Hvar eiga Íslendingar frændur ?

Bloggvinur minn Björn Emilsson, sem býr í USA sendi þessar línur sem segja margt:

"Í viðtalsþætti ríkisútvarpsins - PBS - var rætt við íslending um aðild Island að ESB. Íslendingur þessi sagði Island eiga heima í Evrópu og ætti að halda sig þar. Þetta fannst spyrjanda einkennilegt. Hvernig gat það hagnast Íslandi..."

Merkilegt er síbyljan í krötunum og EBE sinnunum um þetta atriði. Það er tuggið upp aftur og aftur að Íslendingar eigi heima í Evrópu.

Hvað með jafnstóra íslenzka þjóð sem býr í N-Dakota og Kanada og auðvitað víðar í Ameríku ? Miklu fleiri en þeir landar sem búa í Evrópu. Hvernig getur þetta fólk haldið þessu  fram endalaust. Hvað búa margir Íslendingar í Evrópu ?

Nú sjáum við fram á þau góðu tengsli tengsli sem við höfum þangað. Allar EBE þjóðirnar og Norðmenn líka sameinast um að kúga okkur til að leggjast í fátækt sem þjóð vegna starfsemi íslenzkraglæpamanna í Evrópulöndum. Og við ætlum að þiggja þetta boð. "Skrifið undir Icesave kjörin eða við tölum ekki við ykkur."

Við eigum greinilega heima í Evrópu  segja kratarnir.  Þaðan sem kúginin sjálf, misréttið og mannfyrirlitningin er upprunnin undir léns-og keisaraveldum og stríðsherrum hvers tíma. Menn flúðu til annara landa, Íslands og Ameríku til þess að verða frjálsir.

Tryggvi Ófeigsson sagði eitt sinn: "Kratar eru verstir " Sósíaldemokratisminn er óvinur allra framfara og náfrændi kommúnismans. Menn mega ekki gleyma því góðæri sem hér ríkti fyrir hrunið í meira en áratug undir merjum frjálshyggjunnar.  Það var ekki bara okkur einum að kenna að allt hrundi í veröldinni þó við yrðum illa úti. Þó að við klikkuðum á aðhaldinu megum við ekki gleyma hvað vannst þó.

Það er óþarfi að láta þetta frændlið okkar beygja okkur í duftið bara af því að krötum langar svo til að fara til Brüssel í bitlingaleit. Við eigum mörg ónumin lönd eftir markaðslega. Asíulöndin, Ameríkulöndin. Hvernig liti hér út ef við hefðum hér stóra banka starfandi ? Ef hér opnaði sterkur kínverskur banki  sem verslaði í dollurum eingöngu ? Hvað yrði þá um ríkisblánkana  okkar ? Hver vildi versla við þá ?

Frændur eru frændum verstir hefur verið sagt. Það virðist ljóst núna.

Þambaravambaraþamberí ?

Hversvegna stöndum við  Íslendingar svona og vælum yfir vonsku "vinaþjóðanna í ESB " sem taka höndum saman við AGS um að kúga Alþingi okkar til hlýðni og skrifa undir Icesave ?

Af hverju sendum við ekki okkar mesta fjármálaséní, -kommúnistann Svavar Gestsson-,  til kínverskra flokksbræðra sinna. og biðjum um lán fyrir Ísland ?

Svona þúsund milljarða dollara í fyrsta umgangi.

Öll okkar vandræði leyst á einum stað. Þurfum ekki að væla í Nojurum eða Svíum-,  hvað þá AGS.  Allir ríkisbankar okkar með pening. Nóg til að lána Landsvirkjun. Nóg til að koma okkur í gang.

Hendum þessum liði frá AGS út og norska stráknum úr Seðlabankanum á eftir þeim.  Hann sveik okkur um að styrkja gengið, sem var það eina sem hann lofaði. Af með hann. 

Þessir peningar eru til. Svavar er hérna.  Kínverjar eru þarna. Af hverju ekki að gá hvort þeir vilja ekki gera eitthvað annað við dollarafjallið sitt en að byggja tóma turna eins og við niður í Borgartúni ?

