Vaxtafrádráttur fyrir alla ?

Sveinbjörn Jónsson verkfræðingur sendi mér hugleiðingar sínar :

Af hverju er fyrirtækjum og einstaklingum mismunað hvað varðar fjármagnskostnað ? Hversvegna fá einstaklingar ekki að draga allan fjármagnskostnað, alla vexti og verðbætur , frá tekjum eins og fyrirtæki ?

Eru ekki heimilin mikilvægustu fyrirtæki landsins ? Án þeirra engin fyrirtækjastarfsemi.

Er þetta ekki skynsamlegri leið en eða fimbulfamba um 20 % eftirgjöf skulda ? Er það ekki alltof flókin framkvæmd ?.

Er ekki skynsamlegra að hækka bæði persónufrádráttinn og skattprósentuna alla í staðgreiðslunni heldur en að vera að taka upp sérstakan hátekjuskatt ? Kemur ekki skatturinn þá réttlátar niður ?

Svo spyr ég líka.  Hversvegna eiga menn að telja fram eign í ónýtum hlutabréfum gömlu bankanna ? Til þess að borga 2 % eignaskatt af þeim að tillögu VG ?

Hversvegna fá menn ekki tapsfrádrátt  af hlutabréfum í bönkunum , sem eru þó sannarlega gjaldþrota og einskis virði. Tap af öðrum gjaldþrota fyrirtækjum er frádráttarbært. Bara ekki af glæpabönkunum gömlu. 

 Eru allir litlu  hluthafarnir líka stimplaðir glæpamenn í augum RSK úr því að  stjórnendurnir voru það ?  

Athugasemdir

[Gunnar Rögnvaldsson, 6.4.2009 kl. 20:27]

Sæll Halldór

.

Nei ekki vaxtafrádrátt. Alls ekki, please. Hann styður svo undir skuldasöfnun heimila og þessutan má ekki flækja skattakerfið svona mikið. Svo verður auðvitað einhver að borga þær tekjur sem ríki og sveitafélög missa af við þetta. Þau fá inn minni skatta og þá þarf bara að hækka þá annarsstaðar. Þú borgar. Heimili eru alls ekki fyrirtæki, sem betur fer ekki.

Öll fyrirtæki hafa kostnað og tekjur. Ef það á að fara reikna heimilisstörf til tekna og útgjalda, til dæmis það að elda hrísgrjónagraut fyrir nágrannann, þá verður ekki gaman að vera til. Þá veður þú nefnilega skattlagður inn í helvíti fyrir það eitt að taka á móti gefins vinnu frá nágrannanaum (hrísgrjónagrauturinn) og hann dæmdur fyrir svarta vinnu (fyrir að gefa þér eldamennskuna). Þetta má ekki sjást í samfélagi voru. Þetta er sænsk/dönsk veiki. Leiðin til helv.

Bestu kveðjur

[Halldór Jónsson, 6.4.2009 kl. 21:40]

Af hverju er verið í píra vaxtabótum í liðið, allir jafnt ? Skuldasöfnun heimila er einkamál þeirra. Sá sem safnar of miklum skuldum fer á hausinn.Það veit hin hagsýna húsmóðir. En þeir sem hafa fengið tvöföldun á skuldinni af íbúðinni á sama tíma sem hún hríðlækkaði í verði. þeir ættu að fá að draga vexti og verðbætur frá, allaveg núna tímabundið.

[Halldór Jónsson, 6.4.2009 kl. 21:42]

Gunnar, ég er upp með mér að þú skulir koma á síðuna.

Hvað segir þú um Hudson ? Hvað finnst þér um kreppuvíxlana ?

[Gunnar Rögnvaldsson, 7.4.2009 kl. 06:21]

Sæll Halldór og þakka þér skrif þín.

Ég er algerlega sammála Hudson.

Forsendan fyrir því að kapítalisminn geti virkað er sú að fyrirtæki eiga að fá að fara á hausinn, einnig bankar. Skuldir verða endurstilltar í því ferli. Menn verða að taka því. Bretar komu að þessu máli eins og sannir hryðjuverkamenn, bakkaðir upp að öllu ESB hyskinu. Ég er hjartanlega sammála Hudson. Ég hefði aldrei hleypt IMF inn í landið.

Ég hef ekki nógu mikið vit á kreppuvíxlunum til að geta kommenterað þá. Kanski seinna. En mér líst nokkuð vel á þá nýsköpun sem er að koma út úr Landsbankanum núna hvað varðar óverðtryggð húsnæðislán. Þetta er fín byrjun á aukinni samkeppni um lánsfyrirkomulag og lánshætti. Þessutan þá eru raunvextirnir hjá þeim ca. þrisvar sinnum lægri en þeir eru á húsnæðislánum á Spáni núna og miklu lægri en hér í Danmörku. Það er kostur að hafa sína eigin mynt og eigin peningastjórn. Þessi lán munu vonandi m.a. leggja aukið aðhald og þrýsting á stjórnmálamenn og peningastjórnina í framtíðinni - að halda sér á mottunni.

Kærar kveðjur til þín

[Halldór Jónsson, 7.4.2009 kl. 08:00]

Kæri Gunnar,

 takk fyrir þetta. Ég held að landsbankinn sé ekkert á leiðinni með að gefa fólki peninga.

