Gleðilegt ár og takk fyrir það gamla ! Skál!

Þó að mér sýnist að útlitið hafi  aldrei verið svartara framundan en það er núna, skulum við gera okkar besta til að stýra framtíðinni betur en við stýrðum fortíðinni.

Ég óska landsmönnum öllum árs og friðar. Ég vona sannarlega að framtíðin verði þjóðinni bjartari en mér finnst hún líta út fyrir á þessum tímamótum.   

Ég segi því  á íslenzkan máta :

Gleðilegt ár og takk fyrir það gamla !

Skál!

Icesave í höfn !

Þá höfum við Icesave að hætti Svavars,Indriða og Steingríms afgreitt. Þeir sem vilja taka þátt í greiðslunni geta verið hér áfram. Hinir geta farið annað, ef þeir geta og nenna.

Mikið var annars ömurlegt að horfa á málfundaræfinguna í Gaggó Austurvöllur þega atkvæðagreiðslan fór fram. Mér fannst Ögmundur samt fyllstur af ábyrgðinni sem ætlaði að sliga suma uppi i pontunni sem meintu auðvitað ekkert annað en að sýna kjósendum sínum að þeir væru þarna og talsvert allsgáðir eins og Sigmundur Ernir. Mín vegna gátu þeir sleppt þessari sýningu. Spilið var fyrirfram tapað og þessa flugeldasýningu þurfti alls ekki. Samspil Kratanna og Kommatittanna var algert.

Nú tekur veruleikinn við hjá þjóðinni. Eitt skemmtiatriðið er eftir og það er nýjársávarp okkar ástsæla Forseta, mannsins sem Pétur Blöndal og Ásmundur Daði setja traust sitt á til að hafa vit fyrir þeim sjálfum. Ég skammast mín núna innst inni djúpt fyrir það að hafa sett nafn mitt á listann um að biðja þennan mann um að vísa málinu til þjóðarinnar. En París var mér þá þó einnar messu virði eins og  Henrik Prins sagði, og minnugur þess setti ég nafn mitt á lista InDefence. En það breytir ekki því að af Forseta Íslands vil ég ávallt sem minnst vita þessa heims héðan af sem hingað til. svo mjög sem ég fyrirlít þetta embætti og allt sem því tengist. Mér er ekkert illa við fólkið sem hefur gengt því og haft af því lifibrauð, en það breytir minni skoðun á embættinu ekki hætishót. 

Nú er kaldur vetur framundan hjá hnípinni þjóð. Fjárhagsleg framtíð hennar er á þunnum Ice. Stundum verður skamma stund  hönd höggi fegin.

Icesave er í höfn !

 

Á mér að finnast þetta í lagi ?

Að hugsa sér !

Þeir Svavar Gestsson og samverkamenn hans leyndu ráðherran þeim upplýsingum sem þeim fannst vera truflandi fyrir Icesave samninginn með glæsilegu niðurstöðunni.

"Í trúnaðarbréfi lögmannsstofunnar Mishcon de Reya, undirrituðu af Mike Stubbs, frá í gær til fjárlaganefndar Alþingis segir fyrst að stofan sé að fara vandlega yfir öll skjöl sín sem snerti Icesave-málið og bera þau saman við það sem birt hafi verið á vefsíðunni www.island.is, bæði þau sem séu öllum opin og einnig þau sem falli undir gr. 82 og Alþingi haldi leynilegum. »Þetta mun taka nokkurn tíma en við getum strax afhent ykkur eftirfarandi skjöl sem ekki virðast vera tilgreind á vefsíðunni www.island.is: 1. Athugasemd frá Matthew Collings lögmanni þar sem fjallað er um hugsanlega málshöfðun vegna aðgerða bresku ríkisstjórnarinnar, afhent hr. Svavari Gestssyni, formanni Icesave-nefndarinnar, dagsett 25. mars 2009. 2. Icesave - málefni og lausnir, kynning frá Mishcon de Reya til hr. Svavars Gestssonar, formanns Icesave-nefndarinnar, dagsett 26. mars 2009. 3. Þriðja leiðin, athugasemd til bráðabirgða sem fylgiskjal með kynningu frá Mishcon de Reya til hr. Össurar Skarphéðinssonar utanríkisráðherra, dagsett 31. mars 2009. Við höfum ennfremur fundið fjölda annarra skjala sem ekki virðast heldur vera tilgreind á vefsíðunni www.island.is, þ. á m. (i) innanbúðarminnisblað fyrri ríkisstjórnar Íslands um Icesave, (ii) bréfasendingar til alþjóðlegra stofnana eins og Eftirlitsstofnunar Efta og Ecofin, (iii) nokkur skjöl viðvíkjandi Landsbankanum og tillögur hans um Þriðju leiðina, og (iv) bréfasamskipti okkar við Icesave-nefndina og fjármálaráðuneytið, þ. á m. tölvuskeyti.« Búist sé við að hægt verði að senda þessi gögn og önnur til þingsins síðar sama dag [þriðjudag]. Minnt er á að ráðgjöf lögmannsstofunnar hafi tekið mið af þeim markmiðum sem Icesave-nefndin hafi kynnt stofunni, það er að gera sem auðveldast að ná samningi við Breta og Hollendinga sem þjóðin réði við fjárhagslega og hægt væri að fá hana til að samþykkja. Pólitískt viðkvæm málshöfðun fyrir Breta Mishcon de Reya segir að í áðurnefndum skjölum sé minnst á hugsanlega málshöfðun vegna aðgerða breskra stjórnvalda. »Eins og við sögðum Icesave-nefndinni og fjármálaráðuneytinu um þetta leyti gæti slík málshöfðun gegn FSA [breska fjármálaeftirlitinu] verið pólitískt viðkvæm fyrir bresku ríkisstjórnina og gæti því ef til vill orðið gagnlegt tæki til að ná viðspyrnu gagnvart breskum stjórnvöldum í endanlegum samningum um Icesave. Þessi viðkvæma staða olli því að formaður Icesave-nefndarinnar ákvað að þetta atriði í kynningu okkar frá 26. mars 2009 yrði ekki með í seinni kynningu okkar frá 29. mars til hr. Össurar Skarphéðinssonar en hann fékk hana afhenta 31. mars á fundi í London. Þar sem formaður Icesave-nefndarinnar var skjólstæðingur okkar var það að sjálfsögðu hans að ákveða hvaða fyrirmæli við fengjum um innihald kynninganna. Urðum við og hr. [Svavar] Gestsson sammála um að meðhöndla skyldi þetta atriði málsins með geysilegri varúð og gæta algers trúnaðar þar sem það gæti dregið úr gildi hugsanlegrar viðspyrnu sem [málshöfðunin] gæti haft í för með sér í samningaviðræðum síðar við bresku stjórnina ef innihaldið læki út. Við vitum að sjálfsögðu ekki hvort þessi viðspyrna var í reynd notuð í samningaviðræðum síðar um Icesave þar sem við tókum ekki þátt i þeim. Við vitum ekki heldur hvort gerð var einhver efnahagsleg eða fjárhagsleg greining eða hún notuð af hálfu Icesave-nefndarinnar í tengslum við þessar samningaviðræður og sú spurning er auðvitað býsna mikilvæg þegar túlka skal ráðgjöf okkar til fjárlaganefndar frá 19. desember 2009. Ef umrædd viðspyrna var ekki notuð á sínum tíma og sé það enn vilji Alþingis að hefja aftur viðræður við Breta, eins og við fjöllum um hér á eftir, myndum við sem fyrr mæla sterklega með því að þessar upplýsingar yrðu áfram trúnaðarmál. En ef Alþingi hins vegar vill ekki hefja aftur samningaviðræður við Breta og vill samþykkja Icesave-samninginn eins og hann liggur fyrir er það Alþingis að ákveða hvort það vill aflétta leynd á þessum upplýsingum.«

