Og talar svo um sparisjóðahugsjónina !

þegar hann er að réttlæta það að taka 12 milljarða úr ríkissjóðir til að gera Sparisjóð Keflavíkur að ríkisbanka.

Þetta er eins og hlusta á andskotann leggja út af biflíunni fyrir púkana í helvíti. Eftir ríkisvæðingu Steingríms er ekkert eftir af sparisjóðahugsjóninni í landinu nema kannski á Þórshöfn, þökk sé Steingrími og Saga Capital. Stofnfjáreigendur í keflavík rétt eins og stofnfjáreigendur í BYR sitja eftir með núll og mínus eftir aðgerðir þessa bankaræningja. Einna líkastur Stalín unga í sinni aðstoð við sparisjóðahugsjón landsmanna. Að horfa á þennan krókódíl gráta yfir landsdómi Geirs, yfir sparisjóðununum, yfir Icesave, yfir þremenningunum í VG. Blæða ekki hjörtu landsmanna?

Sparisjóðahugsjónin er áreiðanlega lögst í langan vetrardvala og bíður nýrra hugsjónamanna á borð við Birgir Ómar Haraldsson sem fékk 200 milljónir úr sjóðum BYR  sem umbun fyrir sinn þátt í að að kála sparisjóðahugsjóninni sem honum var trúað fyrir af þáverandi stofnfjáreigendum í Sparisjóði Kópavogs. Og sleppur með það !

 

 

Vill Steingrímur loka MP-banka?

þar sem illa hefur gengið að finna frekar lítið viðbótarhlutafé í hann. CAD hlutfall bankans er of lágt samkvæmt hertum Basle-reglum en innistæður góðar og útlánaáhætta sögð lítil. Boðskapur Steingríms er hinsvegar skýr: Loka bankanum því fyrr því betra.

Á sama tíma ætlar hann að setja milljarðatugi til að halda sparisjóði Keflavíkur og BYR opnum, báðum gjaldþrota. Fyrr setti Steingrímur 20 milljarða inn í SAGA-Capital til þess að Sparisjóður í kjördæmi hans þyrfti ekki að loka. Og til að dreifa athygli fjölmiðla sletti hann 20 milljörðum líka í VBS sem fór með það lóðbeint á hausinn til "Berta blásaklausa", sem lýsti viðskiptunum í blöðunum í vikunni.

Hann skellti einhverjum 15 milljörðum í SJÓVÁ til að koma því félagi í ríkisforsjá að því best verður séð. Og nú ætlar hann víst að fara að borga inná það sem hann kallar Icesave-skuldina okkar.

Hvað verður þessi maður búinn að afreka til dýrðar Sovét-Íslands áður en yfir lýkur?

Svikin eru skjalfest

af Steingrími í fjárlögafrumvarpinu:

"Að því gefnu að forsendur fyrir mati samninganefndarinnar gangi eftir er gert ráð fyrir að heildargreiðslur úr ríkissjóði til tryggingasjóðsins fram til ársins 2016 verði rúmir 47 mia. [milljarða] kr. Því til viðbótar er 3 mia. kr. greiðsla vegna útlagðs kostnaðar Breta og Hollendinga við útgreiðslur til innstæðueigenda á sínum tíma [vel smurt á "þjónustu" sem við báðum ekki um! – innsk. jvj.], en samið var um tiltekna hlutdeild í þeim kostnaði. Gert er ráð fyrir að ríkissjóður þurfi að leggja TIF til 26,1 mia.kr. á árinu 2011, þar af 9 mia.kr. vegna áranna 2009–2010 umfram þá 20 mia.kr. sem sjóðurinn sjálfur getur staðið undir og 17,1 mia.kr. vegna vaxtagreiðslna á þessu ári. Áætlanir gera ráð fyrir að greiðslur áranna 2011–2016 verði eftirfarandi:

• 2011:  26,1 mia.kr.
  
• 2012:  10,4 mia.kr.
  
• 2013:  8,6 mia.kr.
  
• 2014:  7,0 mia.kr.
  
• 2015:  5,0 mia.kr.
  
• 2016:  1,8 mia.kr.
  
• Alls: 58,9 mia.kr. "

 Þar hafa menn það. Steingrímur J er búinn að ganga frá samningum á bak við þjóðina og hækka skattan í samræmi við það.

Ekki láta kratana plata

ykkur til að trúa því að þjóðin vilji borga Icesave lll fyrir Steingrím og Má.

Niðurstaða könnunar Gallup, sem Ríkisútvarpið greinir frá, er merkileg fyrir tvennt. Það er ekki meirihluti fyrir því að leggja skuldir einkabanka á skattgreiðendur og mikill minnihluti landsmanna gerir sér grein fyrir hvað í nýjum Icesave-samningum felst. Samkvæmt útreikningum Gamma gæti "skuldin" verið allt að 233 milljörðum króna en í besta falli 26 milljarðar. 

