Húrra fyrir Héraðsdómi !

Reykjavíkur og dómi hans í Exeter Holdings málinu.

Annar tveggja dómaranna sem sýknaði þremenningana í því máli  , Einar Ingimundarson lögmaður , er starfsmaður hjá Íslenskum Verðbréfum, sem er virt verðbréfafyrirtæki frá 1986. Þar starfar einnig Atli Örn Jónsson sem er sagður  fóstbróðir forstjórans Sævars Helgasonar. Atli Örn var meðeigandi og stjórnarmaður í Húnahorni ehf. með Ragnari Z. sparisjóðstjóra BYR. Jón Kr. Sólnes stjórnarmaður í BYR sat einnig í stjórn Íslenskra Verðbréfa.  

Getur þetta verið betra? Er ekki gott að hafa þetta allt innan seilingar þegar þarf að dæma um svona smáræðis viðskiptamál eins og einn milljarð hjá Exeter Holdings? Enda stóð ekki á sýknudómi til þeirra BYR-manna. Þetta voru bara löglegar lánveitingar milli manna í viðskiptum!

Sigrún [Björk Jakobsdóttir] heitir þekkt kona sem er systir Ásdísar Ýr Jakobsdóttur, sem er forstöðumaður lánasviðs Sparisjóðs Keflavíkur".Hann tapaði 400 milljónum á Lífsvali. Eiginmaður Sigrúnar  Jón Björnsson var framkvæmdastjóri Lífsvals.  Jón Björnsson var svo, eins og fram hefur komið, stjórnarmaður í Njarðarnesi ehf, dótturfélagi Byrs, ásamt með  Jóni Þorsteini Jónssyni, fyrrum  stjórnarformanns BYR .  Jón Kr Sólnes var framkvæmdastjóri Njarðarness.  Þessir menn voru því  viðskiptafélagar.   Að Lífsvali ehf stóðu fjársterkir aðilar úr íslensku viðskiptalífi eins og áður sagði m.a. Ingvar J. Karlsson, læknir og forstjóri fyrirtækisins Karl K. Karlssonar hf., Guðmundur A. Birgissonar á Núpum í Ölfusi, Ólafur I. Wernersson, tæknifræðingur, Gunnar Þorláksson, oftast kenndur við byggingarfyrirtækið Gunnar og Gylfi hf, Árni Maríasson, forstöðumaður lánasviðs MP-banka hf áður forstöðumaður gjaldeyris- og afleiðumiðlunar Búnaðarbankans hf síðan Kaupþings hf, Jón Þorsteinn Jónsson, kenndur við Nóatún verslanirnar og fyrrv. formaður stjórnar í BYR sparisjóðsbanka ( BYR ), Ágúst Sindri Karlsson, hæstaréttarlögmaður, kenndur við lögfræðiskrifstofuna Lögmenn.is í Kópavogi og eigandi Exeter Holdings og fyrrv. stjórnarmaður í MP-banka hf og síðan en ekki hvað síst Jón Björnsson framkv. stj. Lífsvals hf, áður sparisjóðsstjóri Sparisjóðs Norðlendinga ( SPNOR ) og fyrrv. stjórnarmaður í Glitni hf.

 Fyrir rétti vörðu Jón og Ragnar sig með því að þeir hefðu ekki vitað betur en að Exeter væri dótturfélag MP-banka eins og Fleða. Lánveitingin hefði verið alviðskiptalegs eðlis því að björt hefði verið framtíð bréfanna í BYR, sem þá voru um það bil að verða verðlaus vegna útlánasnilldar þessara sömu manna.

Ég man ekki betur en að BYR hafi tapað duglega á Lífsvali eins og fleiru undir stjórn Ragnars Z. og Jóns Þorsteins. Allt þetta puð okkar stofnfjáreigenda var aðeins spilapeningar fyrir háfínansinn sem  sleppur með allt sitt á þurru en við töpum öllu. 

Arngrímur Ísberg, sem er aðaldómarinn í máli Exeter Holdings, sá  engin tengsli þarna á milli.

 Ekki á milli eiganda Exeter Holdings og MP-Banka, ekki milli stjórnar BYR og Íslenskra Verðbréfa, fyrirtækis meðdómarans Einars Ingimundarsonar,  Hann sá heldur ekki neitt þegar hann sýknaði Bónusfeðga vegna viðskipta Gaums við Baug, þegar þeir keyptu almenningshlutafélagið fyrir peninga þess sjálfs að flestra mati.