Lögmannsstofan segir að gagnlegt geti verið að fresta niðurstöðu í málinu um hríð »innan hóflegra takmarka« til að ná fram »-samningsins sem lagalegri fullvissu um nákvæma og merkingu og  áhrif Icesavevið álítum sem stendur að sé óskýr« og kanna til hlítar hve mikill sveigjanleiki sé fyrir hendi til að semja á ný. "

 

 Breytir engu segir Steingrímur J.

 

Hverra erinda gengur þessi maður ?

Á mér bara að finnast þetta í lagi ?

Fjárlagahalli ?

Hversvegna tala menn um það að fjárlagahalli uppá 99 milljarða sé svo svakalegur.  Er hann ekkin eyddur uppá okkur svona lítill af AGS ?. Er hann ekki alltof lítill í ríki sem er í örvæntingu ?

Hvernig leysir maður atvinnuleysi, markaðsdauða, fólksflótta, bankaspillingu, fjöldagjaldþrot. ? Eða vill enginn leysa þetta ?

Hvernig leysir maður fjárlagahalla ?

Með því að loka spítölum, fækka skóladögum, fjölga starfsdögum kennara, fækka í lögreglunni ?  Trúa þeir sem lifað hafa í landinu öll þessi ár að allir hafi verið svo vitlausir að sjá ekki að öll starfsemin á spítölunum var tóm vitleysa ? Þar var ekki verið að gera neitt nema eyða peningum í óþarfa. Það þurfti bara kommúnistaséní í fjármálaráðuneytið og heilbrigðismálin til þess að finna út hvernig mátti hagræða og hagræða þannig að það mætti reka heilu hjarðirnar úr starfi og halda samt uppi sama þjónustustigi ? Og fara svo að teikna nýtt hátæknisjúkrahús við hliðina á því gamla ssvo hægt sé að samnýta allt plássið ?

Þurfti bara ekki krataséní í forsætisráðuneytið til þess að sjá að það er best fyrir þjóðina að eyða eins mögum milljörðum og þarf í að rannsaka hvort Evrópusambandið sé ekki tilbúið að falla frá fiskveiðistefnu sinni fyrir Íslendinga ? 

Fjárlagahalli ?

Gengið er fallið. Meira heldur en eðlilegt væri við núverandi kostnaðarstig. Við eðlilegar aðstæður væri það að styrkjast núna. En það er bara ekki í augsýn því að jöklabréfin vofa enn yfir. Gengishækkun tálsýn ?  En við erum með krónuna en ekki innflutta evru og getum því ráðið genginu sjálf.

Liggur ekki  beinast við að koma kostnaðarstiginu upp svo að þetta gengi verði svona lengi ?  Verkfall opinberra starfsmanna virðist yfirvofandi til að þeir fáí meiri tekjur til að borga nýju skattana sem eiga að renna til þess að halda halla ríkissjóðs í  100 milljörðum. Hækka allt sem hægt er svo við getum borgað Icesave ?  Á það ekki örugglega að vera í íslenskum krónum úr því að Landsbankinn var íslenskur ? Eða samdi Svavar um gjgreiðslur í gjaldeyri ?

Hvernig leysir maður fjárlagahalla hjá þjóð í neyð ?

Hvernig borguðu Hitler og Schact  autobahnana og Rossevwelt Turnpíkurnar ?

Með uppsögnum á spítölunum, minni skólagöngu, fólksflótta, hærri sköttum, meira atvinnuleysi  og afvopnun ?

Þeir Steingrímur og Indriði vita það.

Fjárlagahalli ?

Stýrum fortíðinni sem allra best !

 

Það þýðir auðvitað ekki að kenna stjórnmálamönnum einum  um atferli bankastrákanna og núverandi stöðu. Það hjálpar ekkert að þrefa um orðinn hlut. Maðurinn er ófullkomin skepna þó sumir séu taldir fullkomnar skepnur.  En það hefur nú heldur aldrei stoðað að hengja menn öðrum til eftirbreytni. Mörg mannskepnan er þeirrar náttúru að ljúga og stela ef hún kemst upp með það. Heiðarlegt fólk er eiginlega undantekning fremur en regla og maður verður yfir sig glaður þegar maður hittir slíkt eintak.  Það er alkunna í harðstjórnarríkjum að það er einungis óttinn við grimmilega refsingu sem fær hund eða mannhund til að hegða sér vel. Hér á landi þekkjum við ekkert til refsinga síðan að engin fangelsi voru til og refsiúrræðin voru bara öxin, fjárupptaka eða útlegð. Hér er mannúðin á þvílíku stigi að S-Ameríski glæponinn lýsti okkar fangelsum sem fimm stjörnu lúxushótelum.

