Tvær þjóðir-tveir heimar?

virðast búa í þessu landi?

Stuðningur er við það nokkuð almennur að þjóðin skuli byggja þetta land allt. Nema hugsanlega í samfylkingarflokkunum sem vilja afsala sér því til ESB og finnst slík þjóðremba fyrirlitleg.

Einkanlega er þetta áberandi á höfuðborgarsvæðinu. Þar býr  ein þjóðin í öðrum heimi en hin.Sú vill hjóla og keyra i Borgarlínu, búa í Kvosinni og stunda menningarlíf.Kvosarkynslóðina mætti kalla hana.

Hin vill vera í nútímanum, keyra í bílum á mislægum gatnamótum, stunda félagslíf og íþróttir fyrir alla, spila golf og ferðast um landið og allan heiminn.

Fyrri þjóðin hefur alræðisvöld og keyrir hlutina áfram með ofbeldi. Hún er að vísu gjaldþrota en ætlar að sækja sér fé til hinnar með illu eða góðu.Samanber framkvæmdir Borgarstjórans við heimili sitt við Óðinstorg fyrir almannafé. Ekkert er til sparað til að það hverfi hækki í verði.

Staksteinar velta fyrir sér hugsun Jón Gunnarssonar:

Svo virðist sem samgöngusáttmáli höfuðborgarsvæðisins eigi að hafa þann tilgang fyrst og fremst að þvinga sérvisku meirihlutans í Reykjavík upp á höfuðborgarsvæðið í heild sinni.

Í ofanálag á að láta landsmenn alla greiða fyrir sérviskuna með aðkomu ríkisins að sáttmálanum.

Borgarlínan rándýra og óhagkvæma er þungamiðja sáttmálans að mati meirihluta þeirra sem stjórna nú Reykjavík og virðist raunar það eina sem sá meirihluti hefur áhuga á í samgöngumálum svæðisins.

Sundabrautin virðist í besta falli eiga að vera neðanmálsgrein við sáttmálann sem ekki verði lesin nema meirihluta borgarstjórnar þóknist. Ekkert bendir til að honum þóknist það.

Enn eitt dæmið er komið upp. Um helgina sagði Morgunblaðið frá gagnrýni Jóns Gunnarssonar, alþingismanns og fyrrverandi samgönguráðherra, á áform um ljósastýrð gatnamót Arnarnesvegar og Breiðholtsbrautar. Benti hann á að mislæg gatnamót væru mun betri leið og öruggari, og að auki í samræmi við samgöngusáttmálann. Þau mislægu gatnamót virðast stranda á því, eins og önnur mislæg gatnamót sem brýn þörf er á að gera, að sérviska meirihlutans í borginni leyfir ekki mislæg gatnamót.

Hvers vegna tekur ríkið þátt í þessu fyrir almannafé?"

Svo flettir maður Morgunblaðinu. Það er undirlagt af umfjöllun um bíla og aftur bíla.2117 rafbílar hafa selst.

Ekki er verið að skemmta Kvosarkynslóðinni með þessu?

En hverjir vilja lesa þetta? Er það ekki nokkuð ljóst að verið er að skrifa fyrir þau 95 % fólks sem vill ferðast með einkabílnum? Ekki það fólk sem meirihlutinn er búinn að ákveða að flytja yfir á Borgarlínu og að skuli byggja sínar íbúðir við hana?

Eru vinsældir Morgunblaðsins í  öll þessi ár ekki byggðar á  því að fjalla um þau mál sem fólkið vill lesa og ræða? Þjóðleg ræktarsemi birtist í vinsældum minningargreina sem hljóta þó að kosta fátækt félag manndrápsfé. Allt þættir sem vinstri elítan fyrirlítur og vill feiga í  alþjóðahyggju hömlulausri og óstöðvandi móttöku hælisleitenda.

Sama birtist í afstöðunni til stjórnarskrárumræðna. Elítan vill fá þar inn greinar sem auðvelda henni að afsala sér fullveldinu. Hinni þjóðinni finnst engin þörf á slíku og kærir sig eiginlega ekki um að deila stjórnarskrá með þeirri þjóð sem hún á enga stjórnmálalega samleið með.  Þess vegna er sú umræða orðin tóm.

Tvært þjóðir búa í tveimur heimum á Íslandi.

Athugasemdir

[GÍSLI HOLGERSSON (IP-tala skráð) 19.11.2020 kl. 15:28]

Brandarahópurinn leikur á alls oddi í húsi DAVÍÐS við tjörnina. Verslun, viðskipti og matstaðir flýgja mannlausa Mið borgina. Hjólandi menn og konur skila litlum viðskiptum.

Borgarlínan skaðar höfuðborgina og alla nágranna bæi, sem verða að leita til ríkisins eftir "peningum",sem ekki eru til vegna plágunnar. Ég endurtek: málið ykkar bestu strætóa í íslensku fánalitunum þar sem tveir bera ábyrgð í vagninum. Einn við stýrið og hinn til eftirlits. Frítt verður með þessum vögnum 1-2 ár og þá endurskoðað?

Nagladekk eru sjálfsögð samkvæmt lögum varðandi svifrykið. Rykið hverfur í næstu "veðurfréttum"?

Sundabraut væri hugsanlega best geymd í jarðgöngum. Sama má segja um LUXUSHÓTELIÐ nýja við HÖRPUNA, sem gjarnan má fara út til Örfuseyjar, eins og Faxaflóahafnir óska eftir.

ENGEY uppbyggð í gamalli ÍSLANDS mynd með hundruðum timbur smáhúsa og rauðum hleðslustein og báta bryggjum hefði mikið aðdráttarafl fyrir ferðaiðnaðinn. Auðvelt væri að keyra út til ENGEYJAR frá Öfursey. 

[GÍSLI HOLGERSSON (IP-tala skráð) 20.11.2020 kl. 10:18]

Hér er minnst á yfirtöku rafbíla, sem bjarga öllu.  Sjálfur á ég rúmgóðan LÍTINN bensin bíl, sem ég fylli oftast fyrir um kr.5.500 og kemst alla leið á norður eða austurland. Engin mengun er sjáanleg.

Ég sé fyrir mér USA og Arabalönd í olíuvinnslu vinna að nýjum uppfinningum varðandi bensin notkun.