Myndir þú lána þína peninga til fjörtíu ára óverðtryggða með 7 % vöxtum ?  Ég hef nú ekki séð smáaletrið á þessu en ég trúi því ekki að þetta sé hægt. Þó Ási sé góður kommi þá er hann ekki vitlaus.

Ég held að 0 % vextir og verðtryggt lán væri hagstæðara út frá sjónarmið fjáreigandans.

Ég skil alls ekki þessa verðtryggingarfóbíu. Ef verðbólgan er núll er verðtrygging núll. Ef engin er verðtryggin. Hversvegna ætti þá fjáreigandi að vilja lána til margar ár vitandi það að með reglulegu millibili koma vitleysingar til valda og rústa íslenzkt efnahagslíf ? Í Bretlandi eru húsnæðislán núna með 2.2 %. En á GBP NB=stór hluti af íslenzkri verðtryggingu. 

Verkurinn eru kallaðar vinstri stjórnir. Ólafur Jóhannesson lifði það að fá móral við að sjá afleiðingar gerða sinna og setti Ólafslög um verðtryggingu. Eftir það gátu húsbyggjendur fengið lán.

Þegar ég var ungur voru húsnæðislán aðeins 30 % af kostnaði.. Engin önnur lán voru í boði nema hjá ömmu og skammtímalán hjá Þorláksson og Norðmann fyrir klósettinu. Víxill á steypunni. Skiptivinna ættingja og vina. Flutt í hurðarlaust og baslað. Viltu þetta aftur ?

Bankaglæpamennirnir  okkar buðu tíimabundið 100 % lán til íbúða í þeirri von að þeir gætu drepið íbúðalánasjóð. Þetta var eftir að Framsokn píndi lánshlutfallið í 90 %.

 Hvað er hollt að bjóða fólki mikla fjármögnun ? Þetta skiptir máli vegna þenslustigsins í byggingariðnaði, sem er sveifluvakinn í hagkerfinu eftir því sem mér skildist einu sinni á Jónasi Haralz, sem yfirleitt veit hvað hann syngur.

[Halldór Jónsson, 7.4.2009 kl. 08:02]

Já Gunnar aftur,

Kreppuvíxlarnir eru hugsaðir vegna aðgerðaleysis stjórnvalda við að prenta peningamagn til að lána út á IMF vöxtum. Látum fólkið ráða vaxtastigunu sjálft og stjórna hagkerfinu án afskifta þessa ráðlausa liðs.

[Gunnar Rögnvaldsson, 7.4.2009 kl. 08:47]

Já Halldór. Þetta er smá dulbúinn skrípaleikur eins og svo oft. Þegar um óverðtryggð lán er að ræða þá eru þau ekki eins óverðtryggð og margir menn halda.

Það verður nefnilega þannig að fólk mun skuldbreyta lánunum á ca. 2-3 ára fresti (eins og er meðaltalið hér í DK og víðar). Í hvert einasta skipti þá mun höfuðstóllinn hækka því kostnaði og afföllum verður bætt við höfuðstólinn í hvert einasta skipti. Svona munu lánastofnanir þéna peningana sína.

Þetta er náttúrlega skrípaleikur. Verðtryggingin er góð að því leyti að hún hvetur til sparnaðar og eykur framboð af fjármagni til raunverulegs hagvaxtar (fjárfestinga atvinnulífsins). En ágætt er ef menn geta valið. Auðvitað á fólk að hætta að dýrka fasteignir eins og guði. Þetta eru þær lélegustu fjárfestingar sem hægt er að gera. Þetta er eiginlega neysla.

Mér er alls ekki illa við verðtryggingu, en hún er samt stundum slæm því hún grefur undan virkni peningastefnu Seðlabankans.

Kveðjur

[Gunnar Rögnvaldsson, 7.4.2009 kl. 09:04]

Viðbót:

Eiginlega er ég á þeirri skoðun Halldór, að verðtrygging hafi alltaf ýtt undir hagvöxt á Íslandi þegar erfiðir tímar eru, því verðtrygging veitir vissa aðlögun gegn slæmum sveiflum. Hjólin geta snúist áfram þó svo að illa viðri, því sparnaður er ennþá í gangi undir vernd verðtryggingar og aðgangur að fjármagni til atvinnulífsins getur haldið áfram.

En á móti fáum við þessa verðbólgu kúfa/sveiflur. En eins og við báðir vitum þá fellur lífið í öndunarvél "jafnvægis þráhyggjumanna" ekkert sérstaklega vel að íslensku þjóðinni. Íslenska þjóðin er vön sveiflum og þolir ekki eilífa lognmollu - þá drepst hún úr leiðindum. En öllu má þó ofgera samanber núverandi brunarústir fjármálasnillinga. En það verður þó einstakt í sögu landsins. Sem betur fer.

Kveðjur

[Halldór Jónsson, 7.4.2009 kl. 11:04]

Takk fyrir allt þetta Gunnar,

Ég þakka fyrir þínar skörpu greiningar og  deili með þér skoðunum á  eðli þjóðarinnar eins og við þekktum hana fyrir útlendingatímann.

 Ég er þeirrar skoðunar að verðtrygging eig að vera valkostur í bæði innlánum og útlánum. Markaðurinn mun sjá um sig sjálfur og mun velja rétt. Það þarf enga pólitískar afætur  til þess að þykjast hafa vit fyrir fólkinu, sem  sé alltaf svo heimskt að þeirra áliti