Það var víst Halldór Ásgrímsson sem fann upp hugmyndina um kjölfestufjárfestinn í bönkunum og barði það í gegn þegar Davíð hafði talað fyrir dreifðri eignaraðild. Niðurstaðan varð þessi að bankarnir lentu í höndum manna sem ekkert skynbragð báru á hefðbundna bankastarfsemi né höfðu einhvern nauðsynlegan  bankaþroska.  Og þá brugðust okkar stjórnmálamenn algerlega með það að tortryggja ekki menn fyrirfram eins og Kaninn gerir heldur göptu þeir flestir uppí þá eða tuldruðu í barm sér.

 En þó þeir hefðu gert þetta öðruvísi og fengið fram dreifða eignaraðild þá hefðu völdin safnast á fáar hendur þegar tímar liðu.  En þetta fer alltaf svoleiðis með almenningshlutafélög að það kemur einhver óprúttinn bófi  eða þjófagengi og stelur og sölsar til sín. Baugur og BYR voru líka almenningshlutafélög og allir sjá hvernig fór með það. Muna menn ekki þegar Sigurður Einarsson keypti og lánaði  kennitölur til að ná undir sig Búnaðarbankanum en var sjálfur bara starfsmaður Kaupþings minnir mig þá. Þess sama banka sem  undir stjórn Sigurjóns Digra lánaði Björgólfi fyrir Landsbankanum án þess að bankaráðsmaðurinn Árni Páll Árnason tæki eftir því. Og ekki virtist Kjartan Gunnarsson vita meira til að vara vin sinn Davíð við þó hann væri innsti koppur í ísbúri Björgólfanna.

Hvernig spilaðist úr þessu er ekki hægt að hengja bara á Davíð Oddsson eða jafnvel Halldór  Ásgrímsson, hvað þá kollektíft á þeirra flokka eins og kommatittirnir bisa við nætur og daga. Þeir sáu hvorugur  fyrir fall Lehmannsbræðra og að það kæmi heimskreppa.Þeir voru ekki bjartari en þetta þó þeir þættust kannski vera það fyrir hverjar kosningar.  Þetta gekk líka fjandi vel framan af og Björgólfur spókaði sig á teinóttu fötunum  og útdeildi góðverkum og sporslum til hægri og vinstri.

 Meinið sem ekki sást var að stjórnendur bankanna, Sigurjón Digri, Halldór, Heiðar Már,Sigurður Einarsson, Ragnar Z. Bjarni Ármannsson svo einhverjir séu taldir  lánuðu mönnum eins og Bakkavararbræðrum, Wernersbræðrum, Pálma, Jóni Ásgeiri, Tenguhiz, og hvað þeir nú heita allir, alla bankana  án trygginga. Tóku uppblásna efnahagsreikninga sem byggðust meira á viðskiptavild en eiginfé gilda. En módelinu lýsti Aðalsteinn Hákonarson vel fyrir okkur í grein í Tíund, gagnmerku tímariti  sem Indriði H. stofnaði. Það var bara nokkrum árum of seint og endurskoðendurnir voru búnir að dansa með allan tímann og láta borga sér vel fyrir litfagrar skýrslur. Titill þeirra sem löggiltir og eiðsvarnir trúnaðarmenn hefur orðið fyrir gengisfalli eftir þessi afskipti þeirra af uppgjörsmálum útrásarvíkinganna.Enda ætti ábyrgð þeirra að vera bundin við skýran lagatexta sem ætti að standa framan á öllum ársreikningum fyrirtækja og þeir skrifuðu undir í stað þess að skrifa loðmullu um að þeir firri sig allri ábyrgð. 

Lántakendurnir bönkunum  voru hinsvegar mest rakin viðskiptafífl sem kunnu ekkert í fyrirtækjarekstri þegar grannt var skoðað og þeir töpuðu á nánast öllu sem þeir komu nálægt, hvort sem það voru byggingaframkvæmdir í Kína eða verslunarkeðjur í Bretlandi eða flugfélög, hótel eða verslunarhús  í Danmörku. Þeir gátu aldrei borgað neitt til baka. Þeir kunnu bara að ljúga og stela og það hafa þeir gert ágætlega.  Allt gekk meðan hægt var að slá meira í útlöndum og lána fíflunum meira og meira.Seðlabankinn gerði núll í því að binda peningana hjá bönkunum, enginn gerði neitt í því að tryggja að Icesave væri í erlendu dótturfélagi. Skuldajöfrunum gekk hinsvegar minnst  í USA þar sem Kaninn er að eðlisfari  tortrygginn gagnvart "strangers" og hefur gjarnan fingurinn á gikknum til öryggis.  Bónus Dollar Stores er til minningar um það  sem við borgum svo auðvitað með okkar sköttum eins  og önnur fallítt og Haganlegar afskriftir á vegum sömu manna.

Svo féll Lehmanns bankinn, Kaninn lyfti ekki litlafingri því að hann vissi að krassið myndi lenda utanlands eins og á Islandi. Þá fóru þessir gervibankar okkar bara á hausinn. Þeir áttu ekki neitt, þeim var stjórnað af krosseignatengdum innherjum og  höfðu svo sjálfa sig og jafnvel hreinræktaða glæpamenn í viðskiptum. Því er þetta svona. Eftir sitjum við eins og maðurinn hennar Jónínu hans Jóns og eigum að borga brúsann.

Nú sitjum við eftir í ónýtu þjóðfélagi. Fáir trúa hér á framtíðina. Fáir vilja taka lán til að fjárfesta í þrælakistunni Íslandi sem er tæknilega gjaldþrota land í ruslflokki. Íslenska menntaða og duglega fólkið leitar úr landi en óþjóðir koma í staðinn um galopin landamærin meðfram til þess að stela því sem eftir er.

