Árni Páll og Evran

er til meðferðar í viðtali sem Árni Páll átti við Le Monde í Frakklandi og greint er frá í Mbl.í dag.

Þar segir Árni Páll:

.."Evran mun veita Íslandi óendanlega meiri stöðugleika en krónan. Vandinn á evrusvæðinu er ekki evrunni að kenna heldur þeirri ábyrgðarlausu stefnu sem þar hefur verið fylgt..."

Aðspurðu hvort umsókn ÍSlands samrímist atburðunum í Evrópu segir Árni Páll:

...»Ég var að höfða til þess að hugmyndin um evruna sem stóra mynt er enn jafn gild og hún hefur alltaf verið. Vandinn við íslenska krónu fyrir alþjóðavætt hagkerfi er einnig jafn mikill og hann hefur alltaf verið,«

Hvað tímasetningu í ljósi evrumála varðar segir Árni aðspurður ljóst að við förum inn í sameiginlegt myntkerfi þegar þessi mál séu leyst en hann gangi út frá því að fundin verði á þeim viðunandi lausn.

Má rifja upp fyrir Árna Páli að Jón Þorláksson hafði miklar hugmyndir um nauðsyn sterks gengis. Hann skrifaði bók til að skýra hugmyndir sínar um gengi fyrir sér og öðrum". "Lággengið" hét bókin.

Hann taldi að Íslendingar þyrftu sterkara gengi og gerði ráðstafanir til að hækka það. Þetta kom aðvitað nuður á útflytjendunum og þá rúlluðu margir máttarstólpar eins og Stefán Th., Sæmundur í Hóminum og fleiri frumkvöðlar sem höfðu haldið uppi atvinnunni í plássunum. Það var sagt þá að maður kæmi alltaf í manns stað og þeir mættu bara rúlla. En það varð bara lengri bið á þeirri staðreynd en menn héldu og langt kreppuskeið hófst af þessum og auðvitað fleiri ástæðum.

Það er ótrúlegt hvernig menn geta haldið því fram að kaupið á Íslandi núna eigi undantekningarlaust að vera að það sama í evrum og það var 2006. Þeir eru í rauninni að segja það að sá sem hafði jafngildi 1000 evra árð 2006 eigi að hafa það í dag, eða sá sem hafði 90.000 kr. eigi að hafa núna 165.000 krónur ef ekki bara hærra miðað við aflandsgengi. Það eeru fáir sem trúa þessu.

Það er enginn stöðugleiki fáanlegur í dýnamísku kerfi.Kerfi sem er næmt fyrir öllum breytum sen að því geta flotið. Panta rei ! sögðu fornmenn og gerðu sér ljóst, að allt hreyfist og ekkert er stöðugt í heiminum. Allt er í heiminum hverfult sögðu líka forfeður okkar og datt ekki í hug að þeir gætu skaffað öllum stöðugleika og sælu til æviloka.

Listin að lifa líka sú að bregðast við breytingum og því óvænta. Ef þú bindur hendur þínar fastar með einhverju evrubandi eða álíka, þá verður þér erfiðara um vik að hefja þær upp til varnar ef ráðist er á þig.

Við bjuggum lengst af við óðaverðbólgu þegar ég var og hét. Íslendingar sóttu samt fram og kjör manna árið 2000 voru gerólík því sem var 1960.Með dýnamískum gjaldmiðli sem hreyfðist með okkur sjálfum! Ef við öngruðum krónuna ekki, þá lét hún okkur í friði. Ef við bekktumst við hana, þá svaraði hún. Hún er nefnilega við sjálf.

Núna tölum við um verðtryggingu eins og hún sé undirrót alls ills.Það má auðvitað reikna hana öðruvísi en gert er. En í stórum dráttum var hún hugsuð til að tryggja það að venjulegt fólk gæti lagt aurana sína fyrir en þyrfti ekki að hlaupa með þá útí búð og eyða þeim áður en þeir brynnu upp.

