Flugvöllinn kjurt?

Why Mr. Agustsson, then you said herinn burt! Now you say herinn kjurt! Þannig var textinn í revíunni góðu þegar Framsóknarmenn snérust eins og vindhanar í varnarmálum allt eftir því hvað þeir voru að selja fyrir stjórnarsetu. Nákvæmlega sama hugarfarið og hjá Steingrími J. sem selur hugsjónir sínar um land og þjóð fyrir stjórnarsetu. 

Þetta gengur óátalið í þá hjörð sem kallast kjósendur fyrir kosningar. Algerlega heiladautt lið með fuglsminni. Þetta vita sölumennirnir og hegða sér eftir því.

Það er gott að vita til þess að stjórnmálamenn í borginni eru að átta sig á því að svona 85 % kjósenda vill ekki loka Reykjavíkurflugvelli. Samgönguráðherrann áttar sig á því að íhaldið er að fara í prófkjör og slær þá einn á snúðinn til þess að kanna viðbrögðin. Ekki stendur á því að sinnaskipti eru möguleg eins og slíkt hefur stundum í för með sér. Þeir átta sig á því að það viðrar ekki vel á skipulagshugmyndirnar þeirra um Kvosina og Vatnsmýrina. Allir nema Steinunn Valdís, hún skilur aldrei neitt frekar en fyrri daginn. Og hugsanlega líka Gísli Marteinn sem þegir ennþá. Júlíus Vífill áttar sig enda skýrleiks piltur. 

Flugvöllinn kjurt ?

Athugasemdir

[Sól (IP-tala skráð) 24.11.2009 kl. 10:55]

Ertu viss um að þetta séu 85% kjósenda ?

[Halldór Jónsson, 24.11.2009 kl. 11:28]

Já Harpa mín,

Sjáðu svörin hérna til hliðar. Sama kemur útúr öllum skoðanakönnunum. Fólkið vill Flugvöllinn KJURT!

[Bjarni Kjartansson, 24.11.2009 kl. 11:42]

Halldór minn, kæri vin.

Þó svo að einhverjir hafi haft fyrir því, að taka þétt í könnun þinni, er ég þess fullviss, af viðbrögðum lesenda Eyjunnar og víða að dæma, að þú vaðir í villu og svíma í þessu máli.

Vallarómyndin fer í burt, þó svo að Júlíusi Vífli hugnist ,,færanleg skemma" sem flugstöð og Flugstoðir OHF hafi heykst á að redda pening í stóru umferðamiðstöðina.

Það vinnur enginn sitt dauðastríð var sagt um Breska Heimsveldið í síðustu styrjöld, eins er þetta með brakið og bæturnar sem gerðar hafa verið á þessu Bretarusli, það fer þegar skynsemin fær ráðið og menn fara að hagræða í Háskólakennslu og vísindaiðkun.  Þá fer þetta svæði undir skynsamlegri not og það verður gaman að fljúga á Patterson völl eða bara að koma A/V brautinni í gangið á KEF þa´er málið loks dautt.

Júlíus gerir sér ekki grein fyrir því, að með síðustu aðgerðum Flugstoða, þegar þeir ráku slökkviliðið í burt, hafa þúsundir gert sér ljósa grein fyrir hroka og bulluhætti sem þar á bæ ríkir.

Mjög held ég að þetta hafi áhrif á prófkjörið hjá vini mínum Júlíusi Vífli.

Því miður, því það er satt og rétt, þar fer skýrleiks piltur og gegn.

Miðbæjaríhaldið

Heldur öllum valkostum opnum fyrir kosningar til bæjarstjórnar opnum.

[Halldór Jónsson, 24.11.2009 kl. 13:15]

Bjarni minn, þú mátt ekki vera svona einstrengingslegur af  því að þú ert sjálfur búinn að fullnoita völlinn sjálfur þegar þú fluttir á mölina frá Tálknafirði. Það er fullt af fólki sem á eftir að koma og fara, ekki síst íhaldsmenn hvaðanæva að.

Gísli Marteinn á eftir að finna fyrir vallarfjandskap sínum í næsta prófkjöri, sjáðu bara til.

