Alhygð ?

sósíalista er sérkenni þeira á öllum tímum. Kommarnir sögðu við mig í gamla daga: "Það þarf enga stjórnarandstöðu í sósíalistaríkjunum af því að stefnan er rétt."

Nú er búið að vinna kúrs til að sigla Islandi eftir til ársins 2020.

Skipstjórinn er Dagur B. Eggertsson og tveir hásetar hans úr stjórnarráðinu setja fram boðskapinn í Mbl. á laugardag.

Grípum niður í kræsingunum:

Grípum niður í greininni

"Ríkisstjórn Íslands samþykkti 21. desember 2010 stefnumörkunina Ísland 2020. Síðan þá hefur ýmislegt verið rætt og ritað um plaggið og hlutverk þess. Í umræðunni hefur sóknaráætlunarferlinu og stefnumarkandi skjalinu Íslandi 2020 verið blandað saman....

..... Með ferlinu var í fyrsta sinn unnið að heildstæðri áætlun fyrir Ísland.

Meginþættir sem vinna átti að voru viðamiklir og verklag og aðferðafræði krafðist þátttöku margra og mikils utanumhal.....

.....Þetta hefur að mörgu leyti tekist en mikil vinna er eftir. Eftirfylgnin og stefnumörkun stjórnvalda í kjölfar Íslands 2020 verður helsti prófsteinninn á það hvernig til hefur tekist. Kostir Íslands 2020 sem stefnumarkandi skjals eru m.a. að markmiðin eru mælanleg, grunnlína er dregin og 30 leiðir eru ákvarðaðar að markmiðunum. ....Það er svo ætlunin að setja markmiðin upp á aðgengilegan og myndrænan hátt til næstu níu ára svo allir geti fylgst með hvernig okkur gengur að vinna að þeim. Leiðunum hefur verið fundið ábyrgðarráðuneyti þar sem gerðar verða verkefnaáætlanir um það hvernig að þeim sé unnið og innan forsætisráðuneytis hefur verið skipaður tengiliður fyrir allar leiðirnar.

Af leiðunum eru nokkrar sem eru stærstar og krefjast víðtæks samráðs m.a. gerð sóknaráætlana fyrir landshluta sem ekki verða unnar nema í góðu samráði stjórnsýslunnar og aðila í héraði.

Sú hugmyndafræði að allar stefnur og aðgerðir ríkisins skuli í grunninn taka mið af einu stefnumarkandi skjali, Ísland 2020, er ný nálgun sem ekki hefur verið tíðkuð í stjórnsýslunni áður.

Vinnulagið að kalla eftir aukinni þátttöku almennings að stefnumörkun líkt og sóknaráætlunarferlið gerði og endurspeglast í Íslandi 2020 er framtíðarfyrirkomulag en því þarf að fylgja eftir með aukinni þátttöku almennings í verkefnum Íslands 2020. Það er því verkefni stjórnvalda er við göngum til úrvinnslu þeirra 30 leiða sem í upphafi eiga að marka vegferðina að markiðunum 20, að virkja almenning í gegnum t.d. sveitarstjórnir og frjáls félagasamtök til að vinna að þeim í sameiningu.

Ísland 2020 þarf tíma til að hafa áhrif á stefnumótun ráðuneyta, aðgerðaáætlanir og framtíðarsýn heildarinnar. Þegar kúrs skips er settur siglir fleyið ekki að áfangastað nema siglt sé eftir stefnunni. Stefnumarkandi skjalið Ísland 2020 er forskrift að langhlaupi.

Það var því viðleitni okkar við gerð þess að sjá það sem við sem Íslendingar eigum sameiginlegt áður en við einblínum á það sem skilur okkur að, og fyrir það stendur Ísland 2020. Sjá nánar: www.forsaetisraduneyti.is/2020...."

Þvílíkt allsherjar kommaplagg hefur líklega ekki litið dagsins ljós síðan í menningarbyltingu Maós. Vonandi verður stutt í það að slíkar delluhugmyndir framleiddar á kostnað almenning heyri sögunni til þegar stungið verður út úr stjórnarráðinu eftir næstu kosningar.

Hvernig dettur fólki í hug að það geti séð tíu ár fram í tímanna fyrir alla þjóðina?

Slíka Alhygð gefum við lítið fyrir.