Og svo gæti hann heimsótt Pútín keisara í heimleiðinni. Rifjað upp landslag og leiðir í A-Þýzkalandi þar sem þeir þekktu vel til báðir í gamla daga.   Hver veit nema við getum fengið olíu fyrir fisk ?

Af hverju ekki að prófa eitthvað annað en þetta sífellda þambaravambaþamberí ?

Það er ekkert að gerast !

Sumir virðast halda að eitthvað sé að gerast í þjóðlífinu og uppbyggingu efnahagslífsins.  En það er ekkert að gerast. Kreppan sígur að meira og meira. Eina sem er jákvætt er að það léttir á atvinnuleysistryggingasjóði með því að 1000 fjölskyldur hafa flutt úr landi á stuttum tíma og margar aðrar eru á leiðinni utan.

Landið ber ekki þennan mannfjölda á hefðbundnum atvinnuvegum sínum og við verðum því að fækka fólkinu sem allra mest. Það léttir á fjársveltu kerfinu.  Hafró lofaði okkur jafnstöðuafla 400.000 tonnum árið 1982. Nú er hann minni en nokkru sinni eftir aldarfjórðung kvótakerfisins, sem Sjálfstæðisflokkurinn trúir á heitar en bibblíuna og vill þessvegna alls ekki í ESB.Við erum of mörg fyrir hvern fisk í þessu eymdarkerfi.

Skilanefndir bankanna eru á fullu að hræra á milli sín pappírum fyrir miljóna kostnað á klukkutíma. Þessar skilanefndir munu líklega seint  skila einhverju  því nefndarmenn sjálfir hafa hag af því að skila engu og draga málin á langinn. Þetta er auðvitað innbyggt í erindisbréfin þeirra.

Enginn veit hversu mikið hefur brunnið upp af erlendum kröfum bankanna, þær liggja órukkaðar í staðinn fyrir að láta eina starfhæfa bankann sem ríkið á, FIH í Danmörku, rukka. Ríkisbankarnir eru steindauðir og  bæði vilja-og getulausir til að sinna öðru en að gera öreiga fólk gjaldþrota.

Og nú er röðin komin að sparisjóðunum að verða eign ríkisins líka, eftir að sömu þjófagengin hafa rænt þar og ruplað.  Tryggingafélögin eru þjófarnir búnir að ræna öllum bótasjóðum þannig að landsmenn eru án teljandi tryggingaverndar öðruvísi en í gegnum ríkissjóð. Erlendis kaupa menn kröfur á bankana á 2 % af nafnvirði og eiga að fá þá afhenta, með málverkum og munum  útá þá pappíra sem fyrst.  Gömlu hluthafarnir eiga bara að greiða sanngjarnan eignarskatt af bréfunum sínum ónýtu á hæsta gengi fyrir hrun samkvæmt áætlun skattstofanna. Allt verður þetta hagvöxtur sem nýtist í excelútreikningunum sem sýnda hvernig við getum borgað Icesave af framtíðartekjum.

Glæpamenn vaða uppi í þjóðfélaginu, engin fangelsi eru til utan um óþjóðalýðinn,dómskerfið ónýtt,  lögreglan uppgefin og fjársvelt. Eina sem þeim dettur í hug niður við Austurvöll er að sækja um aðgang að ESB og  borga Icesave, hvað sem það kostar. Allt er lagt að veði fyrir ESB aðildina, sem er kölluð þátttaka í samfélagi þjóðanna í stað þess að heita landráð, sem eru skilgreind sem athæfi til þess að selja  landið í hendur útlendinga.

Þjóðaratkvæðagreiðslan, sem þeir segja stundum að eigi að vera endapunkturinn á ferlinutil ESB á að vera óbindandi svo að Samfylkingin geti haft frítt spil þegar þar að kemur að ganga inn einhverntímann á tólf ára boðuðum valdatíma hennar ala Ögmundur.