Húrra fyrir Héraðsdómi Reykjavíkur !

Sýknað í Exeter málinu

Dómur er fallinn í Exeter Holdings málinu.

 Dómurinn klofnar  og Ari Ísberg og Einar Ingimundarson sýkna ákærðu af ákæru um að hafa lánað meira en milljarð af fé Byr til að kaupa stofnbréf af sjálfum sér og létta þannig af sjálfum sér skuldbindingum en til altjóns leiddi fyrir Byr því lánið tapaðist allt.

Þarf ekki snilligáfu til að komast að þeirri niðurstöðu að hér hafi allt verið með felldu?

 Ragnheiður Harðardóttir dómari, einn af þremur dómendum,  skilar sérákvæði þar sem hún segir:

" Lánið var veitt til að fjármagna kaup á stofnfjárbréfum í eigu MP-banka, ákærðu og lykilstarfsmanna Byrs eða félögum þeim tengdum. Með lánveitingunni losnuðu þeir síðarnefndu undan skuldbindingum við MP-banka, sem sumir báru persónulega ábyrgð á, en MP-banki fékk lánun að fullu greidd og söluandvirði eigin bréfa að auki.

 Þegar framangreint er virt verður að líta svo á að ákærðu hafi með lánveitingunni misnotað aðstöðu sína sparisjóðnum sjálfum sér og öðrum til ávinnings með þeim hætti að þeim hlaut að vera ljóst að veruleg fjártjónsáhætta stafaði af fyrir sparisjóðinn sem kom á daginn því lánið fékkst ekki endurheimt. Tel ég að ákærðu hafi með þessu gerst sekir um þá háttsemi sem í ákæru greinir og varðar við 249.gr.almennra hegningarlaga.

Og síðar segir um lánveitinguna til fyrrum stjórnarmanns Birgis Ómars Haraldssonar, sem er ekki ákærður í málinu eftir að hún rekur hvernig sparisjóðurinn stóð á ystu nöf þegar ákærðu lánuðu 204 milljónir í viðbót til að kaupa stofnfé af Birgi Ómari Haraldssyni:

"Hafði Birgir Ómar Haraldsson augljósa fjárhagslega hagsmuni af viðskiptunum sem lánað var til. Með þeim röksemdum sem raktar eru varðandi ákærulið l tel ég að ákærðu hafi einnig með háttsemi sinni samkvæmt þessum ákærulið gersst sekir um brot gegn 249 gr. almennra hegningarlaga."

En svona er lífið og dómsvaldið á Íslandi.  Þú skalt ekki stela hangikjöti í Hagkaup eða wodkapela úr vínbúð. En einn skitinn milljarður milli vina?  Sorry Stína. Quod licet Jovi, non licet Bovi.

Því ber auðvitað að sýkna í Exeter Holdings málinu svo það er þá loksins frá.

Tvöföldun með vegatollum

er það sem koma skal.

Það er hægt að spyrja markaðinn núna á einfaldan hátt. Þegar nýi vegurinn verður tilbúinn til Svínahrauns þá opnum við hraðbraut með gjaldi þar sem hraði verður ótakmarkaður svo langt sem þessi spotti nær. Höfum opinn tveggja akreina ókeypis veg meðfram sem hjáleið með 80-90 km hámarkshraða. Leyfum fókinu að velja.

Mun ekki markaðurinn  svara því hvaða stefnu á að hafa í tvöföldun vega? Hvað fólkið vill en ekki bara Öggi? 

En auðvitað þýðir ekkert að ræða svona við núverandi ráðamenn. þeir eru svo miklir  jafnaðarmenn sem finnst  mestu skipta að allir séu jafnaumir og hafi það jafnskítt.

Enn vex aðdáun mín

á speki íslenskra dómara. Ég hélt að ég hefði orðið vitni að vitleysu þegar Bónusfeðgar voru sýknaðir af því að lána sjálfum sér peninga almenningshlutafélagsins Baugs til að kaupa hann út af markaði fyrir sig og eyðileggja eignir allra hinna með gjaldþroti vegna fíflsku sinnar og óhæfni til að reka fyrirtæki. Dómararnir sögðu að þetta væru bara viðskipti.

Nú skeður nákvæmlega sama í Exeter málinu. Stjórnendurnir tóku meir en milljarð af peningum okkar eigendanna og notuðu þá fyrir sig og sína prívat hagsmuni. Þeir settu svo bankann á hausinn vegna fíflsku sinnar og óhæfni til að reka banka og við eigendurnir töpuðum aleigunni.