Skýrsla um hrunið ! Það er akkúrat sem mest vantar ! Láta Evu Jolie koma einhverjum í einhverja mánuði á Kvíabryggju ! Stýra fortíðinni sem allra best ! Enga stóriðju, enga mengun. Ekki neitt !

Hér er margra ára kreppa framundan hjá þeim sem hér ætla eða verða að þrauka. Framundan eru gjaldþrot heimilanna, upplausn og fátækt. Atvinnuleysi, örbirgð. Allt þetta ætlum við að lækna með því að hækka skatta og tigna forseta vorn og fósturjörð. Svo kemur punktur.

Ísland verður þó til áfram og verður fagurt og frítt. En fólkið.... ?

Menningararfleifðin skiptir öllu máli !Stýrum fortíðinni sem allra best !

Svar óskast !

Kommúnistastjórnin situr enn og ráðskast með fjöregg landsmanna. Sem aðrar slíkar þá starfar hún með leynda og pukri. Ég rakst á efirfarandi bréf á bloggi Guðmundar Franklín og stel því hér með til þess að fleiri sjái vinnubrögð stjórnarinnar. 

"Fjármálaráðherra Steingrímur J. Sigfússon
Fjármálaráðuneytinu Arnarhvoli við Lindargötu
150 Reykjavík
Reykjavík, 14.12.2009

Efni: beiðni um að leynd verði aflétt af öllum gögnum í vörslu þingsins er varða Icesave -

Ítrekun

Þann 8. desember 2009 sendi undirrituð yður beiðni þess eðlis að leynd veðri aflétt af öllum gögnum í vörslu þingsins er varða Icesave málið. Þar sem engin svör hafa borist ítrekar undirrituð erindi sitt hér með, þess eðlis að neðangreind gögn, 23 að tölu, sem má finna í „leynimöppunni“ svokölluðu er varða Icesave, verði gerð opinber og aðgengileg almenningi nú þegar.

1. Settlement Agreement between TIF and FSCS (Financial Security Compensation
Scheme).

2. Minnisblað um fund íslenskra og breskra stjórnvalda um Icesave málið í London 2.
september 2008.

3. Tölvupóstssamskipti viö formann samninganefndar Hollands í febrúar 2009 og sem viðhengi bréf Landsbanka Íslands til Fjármálaeftirlitsins dags.23. september 2008 4. Frásögn af fundi með fulltrúum Hollands vegna Icesave reikninga Landsbankans 10.
október 2008.

5. Frásögn af fundi með fulltrúum Bretlands vegna krafna í þrotabú Landsbankans 1 1 .
október 2008.

6. Frásögn af fundi með fulltrúum Bretlands um fall íslenska bankakerfisins og stöðu innstæðueigenda í breska útibúi Landsbankans 23. o924. október 2008.

7. Frásögn af fundi sjö fastafulltrúa ESB með Íslandi í kjölfar ECOFIN 4. nóvember 2008.

8. Fundur með sendiherum sjö ESB ríkja vegna álits lögfræðihóps um innstæðutryggingar 1 2. nóvember 2008.

9. Tölvupóstur með frásögn sendiherra Íslands í Brussel af fundi með fastafulltrúa Svíþjóðar og fastafulltrúa Danmerkur gagnvart ESB þar sem staða eftir ECOFIN fundinn í byrjun nóvember var metin, dags. 11. nóvember 2008.

10. Tölvupóstur Martins Eyjólfssonar til Baldurs Guðlaugssonar um mat á stöðunni gagvart ESB, dags.
12. nóvember 2008.

11. Tölvupóstur Stefáns Hauks Jóhannessonar til fjármálaráðherra o.fl. um óformlegan fund með yfirmanni lagaþjónustu Ráðherranaráðsins í kjölfar ECOFIN fundarins í byrjun nóvember, dags. 13. nóvember 2008.

12. Frásögn af fundi samninganefnda Íslands, Bretlands, Hollands og Þ¡iskalands í Haag 2.-3. desember 2008.

13. Frásögn af fundi milli utanríkisráðherra Íslands og utanríkisráðherra Bretlands dags. 3.
desember 2008.

14. Álit ríkislögmanns, með aðstoð þriggia lagaprófessora, um lögfræðileg álitaefni er lúta að framkvæmd laga nr.12512008 um heimild til fiárveitingar úr ríkissjóði vegna sérstakra aðstæðna â fjármálamarkaði og fleira, dags. 19. nóvember 2008.

15. Frásögn af fundi sendiherra Íslands í London í Downingstræti, dags. 8. október 2008.

16. Frásögn affundi sendiherra Íslands í London í breska utanríkisráðuneytinu, dags. 14.
október 2008.

17. Frásögn affundi sendiherra Íslands í London í hollenska utanríkisráðuneytinu, dags.
16. október 2009.

18. Frásögn affundi sendiherra Íslands í London í breska utanríkisráðuneytinu 27. oktôber 2008.

19. Frásögn affundi sendiherra Íslands í London í breska utanríkisráðuneytinu 10.
nóvember 2008.

20. Samantekt Lovells um ástæður fjármálaráðuneytis Bretlands fyrir frystingu eigna Landsbankans, dags. 7 .-27 . október 2008.

21. Fundargerð af fundi lögmanna Lovells og Logos með lögmönnum Blackstone Chambers. Endurmat Blackstone Chambers á lögfræðilegri ráðgjöf vegna kyrrsetningar á eignum Landsbankans í Bretlandi, dags. 12. nóvember 2008.

22.Bréf utanríkisráðherra Danmerkur, Noregs, Svíþjóðar og Finnlands til utanríkisráðherra Bretlands varðandi Icesave samningaviðræður dags. 16. januar 2009.

23. Tölvupóstsamskipti Indriða H. Þorlákssonar við Mark J Flanagan og Franek J.
Rozwadowski um stöðu Icesave viðræðna og þrýsting Breta og Hollendinga innan stjórnar IMF, dags. 13. og 14. april 2009.