Það er ekkert að gerast til varnar vorum sóma. Við erum í rúst. Þessir svokölluðu vinir okkar hafa allir yfirgefið okkur og dregið stuðning sinn til baka nema ef við játumst undir kúgun Evrópubandalagsþjóðanna og AGS útaf Icesave. Segjum  þeim núna að pilla sig. og fáum Kínverja til að lána okkur dollara sem þeir eru í hvínandi vandræðum með. Þeir verða fegnir að lána okkur frekar en að moka þeim til Afríku eins og þeir gera núna, þaðan sem þeir koma aldrei aftur. Og Pútín vill örugglega tala við okkur um fyrirgreiðslu líka, hann hefur allt að vinna strategískt við að vingast við okkur.Við þurfum bara að hafa kjark til þess að spila djarft inní þetta lið sem þóttust vera vinir okkar en eru það ekki.

Álverðið er komið uppfyrir 1700 $/tonn, langt uppfyrir það verð sem þarf að vera þegar álver eru skipulögð. Olíuhreinsistöð fyrir Rússa er innan seilingar.

Það eru möguleikar í stöðunni sem við gætum nýtt.  Bara ef við ættum einhverja leiðtoga.

En þá eigum við ekki aðeins þetta volaða lið. Þessvegna er ekkert að gerast.  

Verð ég Evrópusinni ?

Jón Magnússon vinur minn veltir því fyrir sér hvort Jón Bjarnason sé hæfur til að vera ráðherra í okkar ágætu ríkisstjórn. Hann tali gegn nýsamþykktri gerð Alþingis. 

Mér finnst þessi Jón ekkert vitlausari en Ragnheiður Ríkarðs eða Þorgerður  Katrín. Þær eru báðar genetískir kratar en Jón er íslenzkur framsóknarbóndi á kaupstaðarferð í pólitík. Af hverju má hann ekki tala fyrir sinni sannfæringu eins og Steingrímur að greiða atkvæði gegn sinni ?. Ef Steingrímur  þá hefur einhverja aðra sannfæringu en valdagirnd og gírugheit í ráðherralaun. 

Ég held að þessi ríkisstjórn geri mig að Evrópusinna áður en yfir lýkur. Ég sé ekki hvernig við getum dregið úr skaðsemi þessa fólks á þinginu  annan hátt. Það er Evrópusambandinu að þakka að við erum ekki komnir með VSK í 28% . Kannski frelsumst við frá meira illu fyrir minna illt?

1000 fjölskyldur hafa ákveðið á stuttum tíma að vilja ekki búa við  Iceslave skattlagningu til frambúðar. Hver sem ekki slæst í förina með þeim verpður að  borga þeirra hluta líka.

Hvernig tekur Noregur við ellilífeyrisþegum sem flytja til Noregs? Getum við flutt út gamlingja og örykja á grundvelli EES til Noregs ?  Er ekki allt betra en þetta helvíti sem Ísland er að verða?

Mun okkur fækka eða fjölga ?

Hvernig verður með einn Ice-slave, sem flytur búferlum til Noregs ?

Þegar hann er fluttur þá skuldar hann ekki neitt  er það ekki  ?  Hann þarf ekki burðast með einhverja skattbyrði bara til að borga fyrir Bjögga. Skuldin bara dreifist á færri hausa á Íslandi.  Gamlingja, öryrkja, minna menntað fólk.  Skuldin lækkar ekki. Hann þarf ekkert að búa við íslenzka stjórnmálamenn ef aðrir bjóðast betri annarsstaðar.

Ef tugþúsndir flýja landið, verða miklu færri eftir til að borga. Ganga þá  hagvaxtarútreikningar Indriða og excelhagfræðinganna  upp ?  Hvað verður þá ?

Getur einhver svarað því hvernig er með fólksflutningana á þessu ári ? Hvernig verða þeir ef batnar annarsstaðar í heiminu ? Vilja menn vera þrælar eða frjálsbornir menn ?

Mun okkur fækka eða fjölga ?

"To be or not to be."

Steingrímur J. segir að innistæður í íslenzkum bönkum  séu tryggðar,-...þar til öðruvísi verður ákveðið. Þetta er maðurinn sem er endurreisa íslenzka bankakerfið. Auka  traust þess og tiltrú þjóðar í nauðum.

