Barrington bullið

á þessum tímapunkti er algerlega út úr kú.

Það er ávísun á allherjar dauða núna þegar við íslendingar erum hugsanlega að ná utanum ástandið.

Þorsteinn Siglaugsson vill sleppa öllu lausu með stuðningi þessa fólks::

" Við undirrituð erum sérfræðingar í smitsjúkdómum og lýðheilsu og höfum djúpar áhyggjur af því tjóni sem núverandi aðgerðir gegn COVID-19 hafa á líkamlega og andlega heilsu fólks. Við leggjum til nálgun sem við köllum markvissa vernd.

Við komum bæði frá vinstri og hægri, frá ólíkum svæðum heims, en höfum helgað krafta okkar því að vernda fólk. Núverandi hindranir hafa hörmulegar afleiðingar fyrir lýðheilsu til skemmri og lengri tíma. Meðal afleiðinganna (svo fáeinar séu nefndar) eru samdráttur í bólusetningum barna, verri útkoma sjúklinga með hjartasjúkdóma, færri krabbameinsgreiningar og versnandi andleg heilsa. Allt leiðir þetta til aukinnar dánartíðni á komandi árum, þar sem lágstéttirnar og yngri kynslóðirnar bera stærstan hluta tjónsins. Það er hrópandi óréttlæti að meina nemendum að sækja skóla.

Það mun valda óbætanlegu tjóni að halda þessari stefnu áfram þar til bóluefni verður fáanlegt, og þeir sem verst standa verða fyrir hlutfallslega mestum skaða.

Til allrar hamingju fer þekking okkar á veirunni vaxandi. Við vitum að dánarlíkur af COVID-19 eru meira en þúsundfalt hærri hjá öldruðum og veikum en ungu fólki. Raunar eru COVID-19 hættuminna börnum en margir aðrir sjúkdómar, þar á meðal inflúensa.

Eftir því sem ónæmi byggist upp meðal almennings dregur úr smithættu hjá öllum hópum, þar á meðal þeim viðkvæmustu. Við vitum að á endanum næst hjarðónæmi um allan heim, þ.e. smitstuðull nær jafnvægi, og að bóluefni getur hjálpað til við þetta (en er ekki nauðsynlegt). Af þessum sökum ætti markmið okkar að vera að lágmarka dauðsföll og samfélagslegt tjón þar til hjarðónæmi hefur náðst.

Mannúðlegasta nálgunin, þar sem jafnvægi ríkir milli áhættu og ávinnings meðan hjarðónæmi næst, er að þeir sem eru í lágmarkshættu fái að lifa eðlilegu lífi í því skyni að byggja upp náttúrulegt ónæmi gagnvart veirunni, meðan þeir sem í mestri hættu eru njóta betri verndar en nú er. Þetta köllum við markvissa vernd.

Aðgerðir til að vernda hina viðkvæmu ættu að vera meginmarkmið viðbragða gegn COVID-19. Til dæmis ættu hjúkrunarheimili að notast við starfsfólk sem þegar hefur náð ónæmi og framkvæma tíðar PCR prófanir á öðru starfsfólki og gestum. Breytingar á starfsmannahópi ættu að vera sem minnstar. Eldra fólk sem býr heima ætti að fá matvöru og aðrar nauðsynjar sendar heim. Þegar mögulegt er ætti það að hitta ættingja utandyra fremur en innandyra. Fylgja ætti ítarlegum og fullnægjandi leiðbeiningum, þar með talið varðandi heimili þar sem fleiri kynslóðir búa saman, og samsetning þeirra er auðveldlega á færi sérfræðinga í lýðheilsu.