Textun á skjánum

Hér í Florida er kominn textun á flestar sjónvarpsrásir. Maður getur lesið hvað fólk er að segja á skjánum jafnharðan. Þarmeð er engin túlkun á táknmál nauðsynleg lengur.

Windows 7 er komið með þann hæfileika að maður talar í tölvuna og hún skrifar prófarkalesinn texta eftir þér. En bara á ensku.

Ég held að það sé mikil nauðsyn á lagt verði stórfé í að þróa svona tækni fyrir íslensku. Hugsið ykkur hvílík ósköp þetta getur sparað í manntímum. Ófingrafimir geta framleitt tölvutækan texta eftir hugsun sinni. Rithöfunndur getur ná margföldum afköstum. Alþingisskrifarar óþarfir og allskyns fundarritarar.

Sem sagt, þetta er hægt. Drífum í þessu. Háskólasamfélagið ætti að fara að sinna þessu fremur en að vera sífellt að darka í því helsta sem þeir geta síst,-að þvælast í pólitík

Hverjir stjórna?

bönkunum?

Vigdís Hauksdóttir skrifar athyglisverða grein í Mbl. í dag. Hún tekur á þeim brennandi spurningum sem á almenningi hafa legið án þess að nokkur ráðamaður hafi svarað nema út í hött. Af hverju? Auðvitað af þeir hafa beinan hag af því sjálfir. Eru ekki 365 miðlar og Samfylkingin tengd órofa tryggðarböndum? Hvað fleira hangir á spýtunni? Hvar eru persónutengslin?

Vigdís segir m.a.:

Forseti Íslands ákvað að vísa Icesave til þjóðarinnar á nýjan leik. Byggist ákvörðunin á öryggisákvæði stjórnarskrárinnar sem er í 26. gr. hennar og e...

 

 

....."Nú er komið að þjóðinni að krefjast svara hjá fjármálaráðherra og verklausu ríkisstjórninni. Fyrsta spurningin sem bera verður upp er: Hvar eru Icesave-peningarnir? Samkvæmt fréttum runnu tæplega 200 milljarðar til fyrrverandi eigenda Iceland-keðjunnar en þeir voru Baugur, Fons o.fl. Félagið liggur nú inni í þrotabúi Landsbankans í London og er ein stærsta eign þrotabúsins. Skuldir Iceland eru himinháar og eru þær tilkomnar vegna arðgreiðslu til þessara fyrrum eigenda félagsins á árinu 2007. Árið 2008 seldu eigendurnir Iceland-félagið til Landsbankans með forkaupsrétti sem síðan var veðsettur hjá Glitni. Á einhvern óútskýrðan hátt blandast Deutsche Bank inn í þessa fléttu og er sá banki allt um kring í íslensku viðskiptalífi í dag. Er talið að Actavis skuldi þeim banka hátt í 1.000 milljarða - tær snilld í ljósi þess að nú er krafist að þjóðin borgi reikninga eigandans vegna Landsbankans. 

..... en ef eignum og skuldum Actavis er haldið til hliðar er hrein skuld  (þjóðarbúsins innskot mitt)aðeins á bilinu 18-38%. Sjá ekki allir hvað hér er í gangi?

 

Síðan verður að svara því hverjir tóku arð eða eignir úr Landsbankanum sem liggur til grundvallar skuldabréfi því sem Steingrímur J. lét nýja Landsbankann taka fyrir 280 milljarða, með fullri ríkisábyrgð og í erlendri mynt. Nú hefur komið í ljós að bankinn er tæpast greiðslufær og hefur ekki gjaldeyri til að standa í skilum. Þessir 280 milljarðar eru fyrirframgreiðsla upp í Icesave.

.... getur verið að skuggastjórnendur séu í »ríkisbankanum« sjálfum? Hvernig stóð á því að nýi Landsbankinn afskrifaði margra milljarða skuldir 365 miðla? - Jú, til að ráða þjóðfélagi þarftu að eiga fjölmiðlanet til að stjórna umræðunni. Hverjir hafa hag af því að »stjórna« fjölmiðli og hverjir eru það sem »ekki« er fjallað um í miðlum 365? Eru það ekki 1.000 milljarða skuldamennirnir tveir?

