Þorvaldur með þjóðráð !

Þorvaldur Gylfason er enn á ferð með þjóðráð sín til að neyða Ísland inn í ESB. Nú beitir hann hryllingssögum í stað beinna gyllinga. Þorvaldur segir:

 "Ríkisstjórnin kaus að leita til AGS um lánsfé til að efla gjaldeyrisforðann og um efnahagsráðgjöf um greiðustu leiðina út úr ógöngunum. Lánsfénu var í upphafi ætlað það eitt að efla gjaldeyrisforðann til að gera Seðlabankanum kleift að verja gengi krónunnar fyrir tímabundnum skakkaföllum, en nauðsynlegt gæti þó reynzt að nota lánsféð til að forða ríkissjóði frá greiðslufalli, ef í harðbakkann slær. Séu skilyrði sjóðsins fyrir láninu ekki virt, verður frekara lánsfé ekki reitt fram. Fjárþörf landsins er svo mikil, að henni verður ekki mætt nema með samstilltu átaki sjóðsins og annarra lánveitenda..."

 Hver er fjárþörf ríkisins ? Borga vexti og afborganir vegna Icesave og afborganir erlendra lána ríkisins. Ekki til fjárfestinga eða framkvæmda.  En það skulu tekin lán og skattar hækkaðir. Resept AGS og ríkisstjórnarinnar.

Hvað með norræna velferðarkerfið í skattahækkunarferli ríkisstjórnarinnar. Miklu hærri skatta til þess að ríkið geti útdeilt því aftur til uppáhaldskjósenda sinna. "en nauðsynlegt gæti þó reynzt að nota lánsféð til að forða ríkissjóði frá greiðslufalli, ef í harðbakkann slær "

 "Gengi krónunnar myndi falla meira en orðið er, þar eð án lánsfjárins frá sjóðnum myndi gjaldeyrisforði Seðlabankans ekki duga til að skapa nægilegt traust til að verja krónuna frekara falli, þegar gjaldeyrishöftunum verður aflétt eða jafnvel fyrr.¨"

 Verja gengi krónunnar ?. Á að greiða niður gengi krónunnar með lánsfé ? Velta vanda okkar yfir á afkomendurna ? Gengisfölsun ? 

Eru hér ekki gjaldeyrishöft og jákvæður vöruskiptajöfnuður uppá 100 milljarða á ári, sömu upphæð og vaxtagreiðslur ríkissjóðs í fjárlagafrumvarpinu ? Ónýttur fiskur í sjónum ? Er útilokað að krónan geti styrkst ?

Það á ekki endilega að verja gengi krónunnar viðurkennir Þorvaldur líka. Það á að nota lánsféð til eyðslu, að halda áfram á braut norræns velferðarkerfis sem er eyðsla og lántökur,  þangað til að í alger þrot er komið og fólkið samþykkir ESB sem einu útleiðina. Þetta fellir krónuna.

Nú er greinilega að losna um framboð á lánsfé fyrir Íslendinga. Norðmenn jákvæðir þó að engin fyrirspurn  hafi verið send þeim frekar en Kínverjum.

  " Hitt er ljóst, að málsvarar þriðju leiðarinnar eru fúsir að leyfa genginu að falla meira en orðið er og hætta á, að það festist langt undir eðlilegum mörkum "

Hvað eru eðlileg mörk að mati Þorvaldar ?  Það eru ekki mörk markaðarins í huga hans fremur en annarra sósíalistahagfræðinga, sem aldrei treysta á frjálsan markað og frelsi einstaklinganna.

Og svo hótunin um að að vera ekki að brúka sig gegn AGS, ríkisstjórninni og ESB sinnum :

"og hætta á, að umheimurinn teldi Ísland stefna í átt að einangrun. Við þurfum ekki á því að halda"

Hvað haldið þið að fólk segi ? Skiptir það svona miklu máli fyrir Íslendinga hvað aðrir segja ? How do you like Iceland ? 

Miðstýring, gengisfölsun, millifærslur og ríkisafskipti. Undirbúningur og samhljómur við Evrópuhugsjónina. 

Þjóðráð  Þorvaldar ! 

(PS Bravó fyrir Þorvaldi að skrifa Z eins og ég vil gera líka !)

Athugasemdir

[Bjarni Kjartansson, 1.10.2009 kl. 11:36]

Þorvaldur er og hefur lengi verið fastur í því ða þjóðráð sé, að leggja af Landbúnað og kaupa ódýrt svínaflesk inn frá Danaveldi og líklega bjór frá Þýskalandi .

Hann hefur ekki verið mjög trúverðugur ef litið er yfir sviðið.

Lestu yfir greinarr hans um útrásina og hrifningu á alþjóðavæðingunni , fjórfrelsinu og öllu því sem kom frá EES og kæmi frá ESB.

Hvert reið fjórfrelið okkur??

Nú ætla Kommatittsflokkarnir að koma okkur í þrælakistur Breta og Hollendinga um fyrirséða framtíð.

Hver borgar Icesave, sem við ættum ekki að borga?

Er sa sú??

[Sigurður Þórðarson, 1.10.2009 kl. 16:26]

Sælir, við þurfum ekki ráð frá kratískum kerfisþrælum.

Ríkið eyðir 18,5 milljörðum í menntun. Nú á að skera niður alla fjarkennslu (niður í  o) og með því sparast 0,1 milljarður slétt. Þetta er að sögn gert til að bregðast við kreppunni.  Staðreyndin er sú að 1999 eyddum við 40% minna til menntamála og héldum samt uppi fullri fjarkennslu.

Skýringin er m.a styttri vinnutími og ýmiss réttindaákvæði sem ekki má hreyfa við.