Kópavogsleiðtoginn

Út er komið eintak af blaðinu Kópavogi sem Samfylkingin gefur út.

Efsti maður þar á lista er Guðríður Arnardóttir jarðfræðinemi. Hún lét velja sig sem oddvita á lista Samfylkingarinnar á einum 180 atkvæðum á skipulögðum kaffihúsafundi stuðningmanna sinna þar sem úrslitin gátu ekki orðið öðruvísi. Guðríður þessi er búinn að sitja einhver ár í bæjarstjórn Kópavogs og hefur á þeim tíma vakið á sér athygli fyrir að vera á móti flestum þeim málum sem lögð hafa verið fram. Samfylkingin er því verðugur vettvangur hins nýja tíma í stjórnmálum þar sem opinberir starfsmenn verma bekkina. En varaoddvitinn er Hafsteinn Karlsson, einn skólastjóra Kópavogsbæjar.Sömuleiðis kosinn með örfáum atkvæðum á sama fundi.

Foringjadýrkunin í blaðinu er yfirþyrmandi. Einhverjar sjö myndir af Guðríði og fjórar af Hafsteini þekja mikið flatarmál á síðum blaðsins. Þar gera þau sig breið yfir Boðaþingi, sem þau áttu mest lítinn þátt í í koma á laggirnar  en skreyta sig auðvitað nú með ljómanum af þeirri þörfu framkvæmd eins og hún sé þeim einum að þakka.

Nú hafa leiðtogarnir fundið upp nýja Kópavogsbrú. Hún felst í því að moka milljarði af skattfé bæjarins í byggingafallítt í bænum. Fara að hjálpa bönkunum til að losa um vandræði sín í bænum.

Það er eins og þau viti það ekki, að það er fljótvirkasta aðgerðin til að létta á skuldavanda Kópavogs, að selja lóðirnar sem hann situr uppi með eftir að þeim var skilað inn. Kópavogur yrði best staddur allra sveitarfélaga á landinu ef hann seldi þessar lóðir. Nei, Samfylkingin vill slá milljarð í viðbót til að auka á skuldavandann. 

Ætti Samfylkingin ekki að einbeita sér að greiningu á hinum raunverulega vanda sem er við að fást í þjóðfélaginu? Atvinnuleysi og úrræðaleysi og kattasmölun í stjórnmálum landsins?  En það er ekki vona að opinberir starfsmenn í stjórnmálaflokki eins og Samfylkingunni beri skynbragð á slíka hluti. Fólk sem ekki þekkir annað en ganga að launatékkanum sínum vísum og þiggja svo digrar greiðslur fyrir setu í nefndum og ráðum á opinberum vegum.   

Þurfum við svona Kópavogsleiðtoga?

Byssa ræningjans.

Í Bandaríkjunum kostar bensínið 100 kall lítrinn. Bílar eru tollfrjálsir. Þar leggja menn mikið af vegum og láta umferðina borga fyrir veginn.

Þar dettur frjálsbornum mönnum ekki í hug að setja GPS staðsetningartæki  í hvern mann til að stjórnvöld geti staðsett hann. Þar eru tollhlið þar sem þú borgar fyrir að keyra í gegn.  Þú getur líka keypt E-pass þar sem tölva les notkunina um leið og þú brunar í gegnum tollhlið. Gjöldin eru lág enda umferðin grundvöllur efnahagslífsins en ekki sláturfé eins og kommúnistar hugsa. Hinsvegar standa þér alltaf aðrar akstursleiðir opnar milli staða ef þú vilt ekki borga fyrir notkunina á fína veginum. Þú getur sparað þér tollinn en þú hefur valið.

Hér dettur ráðamönnum eins og Siglufjarðarstrumpinum aldrei í hug að horfa neitt annað en til föðurlanda sósíalismans í Evrópu. Þrefalda bensínverðið með sköttum fyrst og tvöfalda bílverðið með tollum, Setja svo girðingar á akstursleiðir til að skattleggja alla sem eiga erindi á milli A og B. Engin hjáleið heldur byssa ræningjans.

Þetta er liðið sem við kjósum til að stjórna okkur. Þetta er sá hugsunarháttur sem er að keyra okkur inní Evrópusambandið með góðu eða illu. Það er að verða ólíft í landinu við þetta lið í ríkisstjórn. Engin von, engar framfarir,  ekkert ! Skattar og meiri skattar, forræðishyggja, stóri bróðir allstaðar.

Og byssa ræningjans notuð til að þú borgir.

Hvaðan fær maður milljarð?