 Dómurinn segir að þetta séu bara viðskipti.

Allt í plati. Þetta er bara revíuþjóðfélag hvort eð er þar sem krimminn er kóngur!

Enn vex aðdáun mín á Íslandi og Íslendingum.

Velkomin í verðbólguland!

Hafiðið tekið eftir því hvernig allt er að hækka. Daglega. Kjötvörur eru verðmerktar lengur til að við tökum ekki eftir þróuninni. Við kunnum ekki á skannana. Neytendasamtökin virðast steindauð og ASÍ komið í frí frá verðkönnunum. 

Við erum að dofna sjálf  í uppgjöf.  Steingrímur talar um að hækka matarskattinn um 300 % og enginn segir neitt við því.  Fólksflóttinn vex og eftir sitja bara aumingjar sem ekkert geta flúið og ekkert geta keypt. Og svo skilanefndirnar sem allt geta keypt og sá lýður sem vinnur við samráð, starfshópa og skrifar álitsgerðir fyrir stjórnvöld.  Hin nýja Nomenklatúra. Spillingin í bankakerfinu er rampant og gæðingar eru mataðir á fullnustueignum meðan almenningur er hundeltur en milljarðaafskriftir hjá völdum aðilum þykja ekki fréttnæmar. 

Allir eru í hernaði gegn krónunni. Þrýstihópar heimta hækkanir og gera skrúfur því til áréttingar. Verðbólgan verður komin yfir 10 % áður en við vitum. Svo 20 % og svo 30 % áður en mörg ár líða. Hver reynir að hækka hjá sér til að dragast ekki afturúr.Allt sem maður kann síðan í gamla daga.  Atvinnan minnkar dag frá degi meðan forsætisráðherrann lofar nýjum störfum og Steingrímur lofar landrisi.

Adrei áður hefur maður heyrt annan eins uppgjafartón í fólki. Vonin um betri tíð er að hverfa. Umferðin minnkar, skemmtibátar og einkaflugvélar sjást varla frekar en á Kúbu. 

Verðbólguland vitleysinga.

Batnandi mönnum

er best að lifa. Það má gleðjast yfir því hversu ásmundur Daði er orðinn fróður um skuldavanda Grikkja. Eftir að hafa stutt aðildarviðræður Íslendinga við ES í umboði kjósenda VG þá er hann orðinn efasemdarmaður um framtíð þess í umboði kjósenda Framsóknarflokksins.

Ásmundur bóndi veltir því fyrir sér bæði í Mogga og Baugstíðindum, hvernig Grikkir komist út úr sinni hönk og hvernig þeir komust í hana til að skulda 320 milljarða evra? Ekki ætla ég að draga hagvisku svo duglegs íslensks bónda í efa enda velti ég sjálfur fyrir mér þeirri spurningu, hverjir eigi að kaupa flugvöllinn í Aþenu og járnbrautirnar til að minnka ríkisbö..inn í því góða landi Alexanders mikla.

Hvað myndum við Íslendingar segja af okkar alkunnu hógværð ef sá dagur kæmi að við ættum samkvæmt erlendri forskrift að selja Keflavíkurflugvöll og Reykjavíkurflugvöll ásamt vegakerfi landsins við aðstæður sem væru svipaðar grískum? Allt fé uppurið innanlands, allir bankar tómir og ríkið sokkið í skuldir? Enginn Jón Ásgeir til að kaupa heldur bara útlendingar, ef þeir þá fyndust? Því hver myndi þora að kaupa hér eitthvað og eiga Máv í Seðlabankanum yfir sér með fyrirvaralaus gjaldeyrishöft?

Mér finnst ekki ólíklegt að bóndinn velti þessu fyrir sér líka og sé því búinn að skipta um kjósendur.Enda verður ekki auðvelt að skýra út fyrir kjósendum VG hversvegna landbúnaðarvörur rjúki nú upp í verði við styrkjandi gengi og væntanlegar stýrivaxtahækkanir í framhaldi af þvi. Það er miklu frekar að Framsóknarmenn hafi skilning að vandi bænda sé ekki vandi neytenda.

En VG siglir áfram sinn sjó, og kaptuginn deplar ekki auga þótt gefi á bátinn og einhverjar skipsrottur stökkvi fyrir borð öðru hverju. Því auðvitað er batnandi mönnum best að lifa og óþarfi af Hjörleifi Guttormssyni að geisa sig í Mogga yfir smávegis stefnubreytingum í flokknum hans.Sú var tíðin að Hjörleifur dró ekki visku valdhafanna í efa.