Þetta er maðurinn sem er að færa "erlendum kröfuhöfum " íslenzku bankana til eignar. Veit hann ekki að ýmsir  high- risk sjóðir erlendis eru sagðir að kaupa kröfur á íslenzku bankana  á 2-3%. Fyrir þetta fá þeir gömlu bankana afhenta en við gömlu hluthafarnir fáum ekki neitt nema svei þér fyrir að hafa látið plata okkur til að styrkja atvinnuveg, sem þá greiddi upp allar erlendar skuldir ríkissjóðs á þeim tíma. Núna erum við gleymdir og fáum ekki að afskrifa hlutabréfin á móti tekjum. Þau eru í fullu gildi í augum skattsins og eiga að mynda andlag fyrir 2 % sanngjarnan eignaskatt að hætti Lilju Mósesardóttur,-hinnar kvellisjúku nefndarþingkonu. Ekki eru menn lengur kosnir á þing til að fylgja sannfæringu sinni. Grátandi þingkerlingar á flótta undan hverri annarri er tímann tákn um samræðustjórnmál og samráðsstjórnmál.  

En Bretar og Hollendingar skulu  tryggðir af okkur fyrir að hafa verið sömu asnar og við hluthafarnir.  Við og afkomendurnir skulum borga í níunda lið því annars gæti umsóknarferlið í ESB truflast að því að ríkistjórnarsinnar segja. Gömlu forstjórarnir úr bönkunum okkar sleppa alveg og gerast helst ráðgjafar í útlöndum-,sloppnir,   Eva Joly eða ekki.

Mér fannst fróðlegt að bera saman hvernig FBI tekur á fjármálamisferli í sínu landi.  Engar jarðálfaúlpur með hettum niður fyrir höku þar sem hendur eru fyrir aftan bak á leiðinni til réttarþings. Hérna ? Við getum ekki einu sinni borgað löggunni til að vernda eigur almennings. Menn sem eru uppvísir að stela milljörðum úr bótasjóðum tryggingafélaga þjóðarinnar eru ekki einu sinni yfirheyrðir, hvað þá handjárnaðir. Halda bara áfram eins og ekkert hafi  í skorist. Skilanefndir og tilsjónarmenn skila auðvitað seint árangri þegar þeir eru alltí einu komnir á hálaun hjá ríkinu. Vill nokkur lljúka slíkri aflahrotu ? 

Við höldum úti apparötum eins Fjármáleftirliti, efnahagsbrotadeildum Lögreglu, og sérstökum  saksóknurum .  Reyndu sem einstaklingur að ná eyrum þessara apparata og þá opnast þér sýn útá hvað þetta gengur! Reyndu að benda á bankamisferli fyri opnum tjöldum, miljjarðssvindl bankastjóra og vina hans, Þjófnað og misbeitingu úr almenningshlutafélögum!  Þá skilurðu hvað kerfið er rotið, viðbjóðslegt og einskis nýtt. Varðhunda kerfisins kallaði Vilmundur opinberar stofnanir sem svona standa sig.

 Stjórnmálamenn gefa nefnilega lítið fyrir almenning nema til að láta hann kjósa sig. Hvort sem þeir heita Jóhanna eða Steingrímur, þá eru það bara völdin sem heilla þau. Hitt var bara lygi og siðferðisprinsipin eins og atkvæðin þeirra á þinginu- bara söluvara eða skiptimynt.  Ég held að þessi ömurlega frammistaða stjórnsýslu okkar, Alþingis og framkvæmdavalds, verði til að hrinda örþreyttu fólkinu í fang ESB. Uppgefið á innanlandsupplausninni, alveg nákvæmlega eins og 1262, sverjum við Evrukóngi skatt. 

Ættjarðarástin er úr gildi fallin, hún vigtar ekkert lengur í hugum margra.  Stjórnmálaflokkar eru afhrópaðir og rægðir í fjölmiðlum, sem móta skoðanir almennings.  Þeim er þar hossað hæst sem greiða atkvæði á móti flokki sínum, þá eru menn svo sjálfstæðir og góðir. Til hver erum við þá að vera í flokkum ? Það er fjölmiðlum og Baugi ekki þóknanlegt. Það er alveg nóg að hafa einn flokk eins og dæmin sanna að virkar líka.  

