Um hvað á að kjósa ?

 

Um hvað á að kjósa í apríl ? Bara það eitt að vinstriflokkarnir ætla að starfa saman eftir

kosningar ? Ekki hvað þeir ætli að gera ?

 

Er það ekki víst að þeir ætli að hækka skatta ?  Færa fjármagnstekjuskatt í staðgreiðslu prósentu ? Hækka almenna staðgreiðslu ? Hækka skatta á fyrirtækjum ? 

Hækka neysluskatta ? Taka upp eignaskatta og erfðafjárskatta ?

 

Hvað ætla þeir að gera í atvinnumálum ?  Hvaða ætla þeir að gera í peningamálum ?

 

Hafa þeir hugmynd um það ?

 

Athugasemdir

[Brattur, 15.3.2009 kl. 13:06]

Um hvað á að kjósa í apríl? Það á að kjósa um það hvernig á að koma heimilum og fyrirtækjum landsins til hjálpar þar sem forgangsröðin verði sú að þeir sem minnst mega sín verði settir í 1. sæti.

Til þeirra verka treysti ég núverandi stjórnarflokkum best.

En það má líka snúa spurningunni við. Hvað ætlar Sjálfstæðisflokkurinn að gera fyrir fólkið í landinu?
Selja alla bankana aftur með jafn glæsilegum árangri og síðast? Einkavæða heilbrigðiskerfið?
Púkka upp á frjálshyggjuna aftur og segja að allt blómstri án afskipa ríkisvaldsins? Fyrir mitt leyti sé ég ekki annað en að Sjálfstæðisflokkurinn verði að henda öllum gömlu hugmyndunum út í hafsauga. Það voru einmitt þær sem komu okkur í þá stöðu sem við erum í dag.

Eitt er alveg öruggt að Sjálfstæðisflokknum er EKKI treystandi fyrir stjórn efnahagsmála landsins.

[Óskar Helgi Helgason (IP-tala skráð) 15.3.2009 kl. 14:32]

Heill og sæll; Halldór, og þið önnur, hér á síðu hans !

Halldór ! Persónulega; hefði mér fundist rétt, að gefa miðjumoði Sjálfstæðis- og Framsóknarflokka frí, í þessum komandi kosningum, líka sem vinstra kraðaki Samfylkingar og Kommúnista hreyfingar VG. 

Miklu nær; að veita F - L og  O listum gullið tækifæri, til að spreyta sig, við landsstjórnina, á komandi misserum, enda, hinir fjórir, sérfræðingar í kjaftavaðli og fimbulfambi og eiginhagsmunapoti, sem öllum er kunnugt.

Með beztu kveðjum; sem jafnan /

Óskar Helgi Helgason 

[Halldór Jónsson, 15.3.2009 kl. 14:44]

Af hverju heitirðu Brattur ? Ertu fylgjandi því að fólk gangi grímuklætt á almannafæri ?

Það getur verið að þú kjósir Sjálfstæðisflokkinn þar næst þegar þú ert búinn að kynnast þeim núverandi nægilega.  Hér verður eymd og volæði þangað til frelsið og frjálshyggjan hafa verið leidd til virðingar á ný. En það verður ekki strax.

 Þessi hugtök eða Sjálfstæðisflokkurinn þýða ekki athafnafrelsi fyrir glæpamenn. Það voru þeir sem rústuðu okkur af því að við létum það viðgangast. Þeir höfðu dygga hjálp forsetans og fleiri af vinstravængnum við iðju sína.

Óskar minn, flokkar eru bara fólkið sem er í þeim. Það eru engir eftir í þessum núllflokkum sem þú nefnir þannig að þú skalt bara koma til okkar ef þú vilt leggja eitthvað til málanna.

[Brattur, 15.3.2009 kl. 15:11]

Sæll Halldór... ég heiti ekki Brattur, það er bara svona bloggnafn sem ég nota... Ég heiti Gísli Gíslason eins og kemur fram í höfundaupplýsingum á minni síðu... Mér er alveg sama hvort fólki gengur um með grímur eða ekki... svo lengi sem fólk veldur ekki skaða.

Þessi setning þín er hlægileg en þó frekar sorgleg;

"Hér verður eymd og volæði þangað til frelsið og frjálshyggjan hafa verið leidd til virðingar á ný"

Á Íslandi er nú einmitt eymd og volæði vegna frjálshyggjunnar og einkavinavæðingastefnu Sjálfstæðisflokksins.

Sala bankanna var upphafið sem rústaði efnahag landsins nokkrum árum síðar. Sjálfstæðismenn seldu vinum sínum bankana. Og eru þessir svokölluðu útrásarmenn meira og minna Sjálfstæðismenn?

[Óskar Helgi Helgason (IP-tala skráð) 15.3.2009 kl. 15:42]

Heilir og sælir; sem fyrr !

Halldór; einn minna góðu spjallvina !

Ég hygg; að fyrir það fyrsta, muni skoðana kannanir ýmsar, vera verulega bjagaðar - stóru flokkunum til hyglunar nokkurrar, og að mjög þyrftu að þynnast raðir frjálshyggju sveims þess, hver nú situr, á fleti fyrir, í Sjálfstæðisflokknum, áður ég; gamalgróinn þjóðernissinninn, tæki að verma bekki þar.