Batnandi mönnum er jú best að lifa.

Pschykofantar

eða þjóðrægjendur voru fyrirbrigði í grískri stjórnmálasögu. Til að skýra merkingu orðsins segir Wikipedia:

"The Greek for sycophant is συκοφάντης (sykophántēs). It suggests someone who brings all kinds of charges and proves none, according to a client of Demosthenes.^[2] A client of Lysias adds the perspective of blackmail: "It is their practice to bring charges even against those who have done no wrong. For from these they would gain most profit." ^[3] In this context, the word entails false accusation, malicious prosecution, and abuse of legal process for mischievous or fraudulent purposes.

In Ancient Greece, the word was the Athenian counterpart of the Roman delator, a public informer. In modern Greek the term has retained its ancient classical meaning, and is still used to describe a slanderer or a calumniator."

(Gríska fyrir sycophant er συκοφάντης (sykophántēs). Það vísar  til einhvers sem kemur með alls konar ásakanir  og sannar ekkert, í samræmi við vin  Demosthenesar [2] A vinur Lysias bætir við fjárkúgun. "Það er starf þeirra að koma ákærum  gegn þeim sem hafa ekkert rangt gert. Því að frá þessu fá þeir mestan sinn hagnað. "[3] Í þessu samhengi er innifelur orðið í sér rangar ásakani, illgjarnar ákærur og misnotkun málarekstrar í skaðlegum r eða sviksamlegum tilgangi.

Í Forn Grikkland, orðið var í Aþenu hliðstætt  við rómverska hugtakið " Delator", opinbers uppljóstrara.   Í nútíma grísku hugtakið hefur haldið fornri klassískri merkingu, og er enn notað til að lýsa rægjandanum eða calumniator. ")

Í Reykjavíkurbréfi Morgunblaðsins fer bréfritari yfir þetta atriði í afstöðu ´Íslendinga til hrunsins. Þeir hlusta á þá sem þykjast vita allt um það sem gerðist fyrir og eftir hrunið. Þeir búa til sökudólga sjálfum sér til fulltingis. Dæmi um þetta er Jóhanna Sigurðardóttir sem rægir alla sem hrunvalda sem sátu með henni í ríkisstjórn en kom sjálf hvergi að málum.  Steingrímur J. Sigfússon er einn þeirra sem allt veit núna og vissi ekkert þá. Hann nagar með rógstungunni alla sem voru´í valdastöðum fyrir hrun en er sjálfur á blússandi siglingu að eyðileggja þjóðfélagið vegna kredduheimsku sinnar og grillufángs.

Þjóðinni er auðvitað mátulega í rass rekið að hafa kosið eins og hún gerði þó að smám saman renni uppfyrir henni ljós að ekki sé allt sem sýnist með aðdraganda hrunsins. Ákæran á Geir H. Haarde er enn ein sönnun á pschykofantseðli Steingríms J. Hann var líka áður búinn að ráðast á Geir Haarde í þinginu og berja hann í orðsins fyllstu merkingu  vegna þess að hann varð undir í rökræðum. Enn eitt dæmið um lyndiseinkunn psykofantsins sem engu eirir. 

Egill Helgason er annar sem gæti fallið undir skilgreininguna. Han sem skrifar og les steypuna um svikarana og fávitana  sem eru í raun allir aðrir en hann sjálfur, sem allt veit núna. Hann sækir sér viðhlæjendur sem taka undir tilgátur hans og þjóðin heldur að þættirnir hans séu stórisannleikur.   Björn Ingi felur pólitíska fortíð sína í REI málinu bak við flögg rógsrásanna að mati bréfritarans.

Athyglisvert er hvað bréfritari segir um rannsóknaskýrslu Alþingis og mögulegt ofmat þjóðarinnar á henni. Ef til vill er þar eitthvað sem fólkið vildi heyra fremur en það sem fólkið þurfti að heyra. Áhrifin hafi drukknað í skrúðmælgi og of löngum texta? Hvernig ætli sagan fjalli um hrunið eftir 2400 ar? Ætli það skipti eins miklu máli í sögunni eins og vörn Leonídasar í Laugaskarði ? En hann varð fyrir barðinu á pschykoföntunum svo um munaði.

En hefur hugtakið um pschykofantana eða deltaorana nokkuð tapað gildi sínu ef grannt er skoðað á Íslandi í dag?