Samfylkingin heldur málgagni sínu Fréttablaðinu og Stöð 2. Jón Ásgeir og kona hans snöruðu einum milljarði á borðið svo að allt geti gengið áfram. Samt vill enginn segjast hafa séð þennan milljarð.

Hvað kemur manni milljarður þegar maður er sagður skulda eitt þúsund milljarða ? Skyldi enginn vilja vita það? Indriði H. Þorláksson? Steingrímur J.Sigfússon? Birgitta Jónsdóttir ? Lilja Mósesdóttir ?

Ekki höfum við Sjálfstæðismenn og Famsóknarmenn nokkurn minnsta áhuga á því.

Hvað er líka milljarður milli vina? Áskrift að Mogganum telja margir sér ofviða meðan Fréttablaðið er "frítt". Samt eru sagðir einhverstaðar einhverjir milljarðar afskrifaðir í salti vegna ókeypis rekstrar Fréttablaðsins.

Nú fá þeir erkifeðgar líka Haga afhenta á ný, enginn annar kann að selja kjötfars eins og þeir. Ólafur búinn að fá Samskipið sitt aftur  og Pálmi Iceland Express. Þeir redda þessu fyrir ríkisstjórnina blessaðir drengirnir. Og svo þjóðinni í Evrópubandalagið. 

Það er hinsvegar erfitt að vanta fimmþúsund kall eins og margur glímir við.

 

Goslimbó?

Það er eins og gosið hafi dreift huga þjóðarinnar svo rækilega frá  krepunni að hún sé bara horfin.Ríkisstjórnin batnar dag frá degi af þ´ví enginn man lengur seftir henni. 

Morgunblaðið vekur þó athygli á staðreyndum í leiðara í dag. Þar segir m.a.:

" Morgunblaðið hefur vakið athygli á þeim vanda sem nú er uppi og snertir forsvar og eignarhald banka á fyrirtækjum sem eru í viðkvæmri samkeppnisstöðu. Mörg dæmi hafa verið nefnd til sögunnar og hefur Morgunblaðið gert nokkrum þeirra skil. Framganga Arion-banka í málefnum Haga og tengdra fyrirtækja hefur vakið mikla furðu og vaxandi vantraust á þeirri stofnun og stjórnendum hennar, enda er það mál með miklum endemum og skýringar og afsakanir bankans hafa ekki haldið vatni. Þótt segja megi að það mál skeri sig úr þá eru mörg önnur á ferðinni sem einnig er óþolandi að látin séu viðgangast. Menn horfa auðvitað mjög til samkeppnisyfirvalda vegna þessa enda lög til þess að þau grípi inn í. Það má vel vera að Samkeppniseftirlitið telji sig hafa óþrjótandi tíma til að fást við mál af þessu tagi og þau eru vissulega vandmeðfarin, en þau fyrirtæki sem búa við hina skekktu samkeppnisstöðu geta ekki gefið sér tíma. Klukkan gengur á þau.Þekkt er setningin »aðgerðin heppnaðist fullkomlega en sjúklingurinn dó«. Það má vel vera að samkeppnisyfirvöldum muni að lokum takast að koma þessum volaða þætti samkeppnismála í skaplegri farveg, en fyrirtækin sem borið hafa skaðann af ástandinu misserum og brátt árum saman kunna þá að vera komin í stöðu sjúklingsins í dæminu að framan, eða að minnsta kosti hafa þá þegar hlotið mikinn og óbættan skaða.

 

Eignarhald viðskiptabankanna þriggja sem eftir standa eftir endurskipulagningu er mismunandi. Einn er í eigu ríkisins og hinir tveir í eigu aðila sem áhöld eru um hverjir séu, svo ótrúlegt sem það nú er. En hið ólíka eignarhald hefur ekki breytt neinu um það vandamál sem reifað er hér. Lítill vafi er á að samkrull bankanna og yfirtekinna fyrirtækja og fyrirtækja í gjörgæslu þeirra og því miður í sumum tilfellum óboðleg nálgun þeirra hefur stórskekkt samkeppnisstöðu fjölmargra fyrirtækja og þannig þegar valdið miklum skaða, sem fara mun vaxandi. Gjarnan er sagt að bankarnir séu með þessari framgöngu sinni að »hámarka« það sem þeir geta fengið upp í kröfur og þar með minnka afskriftaþörf. Þeim sé nauðugur sá kostur. Það er auðvitað þáttur sem horfa verður til, en það breytir ekki hinu, að bankarnir mega ekki misnota yfirburðastöðu sína í þeim tilgangi og vinna um leið samkeppnisaðilum yfirtekinna fyrirtækja þung högg. "

Það er líklega gosið sem veldur því að almenningur lætur það yfir sig ganga að útrásarvíkingum séu bara afhent öll völd til baka af bönkunum. Ætli þeir eigi þá ekki ekki bara sjálfir? Allt á sama stað

Goslimbóið gerir gott úr öllu.
 