Nú er áróðursvél EU farin að spýta fé í allar áttir til að heilla þjóðina til að samþykkja að borga erlendar skuldir óreiðumanna.

Þjóðin segir nei ef Forsetinn stendur við orð sín á Blomberg. Og auðvitað gerir hann það.

Látum ekki kratana plata okkur.

Hvern fj...er Seðlabankinn

að skipta sér af pólitík. Hvað er Már Seðla að fara á fund fjárlaganefndar og segja henni að semja um Icesave lll? Fer með gamlar rullur eftir sálufélaga sinn Steingrím J. um að það verði svo erfitt að slá í útlöndum ef ekki verði samið. Hver er þessi Seðlabanki til að segja Alþingi eða þjóðinni fyrir verkum?

Skilja ekki þessir embættiskurfar að það er þjóðin sem á að borga? Skilja þeir ekki að að það er þjóðin sem ræður en ekki einhverjir kratagosar og Evrópusinnar.

Við söfnum undirskriftum aftur. VIð viljum þjóðaratkvæði. 

Hvað asi með Icesave lll

er þetta þegar allskyns lið brunar um þjóðfélagið og heimtar að skrifa undir Icesave lll ?  Rökin eru sú að þetta geti orðið svo lítið að það vegi upp áhættuna af því að tapa málinu í Brüssel. Bara kýla  á þetta?   

Er sleikjuskapur kratanna er endalaus ef Evrópusambandið er annars vegar?

Hvað liggur á? Af hverju má ekki segja við Breta og Hollendinga að bíða bara eftir því hvað kemur út úr Landsbankanum og lofa því að tala við þá um vexti og greiðslur ef eitthvað vantar uppá?

Og svo er alveg óklárað þetta með skaðabætur til Íslands vegna bolabítsbragða Gordons Brown. Benda  ekki öll líkindi til þess að hann hafi stórskaðað Landsbankann og Ísland  með hryðjuverkalögunum?

Hvaða asi er þetta með Icesave lll ?

Arðsemi Héðinsfjarðarganga

og Vestfjarðagangna ætti að vera hægt að reikna út með auðveldum hætti. Telja umferðina og margfalda með bunugjaldinu í Hvalfjarðargöngunum. Fæst þá ekki arðgjöfin af stofnkostnaðnum? Önnur en byggðatengd að vísu.

Ég las skemmtilega frásögn Júlíusar Vífils af ferð um Héðinsfjarðargöng. Ótrufluð náttúrufegurðin í Héðinsfirði snart listamannshjarta Júlíusar. Þessi göng eru auðvitað stórkostlegar framkvæmdir sem nýtast þeirri þjóð sem hér býr eftir hundrað ár, hver sem hún verður. En nú standa yfir útskipti á fólki þar sem útlendingar koma í stað brottfluttra Íslendinga.

Gætum við ekki fengið til dæmis Halldór Blöndal til að reikna út arðsemi þessara jarðganga fyrir okkur? Gylllti hann þetta ekki fyrir okkur sem arðgæfar framkvæmdir á sínum tíma ?

Framtakssjóðurinn minn

er á fullu við að spila með lífeyrinn minn. Allt í einu er Ágúst Einarsson, sem vildi flytja inn hundraðþúsundir Afríkumanna til Íslands , orðin stjórnarformaður. Myndi ég hafa kosið hann?

Finnbogi Jónsson er að selja Icelandic Group sem hann keypti af Landsbankanum með Húsasmiðjunni og fleiri slíkum þjóðþrifafyrirtækjum. Forstjórinn í IG er Finnnbogi Baldvinsson náfrændi Finnboga Jónssonar. Sá Finnbogi er bróðir Þorsteins Más Baldvinssonar Gugggukaupmanns í Samherja. Baldvinsson fékk afskrifaðan meira hálfan annan milljarð hjá Landsbankanum og hefur 6 milljónir á mánuði hjá IG.  Brynjólfur Bjarnason, gamli Granda kallinn, er stjórnarformaður í IG og nýtur vinsemdar Bakkabræðra og Exista. Steinþór Baldursson, fyrrum kynningarstjóri Icesave áætlunar Landsbankans, er nýkominn í stjórnina með sexmilljóna starfslokasamning frá Landsbankanum.

  Þessar upplýsingar er að finna í grein Guðmundar Franklín í Mbl. í dag og geta allir lesið.

Ragnar Öndundarson, sem var búinn að vekja traust í hugum margra með yfirveguðum skrifum um fjármál í aðdraganda hrunsins,  er svo farinn að annast kynningarmál fyrir Framtakssjóðinn minn. Vissulega bind ég vonir við að Ragnar verði fulltrúi gætninnar og forði jafnvel einhverju af framtíðarlífeyri mínum. En Lífeyrissjóðir landsmanna eru núna helst von ríkisstjórnarinnar til að bora göt á fjöll fyrir norðan til að leysa kreppuna.

