Af hverju fóru þeir í fýlu ?

"Erlendu kröfuhafarnir" fóru i fýlu þegar valdir menn í skilanefndunum voru reknir úr þeim. Svo sögðu allir Baugsmiðlarnir okkur að minnsta kosti.

Af hverju fóru þeir í fýlu ? Af hverju voru akkúrat þessir skilanefndarmenn svona góðir að það var bara allt ónýtt þegar þeir voru reknir ?

Getur verið að þeir sem segjast vera erlendir kröfuhafar séu í raun gömlu stjórarnir og lánasukkararnir  sem eru búnir að kaupa upp erlendar kröfur á Kaupþing, sem ég átti með öðrum . fyrir  svona  hálft prósent eða svo af nafnvirði. Þeir ætla þannig að eignast Kaupþing  sjálfir aftur með dyggri aðstoð ríkisstjórnar Steingríms og Jóhönnu. Ég og hinir eiga auðvitað að að éta það sem úti frýs. Enda eigum við hvorki hugmyndaflug né kapital eftir til þess að gíra okkur í svona dæmi.

"Erlendir kröfuhafar", fóru þeir  í opinbera fýlu af því að meðspilararnir í skilanefndunum voru reknir ? Eða þurfti að þrengja hópinn ?

Þetta er svona það sem heyrist  meðal almennings. En það er auðvitað ekkert að marka það sem hún Gróa á Leiti segir frekar en fyrri daginn.

En af hverju fóru þeir í fýlu ?

Athugasemdir

[Jenný Stefanía Jensdóttir, 5.8.2009 kl. 01:04]

Gott plott hjá Gróu!   Góð spurning, sem fæst líklega svar við fyrr en síðar.

[Ómar Bjarki Smárason, 5.8.2009 kl. 01:07]

Halldór - hvernig dettur þér í hug að það viðgangist spilling í sambandi við skilanefndirnar? Eru ekki allir hvítþvegnir öðlingar sem þarna sitja þó að Gróa kerlingin sé kannski eitthvað að hnýta í þá.

En það er nokkuð líklegt að auðvisarnir sem komu okkur í þá stöðu sem við erum í dag koma til með að eignast þetta allt aftur fyrir brot af nafnvirði. Sóð nokkurn tíma eitthvað annað til.....? Það hefur ekkert breyst, nema hvað álögur á almenning koma til með að hækka og kaupmáttur minnkar. Fjölmiðlarnir eru flestir hverjir í höndum Baugsveldisins og aðila sem hafa í gegnum tíðina tengst því fyrirbæri með einum og öðrum hætti. Eða er ekki svo?

[Elle_, 5.8.2009 kl. 08:29]

Nei, nei, á meðan við enn drögum andann skulu óþokkarnir ekki koma aftur þangað inn. 

[Bjarni Kjartansson, 5.8.2009 kl. 09:36]

Eigenur þeirra sem hrópa allt frá fyrsta degi Hruns, að við verðum að gefa útlendingum bankana til að eignast ,,vini" kippast nú við.

Hvað liggur á bak við svona óráðshjal????

Erlendir bankar í Eystarsaltslöndunum--jafnvel norrænir---fóru strax og halla tók undan og létu sig hverfa en létu siðskipta,,vini" sína eftir í ófærunni og skítnum.

Bankaeigendurnir með milljarðahundruði út í gróða en tala nú til Eystrasaltslandana eins og þar búi bara óþjóðalýður og áhættusæknir glæfrafíklar í fjármálum.

Þetta lið er á launum eða eru að fela eitthvað.

Og nú er nafni minn Ben að naga hausinn af skömminni og ver bankaleynd í föllnum bönkum!!!!!!

Þór Sigfússon

Vilhjálmur Egils

Árni Sigfús

Fleiri og fleiri falla í áliti hjá manni nú um stundir, menn sem maður bar áður virðingu fyrir.

Nú vorkunn.

Miðbæjaríhaldið

[Björn Birgisson, 5.8.2009 kl. 15:17]

Flestar fréttir eru slæmar þessa dagana. Er svo ekki íhaldið að kikna undan álaginu og klofna?

[Ómar Bjarki Smárason, 5.8.2009 kl. 15:54]

Stjórnmálamenn sem halda að þeir séu kosnir til að verja hagsmuni fámennra klíkukarla og ættarvelis eiga að sjá sóma sinn í því að taka pokann sinn. Þeirra tími er einfaldlega liðinn.