Hvað er sannleikur ?

Loftur Altice Þorsteinsson skrifar grein í Mbl í dag. Þar segir m.a.:

"........Fram að því að Landsbankinn var þjóðnýttur í október 2008, hafði bankinn árum saman greitt iðgjöld til innstæðutryggingakerfanna í Bretlandi og Hollandi. Þess vegna höfðu Icesave-útibúin í þessum löndum fulla tryggingavernd, þegar hrunið átti sér stað. Í Bretlandi höfðu viðskiptavinir Icesave lágmarkstryggingu sem nam £50.000 (55.800) og í Hollandi lágmarkstryggingu sem nam 100.000.

 

Í Bretlandi greiddi Landsbankinn tryggingaiðgjöld til FSCS (Financial Services Compensation Scheme) frá desember 2001 og í Hollandi til DNB (De Nederlandsche Bank) frá marz 2006. Tryggingabæturnar sem þessir tryggingasjóðir greiddu eru miklu hærri en lágmarks-upphæðin, 20.887, sem reglur Evrópusambandsins skilyrða. Þar af leiðandi hefur Evrópusambandið engar löglegar ástæður til að leggja Bretum og Hollendingum lið í efnahagshernaði þeirra gegn Íslandi.

 

Innstæðutryggingakerfin í Bretlandi og Hollandi eru fjármögnuð af starfandi bönkum í þessum ríkjum. Þar af leiðandi hafa réttir aðilar greitt viðskiptavinum Icesave-útibúanna tryggingabætur og ríkissjóðir landanna hafa ekki þurft að inna neinar greiðslur af hendi. Hvers vegna ætti almenningur á Íslandi að vera nauðbeygður til að bæta ríkissjóðum Bretlands og Hollands útgjöld, sem ekki eru til staðar?

 

Staðan er sú, að réttlát barátta almennings á Íslandi er að vinna sigur gegn ríkisstjórnum Bretlands og Hollands. Ríkisstjórnir þessara landa hafa ennþá einu sinni afhjúpað einbeittan vilja ríkjanna til nýlendukúgunar. Með réttu ættu allar þjóðir heims að sameinast gegn þessum ofbeldisseggjum, sem nota sérhvert tækifæri til að gera atlögu að varnarlausu fólki, með vopnavaldi eða með efnahagshernaði eins og beitt hefur verið gegn Íslandi.

 

Ef íslenskir ráðamenn hefðu bein í nefinu, myndu þeir núna snúa vörn í sókn. Gera þarf kröfu um bætur úr hendi Breta, vegna beitingar hryðjuverkalaganna gegn íslenskum hagsmunum. Gera verður þá bótakröfu að skilyrði fyrir frekari samræðum við nýlenduveldin um Icesave-málið. Jafnframt er forgangsmál, að afnema lög númer 96/2009. Mikill meirihluti þjóðarinnar hafnar forsendulausum kröfum Bretlands og Hollands. Afnema verður öll merki um þá smánarsamninga og smánarlög sem núverandi ríkisstjórn hefur staðið fyrir, með einstæðum undirlægjuhætti. "

Nú gengur á þeirri síbylju í þjóðfélaginu að allt sé í vindinum ef ekki er skrifað undir að borga Icesave. Líklega væri búið að borga ef ekki hefði gosið í Fimmvörðuhálsi, svo mikið liggur allskyns fólki af vinstravængnum á að borga, hvað sem það kostar. Annars fáum við víst ekki lán til að borga næstu afborgun af láni 2011. Og Evrópusambandsríkin vilja ekki lána okkur frekar en Grikkjum. Það er eins og enginn muni eftir vandræðum Kínverja með dollarafjallið sitt og sendiráðsbygginguna hér?

Ég hef hvergi séð þessum málflutningi Lofts mótmælt. Er ekki ástæða til að vita hvort það séu rök í málinu að Landsbankinn hafi þegar greitt tryggingarnar?

Og varðandi vaxtagreiðslur, Ef maður tryggir hús sem brennur, þá fær maður bara annað hús. Ekki vexti.

 Hvervegna er Landsbankadæmið öðruvísi?

Hvað er sannleikur spurði postulinn ?