Bretar nálgast 10%

af þjóðinni bólusett, lokið eða byrjað.Ísrael um 20% fólksins byrjað eða lokið.

Ísland Svandísar Svavarsdóttur og Katrínar Jakobsdóttur  nær varla 3 % byrjað eða lokið.

Samt steytir Svandís sig og segist að það hafi verið rétt af sér að hanga með Evrópusambandinu í bóluefnissamningum.

Björn Bjarnason steinþegir auðvitað vegna EES dýrkunar sinnar og þar með orkupakka-íhaldið upp til hópa. Og  ekki er hætta á að Samfylkingarflokkarnir báðir segi múkk á móti þessu.

Við hin eigum að vonast eftir að meirihluti Íslendinga verði bólusettir í sumar eða haust af því að hún Svandís segir það.

 

Svo segir í þjóðsögunni um stúlkuna og tröllið á glugganum:

„Fögur þykir mér hönd þín,

snör mín, en snarpa, og dillidó.“

Þá segir hún:

„Hún hefur aldrei saur sópað,

ári minn, Kári, og korriró.“

Þá segir hinn á glugganum:

„Fagurt þykir mér auga þitt,

snör mín, en snarpa, og dillidó.“

Þá segir stúlkan:

„Aldrei hefur það illt séð,

ári minn, Kári, og korriró.“

Þá er sagt á glugganum:

„Fagur þykir mér fótur þinn,

snör mín, en snarpa, og dillidó.“

Þá segir stúlkan:

„Aldrei hefur hann saur troðið,

ári minn, Kári, og korriró.“

Þá er sagt á glugganum:

„Dagur er í austri,

snör min, en snarpa, og dillidó.“

Þá segir stúlkan:

„Stattu og vertu að steini,

en engum þó að meini,

ári minn, Kári, og korriró."

Er þetta bóluefnismál ekki stórkostlegur árangur í saursópun Svandísar undir teppið ? 

Og Kári minn kunni líklega ekki að galdra okkur til bjargar. 

Er ekki Svandís eiginlega orðin að steini fyrir afrek sín í heilbrigðismálunum eins og tröllið í þjóðsögunni meðan Bretar stefna nú yfir 10% af þjóðinni sem bólusett?

 

Athugasemdir

[G. Tómas Gunnarsson, 27.1.2021 kl. 03:22]

Eftir þvi sem ég kemst næst, hefur verið byrjað að bólusetja c. 30% Ísraelsmanna. Bólusetningu er loki hjá, u.þ.b. 15% þeirra, þ.e.a.s. tvær sprautur.

Sambærilegar tölur fyrir Ísland eru að ég best veit 3% og 1.3%.

Staðan er einfaldlega þannig, en Íslendingar geta "hugga sig" við að fyljga "Sambandinu".

Er ekki "sameiginlegt skipbrot" eitthvað sem allir eiga að sætt sig við?