   

Lög á flugmenn?

eina og sér er harla lítils virði og óskynsamleg. Bófaflokkur flugmanna er ekkert frábrugðinn hinum sem stunda gíslatökur, fjárkúgun  og ofbeldi í þjóðfélaginu árið í kring. Þeir eru ekkert öðru vísi, hvorki betri né verri en Kennarasambandið, Félag Hjúkrunarfæðinga, Náttúrufræðinga, Leikskólakennara, Flufumferðarstjóra, Flugvirkja, Ljósmæðrafélagið,Sjómannafélagið, Rafiðnaðarsambandið, Læknafélagið, Vélstjórarfélagið, Flóabandalagið,BSRB, BHM, ASÍ, Félag Leiðsögumanna, ... ég kann ekki meira núna en listinn er mun lengri.

Við fordæmum félagsskap eiturlyfjasmyglara í Equador svo mikið að við flytjum inn einstæðar mæður hingað til lands á þeim forsendum að þær séu á flotta undan þessum samtökum. En þessi samtök beita alveg hliðstæðum aðferðum og okkar samtök,  taka fólk í gíslingu og kúga af því fé. Þetta er aðeins stigsmunur  en ekki eðlismunur.

Hvernig geta menn haldið því fram að við búum í einhverju samfélagi með stjórnarskrá, stjórnlagarað, Alþingi, ríkisstjórn, hagstjórn(artilburði), Seðlab(l)anka, heilbrigðiskerfi, menntakerfi þar sem þegnarinir skuli njóta sömu mannréttinda og mannhelgi, tjáningarfrelsis og rétt til lífs, þegar myndun og starfsemi bófaflokka sem ráðast gegn öllum þessum gildum er ekki aðeins heilög talin heldur lofsungin sem göfug?

Á tímum Joe Hill í Chicago voru aðstæður kannski allt aðrar en nú. Vökulögin voru nauðsynlega á sínum tíma.  Jimmy Hoffa var mikill verkalýðsleiðtogi sinna manna og tók bara sanngjarna prósentu fyrir sig af þeim kjarabótum sem hann náði fram fyrir sína menn. Reagan rak alla flugumferðarstjóra sína á einu bretti og enginn þeirra fékk opinbert starf aftur. Flugumferðarstjórar í Bandaríkjunum hafa ekki verkfallsrétt lengur frekar en hershöfðingjar í Bandaríkjaher.

Vilji kennarar ekki vinna þá verður engin kennsla í ríikisskólum. En öllum frjálst að stofna einkaskóla. Með ávísanakerfi Friedmans til menntunar getur slíkt alveg gengið. 

Ég held að það sé kominn tími til að menn leggi niður fyrir sér hvernig á að reka þjóðfélag við þessar aðstæður í svokölluðum verkalýðsmálum. Er lausnin fólgin í því að allir kjarasamningar skuli hafa sama gildistíma? Samningaumleitanir skuli vera á ákveðnum tímum í einu?.Samningslengd sé sú sama hjá öllum.  Vinnustöðvanir skuli allar hefjast á fyrirfram settum tímabilum og ekki öðrum?  Til dæmis næst 1 maí 2016.  Eða bara taka upp sjálfdæmi kjarafélaganna til að auglýsa taxta sína en aflagningu allra starfsréttinda og forgangs til vinnu á móti ? Yrði hagsveiflan ekki stýranlegri og verðbólgan mun reiknanlegri  með því fyrirkomulagi?

Lög á flugmenn núna leysa engann vanda. Þurfum við ekki frekar lög á vandann?

Að vera dræpur?

var hugtak sem maður rekst á í Sturlungu. Aðeins heiðursmenn voru dræpir. Ómenni verðskulduðu ekki aftöku með öxi heldur voru hengdir sem rakkar. Það breytti því ekki, að menn töldu nauðsyn á að drepa menn til að gera þá sér skaðlausa, eða þá hefndarþorstinn bauð slíkt. Gizuri fannst menn sínir lathentir þegar þeir hikuðu við að drepa Kolbein grön handtekinn og krafðist skjótra aðgerða til að ekkert undanbragð yrði því fangs gæti verið von af frekum úlfi eins og Sturla lýsir því. Það virtust vera einskonar réttindi manna að vera drepnir á virðingarverðan hátt. Hermenn voru kvaddir til af foringjanum til að vega manninn og var þá gerðin ópersónuleg og engin hefndarskylda því tengd. 

