Hvaða samgöngumáta?

velur venjulegt fólk sér?

Í Reykjavík, Florida eða á Fáskrúðsfirði?

Bíður það allstaðar í ofvæni eftir Borgalínunni? Þráir það ekkert meira en blokkaríbúð við næstu stoppistöð Borgarlínunnar?

Bjarni Reynarsson skrifar ítarlega um þessi mál í Morgunblaðinu.

Niðurlag greinar hans er þessi:

"...4. Vistvænar samgöngur – borgarlína

Á sjöunda áratugnum var í fyrsta aðalskipulagi Reykjavíkur (AR 1962-1983) miðað við þá forsendu að einkabíll yrði á hverju heimili í borginni. Það gekk eftir og íbúar höfuðborgarsvæðisins búa enn að því stofnbrautakerfi sem þá var skipulagt. Á rúmum áratug hafa nær engar umbætur verið gerðar á stofnbrautakerfinu þrátt fyrir aukna bílaumferð, sem leitt hefur til vaxandi umferðartafa á álagstímum.

Þrátt fyrir að umtalsvert fé hafi verið lagt í almenningssamgöngur á sama tíma er hlutfall strætó enn aðeins 4% af akandi umferð. Yfir tveir þriðju hlutar íbúa höfuðborgarsvæðisins ferðast milli heimilis og vinnu á einkabíl (sjá ferðavenjukannanir Land-ráðs sf.).

Borgarbúar kjósa langflestir að ferðast með eigin bíl til að sinna fjölþættum erindum og í hvert sinn sem kaupmáttur eykst vex innflutningur bíla. Það er jákvætt að veita borgarbúum sem flesta ólíka samgöngukosti, þ.m.t. að styrkja almenningssamgöngur, en það þarf að meta kostnað og ábata af raunsæi.

Þórarinn Hjaltason umferðarverkfræðingur hefur skrifað nokkrar greinar í Morgunblaðið um borgarlínuverkefnið. Hann telur að bæta megi almenningssamgöngur á höfuðborgarsvæðinu með mun minni kostnaði en með borgarlínu og svipuðum ávinningi í farþegafjölda. Hann telur að fjöldi bílstjóra sem muni færa sig yfir í borgarlínu sé ofmetinn og þar með mun ekki draga eins mikið úr umferð einkabíla og að er stefnt.

Nokkrir hagfræðingar hafa í greinaskrifum dregið í efa þjóðhagslegan ávinning af borgarlínu, þ.e. ýmsar forsendur standist ekki skoðun. Þá hafa ýmsir bent á að tækniþróun næstu ára og áratuga muni hafa mikil áhrif á samgöngur þannig að borgarlína geti lent í erfiðri samkeppni við nýja rafræna samgöngukosti. Einnig má benda á ýmsa möguleika sem deilihagkerfið býður upp á til að draga úr umferðarþunga.

Þar sem borgarlínuverkefnið er þegar komið af stað tel ég rétt að klára fyrst legginn Kvos – Grafarholt (nýjan borgarás) og meta árangur af þeirri aðgerð áður en farið verður í að tengja borgarlínu út í öll úthverfi höfuðborgarsvæðisins.

5. Samantekt: Þarfir og óskir borgarbúa

Borgarskipulag er ekki aðeins hugsað sem stjórntæki þar sem sérfræðingar ákveða ramma uppbyggingar í krafti sérþekkingar sinnar, án virks samráðs við íbúa og fyrirtæki, þ.e. að þeir einir viti hvað fólki er fyrir bestu.

Er það skynsamlegt að öll uppbygging í Reykjavík næstu tvo áratugina verði með því að þétta enn frekar byggð í borginni? Vilja flestir borgarbúar búa í 5-7 hæða fjölbýlishúsum á þéttingarreitum? Er í raun engin eftirspurn meðal borgarbúa eftir sérbýli?

Er stór hluti borgarbúa tilbúinn í að leggja einkabílnum og nota borgarlínu? Hvers vegna má hvergi byggja mislæg gatnamót á höfuðborgarsvæðinu þrátt fyrir að rannsóknir sýni að það sé öruggasta gerð gatnamóta sem dragi verulega úr slysahættu? Þarf ekki að gera ítarlega könnun meðal íbúa og forsvarsmanna fyrirtækja og stofnana á höfuðborgarsvæðinu og leita eftir skoðunum þeirra á ofangreindum spurningum?

Hver er sýn íbúanna á framtíðarborgina?"

Það er nokkuð ljóst að sýn íbúanna á skipulag Reykjavíkur skiptir meirihlutann í Borgarstjórn litlu máli. Meirihlutinn hefur komist að niðurstöðu sem ekki fæst haggað.