Hvað verðu eftir af Íslandi ef engir stjórnmálaflokkar fá lengur þrifist og kosningaþáttakan fer niður í bandariskar tölur eða Evrópuþingsþáttöku ?   Er nokkuð annað svar en Panevrópsk forsjá ? Fjarlægja sig allri afstöðu sem mest ? Treysta á alla aðra á undan sjálfum sér ?

Allavega er engu að treysta þegar kemur að íslenzkum stjórnmálamönnum dagsins í dag.  Þeir versla með sannfæringu sína og afstöðu fyrir opnum tjöldum. Þó þeir séu sjálfir nýkomnir á þing til að berjast gegn spillingunni.  Það er ekki hægt að treysta  orðum þeirra um stefnu og stöðu, sannfæringu eða loforð. Engu !

Ég enda í ESB þó að ég styðji flokk sem var á móti því.  Það er sama þó ég kjósi annan flokk sem er líka á móti því, hann greiðir atkvæði með inngöngu.

"Allt sem hann áður varast vann, varð þó að koma yfir hann sagði séra Hallgrímur."

Sagði  ekki Hamlet Danaprins :

"To be or not to be. "

   

 

Hverjir stjórna fjölmiðlunum?

Um þessar mundir er Mogginn með ESB, áður á móti. Nú er hann með kvótanum en áður á móti. Nú er hann líka að túlka skoðanir  ritstjórans og pabba ritstjórans í ESB málum. og svo eigendanna Samherjafrændanna, og ekkju Sigurðar í Eyjum, þess afbragðsmanns. Allt sjávarútvegsfólk sem ekki púkkar uppá ritstjóra sem er á móti þeim. 

Þorsteinn Már var með Jóni Ásgeiri í Sjóð9 dæminu og Glitni þannig að ekki fer nú Mogginn að gera annað en Þorsteinn Már  og því ekki einkavinurinn Jón Ásgeir vilja. Þannig ræður Jón Ásgeir líklega bæði Mogganum og Fréttablaðinu hvað meginlínur snertir. Og DV ræður hann líka í gegnum kumpán sinn Hrein Loftsson til margra verka og Tortóla.  Og stöð 2 stjórnar hann víst  líka.

Þorsteinn Pálsson í Fréttablaðinu dásamar það af Kögunarhól sínum hvernig Ragnheiður Ríkharðs og Þorgerður klufu Sjálfstæðisflokkinn í ESB málinu. Þetta sé nú aldeilis fínt að hafa sjálfstæða þingmenn. Mér skilst helst á Þorsteini að stjórnmálaflokkar eigi ekki að vera til og helst alls ekki ef þeir heita Sjálfstæðisflokkur og heldur landsfundi um stefnumál sín.  Þorsteinn kommenteraði ekkert á VG í þessu sambandi eða Samfylkinguna, sem hafa stefnu að hans hatti.

Mér fannst hann sjálfur nú heldur fúll þegar Albert fór á sínum tíma vegna þess að Þorsteinn hafði aðrar skoðanir en Albert og ætlaði að berja þær oní hann, en uppskar Borgaraflokkinn í staðinn.Þá var nú talað um skort á samheldni í Sjálfstæðisflokknum þó að nú sé öldin önnur.

 Eftir þá atburði alla sáu nú margir að það væri betra að fá annan formann í Sjálfstæðisflokkinn, nema auðvitað ég bjálfinn, ég sem stóð með Þorsteini því hann var jú formaður og ég tryggur flokksmaður. En ég held nú eftirá séð, að það hafi verið gott að hvíla hann og fá Davíð. Enda kaus ég Davíð alla tíð síðan  sem ég gat. Ég kaus líka Þorgerði á síðasta landsfundi en er ekki eins viss um að ég geri það aftur. Og ég hef heyrt af Ragnheiður Ríkharðs sé af krataættum eins og Þorgerður, þannig að það er margt að athuga þegar kemur að kjörborðum næst.