Osama bin Laden var eltur uppi og hermennirnir komu að honum vopnlausum í kvennabúri sínu. Selir sjóhersins  höfðu engan formála að því að skjóta Osama í hausinn og lóga honum þar með samstundis. Því þó maðurinn væri hættulegur laus og lifandi var hann áreiðanlega mun hættulegri sem fangi og því fór sem fór. Vandlega verður að gæta þess að engir fái að vita hvaða embættismenn sjóhersins voru í aðgerðinni því nú er öll heiðursmennska löngu aflögð við manndráp. 

Nú eru Bandaríkjamenn og Bretar að átta sig á því að þeir eru búnir að eyða miklu meiri peningum en þeir hafa ráð á í að drepa liðsmenn Gaddafi en sleppa honum sjálfum. Gaddafi lifir og er hinn keikasti.  Þeir eru á förum frá hálfköruðu verki og ekki verður að sökum að spyrja. Sama er uppi á teningnum í Afganistan. Þar hafa hermenn verið lathentir að drepa talíbana og eytt tíma sínum í að kenna innfæddum uppá lýðræði. Sem þeir auðvitað skilja ekki bofs í frekar en flestar múslímaþjóðir.

Afganistan á því bara fyrir höndum að hverfa undir stjórna Talibanana, sem skirrast ekki við að drepa fleiri heldur en færri. Það verður ömurlegt að horfa uppá þessa menn níðast á konum og börnum eins og þeirra er von og vísa og færa Afganistan aftur á miðaldir. Þá munu þeir taka aftur til við að sjá Bandaríkjunum og okkur á Vesturlöndum  fyrir góðu heróíni sem vesturlandabúar hafa ákveðið að leyfa með því að vera í hálfstríði gegn eiturlyfjum. Singapore er í heilstríði gegn dópi og þar er ekkert fíklavandamál.

Fyrir ströndum Sómalíu sigla sjóræningjabátar um og hertaka skip og fá dollara fyrir. Einhver herskip eru þarna að stugga við þessum körlum, en þeir veiða samt þar sem þeim er alltaf sleppt. Þegar sjóránum voru upprætt í gamla daga gekk það hratt fyrir sig þar sem dræpri stéttinni var útrýmt með samstilltu átaki.

Spurning er hvenær eða hvort alþjóðareglur verði settar um það að hryðjuverkamenn eða mannræningjar  skuli ekki teknir til fanga. Hvort heyja eigi hálfstríð, heilstríð eða þá engin stríð. Svona hálfstríð eins og við erum að horfa uppá Vesturlönd tapa fyrir öðruvísi  hugsandi fólki frá VietNam til Líbýu, virðast ekki auka vegsemd þeirra. McArthur sagði þegar honum var hent útúr Kóreu aldrei hafa lært að eitthvað annað gæti komið í staðinn fyrir sigur.  Sjálfsagt eru líka svona smástríð  mjög góð æfing fyrir ný hergögn og framþróun tækninnar og líka verðug verkefni fyrir atvinnuhermenn sem verða auðvitað að fá sína æfingu í réttum skala.

Ekki virðist manni þannig stefna í henni verslu að engin verði stríðin á næstunni. En það er hugsanlega rétt að stórveldin fari að gera sér grein fyrir því hverja menn ætli að drepa áður en lagt er af stað. Eitthvert kratískt hálfkák gegn þeim sem dræpir eru þýðir greinilega ekki.

 

 

6.lægsta bensín í Evrópu!

er það eina sem Steingrími J. dettur í hug að segja þegar einhver vill ræða bensínverð við hann.

Í Bandaríkjunum kostar lítrinn einn dollar. Bandaríkjamenn búa stjrjált í stóru landi. Alveg eins og Íslendingar. Þeir vita að efnahagslífi gengur á olíu og bílum.   Allt öðruvísi en Hollendingar og Belgir sem geta hjólað allt sem þeir þurfa að fara á heilli ævi.

Við erum miklu líkari Bandaríkjamönnum og Kandamönnum, enda eigum við jafnstóra íslenska þjóð þar en ekki í Evrópu. Af hverju er þessi Evrópustara sífellt hjá þessum kommum og krötum?  Það getur verið að Steingrímur J. sé illa haldinn af Evrópuglýjunni. En þjóðin er það alls ekki og þaðan af síður ég þannig að svona tal Steingríms dugar ekki fyrir mig til að kjósa VG.

Við látum ekki kúga okkur með einhverjum Evrópuslagorðum.