Fallbyssufóður fyrir ESB ?

Á jörðinni eru nú ein 200 þjóðríki eftir því sem mér heyrðist í erindi Jóns Vals Jenssonar á Útvarpi Sögu í dag. Ef Ísland gengur í ESB er það ekki að ganga í tollabandalag gegn hinum 170 ríkjunum eða svo ?  Er þetta ekki fremur einangrunarstefna heldur en þátttaka í samfélagi þjóðanna eins og kratarnir tala svo fjálglega um ?

Og það er fleira sem getur fylgt. Íslensk æska getur orðið fallbyssufóður fyrir nýjan Hitler í Þýzkalandi.  Eftir djúpa kreppu vex yfirleitt öfgaflokkum fiskur um hrygg. Sjáið hvernig búsáhaldabyltingin er að skila nýju slifsislausu liði inná Alþingi Íslendinga. Án þess að ég sé að dæma þetta fólk fyrirfram, þá finnst mér líkara en hitt að stjórnmálaástand okkar geti farið að líkjast  meira smáflokkastílnum á Ítalíu sem lengi hefur hrjáð það land.  Eftir næstu umferð á hringekjunni hjá okkur koma nýir karakterar inn, sem við þekkjum ekki ennþá. En þeir geta alveg eins orðið enn skrautlegri en pottaglamrarar.

Segjum svo að við séum komnir í Evrópubandalagið eftir einhver ár.  Machtpolitík verður tekin upp í bandalaginu undir forystu nýs foringjaflokks í Þýzkalandi og systurflokka þar sem hráefni vantar í auknum mæli fyrir iðnað Þýzkalands og Frakklands, sem mestu ráða á Evrópuþinginu.   

Hverju ætla okkar kratar að svara ef Brüssel ákveður  herútboð,  hvað sem við eða smáþjóðirnar segja ?  Geta þeir útvegað okkur undanþágu eins og frá fiskveiðistefnunni ?

Aldrei þurfti mörlandinn að þéna sem soldáti fyrir Kristján tíkall eða aðra Aldinborgara.  Með ESB aðild  getum við  Íslendingar orðið skyldugir til þess að framleiða fallbyssufóður fyrir ESB. 

 

Athugasemdir

[Júlíus Björnsson, 9.5.2009 kl. 23:42]

Þegar þessi 30 er kominn með sömu utanríkistefnu og eitt sameiginlegt verslunar og viðskiparáð og ein special Utanríkja-Ráðherra hvað eru þá ríkin á alþjóða vetfangi mörg? 171? Í augum USA og Kínverja verður Íslenska hráefnisnýlendan með einhæfu atvinnuvegina og aðgang að fjölbreyttu vöru úrvali meginlands Evrópu, aðeins eitt að mörgum óarðbærum innríkjamálum EU: ES: Evrópu Sameiningarinnar. Tíminn líður hratt EU eru byrjuð eyðimerkurgönguna ef Angel Merker segir svo gilda um máttarstólpann.   

Hvað meirihluta klíkur gætu myndast í ES í framtíðinni? Ráða ekki Þjóðverjar, Frakkar og Englendingar saman með leppríkjunum Möltu og Luxemburg t.d.

Með hverjum ætla Íslendingar að mynda meirihluta og í hvaða málum? 

[Halldór Jónsson, 10.5.2009 kl. 00:28]

Kærar þakkir Sigurður Gunnarsson. Það er gott að einhver les smáaletrið áður en hann skrifar undir !

Júlíus, þakka þér fyrir að undirbúa okkur tvo fyrir væntanlegt meirihlutasamstarf.