 

....Þegar þessum spurningum er svarað er hægt að taka afstöðu með eða á móti Icesave. Sú staðreynd liggur samt alltaf fyrir og er grunnurinn í málinu að Íslendingum ber ekki að taka á sig ólögvarðar og ólöglegar skuldir einkabanka og óreiðumanna. "

Vonandi lesa sem flestir þessa grein og hugleiða. Það er nefnilega sama leyndin í kring um allt fjármálakerfið, Íslandsbanka og sérstaklega Aríon banka, sem er beinlínis skuggalegur með allt pukrið um Haga og Vífilfell og önnur stórfyrirtæki. Almenningur veit ekki neitt hverjir eru að víla og díla. Hverjir fá að bjóða í og fá lán fyrir kaupverðinu? Líklegra en ekki er að alltaf séu sömu leikararnir í aðalhlutverkum og svo einhverjir pólitísk nýstirni þóknanleg stjórnarherrunum. Alveg eins og  Kaddafi og hans nótar halda öllu fyrir sig og sína.

Hefur almenningur engan áhuga á því hverjir stjórna?

Sláum þetta stjórnlagaþing af

það liggur á öðru meira en að fikta í einhverri stjórnarskrá. Nei !,   ekki af því endilega að ég féll í kosningunni heldur af því að það er Alþingi sem samþykkir eða fellir allar tillögur um lýðræði í landinu. Það er sama hvaða speki Þorvaldur Gylfason kemur með, það er þingið sem ræður.  Það vill ekki lýðræði í kjördæmaskipun af því að landsbyggparfantarnir láta ekki völd sem þeir hafa ranglega. Hvaða valdafauti gerir það svo sem?  Sýnist einhverjum hann  Kaddafí  vera samningsfús og lýðræðisfullur?  Kvótakallarnir okkar vilja engar breytingar á fiskveiðistjórnunarkerfinu hvað sem stendur  í stjórnarskrá um einhverja þjóðareign á margveðsettum fiskinum í sjónum. 

Einbeitum okkur að Icesave, orkunni  og atvinnumálunum og afnámi gjaldeyrishaftanna. Fyrr verðum við ekki frjáls aftur.  Það er alltaf hægt að búa til einhhverja stjórnarskrá ef hana vantar. Ólafur Forseti passar að þingið rústi ekki þjóðinni ef allt um þrýtur. Til þess dugar sú gamla alveg.  Reynum að hafa kosningar sem fyrst og reynum að fá eitthvað skárra lið en þetta endemis dót sem nú situr sem fastast.  

Vilji er allt sem þarf sagði Gunnar Thoroddsen. Honum tókst ekki að klára stjórnarskrármálið á heilli ævi. Ómari og Þorvaldi tekst það ekki á tveimur mánuðum. Sláum þetta stjórnlagaþingi af.

Sómi Íslands

sverð og skjöldur var Jón Sigurðsson kallaður. Hann var maður sem reyndi að verja þjóða sína við öll tækifæri. Slíkir menn eru kallaðir föðurlandsvinir.

Þórólfur Matthíasson kallaður prófessor hefur vakið á sér athygli hvað eftir annað með yfirlýsingum um allan heim um það hvílíkar skepnur Íslendingar séu og hversvegna þeir verði að samþykkja Icesave og ganga í Evrópusambandið.

Eftirfarandi frétt er hann að dreifa í Noregi:

 

Vi har tjent på boblen og bankenes kollaps»
Økonomiprofessor Thorolfur Matthiasson ved Islands universitet.

 

Mér er raun að því að vita að ég er að borga þessum manni kaup fyrir þá alþjóðlegu ófrægingarstarfsemi sína, sem frá honum streymir um víða veröld. Það er nóg að fá vitleysuna frá honum við öll tækifæri hér innanlands sem álitsgjafa RÚV og Egils Helgasonar þegar hann útmálar það  helvíti sem bíði Íslendinga ef þeir láti ekki að hans vilja.  

Hvaða fræjum sáir svona maður í ungar sálir í Háskólanum?  Hvaða kenningar skyldu streyma frá honum í fyrirlestrasölum skólans? Jafnvel upplýsingafulltrúi Vegagerðar Ríkisins sýnist varla hafa meiri ályktunarhæfileika þegar Icesave er annars vegar. 