Virðingarfyllst,

__________________________
Birgitta Jónsdóttir
Þingflokksformaður Hreyfingarinnar "

En Steingrímur J.virðir ekki þennan þingmann viðlits, bara þegir. Það er nóg að hann og Indriði H. fari með málið, okkur hinum kemur það ekki við.

Kemur mér það kannski ekki við að Steingrímur sé orðinn orðinn alvaldur á Íslandi ?  

Hvernig getur þessi Steingrímur J ráðstafað tveimur ríkisbönkum, bara selt þá og dælt í þá skattfé án þess að tala við Alþingi ? Alþingi á að fara með fjárveitingavaldið. En veit nokkur á Alþingi hvað þessi Steingrímur er búinn að gera? Hverjum hann seldi ? Af hverju fór hann fór ekki og lét íslenzka ríkið  kaupa kröfur úti í heimi á 2 % eins og þessir viðskiptavinir Steingríms í bönkunum virðast hafa gert ? Hverjir eru þeir raunverulega? Heita þeir kannski Bjarni, Hreiðar, Sigurður, Pálmi, Jón ?

Guðmundur Franklín segir:  Svar óskast !

En heyrir maður bara eins og bergmál af hæðnishlátri berast með Gunnarsstaðagustinum ?

Vegabréfaskyldu samkvæmt Schengen !

1 og 2.mgr.2.gr. Schengensamningsins segja svo:

2. gr.

Þegar allsherjarregla eða þjóðaröryggi krefst þess getur samningsaðili þó ákveðið, aðhöfðu samráði við aðra samningsaðila, að taka tímabundið upp landamæraeftirlit á innri

landamærum í samræmi við tilefni.

Ef allsherjarregla eða þjóðaröryggi krefst þess aðbrugðist verði við án tafar skal viðkomandi samningsaðili grípa til nauðsynlegra ráðstafanaog tilkynna hinum samningsaðilunum um þær eins fljótt og unnt er.

Starfsemi erlendra þjófagengja er orðið með þvílíkum hætti hér á landi að ótvíræða nauðsyn ber til að grípa til heimilda samningsins hér á landi. Ofan á vandamálin bætist fjárskortur til lögreglumála vegna hinna miklu efnahagsþrenginga, sem bandalagsríkin valda Íslendingum um þessar mundir með kröfum vegna Icesave. Íslendingum er nauðugur einn kostur til að grípa til þeirra heimilda sem Schengen samningurinn veitir og taka upp harðara eftirlit með komu útlendinga til landsins.

Því er fullkomlega eðlilegt að grípa til aðgerða sem létta undir með þjáningum þjóðarinnar og taka upp vegabréfaeftirlit. Í hverri einustu fjölskyldu er saga um innbrot og stórþjófnað sem telja má víst að stafi af skipulagðri glæpastarfsemi útlendinga. Þjóðin getur ekki vegna þeirra erfileika sem hún á nú við að etja leyft frjálsa för útlendra glæpamanna til landsins.Sömu nauðsyn ber til að takmarka til hins ítrasta komu  hælisleitenda til landsins sem valda þjóðinni gríðarlegum kostnaði. Íslendingar geta heldur ekki tekið við flóttamönnum við þessar aðstæður og taka sér því hvíld frá þeim skyldum.

Íslenska ríkinu ber að leita allra leiða til að tryggja öryggi borgaranna. Því er þessi skylda um megn við þær aðstæður sem nú ríkja. Schengen samstarfið tryggir okkur framkvæmd þess að stöðva glæpamenn á landamærum okkar og spara okkur að senda lögreglumenn til útlanda til að fylgja brottvísuðum vítisenglum eða álíka liði úr landi. Þeir fá einfaldlega ekki aðgang að landinu.

Við höfum meira en nóg með okkar eigin glæpamenn og getum heldur ekki sóað fangelsisplássum undir útlendinga í þeim mæli sem við gerum. En stóraukin þörf mun verða á fangelsisplássum þegar dómar taka að falla í stærstu fjársvikamálunum sem framundan eru.

Beitum Schengensamningunum okkur í hag eftir 2.gr.

Vegabréfaskyldu strax. 

 

 

Blæs BYR-lega í BYR ?

 

Ekki lagast það með stjórnina í BYR. Nú hefur stjórnarformaðurinn af B listanum Jón Sólnes fengið réttarstöðu grunaðs manns í framhaldi Exeter málsins og stigið „tímabundið „ til hliðar.

Í mínum augum var hann fulltrúi gömlu stjórnarinnar enda sat hann með þeim í varastjórn og var á fundi þegar stóri smellur var staðfestur með framlengingu yfirdráttar Exeter Holdings ,en  stjórnarmenn og sparisjóðsstjóri höfðu ákveðið  að greiða ellefuhundruð milljónir úr sjóðum BYR í gegnum reikning Exeter Holdings  til þess að kaupa verðlítil stofnbréf sín í BYR af MP Banka og skrifa reikninginn sem yfirdrátt hjá eignalausu félagi Exeter Holdings, sem var í eigu Ágústar Sindra Karlssonar einkavinar og félaga Margeirs í MP banka. Sú skákflétta MP-Banka er hinsvegar að mestu fyrir utan umræðuna um málið í heild. Samt fóru allir peningarnir þangað og hjálpa til að sýna góða stöðu MP banka.

Tugmilljóna vaxtakröfur voru svo samviskusamlega tekjufærðar hjá BYR vegna  yfirdráttarins til þessa félags sem  Sigurður Jónsson löggiltur endurskoðandi hjá KPMG blessaði svo yfir með áritun sinni á ársreikninginn sem stofnfjáreigendur voru traktéraðir með á aðalfundinum í vor. Reikningurinn sem var hinn flottasti sýndi þokkalega eiginfjárstöðu þrátt fyrir þrjátíumilljarða tap á árinu af algerlega eðlilegum viðskiptum að því að endurskoðandinn skrifaði í reikninginn.

