa betur.

Ég fór í Laugar í dag og þar var fámennt. 6 manna ítala í sjópottinn.

Var ég kannski asni aftur í dag?

Athugasemdir

[Sigurður I B Guðmundsson, 7.8.2020 kl. 18:09]

Nei, þú reynir bara að lifa eðlilegu lífi en veist að þú verður að gæta þín. Sama geri ég og flest allir.

[Ómar Ragnarsson, 7.8.2020 kl. 20:31]

Þú ert að lýsa því sama sem Víðir og ég og þú höfum verið að upplifa undanfarnar vikur:  Algert sinnuleysi allt of margra gagnvart lífsnauðsynlegum aðgerðum. 

[Hörður Þormar, 7.8.2020 kl. 21:19]

"Errare humanum est".