Er þetta ekki allt saman afskaplega traustvekjandi? Langur vegur frá hinu gamla ógagnsæja samfélagi sem þrúgaði okkur fyrir hrunið?

Framtakssjóðurinn minn er í öruggum höndum.

Bönnum allar taxtabreytingar

kaupgjalds. Engin verkföll þetta árið í það minnsta. Gengið verði heldur styrkt um 10 % til lækkunar verðlags.Bensínið og brennivínið lækkað. Orkuveitan verði knúin til að lækka um 10 %.

Þetta væru kjarabætur. Verkföll núna hjá þeim sem hafa vinnu er salt í sár atvinnulausra.

Ef þessi ríkisstjórn gerði eitthvað þessu líkt myndi hún eignast vinsemd margra. Líklega vita launamenn  það líka að þessi ríkisstjórn eða önnur  getur sótt allar taxtahækkanir til baka með sköttum og gengisbreytingum. Þess vegna er þeim hollara og hagstæðara líka, og þjóðinni allri til viðbótar, öldruðum og öryrkjum og einstæðum mæðrum,  að beita nú skynseminni og samþykkja engar taxtabreytingar gegn framansögðum aðgerðum sem öllum nýtast.

Höftin halda

lengi áfram ef maður les yfirlýsingu frá Mávi Seðla frá 3.nóvember s.l.

Þar segir í 7. lið:

 ". Áður en ný áætlun verður kynnt gætu aðgerðir til að undirbúa afgerandi afnám hafta á fjármagnsútflæði litið dagsins ljós að því gefnu að ekki komi fram lagalegar eða aðrar hindranir. Hér gæti verið um að ræða aðgerðir til að leyfa, gegnum skipulögð uppboð, skipti á löglega fengnum aflandskrónum fyrir löglegar erlendar eignir innlendra aðila. Einnig kæmi til greina að leyfa fjárfestingu löglega fenginna aflandskróna í sérstökum langtíma verkefnum eða öðrum sértækum verkefnum á Íslandi.

8. Að gefnu því að það gæti dregist til áramóta að bæta úr hugsanlegri vöntun á eigin fé í bankakerfinu, þá er ekki raunhæft að ætla að önnur skref en þau sem lýst var í lið 7 verði stigin til að aflétta höftum á útflæði fjármagns fyrir árslok. Auk þess verða engin slík skref stigin áður en endurskoðuð áætlun hefur verið kunngerð. Ennfremur verða engar grundvallarbreytingar á núverandi reglum gerðar fyrr en í mars 2011 þótt endurskoðuð áætlun verði tilbúin fyrir þann tíma. Undanskildar eru reglur sem nauðsynlegar kunna að reynast til að framkvæma þá aðgerð sem rædd var í lið 7. Þessi skuldbinding erstudd af efnahags- og viðskiptaráðherra. Hafa ber í huga að heimildir í lögum um gjaldeyrishöft renna út í lok ágúst 2011. Hins vegar gæti tillaga um framlengingu lagaheimildarinnar orðið hluti af endurskoðaðri áætlun, sem eins og áður sagði mun verða lögð fram fyrir marsmánuð 2011"

Það þarf ekki að fara í grafgötur með það, að ekkert er að gerast í að aflétta gjaldeyrishöftunum. Þau verða hér fram í mars sem er að koma og þar með líklega út þetta ár í það minnsta.

Eftirtektarvert er að nú er allt í lagi með þennan EES samning þegar það passar krötunum og kommúnistunum. Við  höfum bara okkar hentugleika í fjármagnflæði eins og öðru þegar þeim passar. Í annan tíma er allt ófrávíkjanlegt þegar svo hentar þeim. . Rétt eins og bent var á þegar vitleysurnar hafa  verið knúnar í gegn undir yfirskyni samningsins svo sem RARIK-Orkusalan er klassískt dæmi um delluna sem var drifin í gegn á þeim forsendum. 

 Líklega er EES samningurinn, að öllu samanlögðu,  eitt það versta sem yfir þessa þjóð hefur komið.Til  hans má líka rekja hrunferlið beint, þar sem litla hagkerfið okkar varð berskjaldað fyrir starfsemi fjárglæframanna eins og rakið hefur verið til viðbótar við aumingjalega embættismenn og ráðamenn okkar, sem sváfu flestir á verðinum.  Flest hin verstu vandamálin sem við er að fást í dag má því rekja til  örfárra  Jóna, sem eiga það sameiginlegt að vera allir úr Samfylkingunni.

Þessari Jónísku leiðsögn í efnahagsmálum  þarf að ljúka sem fyrst ef við ætlum ekki að vakna upp óvart í Evrópusambandinu. Til næstu framtíðar halda höftin heljartaki um háls okkar og kyrkja athafnalíf þjóðarinnar hægt og bítandi.

. Það verður að gera útrás eða þjást áfram.Aðeins með nýrri áhöfn á þjóðarskútuna er pláss fyrir nýja hugsun í sovéthagkerfinu sem hér ríkir