Reykvíkingar skulu samkvæmt henni búa í blokkum við Borgarlínu og einkabílum skal haldið í lágmarki sem samgöngumáta.Nýjar akreinar skulu ekki lagðar þar sem þær fyllast bara af bílum og tími mislægra gatnamóta í Reykjavík er liðinn.

Önnur aðliggjandi sveitarfélög skulu aðlaga sig að þeirri grunnhugsun að almennar samgöngur eigi ekki að fara fram með einkabílum í gatnakerfi. 96 % íbúa hafi einfaldlega haft rangt fyrir sér og því skuli breyta. Við Óðinstorg megi þó vera næg bílastæði fyrir íbúa vegna fjarlægðar Borgarlínu. 

Hvaða samgöngumáta íbúar vilja skiptir ekki máli þar sem Sigurborg Ósk, Hjálmar og Dagur B. hafa komist að niðurstöðu som de alene vider.

Athugasemdir

[GÍSLI HOLGERSSON (IP-tala skráð) 22.11.2020 kl. 21:48]

Hvort á að nota KLAVA eða BORGARLÍNU í höfuðborginni? Hvað um hundruð miljóna kostnað, sem hefur farið í vinnu, kostnað og breytingar.

Rétt er að láta borgarbúa og þeirra bæja allt um kring KJÓSA um þetta afleita mál, eins og orðað var í bréfinu hér að ofan.

[Halldór Jónsson, 22.11.2020 kl. 23:54]

Ertu frá þér Gísli minn góður? Kjósa um hvsð? Átt þú að ráða enhverju?

[Hallgrímur Hrafn Gíslason, 23.11.2020 kl. 12:43]

Hefurðu séð hlutfallstölu bíla sem eru atvinnutengdir í borgarumferðinni, sá fjöldi er líklega stórlega vanmetinn af borgarlinutrúboðinu, ef það hugsar nokkuð út i það, þeir bilstjorar munu ekki yfirgefa góturnar fyrir borgalínuna

Iðnaðarmenn,og þeir sem eru að þjónusta fyrirtæki og einstaklinga ut um alla borg þurfa bíl og þeir eru ekki endilega fyrirtækjabilar sem eru geymdir við fyrirtækin eftir vinnutima

[Nonni (IP-tala skráð) 23.11.2020 kl. 14:13]

Sæll Halldór. 

Þú notar oft skrif annarra til þess að tala fyrir þig. Sem er í fínu lagi. Mig langar þó að benda á og biðja þig að afmarka eða merkja á einhvern hátt beina tilvitnun. Oftast er það gert með gæsalöppum „“ en fara má aðrar leiðir. Til dæmis með

inndrætti allrar tilvitnuninnar.

Einnig með því að breyta letur- eða stafagerð eða lit leturs. Þá verður auðveldara að skilja á milli þinna skrifa og annarra. 
Þakkir.

 

Þegar tap s.k. borgarlínu byrjar að safnast upp verður hlaupið í Ríkið og því kennt um að hafa leyft að setja þetta á koppinn. Ríkið beri því ábyrgð á klúðrinu og verði að borga tapið.
Þeir sem standa núna á kantinum og klappa í ofvæni yfir þessu fyrirbrigði eru bjánar. Þetta má því með sanni kalla Bjánalínu.

[Halldór Jónsson, 23.11.2020 kl. 17:50]

Ég reyni alltaf að nota gæsalappir sem reglu ef ég er með efni frá öðrum Nonni góður. 

Og Hallgrímur, þarna komstu með góðan punkt sem er áreiðanleg vanmetinn

[Vagn (IP-tala skráð) 23.11.2020 kl. 22:11]

Það er spurningin, hvaða samgöngumáta velur venjulegt fólk sér í Reykjavík, Florida eða á Fáskrúðsfirði 2030? 2035? 2040? Og hvaða samgöngumátar standa þá til boða?

Hvað gerir unga fólkið sem í dag þykist ekki þurfa nema hálfan fermetrafjöldann sem foreldrarnir töldu sig þurfa? Vilja vera umhverfisvæn og sjá í auknum mæli ekki ástæðu til að taka bílpróf. Þessi 40.000 sem koma ný og með aðra sýn í umferðarflæði borgarinnar á næstu 10 árum. Hverjar verða þarfir þeirra og óskir? Mun draumurinn um einbýlishús með tvöföldum bílskúr lifa þá sem nú eru miðaldra?

Hver er sýn íbúanna á framtíðarborgina? Á að spyrja í skólunum eða á elliheimilunum?

[Halldór Jónsson, 24.11.2020 kl. 03:46]

Jésús Kerran