Er mig að dreyma?

eða er ég að vaka?

Ég hef verið að fylgjast með skrifum Páls Bloggkóngs um samskipti Kjarnans og Stundarinnar við Pál Steingrímsson skipstjóra.

Ég er ringlaður svo ég segi eins og er.

Nú hnykkir hann Páll enn á:

Föstudagur, 10. desember 2021

Alli og Doddi tala við Pál skipstjóra

Síminn hringir hjá Páli skipstjóra Steingrímssyni 20. maí í vor kl. 14:56. Þórður Snær Júlíusson ritstjóri Kjarnans er á línunni. Erindið er fá viðbrögð Páls skipstjóra við fréttaskýringu um svokallaða skæruliðadeild Samherja sem skyldi birtast daginn eftir.

Páll segir fátt við Þórð Snæ enda nýkominn af gjörgæslu eftir eitrun. Á meðan skipstjórinn var meðvitundarlaus var snjallsíma hans stolið. Hluti gagnanna var kominn í hendur Þórðar Snæs.

Varla var Páll skipstjóri búinn að slíta símtalinu þegar annar blaðamaður hringir. Aðalsteinn Kjartansson blaðamaður á Stundinni er á hinum endanum. Símtalið hefst kl. 15:07, ellefu mínútum eftir að Þórður Snær hringdi.

Erindi Aðalsteins var það sama og ritstjóra Kjarnans. Á Stundinni er Aðalsteinn einnig með stolin gögn frá skipstjóranum, bara önnur en Þórður Snær, en um sama málefnið.

Hvorki Aðalsteinn né Þórður Snær vildu í raun fá álit Páls skipstjóra. Þeir vildu formsins vegna uppfylla frumskilyrði blaðamennsku, að bera ásakanir undir þann ásakaða. Fréttin í málinu er að eitrað var fyrir Páli og þjófur tók símann frá honum meðvitundarlausum. En faglegu síamstvíburarnir vildu ekki þá frétt. Þeir voru verktakar hjá ríkisstofnun. Verkefnið var að sýna fram á að norðlenski skipstjórinn hafði gengið svo hart fram í vörn fyrir Samherja að fréttahvolpur á Glæpaleiti var kominn á geðdeild.

Þriðji aðili stýrði bæði Aðalsteini og Þórði Snæ, sagði þeim hvenær ætti að hringja og hvenær skyldi birta. Kvenleg smásmygli er á skipulaginu. Nánast eins og forsetaframbjóðandi ætti í hlut.

Faglegu síamstvíburarnir láta vel að stjórn. Sennilega ákveður þriðji aðili háttatíma Alla og Dodda. Ef Knoll og Tott eru með Tinder-reikning má leiða líkum að hver ritstýrir."

Atburðarásin finnst mér eins og að Yrsa hefði skrifað hana í metsölubók sem maður væri að lesa stífur af spenningi. Maður hefur bara ekki við að trúa og skilur ekki hvernig á að taka þessu? Er þetta reyfari eða alvara?

Lögreglustjórinn Pála er sögð vera með málið? Eða hvað?

Hvernig veiktist Páll og hvaða eitrun fékk hann? Hvert fór síminn hans? Af hverju eru engir settir í gæsluvarðhald ef þetta er ekki bara reyfari? 

(Þaráður var hann búinn að segja þetta:

"Að morgni dags 21. maí birtu Stundin og Kjarninn tvær ítarlegar fréttaskýringar. Stundin birti kl. 0600 og Kjarninn 7:52. Báðar fréttaskýringarnar byggðu alfarið á gögnum er stolið var frá Páli skipstjóra Steingrímssyni á meðan hann var meðvitundarlaus vegna eitrunar.

Þórður Snær Júlíusson ritstjóri er höfundur pistilsins í Kjarnanum. Hann segir í rammagrein með fréttaskýringunni:

Ábyrgðarmenn Kjarnans vilja taka fram að umrædd gögn sem eru grundvöllur umfjöllunar miðilsins bárust frá þriðja aðila. Starfsfólk Kjarnans hefur engin lögbrot framið...

Þessi þriðji aðili er utanaðkomandi. Hann stendur fyrir lögbrotinu, samkvæmt orðum ritstjórans. Þriðji aðilinn úthlutar Stundinni og Kjarnanum stolnum gögnum. Gögnin út síma skipstjórans eru flokkuð til að úr verði tvær fréttasýringar. Sama fréttin en efnisatriðin ekki þau sömu. Þriðji aðilinn kann til verka í fréttamennsku. Jafnframt ákveður þriðji aðili hvenær efnið skuli birt, að morgni dags 21. maí. Það skapar tækifæri fyrir reiðibylgju: netheimar loga. Þriðji aðilinn veit hvernig skal hámarka samfélagsleg áhrif fréttaflutnings.

Stundin og Kjarninn kynna sig sem sjálfstæða fjölmiðla er lúti eigin ritstjórn. Út á það fá miðlarnir ríkisstyrk. En samt er það þriðji aðili sem ritstýrir báðum útgáfum. Hér er um að ræða falskar forsendur og misnotkun á almannafé.

Hver getur þriðji aðilinn verið? Það kemur aðeins einn aðili til greina, RÚV. 

(Aths.ritstj: Tilfallandi athugasemdir þiggja ekki ríkisstuðning. Páll Vilhjálmsson ritstýrir einn, án aðkomu þriðja aðila.)"

Er mig að dreyma eða er ég að vaka?

Athugasemdir

[Heimir Lárusson Fjeldsted, 11.12.2021 kl. 08:47]

RUV hefur svarið.