Endurskoðandinn var auðvitað endurkosinn útá þennan fína reikning á ensku og íslensku. Þegar maður les þennan reikning núna í ljósi sögunnar þá finnst mér að ég hafi aldrei séð flottari umbúðir í kringum lygi en einmitt  þarna. Ekkert verður maður fróðari um tilurð né rekstur félag eins og Njarðarness( sem sér víst um launagreiðslur og bílaútgerð stjórnarformannsins "tímabundið hliðarstigna")  og Shelley Oaks( sem var keypt af fyrri stjórnarformanni, þess sem er í farbanninu) og á einhver fasteignafallítt í útlöndum sem komið var yfir á BYR.

Þegar við klöppuðum fyrir reikningunum í flottu umbúðunum var staðreyndin sú orðin að BYR var í alvarlegum vandræðum og þarf ríkissaðstoð til að komast úr kröggunum eftir að hafa greitt sparisjóðsstjóranum og endurskoðandanum sínar 30 milljónir hvorum fyrir ábyrgðarstörf. Við stofnfjáreigendur sem sitjum eftir með skuldirnar af stofnfjárkaupunum megum éta það sem úti frýs. Borga skuldirnar og eiga eftir núll eða svo meðan gengið lét BYR borga allt fyrir sig.

 Planið var greinilega, að mér sýnist,  að láta Exeter Holdings  fara á hausinn með skuldina og ná bréfunum inn í BYR á móti afskrift lánsins og hundruð milljóna töpuðum vöxtum. Var stjórnarformaðurinn og gamla gengið  komið  með Exeter á höggstokkinn þegar síðast til fréttist og ætlaði að fullkomna verkið fyrir gamla gengið, þrátt fyrir að Saksóknari væri þá með allt málið til skoðunar. Öxin og jörðin hefðu geymt þá sögu best að þeirra mati.

Við nokkrir stofnfjáreigendur sem eru óhressir með þessi viðskipti fóru uppí MP banka á dögunum  til að skora á bankann  að láta þessi viðskipti einfaldlega ganga til baka, sem hefði lagað eiginfjárstöðu BYR verulega og minnkað þörfina á ríkisframlagi tilsvarandi. Ekki fékkst nokkur ráðamaður bankans til að koma fram fyrir og tala við okkur en bentu okkur með skilaboðum  bara á að tala við símadömuna sem við gerðum. Var hún hin almennilegasta og gaf okkur súkulaðimola eins og gert er stundum við óþæga krakka.

Enn halda þeir kumpánar áfram.  Jón Sólnes setur inn fyrir sig varamann í stjórnina „ tímabundið", sem hlýtur að þýða að hann ætli að koma aftur í fyllingu tímans til að bjarga okkur ræflunum. Ég veit ekki annað en gamli sparisjóðsstjórinn stjórni BYR  líka „tímabundið"  áfram í gegnum kunningja sinn Jón Finnbogason og snúi til baka bráðum til að taka við. Allt annað gengur sinn vanagang, málareksturinn gegn Exeter  sem annað. Enginn vorkennir því félagi, Ágúst Sindri hæstaréttarlögmaður var búinn að koma Svarta Pétri af sér til þriðja manns. Ég held að hann ætti amk. "tímabundið" að parkéra titlinum sínum þar til að hans mál komist á hreint og jafnvel Jón Sólnes líka.

Stjórn B-listans í BYR situr sem fastast, og þar með áhrif gamla gengisins eru ótvíræð áfram. Enginn virðist hafa  áhyggjur hafa af því hvað venjulegir stofnfjáraðilar hugsa. Þessi stjórnarmeirihluti  situr þarna ranglega útá ógilt umboð Karen Millen sem Jón Finnbogason úrskurðaði gilt á aðalfundinum síðast. Útá það fékk B-listinn meirihluta og allt var því undir styrkri stjórn vanra manna. Þeirra sömu og allt vita og gerðu í fyrri tíð.

Það er eins og engum detti í hug að BYR þurfi  að fá alvöru bankastjóra þarna inn,  alvöru nýja menn í stjórn sem  ekki tengjast gamla genginu á neinn hátt og geti endurreist það traust sem  verður að vera til staðar í bankarekstri.  Endurheimta  sinn gamla sparisjóð úr höndum  víxlarann sem reistu borð sín í musterinu.En hver hefur svo sem áhuga á því  þegar menn hafa völ á svona úrvalsliði eins og er að finna í stjórn BYR ?

En án endurreists trausts blæs ekki BYR-lega í BYR.

Það skilar sér að vera í Skilanefnd !

Ævintýralegar sögur ganga um fjármokstur þeirra flokksgæðinga sem skipaðir voru í skilanefndir bankanna. Tekjur nefndarmanna eru sagðar miklu hærri en laun forsætisráðherra sem átti þó að verqa toppurinn. Sagt er minnsta tímagjaldið sé 22.000 krónur hjá nefndarmönnum. Fimmföld laun bankamanna eru venja fremur en undantekning. 

 Laun eru ekki árangurstengd og ekkert eftirlit er með starfsemi skilanefndanna. Engin krafa um árangur er gerð og enginn eftirlitsaðili með tímaskriftum eða heimshornaflakki nefndarmanna á kostnað skattgreiðenda. Skilanefndirnar verða því endalaust að störfum þar sem enginn vill auðvitað hætta í slíkum uppgripum.

Spillingin er því komin á fullt aftur, bara búið að skipta um leikendur. Hinir nýríku skilanefndarmenn eru hin sú nýja stétt fyrirfólks sem halda uppi eyðslunni og hagvextinum í landinu. Afskriftir lána á stjórnendum í gamla Glitni eru sagðar ævintýralegar hjá jafnvel sömu aðilum og gera svo stórar fjárkröfur í þrotabúið. Sem er ekki þrotabú í þeim skilningi að gömlu hluthafarnir eiga að borga auðsældarskatt af verðmæti hlutabréfanna eins og þegar best lét fyrir hrun.

Þetta þykir DV væntanlega ekki ástæða til að rannsaka frekar því þarna eru líklega réttir aðilar að störfum og ekki endilega tengdir Sjálfstæðisflokknum.Ef hægt er að klúðra málunum þá verður það ávallt gert best og glæsilegast af vinstri flokkunum.