Jón Ásgeir stjórnar ekki Moggablogginu ennþá, sem mér finnst vera  orðið eini frjálsi miðillinn í landinu að frátalinni ÍNN hans Ingva Hrafns, sem er eins og eldstólpi í eyðimörkinn og ég bæði tek ofan fyrir Ingva Hrafni og segi bravó fyrir honum. Kall sem kveður að. Arnþrúður á Sögu gapir uppí Bónusfeðga, af því að Jói lánaði henni víst pening og hún virðist vera  hans bandingi síðan. Annars er hún oft skemmtileg hún Arnþrúður, þó viðmælendur stöðvarinnar séu nú misjafnir. 

Það eru stundum einn og einn að spyrja mig af hverju  ég skrifi aldrei í Moggann eins og ég gerði í gamla daga. Þeir hættu bara, í tíð Styrmis,  að birta greinar eftir mig nema líkræður og stofnuðu fyrir mig bloggsíðu sem þeir sögðu mér að ég mætti skrifa á mér til dundurs og það hef ég gert mér til ánægju og veri þeir margblessaðir fyrir þessi almennilegheit við gamalt fífl.

Ég prófaði Fréttablaðið líka, fékk eina eða tvær birtar gegn ESB en svo hættu þeir alveg  líka að birta tilsendar greinar frá mér svo ég hætti að angra þá líka. Enda finnst mér það blað hundleiðinlegt, illa uppsett og  einsleitt áróðursblað, með litaðar fréttir og þjónkunin við Baugsveldið og skoðanir þeirra og  hagfræði Þorvaldar Gylfasonar er oft yfirþyrmandi. Annars er Þorvaldur stundum ágætur þegar hann  getur hamið hatrið á Sjálfstæðisflokknum, sem er nú ekki oft. Maðurinn er fjandi vel að sér og glöggur.

Þegar þið farið að hugsa um það, þá er ekki í nein hús að venda fyrir margt  venjulegt fólk eins og mig en Bloggið og Facebook. Hún Fésbók finnst mér hinsvegar svo leiðinleg og vitlaus, fólk talar bara um sig sjálft og nærbuxurnar sínar, hver nennir því  til lengdar ?

Hvaða tilgang hefur það þá að senda svona smáblaði eins og Mogginn er orðinn, sem varla helmingur þjóðarinnar les , grein sem kemur eftir mánuð þegar hún er orðinn úrelt.En Agnesi og fleiri góða blaðamenn Mogga reyni ég að lesa hvenær sem ég get. Erlendis  eru blöð yfirleitt skrifuð af blaðamönnum og birta ekki greinar eftir nöldrara nema í mýflugumynd. Kannski er það sem koma skal.

Alveg er þetta eins með Fréttablaðið, greinar koma seint eða aldrei ef innihaldið er Bónusi ekki þóknanlegt.  Og ég held að það sé nú farið að gilda líkt með Moggann, að menn nenna ekki að vera senda því greinar. Ég kaupi ekki Mogga og nenni lítið að fletta honum, en fæ Fréttablaðið innum lúguna.   Þó er Mogginn miklu skemmtilegri en Fréttablaðið í mínum augum, sem er svo leiðinlega uppsett, margar leiðinlegar greinar eftir kommúnista eða krata,  sem er enn verra fyrir mitt sálartötur,  auglýsingar um hvað Bónus sé góður og svo gagnlegar smáauglýsingar. Það er heldur skárra en ekkert blað á morgnana og svo er það frítt en Mogginn ekki. Líklega á hann enga framtíð nema að lækka áskriftargjöldin. Það er öðruvísi að handleika blað en að sitja alltaf vil helvítis tölvuna, sem maður fær nóg af öðru hverju.

Bloggið virkar strax og þeir lesa sem vilja. Maður ræður náttúrlega ekkert við smekk lesendanna, enda gerir það ekkert til. Fólkið er ófeimið og lætur skoðanir sínar í ljós. Því stjórnar enginn ennþá. En kannski kemur að því ?

Kannski endar þessi nútíma líberalismi  með því að hver þingmaður er orðinn að eigin stórveldi og engum háður. En ég held að það gangi ekki til lengdar. Menn þurfa félagsskap til að vinna saman.Stjórnmálaflokkar eru nauðsynlegir og menn eiga að bera virðingu fyrir þeim. Og það læra þeir ekki nema að taka þátt í störfum þeirra.Fólkið á að stjórna flokkunum.