Til þess var verðtryggingin sett á af Ólafi Jóhannessyni sem var sjálfur höfundur af mestu verðbólgu sem þá hafði orðið 1971 þegar hann hækkaði kaupið um 10 % og stytti vinnuvikuna um 10 %, sem jafngilti 20 % kauphækkun á línuna.. Karlinn sá að sér þó síðar væri.

Verðtryggingin skapaði aftur sparnað í bönkum og bankar fóru að lána út venjulegu fólki án þess að spyrja fyrst um flokkskírteini.Kollsteypan 2008 breytti forsendum svo snöggt að bregðast hefði þurft við með því að festa lánavísitöluna á öllu og leita nýs jafnvægis. Það var ekki gert,í bankamálum voru allar vitlausustu leiðirnar farnar, m.a. undir forystu Árna Páls.Og hér sitjum við og vitum ekki okkar rjúkandi ráð.

Tíminn hefur sýnt okkur að flest sem frá Árna Páli og hans fólki hefur komið um ágæti Evrunnar og inngöngu í ESB er ekki lengur eins girnilegt og það var.

Jóhanna fær verðlaunin!

Þetta gengur um netheima þessa stundina:

Útflutningsverðlaun  voru veitt í dag.
 
Að þessu sinni var það Jóhanna Sigurðardóttir Forsætisráðherra sem hlaut verðlaunin.

Í umsögn dómnefndar segir:
 
Enginn forsætisráðherra, hvorki fyrr né síðar hefur flutt út fleiri Íslendinga..........
 

Varanlegir vegatollar í Vaðlaheiðargöngum?

kemur í hugann þegar þeir rífast Ögmundur og Kristján Möller um það hvort eigi að grafa Vaðlaheiðargöng samhliða Norfjarðargöngum.

 Vaðlaheiðargöng sem eiga að verða 7.4 km á lengd. Nú er loksins sagt að þessi göng eigi ekki verða fríkeypis fyrir alla sem vilja þau keyra eins og venjan hefur verið með göng úti á landi. Eitt er að grafa göng og annað að borga þau eins og Vestfjarðagöngin.

En er því að treysta að vegtollum verði ekki breytt við fyrstu hentugleika og dæmið flutt yfir á höfuðborgarsvæðið vegna sérstakra aðstæðna sem þá koma upp? Má minna á Straumsvíkurhliðið og brennuna þar.

Það er svo einfalt ef ekki er búið til sérstakt félag þar sem fjármagnseigendur stjórna ferðinni fremur en ríkið og þá þingmennirnir. það væri hægt að grafa göng víða um land ef þeirri stefnu væri fylgt að tryggja rekstrargrundvöllinn í sérstökum félögum fyrst áður en grafið er, sbr. Hvalfjarðargöngin.

En það er sjálfsagt til of mikil mælst þegar Austfjarðaliðið á í hlut að ákveða að borga Norfjarðargöng með vegatollum eins og Vaðlaheiðargöng og grafa þau þá bæði í einu.Hjáleiðir eru þó  fyrir hendi í báðum tilvikum alveg eins og í Hvalfirði.

Hver fjandinn er framundan?

spyrja margir sig í dag þegar fregnir berast af hruninu á kauphöllinni í Wall Street. Gull hækkar, olía hækkar,skuldirnar hækka.Tekjurnar lækka hjá fólkinu hvað sem líður "kjarasamningum". Skuldavandi fleiri ríkja kemur meira upp á yfirborðið. Fjárfestingar dragast saman víðast hvar og einkaneysla lætur undan. Fólkið er óttaslegið og kippir að sér höndunum.

Munu Þjóðverjar samþykkja að halda áfram að borga fyrir þá skuldugu eða mun þeir yforgefa evruna fyrstir? Hinn þögli meirihluti í landinu því gæti tekið upp á því að fara að hafa skoðun og hætta að láta segja sér fyrir verkum og skipa sér að þegja. Litli maðurinn þýski, þessi miðaldra, því það er svo lítið af ungu fólki í landinu, hann hristir hausinn. Hann man gamla D-Markið og er farinn að hugsa sitt um þetta basl með evruna. Af hverju á hann að láta skattpína sig fyrir Grikki? Trúir hann raunverulega á framtíð ESB?

