DARPA

er á bak við alla bóluefnaþróun gegn COVID 19.

Defense Advanced Research Projects Agency er sýklavarandeild Banadaríska hersins, stofnuð af Dweight D. Eisenhower 1958.

Ég heyrði viðtal við forstjórann á 60 Minutes. Hann segir að þeir muni geta þróað bóluefni gegn hverjum þeim vírus sem Kínverjar eða aðrir stríðandi aðilar gegn Bandaríkjunum geti sleppt á heimsbyggðina og bandaríka herinn þar með á aðeins 60 dögum hér eftir. Allir Kórónuvírusar og allir aðrir verði sigraðir í framtíðinni af þessari stofnun.

Þeir þróuðu bóluefnið sem þeir afhentu AstraZeneca uppskriftina að og sem núna er verið að nota.

Þeir starfa á ótrúlegsustu hátæknisviðum.https://www.militarytimes.com/off-duty/military-culture/2020/09/04/8-weird-darpa-projects-make-science-fiction-seem-like-real-life/

DARPA er stofnun sem vert er að vita um og fylgjast með.

 

Athugasemdir

[Guðmundur Ásgeirsson, 21.4.2021 kl. 00:12]

DARPA lagði grunninn að internetinu.

[Vagn (IP-tala skráð) 21.4.2021 kl. 02:53]

DARPA er ekki sýklavarnadeild Bandaríska hersins, þróaði ekki bóluefnið, létu AstraZeneka aðeins fá verkefnið og bílhlass af dollurum og forstjórinn, Dr. Stefanie Tompkins, hefur ekki veitt 60 Minutes neitt viðtal. Hún gerir það e.t.v. í framtíðinni og þá kannski um geislavopn í geimnum, neðansjávar vélbyssur fyrir kafara, ósýnilegar orrustuþotur, fljúgandi kafbáta, herbúninga sem aðlaga sig umhverfinu, bakteríur sem éta gúmmíhjólbarða eða vírusa sem gera smitaða að Texasbúum. En bjartsýnin og trúin á eigin ágæti, snilli sinnar deildar og "nú erum við hjá DARPA búin að finna allt upp og við byrjuðum bara á eldinum og stuttu síðar gerðum við hjólið, ekkert að þakka" trú undirmannsins sem talaði við 60 Minutes er gaman að sjá. En DARPA er samt aðallega stjórnandi verkefna og fjármögnunaraðili en stundar ekki sjálft þróun og rannsóknir.

"The Defense Advanced Research Projects Agency is a research and development agency of the United States Department of Defense responsible for the development of emerging technologies for use by the military."

[Halldór Jónsson, 21.4.2021 kl. 03:28]

Kerran hlusti bara á 60 minutes, það var ekki viðtal við þessa konu heldur mann sem vissi margt um vírusa en ekki jarðfræði. Það er rétt að DARPA lætur aðra vinna fyrir sig en miðlar upplýsingum eins og þeir gerðu til AstraZeneca. Niðurstaðan er mannkynsfrelsun og það að kveða niður  sýklaárásir. Þessi maður, man ekki nafnið,  sagði að margt myndi breytast í vírusavörnum á komandi árum eins og Þórólfur segir raunar líka.

[Ómar Geirsson, 21.4.2021 kl. 08:37]

Velkominn aftur Halldór.

Munum svo að bóluefnið gegn Ebólunni kom frá bandarískri stofnun og ef við drögum þetta saman, þá er einföld skýring að hinn heimski markaður lítur alltaf í lægra haldi fyrir aga og skipulagi hins miðstýrða, markaðurinn fer alltaf út og suður og getur aldrei skilið sig frá sínu höfuðtilgangi, að safna auði í hendurnar á eigendum sínum, sem langt í frá þurfa að hafa sama markmið og samfélagið.

Enda þurfti ekki öflugt ríkisvald til að yfirbuga flóru evrópskra einkaherja á 17. öld, og eftir Friðrik mikla hermannakeisara, á þeirri 18. öld, þá minntist enginn lengur á einkaframtak hvað varðar rekstur herja.

Svo kom falstrú frjálshyggjunnar, og svo var komið fyrir bandaríska hernum í Íraksstríðinu, að hann fékk færri dollara en einkafyrirtæki, sat samt uppi með hitann og þungann, mannfallið og átökin.

Sem betur fer var þetta rakkarapakk sem þú studdir í svo mörg ár Halldór, og hélst að væru borgaralegir kapítalistar, ekki búið að einkavæða þær stofnanir sem hafa gefið heimsbyggðinni bóluefnið, þá væri illt í efni.

Það var ekki að ástæðulausu sem Trump var kosinn.

Kveðja að austan.

[Halldór Jónsson, 21.4.2021 kl. 15:51]

Omar, sú stofnun er DARPA hvað sem Kerran segir.

Ég hef nú alltaf haft mikið álit á Bandaríkjaher og sótti fundi í Pentagon og námskeið hjá US ARMY á sínum tíma á vegum Íslands og Almannavarna.Kom heim með veggjalús úr herstöðinni Fort Belvoir þar sem ég var í skóla.

[Ómar Geirsson, 21.4.2021 kl. 18:15]

Já Halldór, enda ertu bara góður heiðarlegur borgarlegur íhaldsmaður, sem vissulega reist upp gegn þeim öflum sem vildu koma allt undir gin ríkisins, en í þeim rangindum fólst ekki að hið borgarlega samfélag skyldi afnema ríkisvaldið líkt og falshagfræðingurinn Hayek hélt fram gegn betri vitund og þekkingu, en hlaut fyrir marga ókeypis hádegisverða, sem og hjörð tilbeiðanda, þar sem Hannes Hólmsteinn telur sig sjálfan fremstan meðal hirðfífla.

Þetta er hárrétt sem þú sagðir, og við eigum þessari bandarísku ríkisstofnun allt að þakka, því það var ekki bara Astra sem nýtti sér þekkingu hennar.  Og gleymum ekki heldur ebólu bóluefninu sem drap faraldurinn é Vestur Afríku rétt áður en hann varð að heimsfaraldri.

Kerran, hún er bara gagnabanki nöldurs og leiðinda, en án greindar. 

Þess vegna staðfesti innslag hennar kjarna þess sem þú sagðir okkur hinum, og enn og aftur, gaman að fá þig aftur, það var missir af þér.

Haltu svo áfram að skamma þína menn, á milli þess sem þú hrósar þeim.

Það er ekki dauður flokkur sem á stuðningsmann eins og þig.

Kveðja að austan.

[Halldór Jónsson, 21.4.2021 kl. 18:32]

Takk fyrir hlý orð i minn garð Ómar Hriflungur. Ég lenti óvænt á spítala og var tölvulaus á meðan. Er að reyna að skríða saman.

Bestu kveðjur austur.