En mér finnst að þingmenn eigi að fylgja stefnu flokksins sem þeir létu kjósa sig fyrir. Og þingflokkar eiga að starfa þannig, að hafi  menn  einhverja algera tilfinningalega sérstöðu í einhverju máli,  þá eiga þeir að kalla inn varamann til að greiða atkvæði, sem þarf þá að vera til lipurt kerfi utanum.

Það er hinsvegar nokkuð greinilegt, að einhver sjálfstæð ritstjórnarstefna  fjölmiðla er ekki til lengur. það eru eigendurnir sem  ráða sér leigupenna að sínum smekk. Þeir ráða fjölmiðlunum, ekki kannski daglega en í lengdina gera þeir það. Þessir voldugu kallar eru hinsvegar  líka farnir að seilast inná svið stjórnmálaflokka, með því að arga og garga á fólkið  að fyrirlíta flokkana. Menn eigi að hafa sjálfstæðar skoðanir og láta ekki segja sér fyrirverkum. Talla um flokkseigendafélög og svo framvegis.

Allt þetta er ekki æskilegt. Auðvaldið stjórnar fjölmiðlunum. Nema Ríkisútvarpinu, sumir segja að því stjórni pólitískir fréttamenn, enda fara þeir furðu oft inn í pólitík til vinstri. 

En auðvaldið á ekki  að geta keypt allt og alla, alltaf. Það er ekki endilega best eins og dæmin sanna.

Innhverf íhugun ?

Einn greindur vinur minn kom til mín í þunglyndinu yfir flokknum mínum og umsókn Íslands  um aðild að ESB.

 

Hann sagði:

 

“Huggaðu þig við það, að það fækkar í hópi félagshyggjufólksins á stjórnmálasviðinu, á borð við þá sem eru að spreyta sig á þjóðinni um  þessar mundir.  Þessu fólki sem heldur að aukin skattlagning  þeirra sem enn hafa vinnu geti aukið þjóðinni þrek og getu. Flest af þessu er fólk, hefur aldrei þekkt annað en að eiga vísan launatékkann sinn frá ríkinu næsta föstudag.Er ekki bara gott að það geti orðið upptekið við annað en að finna upp nýja skatta á okkur ?

 

Var það ekki jákvætt að  ESB stöðvaði þetta lið í að hækka VASK-inn í 28 %, það var víst eitthvert ákvæði í regluverkinu sem kom í veg fyrir þetta.  Þegar fram líða stundir flyst svo margt kerfisfólk til Brüssel að vinna í krateríinu þar, að Ísland verðu mun betra á eftir. Það verður landhreinsun.. Vertu bara feginn að losna við það til kontóranna í ESB. Þá skaðar það okkur minna því áhrif þess dofna hérlendis.Það verður minna pláss til að finna upp nýjar séríslenskar vitleysur þar sem það er búið að finna svo mikið upp af vitleysum  í regluverkinu fyrir okkur. Svo þú sérð að ESB hefur mikla kosti fyrir landið!

 

Það er eins með Sjálfstæðisflokkinn. Hann mun smátt og smátt laxéra út þessu fólki, sem heldur sig vera stærra en flokkurinn .  Hefur bara sannfæringu sína til að fara eftir en varðar ekki hætishót um niðurstöður landsfundar um stefnu flokksins. Fólk, sem er líkt gömlu kóngunum í því að telja sig  hafa sitt umboð frá Guði en ekki landsfundi flokksins. Auðvitað ertu fúll yfir að hafa haldið  að við  værum í  flokki  með  fólki sem tryði á sömu hugsjónir og við og virti stefnu flokksins frá landsfundi.  Vertu þolinmóður, upp úr þessari öskustó mun Sjálfstæðisfálkinn rísa sem Fönix  úr öskustónni og hefja sig til flugs á ný. Laus við ýmsa óværu verður hann aftur traustur bakhjarl hinn gömlu góðu gilda,  flokkur allra stétta-Sjálfstæðisflokkur. Þetta lagast allt kall minn , þetta lagast. ”

 

Ég sat  nú hljóður og hnípinn  eftir þessa ræðu vinar míns. Veit ég  um þessar mundir í hvaða pólitíska átt ég á að horfa?  Getur maður verið í flokki og lent óvart í ESB án þess að hafa viljað það ? Til hvers er maður í flokki ? Er maður orðinn pólitískur munaðarleysingi ? Íslendingur, sem á bráðum ekkert föðurland nema tollabandlag Kratanna í ESB?