Ef sllstaðar er heimtað að ríkissjóðir skeri niður og hætti að eyða umfram tekjur, þá blasir hryllingurinn við. Atvinnuleysi, upplausn, einangrunarstefna. Síðan kemur væntanlega uppgangur svokallaðra öfgaflokka, og þá gæti stefnt aftur í stærstu skuldabrennslurnar,- stríð.

Hvernig var ástandið fyrir 1939? Hvað hefði gerst ef hervæðingin hefði ekki farið af stað? Hvert átti framleiðslukrafturinn að fara ef engir voru kaupendur? Hefur heimurinn ekki síðan 1945 verið drifinn af fólksfjölgun sem býr til eftirspurn? Ef fjölgunin hættir utan Afríku hvað geerist þá? Áður þurfti alltaf meira af þessu og meira af hinu. Ef hægir á fjölgun þeirra sem geta keypt, hvað gerist þá? Velsæld myndast ekki á samdráttarskeiðum.

Draga ríkin fyrst saman í öllum útgjöldum eins og Steingrímur hér?.Hækka skatta eins og hann? Fólkið fer að kaupa gull og grafa í jörð eins og Frakkar hafa lengi gert vegna biturrar reynslu? Enginn treystir öðrum fyrir láni. Menn og þjóðir einangra sig. Hvað verður um Kínverja ef Bandaríkin hætta að kaupa? Hvað gera Indland, Kína og Japan?

Makróeconomics er fræðigrein sem ég veit ekki mikið um.En það er stofnun í Bandaríkjunum sem hugsar hið óhugsanlega.Rand-Corporation. Hvað skyldu þeir vera að spekúlera þessa dagana?

Það er orðið vandlifað lagsmaður Gróa ef þessi þróun vestanhafs heldur áfram. Allur fjandinn getur verið framundan sem við ekki bjuggumst við.

Jú Tryggvi, tími til að tengja

Í Fjarðarbyggð segir þú réttilega í Mogga í dag. Grafa göng og það strax.

EN, það á að vera veggjald í öllum jarðgöngum landsins, líka úti á landi.

Veggjaldið á að standa allavega undir vöxtum af framkvæmdinni, þeas 40 % hlutanum sem ríkið er ekki búið að fá staðgreitt af framkvæmmdinni.

6 milljarða nettó segir þú að göngin kosti þegar ríkið hefur fengið sitt staðgreitt. Af því að þú ert póitíkus að gera áærlun, þá margföldum við þessa upphæð með pí og þá kostar þetta 18 milljarða. 4 % vextir af þessu er 0.7 milljarður á ári.Segjum að 2000 bílar fari um göngin á sólarhring, svona helmingur á við Hvalfjörð. Sem þýðir að 730.000 bílar fari um göngin þín á ári, þá þarf hver að borga þúsundkall fyrir bununa. Sem er alveg sama og í Hvalfjarðargöngum.

Ef þú reynist betri í áætlanageerð en ég, þá Bravó fyrir þér!.Þá getur þetta gjald meira að segja borgað göngin niður á einhverjum árum.

Endilega byrja strax á þessum göngum Tryggvi, en auðvitað ekki fyrr en eftir næstu kosningar, hann Steingrímur getur ekki tekið hugann frá því að bjarga landinu. Og líka göngum til Seyðisfjarðar. Þá verða Egilstaðir Aþena Austurlands með Seyðisfjörð sem sína Píreus.Göng og aftur göng, þau marg borga sig. En ekki eins og Héðinsfjarðargöng og Vestfjarðagöng, sem bara tapa.Ekki grafa fleiri göng á þennan venjulega Blöndælska útálandiliðshátt með bara núlli í veggjald.

Það er sannarlega kominn tími til að tengja Tryggva Þór Herbertsson við að takmarka tap þéttbýlisskattgreiðenda út á land!

Hvað er að ?

spyr Björn Valur Gíslason sig í örvæntingu á Eyjunni.

