Miðflokkurinn

bíður hæfileikamanna,sem láta ekki teyma sig hugsunarlaust af þingflokki Sjálfstæðismanna. 

 

Svo skrifar Páll Vilhjálmsson sem er ekki Sjálfstæðismaður heldur sjálfsviðurkenndur kommi að hluta til.

 

"Hvers vegna ættu sjálfstæðismenn að kjósa kynrænt frelsi, ESB orkupakka, hálendisþjóðgarð, Grétu Thunberg og lögleiðingu fíkniefna í boði Sjálfstæðisflokksins?

Samfylktum Sjálfstæðisflokki er ekki treystandi að standa í ístaðinu þegar borgaraleg málefni eru annars vegar.

Á vinatorg skrifar Gústaf Níelsson: 

"Auðvitað eiga þeir Haraldur og Brynjar að ganga til liðs við Miðflokkinn og flytja þar með vistarverur sjálfstæðisstefnunnar, þar sem henni hefur verið úthýst af skapara sínum í skiptum fyrir samfylkingarvæðingu Sjálfstæðisflokksins með femínísku ívafi. 

Erfitt að vera ósammála Gústa."

Það virðist að viss hópur sitjandi þingmanna Sjálfstæðisflokksins hafi byr í prófkjörunum nema í Suðurlandi. En miklir þingskörungar hrekjast hinsvegar burt sem margir  íhaldsmenn eru ósáttir við.

Birgis Ármannsonar heilkennið er ef til vill þyngra í vöfum sem lengra líður frá Orkupakkanum sem var líklega ekki holl afgreiðsla fyrir þann flokk. Hinn almenni flokksmaður var ekki sáttur við þann framgang.

En það  er hægara sagt en gjört að skipta um flokk eins og Bercow þó að Miðflokkurinn og Sigmundur Davíð  séu um margt geðþekkir.

Athugasemdir

[Heimir Lárusson Fjeldsted, 20.6.2021 kl. 11:54]

Mér er brugðið ef menn hlaupast baráttulaust í skjól Miðflokksins.

[Helga Kristjánsdóttir, 20.6.2021 kl. 15:13]

Já næstum eins og að skipta um íþróttafélag,þá er lausnin að hætta alveg.Fáir virkir tíma því.

[Óskar Helgi Helgason (IP-tala skráð) 20.6.2021 kl. 15:24]

Sæll Halldór Verkfræðingur; sem og aðrir gestir, þínir !

Mjög margt; hefur þú til þíns máls í þessu tilliti, fonvinur góður.

Innlegg Páls Vilhjálmssonar og Gústafs Níelssonar, eru ekki síðri.

Miðflokksfólk - Flokks fólksins þingsetar; ásamt þeim Ásmundi Benzínfræðingi Friðrikssyni og Jóni Þór Ólafssyni Malbikunar frömuði og:: vonandi fyrrum Pírata, voru þau einu, sem stóðu með hagsmunum almennings í viðureigninni við Orkupakka III hörmung Evrópusambandsins, í September 2019.

Það er; sem við sjáum valhoppara nýafstaðinna prófkjöra / sem og þeirra komandi hinna flokkanna hafa þau BEIN í nefi, að standa gegn frekari ásælni EES/ESB companísins, Halldór minn.

Ekkert; ekkert kemur til með að sýna okkur, að svo verði, þá Orkupakkar IIII og V verða leiddir inn í íslenzkt samfjelag, á komandi árum með tilheyrandi áframhaldi sundrungar og gremju, nema þá þau fyrrnefnd, sem höfðu þor til, að standa í sína báða fætur, í hitteðfyrra.

Því; er nú verr - sem og miður, að óbreyttu.

Með beztu kveðjum; sem endranær, af Suðurlandi / 

[Hörður Þormar, 20.6.2021 kl. 16:47]

"Es ist schwieriger eine  vorgefasste Meinung zu zertrümmern als ein Atom"

Albert Einstein. 

Taki til sín, hver sem vill.

[Símon Pétur frá Hákoti (IP-tala skráð) 20.6.2021 kl. 17:23]

Annað hvort eru menn sjálfstæðismenn, eða ekki.

Sigmundur Davíð er sjálfstæðismaður.

Bjarni og Þórdís Reykfjörð eru það ekki.

Þau eru ESB sinnar, eins og þú veist.

Þú kýst auðvitað sem þú vilt Halldór,

en betra væri að þú kysir sjálfstæðismann.

[Halldór (IP-tala skráð) 21.6.2021 kl. 10:29]

Heimir, því miður þá er sjálfstæðiflokkurinn löngu farinn í klósettið og ekkert magn af baráttu getur lagað hann, þetta ástand er búið að vera þar síðan Bjarni tók við honum, bullandi laumu ESB flokkur, það sást hvað best í Icesave. Sorglegasta við þetta allt saman er þessi blinda forystuhollusta þar sem fólk eltir formanninn sama hvað hann er að gera.

Merkilegast af öllu er hvresu þessir menn hafa náð að hanga lengi þarna til að reyna breyta hlutunum til hins betra. Þannig að það er mjög ósanngjarnt að segja að þeir væru að fara án baráttu.