[Sigurður Ingólfsson, 24.11.2009 kl. 15:30]

Sammála þér. Og það þarf að samþykkja að völlurinn verði "kjurt" í a.m. 15 ár í viðbót. Setja það í þjóðararkvæði þess vegna, og hætta að eyða frekara púðri í þetta þangað til. Eðlilega líst mér vel á snotra flugstöð á tveimur hæðum við hlið þeirrar gömlu,sem fer um leið og sú nýja kemst í gagnið. Hún þarf ekkert endilega að vera færanleg. Seinna gæti sú bygging nýst Háskólanum fari flugvöllurinn "bjurt"

[Ómar Bjarki Smárason, 24.11.2009 kl. 18:33]

Hver er hann þessi Gísli Marteinn.....? Er hann ekki einhver ótuktarskólastrákur. Vonandi hefur hann nú vit á því að bjóða sig ekki fram aftur, nema hann vilji 13. sætið.... Ég ítreka fyrri uppástungu um að Gísli Marteinn verði sendur í langt framhaldsnám. Þannig nýtist hann landi og þjóð best....

Annars virðast fuglarnir nú hafa ótrúlega gott minni. Annars rötuðu þeir tæpast svona vel á milli landa.

[Ómar Ragnarsson, 24.11.2009 kl. 19:12]

Kárahnjúkavirkjun var ekki einkamál Austfirðinga.

Eyðilegging Gjástykkis er ekki einkamál Þingeyinga.

Eyðilegging Ölkelduháls og dæling ólofts yfir Hveragerði er ekki einkamál íbúa Ölfushrepps.

Reykjavíkurflugvöllur er ekki einkamál Reykvíkinga.

[Halldór Jónsson, 24.11.2009 kl. 21:23]

Gleymum því heldur ekki að ein röksemdin fyrir staðarvali Háskólasjúkrahússins þarna er tilvist Flugvallarins við hliðina, sem þjónar öllu landinu. Í umræðunni um Kvosina gleymist þessi töksemd. Annars á spítalinn auðvitað að byggjast í Keflavík

[Halldór Jónsson, 24.11.2009 kl. 21:24]

Ekki satt Bjarni Miðbæjaríhald ?

[Halldór Jónsson, 24.11.2009 kl. 21:25]

Ómar,

Hefur þú heyrt hvort Gísli Marteinn hafi komið heim núna með prófgráðu eftir síðustu námsdvöl á borgarstjórnarlaunum í Englandi ?

[Ómar Bjarki Smárason, 24.11.2009 kl. 22:21]

Þú meinar, Halldór. Ef ekki þá er hann náttúrulega ekki gjaldgengur í framhaldsnám. Er ekki rétt að hefja samskot í gráðu handa honum....?

En það er náttúrulega til mikils ætlast að maðurinn klári nám með borgarstjórnarmálin á herðunum og öll ferðalögin á fundi hjá borgarapparatinu....

En vonandi fær frið til náms eftir kostningarnar í vor.... þá fær flugvöllurinn kannski frið líka...um hríð a.m.k.

[Bjarni Kjartansson, 24.11.2009 kl. 22:54]

menn geta hrópað sig hása.

Flugvöllurinn er á skipulagsvaldi Reykjavíkur.  Punktur

Flugvellir eru að venju (erlendis) helst langt frá Flugvöllum, sakir ónæðis og hættu sem af þeim stafar.

Sjúkraflug er minnsti hluti sjúkraflutniga, mest kemur eftir þjóðvegunum, því ætti Sjúkrahúsið að vera sem næst samgöngulegri miðju í Rvík, sem er að því er best er skoða einhverstaðar við athafnasvæði Björgunar. 

Flugvöllurinn fer.  Svo mikið er klárt.

Mibbó

þolir ekkert Bretarusl í Miðborginni.

HeHe

[Halldór Jónsson, 25.11.2009 kl. 18:38]

Af hverju varstekki kjur, tralalla,

[Ómar Bjarki Smárason, 25.11.2009 kl. 23:02]

Flytjum bara höfuðborgina, millilandaflugið til Egilsstaða og byggjum hátæknisjúkrahúsið þar. SV-hornið hefur haft þetta nógu lengi og samkvæmt jafnræðisreglu er tími til kominn að flytja þessa starfsemi Austur.... Þá geta Miðbæjaríhaldið og Gísli Marteinn og Samfylkingin unað glöð við sitt.....