Hann skrifar..."Það vekur því furðu að nú rúmum tveim árum eftir að Rannsóknarnefnd Alþingis skilaði skýrslu sinni á orsökum og aðdraganda efnahagshrunsins, skuli sjálfstæðisflokkurinn nú vera með hátt í 40% fylgi meðal þjóðarinnar.
Kannski verður einhverntímann sett á fót rannsóknarnefnd til rannsaka hvernig það getur gerst að jafn dauðasekur stjórnmálaflokkur og sjálfstæðisflokkurinn er getur öðlast slíkt fylgi meðal þjóðar sem hann hefur kvalið jafn mikið og þá íslensku...."

Þetta eru kostuleg skrif af ýmsum ástæðum. Hvað er að, hvað er að ! Æpir Björn í örvæntingu sinni. Hversvegna vill fólkið mig ekki, sem er svo góður og göfugur?

Kreddufastur kommi með spjöld fyrir augunum eins og dráttarklár í ölgerðinni hjá Tuborg getur aldrei skilið frjálshyggjuna né frelsisástina. Sem er auðvitað alger þversögn í manni sem er skipstjóri og aflamaður. Hann ætti fremur að skipta um flokk sjálfum sér til björgunar heldur en að hanga þar sem hann er. Því þannig bara stendur hann kyrr í þroska og skilur hvorki upp nér niður.

Stjórnmálaflokkur breytist dag frá degi. Það sem hann gerði í gær getur hafa sýnt sig að þurfa endurskoðunar við. Flokkurinn breytir stefnunni ef hann telur það til bóta og dettur ekki í sama pyttinn aftur.Kýs sér nýtt fólk með aðrar hugmyndir. Alveg eins og brennt barn forðast eldinn.

Þetta getur margt fólk gert í sínu daglega lífi. En VG-tréhesti eins og Birni Vali er fyrirmunað að skilja það.

Ég er búinn að horfa uppá sukkið og vitleysuna hjá VG núna í meira en 2 ár. Það hefur bólusett mig ævilangt við því að trúa nokkurntíman orði sem frá þessum núverandi talsmönnum flokksins kemur. Varist vinstri slysin. Aldrei aftur vinstri stjórn! Þegar nýtt fólk hefur komið til áhrifa í þessum VG flokki er kannski hægt að hlusta aftur. En þess sjást engin merki meðan Björn Valur skirfar í þessum dúr á Eyjunni.

Vinstri grænum virðist fyrirmunað að skilja það að þeir geti haft rangt fyrir sér. Hvorki síðustu 20 ár, í gær eða í dag. Björn þyrfti ekki annað en líta í pólitíska skuggsjá flokksins síns. Þá blasir orsökin við. En hann er bara blindaður af eigin ágæti.

Allt sem VG hefur boðað um ágæti skattahækkana, ríkisvæðingu og þjóðnýtingu hefur misheppnast. Hagvöxtur minnkar, tekjur ríkisins af áfengi, bensíni, virðisaukaskatti og brennivíni dragast saman. Landflóttinn geysar áfram. Kreppan dýpkar.

Og fólkið sér þetta og þessvegna leitar það frá VG til Sjálfstæðisflokksins. Þetta er þó sá eini flokkur sem aldrei hefur kvikað frá trúnni á einstaklinginn og frjálshyggjuna.

Flokkurinn hefur auðvitað gert sín mistök og geldur þess meðal fólks. Annrs væri hann enn stærri flokkur. En hann vill bæta sig og boðar stefnu sína ótrauður um að hann vilji "vinna í inannlandsmálum að þjóðlegri og víðsýnni umbótastefnu, á grundvelli atvinnufrelsis og einstaklingsfrelsi, með hagsmuni allra stétta fyrir augum." Til viðbótar vill hann "standa vörð um sjálfstæði landsins" og vill því selja það fyrir grautardisk til ESB eins og VG, Björn Valur og Steingrímur J. vinna ótrauðir að með vopnabræðrum sínum í Samfylkingunni.

Fólkið skilur þetta. En kommúnisti eins og Björn Valur getur auðvitað aldrei skilið það, að fólkið vill heldur ráða sinum málum sjálft, vera í félagskap frjálsborinna manna, heldur en að treysta rískisforsjárflokki eins og VG og þingmanni hans Birni Vali fyrir þeim.