Þeim sem ekki eru í hættu ætti strax að leyfast að taka upp eðlilegt líf. Allir ættu að stunda einfaldar sóttvarnir, svo sem handþvott og halda sig heima í veikindum til að lækka þröskuld hjarðónæmisins. Skólar og háskólar ættu að vera opnir og kennsluhættir eðlilegir. Tómstundastarf á borð við íþróttir ætti að vera með eðlilegum hætti. Ungt fólk sem er í lítilli hættu ætti að stunda störf sín með eðlilegum hætti í stað þess að vinna að heiman. Veitingastaðir og önnur fyrirtæki ættu að vera opnir. Menningar-, lista- og tónlistarlíf ætti að hefjast að nýju. Fólk í meiri áhættu gæti tekið þátt í slíku ef það kýs, meðan samfélagið í heild nýtu þeirrar verndar sem hjarðónæmi veitir þeim sem veikastir eru fyrir.

Höfundar:

Dr. Martin Kulldorff, professor of medicine at Harvard University, a biostatistician, and epidemiologist with expertise in detecting and monitoring of infectious disease outbreaks and vaccine safety evaluations.

Dr. Sunetra Gupta, professor at Oxford University, an epidemiologist with expertise in immunology, vaccine development, and mathematical modeling of infectious diseases. 

Dr. Jay Bhattacharya, professor at Stanford University Medical School, a physician, epidemiologist, health economist, and public health policy expert focusing on infectious diseases and vulnerable populations.

Einnig undirritað af:

Dr. Rajiv Bhatia, physician, epidemiologist and public policy expert at the Veterans Administration, USA

Dr. Stephen Bremner,professor of medical statistics, University of Sussex, England

Dr. Anthony J Brookes, professor of genetics, University of Leicester, England

Dr. Helen Colhoun, ,professor of medical informatics and epidemiology, and public health physician, University of Edinburgh, Scotland

Dr. Angus Dalgleish, oncologist, infectious disease expert and professor, St. George’s Hospital Medical School, University of London, England

Dr. Sylvia Fogel, autism expert and psychiatrist at Massachusetts General Hospital and instructor at Harvard Medical School, USA

Dr. Eitan Friedman, professor of medicine, Tel-Aviv University, Israel

Dr. Uri Gavish, biomedical consultant, Israel

Dr. Motti Gerlic, professor of clinical microbiology and immunology, Tel Aviv University, Israel

Dr. Gabriela Gomes, mathematician studying infectious disease epidemiology, professor, University of Strathclyde, Scotland

Dr. Mike Hulme, professor of human geography, University of Cambridge, England

Dr. Michael Jackson, research fellow, School of Biological Sciences, University of Canterbury, New Zealand

Dr. Annie Janvier, professor of pediatrics and clinical ethics, Université de Montréal and Sainte-Justine University Medical Centre, Canada

Dr. David Katz, physician and president, True Health Initiative, and founder of the Yale University Prevention Research Center, USA

Dr. Andrius Kavaliunas, epidemiologist and assistant professor at Karolinska Institute, Sweden

Dr. Laura Lazzeroni, professor of psychiatry and behavioral sciences and of biomedical data science, Stanford University Medical School, USA 

Dr. Michael Levitt, biophysicist and professor of structural biology, Stanford University, USA. 
Recipient of the 2013 Nobel Prize in Chemistry.

Dr. David Livermore, microbiologist, infectious disease epidemiologist and professor, University of East Anglia, England

Dr. Jonas Ludvigsson, pediatrician, epidemiologist and professor at Karolinska Institute and senior physician at Örebro University Hospital, Sweden

Dr. Paul McKeigue, physician, disease modeler and professor of epidemiology and public health, University of Edinburgh, Scotland

Dr. Cody Meissner, professor of pediatrics, expert on vaccine development, efficacy, and safety. Tufts University School of Medicine, USA

Dr. Ariel Munitz, professor of clinical microbiology and immunology, Tel Aviv University, Israel

Dr. Yaz Gulnur Muradoglu, professor of finance, director of the Behavioural Finance Working Group, Queen Mary University of London, England

Dr. Partha P. Majumder, professor and founder of the National Institute of Biomedical Genomics, Kalyani, India

Dr. Udi Qimron, professor of clinical microbiology and immunology, Tel Aviv University, Israel

