Kjósið með Reykjavíkurflugvelli !

Ég sé að það koma margir á síðuna án þess að taka þátt í skoðanakönnun sem ég er með um framtíð Reykjavíkurflugvallar. Það er verið að seigdrepa þetta mannvirki, sem sett hefur svip sinn á Reykjavík í bráðum 70 ár. Það er verið að klessa að honum mannvirki sem ekkert erindi eiga inná flugvallarsvæðið. Eins og Háskólann í Reykjavík sem er að byggja innað flugbrautunum. Gufuvitlaus ráðstöfun eins og allir hljóta að geta séð fyrir sér sambýli skóla og flugvallar. Reynum að stöðva þessa vitleysu og notum sökklana sem þeir eru að byggja frekar undir flugstöð eða flugskýli sem bráðavöntun er á. Vellinum er haldið í heljargreipum vegna ráðaleysis Borgarstjórnar. Hún getur bara verið sammála um eitt: Banna allar framkvæmdir á flugvellinum vegna þess að hann getur farið einhverntimann. Og svo vinna moldvörpurnar á meðan dag og nótt og smávinna sín skemmdarverk á grundvelli skipulags. 

Mér finnst meir herbrestur og meira liggja við varðandi flugvöllinn en hvort eigi eða megi ekki rífa gömul hús við Laugaveg. Höfuðborg á samgangna er engin höfuðborg.

Það verður að afgreiða spurninguna um Reykjavíkurflugvöll með þjóðaratkvæði í næstu kosningum. Þessi vitleysa bara gengur ekki !

Athugasemdir

[Eyjólfur Jónsson, 10.1.2008 kl. 01:51]

Það er ekkert minna mál þetta með húsin á Laugarveginum. Þar er líka moldvörpustarfsemi í gangi. Eftir mína síðustu flugferð frá Reykjavíkurflugvelli í gamla þristinum ákvað ég að hjálpa til að halda í völlinn, en það hefur ekki ennþá orðið af því. En völlurinn verður áfram. Það er klárt mál. Reynsla allmargra borga í Evrópu hafa sannað tilverurétt og nauðsin flugvalla í og við borgir.

Wolfang 

[Ágúst H Bjarnason, 10.1.2008 kl. 09:32]

Ef það verður atkvæðagreiðsla, þá verður það að vera þjóðaratkvæðagreiðsla, því þetta er flugvöllur allra Íslendinga. Hann skiptir t.d. Vestfirðinga miklu meira máli en Reykvíkinga, svo og Norðlendinga, Austfirðinga, ...

Atkvæðagreiðslan á sínum tíma meðal hluta Reykvíkinga var því bull og ómarktæk.

[Halldór Jónsson, 10.1.2008 kl. 22:39]

Takk fyrir þetta Wolfgang Amadeus, það er fengur að þér sem liðsmanni.

 Flestar borgir hafa flugvöll innan borgarmarka. Orlando hefur 2 flugvelli, svona 10 mílur hvorn frá öðrum. Annan inni í miðbæ sem þeir kalla svo þó það sé draugabær með engu í, gömul nostalgía frá járnbrautartímanum..

Þana á miðbæjarvellinumr eru einkaþoturnar og þyrlurnar og almennar einkaflugvélar. Þetta er viðskiptaflugið innanlands, þar sem fjarlægðir eru miklar í Bandaríkjunum. Þjóðfélagið gengur á benzíni og þeir kvarta sáran yfir 50 lítra verði á lítrann. Stjórnmálamenn þar myndu aldrei leyfa sér að pí-falda bíla og benzín sem einstæða móðirin notar til að koma barninu sínu á leikskóla áður hú heldur í láglaunavinnuna sína, og nota peningana í dreifbýlisstyrki.

[Halldór Jónsson, 10.1.2008 kl. 23:00]

Já frændi Ágúst, þessi atkvæðagreiðsla hennar ISG um Reykjavíkurflugvöll var náttúrlega útúr kú, þegar jafnt var hérumbil með og á móti með  þriðjungsþáttöku.  Ennþá stórkostlegra var að heyra hana lýsa yfir því að nú hefðu borgarbúar talað og niðurstaðan væri bindandi, þó svo hún hafi sagt áður að helmingsþáttaka væri lágmark fyrir viðunandi niðurstöðu.

Auðvitað hlýtur þjóðin að hafa um þetta að segja, ekki bara Reykjavíkurliðið. Sé Reykjavík höfuðborg þá hlýtur hún að vera höfuðborg allra landsmanna og koma þeim við sem slík.  Keflavík getur líka tekið við þessu höfuðborgarhlutverki ef Reykvíkingum leiðist það svona mikið.

Í Keflavík er einn flugvöllur góður og annar sem getur orðið mjög góður-Patterson völlurinn gamli-, sem auðvelt er að gagngsetja fyrir brotabrot af því sem bara þrasið um Reykjavíkurflugvöll hér eða þar er búið að kosta áður en nokkur völlur á Hólmsheiði eða Lönguskerjum er byggður.

Ég er farinn að hallast að því að það sé best að drífa þetta af, loka Reykjavíkurflugvelli og fara á Patterson með allt annað flug en millilandaflug. Þetta þras og aðgerðaleysi er stórkostlegur dragbítur á alla þróun nútíma efnahagslífs, að mega ekkert gera á Reykjavíkurflugvelli, hvorki stórt né smátt, vegna þess að það er ekki búið að klára eitthvað rifrildi um tilvist vallarins.Catch 22 og pattstaða.  

Klárum það bara strax og förum ,ef það er vilji fólksins í landinu. En ég vil heyra í því fyrst, ekki bara hlusta á þessa sjálfumglöðu sleggjubranda, bæði í íhalds-og kommaflokkunum, sem bara rífast og rífast með engri niðurstöðu ár eftir ár.

Ekkert patt verður á Patterson flugvelli ! Þar er víðáttan, frelsið og flugskilyrðin !. Ég mun einskis manns sakna úr Borgarstjórn Reykjavíkur þó að auðvitað syrgi ég Reykjavíkurvöllinn minn kæra. En menn verða víða um heim að horfa á eftir sínum draumalöndum í tröllahendur. Það er að gerast með Reykjavíkurflugvöll ef fólkið rís ekki upp honum til varnar heldur lætur moldvörpurnar í friði.