Væri ekki ráði að flytja Þórólf Matthíasson yfir í guðfræðideildina?  Þar gæti innblástur hans til prédikana frekar notið sín og til minni alþjóðlegs skaða fyrir land og þjóð.

Slíkir menn verða seint kallaðir föðurlandsvinir, sem reyna sífellt að rakka niður landið og stöðu þess og álit útá við og telja það betur komið undir erlendum kóngum.

Hræðsluáróður Icesave

dynur á okkur dag og nátt. Ef við ekki skrifum undir förum við sjálfkrafa dómstólaleiðina segja Baugstíðindi. Ekkert annað er í boði. Engir frekari samningar.

En hvaða dómstólar ?

Okkur er sagt að dómur EFTA-eða Evrópudómstólanna muni ekki verða aðfararhæfir hérlendis. Eina dómstólaleiðin sem getur skilað aðfararhæfum árangri  fyrir Breta og Hollendinga er íslenskur dómur eins og Héraðsdómur Reykjavíkjur á Lækjartorgi og svo Hæstiréttur. Erum við sannfærðir um að tapa þar? Trúum við ekki á okkar málstað ?

Eða geta Bretar hugsanlega stefnt okkur fyrir breskan dómstól eins og Jón Ólafsson gerði við Hannes Hólmstein?  Gert síðan lögtak í sendiráðinu eða öðrum eignum ríkisisns íslenska á Bretlandi? Gefið út handtökuskipanir á íslenska menn eða tekið togara ? Sett löndunarbann? Gert innrás í Landhelgina og kvótann ? 

Víða njótum við Íslendingar vaxandi samúðar í Icesave málinu. Fólk er farið að skilja um hvað málið snýst.  En hvað með okkar skaða? Singer og Friedlander  og Heritable bankana sem Bretar eyðilögðu fyrir okkur? Allt tjónið sem við urðum fyrir vegna hryðjuverkalaga Gordons Brown? Eigum við ekki að stefna honum fyrir einhvern Landsdóm eins og Geir Haarde?

 Eru Íslendingar bara þolendur í málinu? Gerði enginn okkur neitt ? Trúum við hræðsluáróðri Evrópusinnanna ?

Þrjár þjóðir?

var ég að skrifa um hér áðan. Svo kemur frétt á Eyjunni:

"Formaður skilanefndar Glitnis, Árni Tómasson, neitar að upplýsa um launahækkun þá er bæði slitastjórn og skilanefnd Glitnis eru sögð hafa skammtað sér nýlega samkvæmt upplýsingum DV. Sömu heimildir segja útselda klukkustund nú kosta 35 þúsund krónur."

Svo halda menn að þessar nefndir muni hætta störfum sjálfviljugar? Þetta er "hin Nýja Stétt" Þriðja þjóðin.

Evran í 220?

fyrir ágústlok ef meiningin er að aflétta gjaldeyrishöftunum þá.  Aflandsmarkaðurinn er sagður vera með 250 kall þegar evran er skráð á 160 kall hjá Mávi. Ekki þarf mikinn spámann til að sjá hvað til þarf eigi þessi dæmi að ganga upp.

Ekki hef ég hugmynd um hversu margir versla á aflandsmarkaðnum þar sem evran kostar 250 kall eða svo. Þó finnst mér ólíklegt að alþjóðleg sjávarútvegsfyrirtæki séu að skila meiri gjaldeyri en þeir þurfa á 160 krónu gengi Seðlabankans ef hægt er að gera millilendingu á aflandsmarkaðnum. Svo er sagt að ýmsir útvaldir hafi getað komið sér upp arðbærum hringekjum með góðum árangri. En það kemur ekki á dagskrá fyrr en löngu síðar.

Svo tala menn um "kjarasamninga" hér innanlands. Valdar stéttir munu auðvitað geta tryggt sér evrulaun við þessar  aðstæður. Það verða því væntanlega tvær eða þrjár þjóðir í landinu um áramót þar sem ein hefur það fínt, önnur stelur frá þeirri fyrstu og hefur það líka fínt og svo sú þriðja sem er varnarlaus, kölluð aldraðir og öryrkjar við hátíðleg tækifæri. Stóraukinn útflutningur vinnufærs fólks mun verða til þess að forsætisráðherrann geti státað af minnkandi atvinnuleysi í áramótaávarpi sínu. Og Forsetinn muni mæla hlý orð til þjóðarsinnar frá Bessastöðum og biðja hana að örvænta ekki og svo framvegis. 