Það skilar sér að vera í skilanefnd !

Engin spilling!

 

Engin spilling er neins staðar í stjórnmálum nema Sjálfstæðisflokkurinn eigi í hlut. Þann sannleika boða Baugsmiðlarnir allir og kommaliðið syngur undir.

Í Kópavogi var bæjarstjórinn Dr. Gunnar I.Birgisson þvingaður til afsagnar af samstarfsaðilanum Ómari Stefánssyni og oddvita Framsóknarflokksins  fyrir tvennar sakir:

a. Kópavogur hafði átt viðskipti við Frjálsa Miðlun sem er auglýsingafyrirtæki í eigu tengdasonar og dóttur Gunnars. Viðskipti við fyrirtækið höfðu numið einhverjum 40 milljónum á tveimur kjörtímabilum.

b.Lífeyrissjóður starfsmanna Kópavogs hafði ávaxtað peninga sína hjá bæjarsjóði Kópavogs 2008-2009 á tíma sem hvergi var hægt að ávaxta fé eftir bankahrunið. Bæjarsjóður ber alfarið ábyrgð á Lífeyrissjóðnum og greiðir öll eftirlaun sem sjóðurinn getur ekki borgað sjálfur.  Í stjórn lífeyrissjóðsins sitja þess vegna aðeins 3 kjörnir fulltrúar utan tveir  fulltrúar starfsmanna.   Dr.Gunnar I Birgisson var formaður stjórnar lífeyrissjóðsins en með honum sátu þeir Ómar Stefánsson fyrir Framsóknarflokkinn,  Flosi Eiríksson fyrir Samfylkinguna og svo Jón Júlíusson sem  fulltrúi starfsmanna en hann er líka bæjarfulltrúi Samfylkingarinnar og þannig yfirmaður sjálfs síns eins og raunar Ómar Stefánsson líka. En í Kópavogi hafa raðast bæjarstarfsmenn í í bæjarstjórn til langs tíma svo gersamlega eðlilegt sem það er nú.

 Lífeyrissjóðnum var heimilt að nota 20 % af ráðstöfunarfé sínu til þess að lána bæjarsjóðnum samkvæmt ákvörðun Fjármálaeftirlitsins. Bæjarsjóður tekur annars  lán hjá bönkum og borgar þeim yfirdráttarvexti sem þá nýtast ekki starfsmönnum í gegn um lífeyrissjóðinn sem yrði að leita á önnur mið, sem voru lokuð eftir  bankahrunið.

 Þessi tala 20 % er slembitala FME sem eins hefði verið hægt að hafa 25 %. Yfir þetta mark hafði sjóðstjórnin lítillega farið í kjölfar bankahrunsins vegna þrenginga á mörkuðum.  FME bent stjórninni á þetta og samið hafði verið um að laga þetta þegar Steingrímur í stjórnarráðinu  lét höggið ríða. Fleiri lífeyrissjóðir lentu í háfnum og hefur flestum málum verið lokið. En í Kópavogi stendur greinilega ekki til að ljúka neinu heldur að teygja málið og fresta til þess að valda Sjálfstæðisflokknum sem  mestum skaða.Hrifluréttlætið gamla hefur verið leyst af með Gunnarsstaðaréttlætinu.

Fyrri ávirðingin hefur ótal sinnum komið til umræðu í Kópavogi. Oft hefur verið látið á það reyna hvort Frjáls Miðlun væri samkeppnishæf og verk boðin út. Oft hefur fyrirtækið verið lægstbjóðandi, stundum ekki og þá verið leitað annað. En oft hafa þetta verið lítil verk og því verið leitað til fyrirtækisins á gömlum verðum til að vinna verk sem lá á að afgreiða fljótt og vel. Og enginn hefur heldur minnst á að gæði verkanna hafa þótt prýðileg og betri en margt annað sem reynt hefur verið. Sigurður Geirdal hafði lengst af umsjón með samningum við fyrirtækið og allir treystu Sigurði slíkur maður sem hann var. Nú síðast eftir afsögn Gunnars var samið við fyrirtækið um nýtt verk þannig að enginn hafði við það neitt að athuga.Viðskiptin voru rannsökuð af Deloitte sem skilaði furðulegri getsakaskýrslu  um málið. En  enginn hefur viljað upplýsa hversu miklum fjármunum var eytt í gerð hennar. En einmitt góð tengsli eru milli Deloitte og Framsóknarflokksins í Kópavogi sem Ómar stýrir. Það er auðvitað enginn spilling af því að Ómar er ekki Sjálfstæðismaður.

Glæpurinn var sá að stjórnarmenn fóru lítillega yfir 20 % markið í skuldabréfakaupum á Bæjarsjóð Kópavogs.og höfðu þegar lofað að lagfæra þetta og laga að að þessum vitlausu reglum FME, þegar Steingrímur J. lét  öxina ríða klukkan 22:30 að kvöldi. Rak stjórnina frá, Gunnar, Ómar Stefánsson,Flosa Eiríksson, Jón Júlíusson og Sigrúnu Guðmundsdóttir og gerði framkvæmdastjórann saklausan atvinnulausan til langs tíma.  Þarna náði Steingrímur góðu slagi á bæjarstjóra íhaldsins og án efa hefur hann verið búið að tryggja næsta leik með því að Ómar steig fram og krafðist þess að Gunnar segði af sér ella væri meirihlutinn sprunginn.  Bæði Ómar og Flosi héldu  því svo blákalt fram að þeir vissu ekki neitt um þessar lánveitingar, þrátt fyrir að tölvupóstar þeirra væru birtir í blöðunum sem sýndu annað svart á hvítu og þeir hefðu skrifað undir fundargerðir. Gunnar burt var hinsvegar sameiginlegt áhugamál þeirra. Og Baugsmiðlarnir sáu til þess að enginn efaðist um annað en þeir segðu satt. Og ef til vill var líka almenningur orðinn vanur því að þeir viti ekki neitt um það sem er að gerast í kringum þá í bænum né annarstaðar.