 

Þarf ég bara ekki  að  fara í pólitíska endurhæfingu og innhverfa íhugun ?

Hvað er milljarður milli vina ?

Jæja, þá eru kratarnir búnir að fá enn einn bitlinginn. Nú fá þeir milljarð til að éta af skattpeningum  okkar með Össur í broddi fylkingar,  Árna Pál og nefndu það, hersingu sem mun búa í herlegheitum pragtuglega í Brüssel. Svo verður félagi Svavar samningaséní auðvitað með til að friða Steingrím. En Björn Bjarnason verður auðvitað skilinn eftir heima ásamt öðrum íhaldsfósum nema kannski Ragnheiði Rókharðs.  Mastrichtskilyrðin uppfyllast svo smátt og smátt með harðnandi kerppu, hærri sköttum og gjaldeyrishöftum og blessuð evran vinkar svo einhversstaðar eftir tíu ár.

Þetta verðu veizla í stíl við mútuferðir Ingibjargar Sólrúnar til að koma Íslendingum í öryggisráðið. Sú tilraun  átti að kosta 300 milljónir en enginn veit endanlega tölu. Skv. pí-lögmáli nínu ætti það að nálgast  milljarðinn eða svo. 

Samvæmt sama lögmáli verður kostnaðurinn við EB umsóknina því 22/7x1 milljarður, en þetta lögmál segir að allt sé pí sinu dýrara á Íslandi en annarsstaðar og allar áætlanir stjórnmálamanna um kostnað margfaldist með pí áður en upp er staðið.

Hæ,hó jibbíjibbí jibbí jibbí je !  

Engin hjáseta á morgun !

 hjáseta á morgun !

Karen bloggvinur, (skýrleiksstúlka, hvaðan sem hún nú hefur það ?) skrifar í dag:

" Ég vil leggja eftirfarandi til: að nú þegar þýðingamestu mál Íslandssögunar eru til afgreiðslu hjá Alþingi okkar Íslendinga, AÐ VIÐ AFTENGJUM HNAPPINN SEM SEGIR: SIT HJÁ!......

Það á ekki að líðast neinum Alþingismanni að taka ekki afstöðu þegar kjósa á um Icesave eða ESB aðild. Allt kosningavæl og annar hjáróma málflutningur á ekki að líðast fólki sem hefur boðið sig fram til þess að vera fulltrúar þjóðarinnar á þingi. Ég geri ráð fyrir að það hafi viljað komast á Alþingi til þess að hafa áhrif á þróun íslensks samfélags til hins betra....eða hvað? Ég krefst þess að það fólk sem bíður sig fram til þessara starfa að það fari fram með almannahagsmuni að leiðarljósi en ekki til þess að svala persónulegum metnaði sínum. Alþingismenn eiga að vinna "for the greater good" en ekki til þess að komast í sendaherrastöður síðar á ævinni.  " 

Ég vil taka undir þetta.  Menn eiga ekki að reyna að díla sig útaf vegna einhverra bitlingasjónarmiða síðar.  Ég krefst þess að Steingrímur J. greiði atkvæði um EB umsóknina en skili ekki auðu og geri grein fyrir atkvæði sínu.

Og svo vil ég fá það á hreint hjá Þór Sari atkvæðakaupmanni, hvernig maður getur boðið kjósendum  uppá svona  samningsbrot í þessu gegn samningsbroti í öðru fyrir opnum tjöldum. Ef þið, Jóhanna og Steingrímur J. sláið  af í Icesave skal ég styðja ykkur í EB, það sver ég við slifsi mitt (eða var það skegg spámannsins?)