Hvert verður ástandið í þjóðfélaginu þar sem allt verð lífsnauðsynja hefur hækkað um helming við núverandi tekjustig? Skyldi vöruskiptajöfnuðurinn ekki ná nýjum hæðum? Nægur gjaldeyrisforði við minni eftirspurn? Aukin áhersla ráðamanna á þróunaraðstoð? Aukinn straumur flóttamanna til landsins? Hvaða áhrif mun  gjaldeyrisfrelsi hafa við þær aðstæður? Nýir tímar virðast vera lengra úti en margir sjá.

Var það ekki Napóleon Bonaparte sem reið á hesti sínum inn í franska þinghúsið og barði þingmennina út með flötu sverði sínu þegar þeir höfðu sýnt sig ónýta til allra verka?

Breytum stjórnarskránni !

segir Stjórnlaga-Steingrímur. Nú þarf ekkert sérstakt stjórnlagaþing né Þorvald Gylfason  til þess að taka  þessi málskotsréttindi af Forsetanum, það geti Alþingi gert eitt og sér.   

Steingrímur gaf líka Hæstarétti forskrift um það hvernig  ætti að reikna vexti af ólögmætum gengislánum ef svo bæri undir. Ekki varð annað séð en að Hæstiréttur færi samviskusamlega eftir þessu. Þeirri i skoðun hefur þó verið haldið á lofti á vinstri vængnum að ekki sem íhaldið hefði skipað  flesta dómarana í Hæstarétti  og því væri ekki vitað hvort pólitískir ráðherrar í ríkisstjórn Alþýðulýðveldisins gætu notast við úrskurði hans, til dæmis í umhverfismálum. 

Það er auðvitað engu ráði ráðið í þessu landi nema Steingrímur Jóhann komi til og hans menn sem sífelld áhöld eru þó um hversu margir séu. Allavega er Már í Seðlabankanum og gjaldeyrishöftin verða hér áfram  nema við samþykkjum að taka á okkur Icesave-skuldirnar. Þá er okkur sagt að við fáum meira alþjóðlegt lánstraust og lánshæfismat landsins lagist.  

Sumir velta því fyrir sér hvort "Steingrímskan" kunni að verða viðurkennd hagfræðikenning. En hún virðist vera sú að opinberir starfsmenn geti haldið uppi norrænu velferðarkerfi með auknum sköttum af hærri launum. 

 Væri það ekki  með ólíkindum ef íslenska þjóðin, sem á svo glæstan feril að baki allan sinn lýðveldistíma,  tapaði nú áttum í stjórnarskrárbreytingarumræðu og teldi sér trú um að þær væru það sem helst vantar til lausnar viðblasandi vanda í efnahagsmálum ?  

Taka af honum prófið!

er það sem fréttamönnum dettur fyrst í hug þegar ökumanni á Akureyri fatast aksturinn með því að stíga samtímis á bremsuna og bensínið.

Ég lenti í því sama sjálfur langt fyrir sjötugt og er varla kominn yfir sjokkið ennþá. Ég hætti nú ekki að keyra fyrir því. Sumar bíltegundir eru með ABS kerfi sem lætur bremsuna víkja fyrir vélaraflinu. Bremsupedalinn er alltof nálægt bensíngjöfinni og maður getur ekki stoppað bílinn meðan maður skilur ekki hvað er að gerast. Maður paníkkerar og maður þarf að lenda í þessu sálfur til að skilja hvað þetta er skelfilegt. Fólk hefur keyrt inní búðir, farið í sjóinn og drukknað og svo framvegis vegna þessa.

Að aka bíl er nauðsyn sem flestir geta leyst af hendi án þess að teljandi hætta stafi af fyrir aðra. Það stafar hinsvegar ófyrirséð hætta af mörgu misþroska fólki í umferðinni sem er ekki tæknilegs eðlis heldur sálarleg. Það er furðuleg ályktun fréttamanna að gegn þessu eigi bara að taka prófið af eldri ökumönnum.

Hvernig væri að skoða hvaða bíltegundir lenda í þessu oftar en aðrar? Áður en rokið er til að taka prófið af viðkomandi vegna aldurs.