Dr. Matthew Ratcliffe, professor of philosophy, specializing in philosophy of mental health, University of York, England

Dr. Mario Recker, malaria researcher and associate professor, University of Exeter, England

Dr. Eyal Shahar, physician, epidemiologist and professor (emeritus) of public health, University of Arizona, USA

Dr. Karol Sikora MA, physician, oncologist, and professor of medicine at the University of Buckingham, England

Dr. Matthew Strauss, critical care physician and assistant professor of medicine, Queen’s University, Canada

Dr. Rodney Sturdivant, infectious disease scientist and associate professor of biostatistics, Baylor University, USA

Dr. Simon Thornley, epidemiologist and biostatistician, University of Auckland, New Zealand 

Dr. Ellen Townsend, professor of psychology, head of the Self-Harm Research Group, University of Nottingham, England

Dr. Lisa White, professor of modelling and epidemiology, Oxford University, England

Dr. Simon Wood, biostatistician and professor, University of Edinburgh, Scotland "

Nei takk. Reynum fyrst að ná áttum áður en við tökum upp Barrington bullið.

Athugasemdir

[Þorsteinn Siglaugsson, 12.10.2020 kl. 09:18]

"Sleppa þessu lausu"? Lastu ekki textann. Kóperaðir þú hann bara?

[Þorsteinn Siglaugsson, 12.10.2020 kl. 10:32]

Ég vil líka benda þér á ágæta færslu Geirs Ágústssonar. Geir vill að hætt verði að henda ungu fólki í ruslið. Ég er ekki ungur lengur, en ég er þó nægilega ósérhlífinn til að taka undir með Geir: 

https://geiragustsson.blog.is/blog/geiragustsson/#entry-2255787

[Þórdís Björk Sigurþórsdóttir, 12.10.2020 kl. 10:56]

Nei hann vill ekki sleppa öllu lausu og ekki heldur þessi sérfræðingar, heldur vernda viðkvæma hópa.

Hér er dæmi um afleiðingar aðgerðanna:
https://www.wsj.com/articles/coronavirus-has-thrown-around-100-million-people-into-extreme-poverty-world-bank-estimates-11602086400?mod=e2fb&fbclid=IwAR0eqlDJpOfKWQXxCuEGuOmZpZuW8RF0CJPZGp6-bot_HvNThnKTUq-KvZc

[Kolbrún Hilmars, 12.10.2020 kl. 12:27]

Ég hjó eftir því í þessum lista að ekki er nefnt að loka skuli sjúkrahúsum fyrir Covid-sjúklingum, en hjúkrunarheimili þarf að einangra!

Þannig gæti þó heilbrigðiskerfið einbeitt sér að því sinna hinum "veikari fyrir" vegna annarra sjúkdóma, slysa og fötlunar án þess að yfirkeyra hjúkrunar- og læknastéttir og vernda þann starfshóp í leiðinni.

Láta svo lukku ráða með veirusjúklingana - enda aðeins "meinlaus flensa" á ferðinni. 

[Þorsteinn Siglaugsson, 12.10.2020 kl. 13:34]

Fyrir gamla og veika fyrir er þetta ekki meinlaus flensa. Þvert á móti er hún talsvert hættuleg. Kosturinn sem nú er valinn er sá að láta pestina ganga meira og minna jafnt yfir alla hópa á löngum tíma. Það veldur miklu fleiri dauðsföllum en ef hún væri látin ganga hratt yfir þá sem eru nánast í engri hættu, en verja þá sem eru í hættu. Í yfirlýsingunni er auðvitað ekki að finna nákvæmar útlistanir á öllum varnaraðgerðum.

[Halldór Jónsson, 12.10.2020 kl. 13:39]

Þorsteinn og Þórdís:

Mér skilsrt á Kára Stefánssyn sem ég tek meira mark á, að þetta sé ekki framkvæmanlegt.