Og; þó ekki væri, nema fyrir eindregna andstöðu mína, við Evrópusambandið, hvað þá nokkrar viðræður, við þá þrjóta, suður þar.

Svo sýnist mér; um hríð, verkfræðingur góður.

Með beztu kveðjum; sem hinum fyrri /

Óskar Helgi Helgason

 

[Halldór Jónsson, 15.3.2009 kl. 20:29]

Gísli minn Brattur:

Þú segir:

"Á Íslandi er nú einmitt eymd og volæði vegna frjálshyggjunnar og einkavinavæðingastefnu Sjálfstæðisflokksins.Q

Hér var góðæri og uppgangur á þessum tíma. Okkur brást hinsvegar forsjálnin. Og svo komust glæpamenn í lykilstöður. Það er ekki frjálshyggjunni að kenna því hún segir einmitt að frelsi eins megi ekki skaða annan.  Ég sé ekki tengslin milli einkvæðingar VÍS og Búnaðabankans við Sjálfstæðisflokkinn.

"Sala bankanna var upphafið sem rústaði efnahag landsins nokkrum árum síðar. Sjálfstæðismenn seldu vinum sínum bankana. Og eru þessir svokölluðu útrásarmenn meira og minna Sjálfstæðismenn?"

Jón Ásgeir studdi aldrei Sjálfstæðisflokkinn heldur vann honum yfirleitt það ógagn sem hann mátti. Það fór ekki mikið fyrir Hannesi Smárasyni, Bakkavararbræðrum og Ólafi í Samskipum í stuðningi við þann flokk.  Í hvaða flokki var forsetinn okkar  sem hossaði þessum köllum sem mest og veitti þeim verðlaun milli þess sem hann var á spenanum hjá þeim. ?

Þessar ályktanir máttu því endurskoða Brattur góður. 

[Brattur, 15.3.2009 kl. 20:55]

Sjálfstæðisflokkurinn og Framsókn einkavæddu bankana og létu þá í hendur þessara manna. Engin tengsl ?

Er góðæri ykkur að þakka en slæmt árferði kemur ykkur ekkert við ?

[Pétur Halldórsson (IP-tala skráð) 15.3.2009 kl. 21:34]

Óskiljanlegur málflutningur hjá Bratta. Hann er hlægilega langt úti í horni með þessar samsæriskenningar sínar. Ástæðurnar fyrir hruninu koma víðar að en frá Sjálfstæðisflokknum, en Brattur virðist blindaður af hatri í garð þeirra og bullar þarafleiðandi svona og kýs að lýta ekki í eigin barm.

[Óskar Arnórsson, 16.3.2009 kl. 06:40]

Góð spurnig! "Um hvað á að kjósa?" Hvað þarf eiginlega mikið að fólki til að stjórna Íslandi með rúmlega 300 þús hræðum?

Ég las einhverstaðar að forsjóri fyrir alþjóðlegu fyrirtæki í USA hefði sagt það opinberlega að hann gæti stjórnað þessu landi aleinn í kaffitímanum sem eru 45 mín, 5 daga vikunar. Meira mál væri ekki að rétta svona lítið land við.

Mér finnst Ríkisbáknið, fjöldi þingmanna og ráðherra í engu hlutfalli við stærð þjóðarinnar. Þetta flokkakerfi er orðið algjörlega úrelt og tómt rugl. 

Þingmenn í braski í fyrirtækjum samtímis meðan þeir eiga að vera að stjórna landinnu og öllum finnst það bara í lagi. það er ekkert í lagi.

Hvað með að fá bara erlendan forstjóra sem fær alræðisvald og ekki hefur neinar tengingar í neinn íslending?

Ísland er komið á alþjóðlega félagsmálastofnun hvor eð er, og ræður engu í sínum eigin málum.

Henda kvótakerfinu og banna með lögum. Verðtryggingabullinu líka! Gefa skít í þetta IMF ruglhyski og byrja bara allt upp á nýtt. Með fiskveiðum.

Selja Rússum og Japönum hvalveiðikvóta eins mikið og þeir vilja. 100 þúsund hvalir af öllum stærðum og gerðum er ekki að spyrja um leyfi um hvað þeir meigi éta mikið af nytjafiski. Besta fiskivernd sem til er.

Er ekki hægt að fá kosningatening? Sem maður hendir bara upp í loftið og svo krossar maður bara fyrir þann flokk sem kemur upp á teningnum? Mér finnst eigilega alveg nákvæmlega sama hver stjórnar þessu landi í dag. 

Það gerist ekki neitt. Ef bankar halda áfram að þjarma að fólki svona eins og þeir eru búnir að vera að gera, verður borgarstyrjöld. Og engar pottar og pönnur notaðar.

Alla vega eykst sú áhætta ef sömu rugludallarnir fara inn á þing aftur. Ég vil ekki sjá Sjálfstæðisflokkinn, né Vinstriflokka. Kalla þetta sértrúarsöfnuði.

Kanski vantar bara einræðisherra með vit og visku að sjálfsögðu, eða bara gjörbreyta öllu og hafa Kóng með 3 aðstoðarmenn!

Hann gæti búið á Bessastöðum. Forsetaembættið yrði lagt niður.

jæja, flottur pistill. Ætli ég noti ekki bara, úllen dúllen doff aðferðina í kosningunum...