Gunnar var sem sagt hrakinn úr starfi og fór í veikindaleyfi með spillingarmálin á bakinu. Sá eini sem axlaði ábyrgð á Lífeyrissjóðsmálinu. Hinir sátu sem fastast, sér í lagi Ómar Stefánsson og Jón Júlíusson, sem eru báðir bæjarstarfsmenn og því auðvitað óspilltir með öllu sem yfirmenn sjálfra sín. Ómar sem grasklippimaður á Íþróttavellinum og Jón Júlíusson sem íþróttafulltrúi Kópavogs eða eitthvað svoleiðis.

Nú byrjar annar kafli. Foreldrar Ómars búa í Heiðaþingi nr. 6-8. Þar byggðu þau ágætt parhús sem var vel stærra og hærra en byggingareitur sagði til um. Sem er auðvitað ágætt því stærri byggingar gefa meiri tekjur fyrir bæinn og byggingareitir bæjararkitektanna oft íhaldssamir. Lóðarhafar á 2-4 samþykktu þessar breytingar fúslega eins og góðir nágrannar.  Á næstu lóð, nr.2-4  ætlaði þetta unga  fólk að byggja samskonar parhús nema aðeins  hærra en hitt húsið á 6-8 sem var búið  til þess að fá íbúðarherbergi í kjallara. Bærinn samþykkti þetta með formlegum hætti og íbúarnir á 6-8 samþykktu líka fyrir sitt leyti  og byrjað var að steypa húsið á 2-4  eins og venja er. En svo snýst íbúum á 6-8  hugur, þeirra á meðal foreldrum Ómars Stefánssonar og kæra ákvörðun Kópavogs. Þegar langt er  liðið á samþykkt uppsteypuverkið við nr.2-4 kemst dómari að því að Kópavogi hefði borið að auglýsa skipulagsbreytinguna í B.deil stjórnartíðinda, sem hefur auðvitað aldrei verið gert í slíkum tilvikum. „En lagastaðinn lögvís fann, létt er úr máli að skera....."  Nú gat Ómar Stefánsson  látið bæinn stöðva framkvæmdirnar á 2-4., Og af því að unga fólkið vildi ekki una breytingum á byrjuðu húsi sínu, gat hann og bæjarstjórnin  látið  kaupa upp framkvæmdirnar á lóðinni á 55 milljónir. Og nú síðast verður  leiðin greið  fyrir Ómar að láta  bæjarráð samþykkja að mölva húsið niður og moka burt. Auðvitað hefði verið  hægt að reyna að selja framkvæmdirnar með breytingum á teikningum.  En það hentaði ekki Ómari. Hvað eru 55 milljónir þegar svo stendur á? Lóðin stendur eftir óseld og ef til vill illseljanleg þegar við slík stórveldi er við að eiga sem á nr. 6-8  og formann bæjarráðs Kópavogs að auki.  Kannski verður þarna dýrasti kartöflugarður í Kópavogi þegar fram líða stundir því ekki er víst að neinn þori að byggja þarna eftir það sem á undan er gengið og hafa reiði Ómars fjallkóngs yfir sér ? 

En til þess að rífa svona hús og afskrifa 45  miljónir þarf auðvitað samþykki bæjarstjórnar. En ekki ef Ómar Stefánsson á í hlut. Hann er nefnilega ekki smali heldur fjallkóngur að eigin áliti eins og hann segir í blaði sínu Framsýn. Þegar bæjarstjórnarfundur var settur kl.15 á fimmtudaginn var voru hinsvegar röskir embættismenn bæjarins  búnir að rífa húsið eftir skipun frá Ómari Stefánssyni, formanni Bæjarráðs.  Það var vandséð hvaða kosti  bæjarstjórn Kópavogs átti í stöðunni annað en að samþykkja orðinn hlut og líklega hafði hún ekki hugmynd um hvað Ómar var þegar  búinn að láta gera. Hann blekkti þá bæjarstjórnina vísvitandi.Barbabrella  Ómars !

 Steingrímur og Jóhanna samþykktu líka Icesave án þess að tala við þingið fyrirfram svo þetta er kannski að verða í tísku um stjórnsýslu vinstrimanna. Skjóta fyrst og spyrja svo.

Nú ætlar Framsókn að fara að velja Ómar Stefánsson sem  framtíðarleiðtoga sinn. Fundurinn verður án efa haldinn á einu  minnsta kaffihúsi sem hægt er að finna í Kópavogi, eins og Samfylkingin gerir. Þar verða frambjóðendur valdir eftir því hversu marga bílfarma þeir geta komið með af sérhópum eins og Óskar Bergsson mátti þola í Reykjavík nýverið. Á móti þessu ætlar Sjálfstæðisflokkurinn að efna til almenn prófkjörs meðal bæjarbúa um val á frambjóðendum á lista Sjálfstæðisflokksins við bæjarstjórnarkosningarnar  í vor. Þar tekst lýðræðisflokkur á við litla klíkuflokka sem þora ekki að leggja sjálfa sig eða frambjóðendur sína í dóm kjósenda. Enda þola kommarnir ekki svona lýðræði því Jóhanna og Steingrímur ætluðu að breyta kosningalögunum til þess að útiloka svona stór prófkjör Sjálfstæðisflokksins og láta helst jafnvel raða á listana eftir stafrófsröð.

Þetta er auðvitað  ekki spilling af því að það er ekki Sjálfstæðisflokkurinn sem á í hlut heldur Framsóknarflokkurinn og oddviti hans. Þetta er auðvitað ekki spilling þó að upphæðin sé  hærri Frjáls Miðlun fékk fyrir vinnu sína í 8 ár, því að hún tengist ekki Sjálfstæðisflokknum. Og Fjallkóngar Framsóknarflokksins þurfa ekki að bíða eftir formlegum samþykktum fjárhópsins í bæjarstjórn . Ef stjórnmálamenn  eru ekki úr Sjálfstæðisflokknum, þá gilda fyrir þá sérreglur siðferðisins.Þá er nú aldeilis munur:

Engin spilling !