Halldór Jónsson

24.5.2021 | 12:06

Á Lukasjenko að komast upp með Flugrán?

Því veltir Björn Bjarnason réttilega fyrir sér.

Hann segir m.a.:

"...

Meðal þeirra sem risu gegn Lukasjenko í fyrra var Roman Protasevitsj (26 ára), bloggari og stjórnandi vefsíðunnar Nexta sem flutti fréttir af mótmælunum gegn forsetanum. Protasevitjs tók þátt í alþjóðlegri ráðstefnu í Grikklandi og flaug sunnudaginn 23. maí með Ryanair-farþegavél frá Aþenu í átt til Vilnius, höfuðborgar Litháens, þar sem býr landflótta vegna ofsókna Lukasjenkos. Hann reyndist hins vegar ekki óhultur í vélinni sem flaug yfir vestur horn Hvíta-Rússlands og átti tvær mínútur eftir inn í lofthelgi Litháens þegar MiG-29-orrustuþotur frá Lukasjenko neyddu flugmennina til að lenda í Minsk með þá lygi á vörunum að sprengja væri um borð.

Þetta fyrsta flugrán sögunnar til að ná í bloggara stofnaði lífi um 120 manns um borð í vélinni í hættu. Samfarþegar Protasjevitsj sögðu hann skelfingu lostinn þegar hann var leiddur frá borði, fullviss um að hann yrði tekinn af lífi. Enginn sprengja fannst í vélinni.

Atburðarásin er með ólíkindum. Forseti ríkis gefur fyrirmæli um flugrán. Hann sendir herþotur á loft til að neyða flugmenn farþegavélar á flugi milli tveggja Evrópulanda til að lenda. Stjórn hans lýgur um sprengjuhótun. Síðan er útlægum stjórnarandstæðingi skipað að yfirgefa vélina. Hann er handtekinn ásamt kærustu sinni Sofíu Sapega, rússneskum námsmanni við háskóla í Vilnius.

Michael O‘Leary, forstjóri Ryanair, sagði í útvarpsviðtali að morgni 24. maí að fyrir utan Protasjevitsj og Sapegu hefðu einnig nokkrir (fjórir?) hvít-rússneskir KGB-menn yfirgefið flugvélina í Minsk sem fékk fararleyfi eftir sjö tíma töf.

Öryggislögreglumenn fylgdust með ferðum Protasjevitsj á meðan hann dvaldist í Grikklandi og tóku þátt í að skipuleggja flugránið.

Verði þetta atvik látið óátalið í verki hvað sem líður opinberum mótmælum hér og þar hefst með nýr kafli í flugsögunni. Kerfi reist á lögum og reglum er eyðilagt af einræðisherra sem situr í embætti vegna kosningasvindls og stuðnings Vladimirs Pútins. Einræðisherrar fleiri landa sjá sér leik á borði."

Spurning hvort hann þorir að drepa Roman bloggara?

Á þetta kvikindi og glæpamaður Lusjenko í Minsk að komast upp með flugrán um hábjartan dag?

Hvar eru nú réttlætisöskuraparnir á Austurvelli?

Hvar eru nú kröfur um viðskiptabann frá Íslandi?

Flokkur: Stjórnmál og samfélag | Facebook

Athugasemdir

Sæll Halldór; sem og aðrir gestir, þínir !

Halldór.

Hvað; sem hugrenningum Björns Bjarnasonar og annarra líður, megum við þá samt ekki gera ráð fyrir því, að Roman karlinn Protosevich, líkt og hinn Rússneski Alexei Navalny sjeu þæg handbendi Evrópusambandsins sem og NATÓ, í stanzlausum áróðri sem og átroðningi þeirra gagnvart Rússneska Sambands lýðveldinu, sem og Hvíta- Rússlandi ?

Jú; jú, æði margt má finna að stjórnarháttum þeirra beggja, Alexanders Grigoryvich Lukashenko í Hvíta- Rússlandi, líka sem og Vladimírs Vladimirovich Pútín í Rússlandi en, ...... gleymum ekki misheppnaðri refskák Vesturlanda í Úkraínu, þar sem ESB og NATÓ eru virkilega fúl yfir sjálfsákvörðunarrjetti íbúa Krím skagans hjer um árið, að ganga undir skjaldarmerki Rússneska Sambandslýðveldisins (áður skjldarmerki Austur- Rómverska ríkisins - eins og við munum) en Vesturlöndum:: og sjer í lagi Þjóðverjum stingur í augu þróttmikil uppbygging Rússnesku landanna / jafnt: Evrópumegin Úralfjallanna, sem og Asíumegin, hin seinni árin.

Vitaskuld; má margt að stjórnarháttum Lukaschenkos og Pútin finna en, hefur sagan ekki sýnt okkur mikilvægi fámennis stjórnunarinnar stundum, sbr. þá Maríus og Súlla í Róm, forðum ?

Björn Bjarnason; sem og fleirri, mættu aptur á móti velta fyrir sjer:: núverandi og áframhaldandi tilvist NATÓ, þar sem jú höfuð- fjandi þess, hið gamla Varsjárbandalag þáverandi Sovjetríkja og leppríkja þeirra lagði jú upp laupana árið 1991 góðu heilli, verðugt rannsóknarefni fyrir Björn Bjarnason, sem og fleirri.

Sendi hjer með; myndir af þeim Alexander Nevsky Hersi af Novgorod (Hólmgarði), hver vann bug á Þjóðverjum og leppum þeirra á 13. öldinni úr vestri, þá hann átti við Mongóla og Kazhaka að etja, úr austri, og vann hvorutveggju.

Sem og Vassily II. Moskvu hertoga, hver tók upp merki Austur- Rómverska ríkisins, eptir fall Konstantínópel þann 29. Maí 1453.

Mbkv.; sem optar, af Suðurlandi /