"Mannúðlegasta nálgunin, þar sem jafnvægi ríkir milli áhættu og ávinnings meðan hjarðónæmi næst, er að þeir sem eru í lágmarkshættu fái að lifa eðlilegu lífi í því skyni að byggja upp náttúrulegt ónæmi gagnvart veirunni, meðan þeir sem í mestri hættu eru njóta betri verndar en nú er. Þetta köllum við markvissa vernd."

Þetta túlka ég sem jafngildi þess að sleppa öllu lausu í reynd.

[Halldór Jónsson, 12.10.2020 kl. 15:18]

Við erum í miðju ferli við að reyna að ná tökum á ástandinu með þeim hætti sem við erum með.Mér finnst tilgangslaust að vera að ræða annað meðan á þessu stendur. Eitt verkefni í einu en ekki flautaþyrilsháttur.

[Þorsteinn Siglaugsson, 12.10.2020 kl. 22:51]

Kári Stefánsson hefur af því beina hagsmuni að markvissum, hnitmiðuðum aðgerðum sé ekki beitt. Hann er búinn að setja allt eigið fé ÍE í að taka stjórnvöld hérlendis í gíslingu til að treina faraldurinn, svo markaðurinn fyrir lyf og mótefni Amgen haldist óskertur. Það væri versta martröð lyfjafyrirtækjanna ef litla Ísland tæki upp skynsamlega stefnu og kláraði þetta mál með lágmarks dánartíðni. Meira og minna öll önnur lönd myndu fylgja í kjölfarið.

Auk þess er Kári Stefánsson ekki meiri sérfræðingur í farsóttum en ég og þú. Hann var einu sinni taugalæknir, það er allt og sumt. Hefur ekki einu sinni lækningaleyfi á Íslandi eftir því sem ég best veit.

Sérfræðingarnir sem standa á bak við Barrington yfirlýsinguna ERU hins vegar sérfræðingar í farsóttum og lýðheilsu. Ég tek meira mark á þeim sem eru sérfræðingar í faginu sem þeir eru að tjá sig um en þeim sem eru það ekki.

Hvernig þú ferð að því að fá það út að markviss vernd snúist um að sleppa öllu lausu er algerlega óskiljanlegt. Hún snýst einmitt um að halda veirunni algerlega frá þeim sem hún er lífshættuleg, þar til hættan er liðin hjá.

Og flautaþyrilshátturinn er einmitt það sem við erum að upplifa. Tæpast ímyndar þú þér að þótt það takist að keyra smitin niður tímabundið í þessari viku sé farsóttin bara horfin? Nei, þá verður, eins og flautaþyrlarnir hafa lýst yfir, slakað aftur á í næstu viku, og hringavitleysan heldur áfram. Og aftur. Og aftur. Ekkert farinn að sjá hvernig þetta gengur fyrir sig Halldór?

[Halldór Jónsson, 13.10.2020 kl. 10:18]

Ekki er ég ánægðu með texta þinn Þorsteinn um Kára Stefánsson. Ég tel hann áfram ekki minni mann en þig.

"Kári Stefánsson hefur af því beina hagsmuni að markvissum, hnitmiðuðum aðgerðum sé ekki beitt. Hann er búinn að setja allt eigið fé ÍE í að taka stjórnvöld hérlendis í gíslingu til að treina faraldurinn, svo markaðurinn fyrir lyf og mótefni Amgen haldist óskertur. Það væri versta martröð lyfjafyrirtækjanna ef litla Ísland tæki upp skynsamlega stefnu og kláraði þetta mál með lágmarks dánartíðni. Meira og minna öll önnur lönd myndu fylgja í kjölfarið."

Þú vilt hreinlega drepa mig og aðra með þessu bulli þínu . Ummæli þín um dr. Kára ganga fram af mér.

Svei þér aftan og framan.

[Þorsteinn Siglaugsson, 13.10.2020 kl. 11:19]

Þér er velkomið að trúa eins og nýju neti öllu sem Kári Stefánsson lætur út úr sér og horfa framhjá augljósum hagsmunum hans. En það breytir engu um að þessir hagsmunir eru til staðar og athafnirnar eru í takt við þá.