Það er akkúrat þetta sem er að Björn minn.Þú þarft bara að horfa í spegil.

Gegnsæi?

er er yfirlýst aðalsmerki ríkisstjórnar Jóhönnu Sigurðardóttur.

Í Morgunblaðinu er eftirfarandi frétt um söluna á SJÓVÁ, sem Steingrímur J. ákvað að leggja í einhverja 15 milljarða af ríkisfé eftir að þjófar höfðu haft að hluta skattfrjálsan bótasjóð félagsins á brott með sér og það bótalaust til þessa.

..."Guðlaugur Þór bendir á að SF1 hafi keypt 52,4% hlutafjár í Sjóvá á 4,9 milljarða króna. Það þýði að heildarverð félagsins sé ríflega 9,4 milljarðar. »Í nóvember á síðasta ári lá fyrir tilboð frá fyrirtæki sem var ekki þóknanlegt seðlabankastjóra upp á 10,9 milljarða,« segir hann. »Skattgreiðendur þurfa að greiða mismuninn,« segir Guðlaugur Þór.
Tilkynning um að verið sé að ljúka sölunni á Sjóvá kom á föstudag, daginn fyrir verslunarmannahelgina. »Tímasetningin er engin tilviljun, hún er valin til að engin athygli verði á málinu. Komið hefur í ljós að Seðlabankinn hefur látið skattgreiðendur borga 1.500 milljónir til þess að hópur sem nýtur hans velvildar fái að kaupa Sjóvá,« segir hann...."

Svo merkilegt sem það er heyrist ekki hósti nér stunda frá Mávi Seðlabanakastjóra til útskýringar á þessu máli.

Það er hinsvegar ekki rétt hjá Guðlaugi Þór að almenningur borgi bara 1.5 milljarð með þessum díl heldur má ekki gleyma hinu féinu sem Steingrímur J. lagði í félagið. Tapið fer þá að slá frekar í 5 milljarða en 1.5.

Ætli Mávi finnist þetta svoddan skíterí miað við önnur vandamál Seðlabankans
að það taki því ekki að vera að æsa sig yfir því?

Og til hvers var svo þetta útspil Steingríms J. upphaflega? Af hverju var SjÓVÁ ekki bara sett á hausinn eins og önnur félög þjófanna?

Engum nema sanntrúuðum VG-félögum, ég held Lilju líka, fannst reddingin sérlega gegnsæ þegar hún var gerð.

ÍSAL

er að fjárfesta fyrir 80 milljarða í Straumsvík og varla neinn veitir því athygli. Fjarðarál fjárfesti fyrir 120 milljarða og þótti talsvert.

Það glæsilega við þetta er að íslenskt hugvit er þarna notað að mestu leyti til að auka afköst kerjanna um þriðjung.Með álverið í fullum gangi!

Sem betur fer réðu kommarnir því ekki að álverið yrði slegið af á sínum tíma og Búrfell ekki virkjað. Nú berjast þeir gegn allri stóriðju og þvælast fyrir á allan hátt að þjóðin nái vopnum sínum. Vonandi fá þeir ekki stöðvað framfarirnar lengi enn.

ÍSAL lengi lifi!

Umgangur

er ekki til fyrirmyndar á tjaldstæðum þar sem tjöld hafa verið felld og ruslið liggur eftir eins og skæðadrífa. En er aðeins við tjaldbúa að sakast?

Sveitavargurinn tekur hátt gjald fyrir tjaldstæðið en lætur hann nokkuð í staðinn? Ekki öskutunnupoka, ekki rafmagn, ekki salerni, ekki ruslagám ? Bara rukkar?

Er þetta bara ekki Quid pro Quo?

Ég var í pottinum á Flúðum með svona tjaldgæjum. Glæsilegir strákar. Þrútnir um augun töluðu þeir um atburði næturinnar og lífið yfirleitt, hvernig maður færi með bjórinn inn á kanttspyrnuleikinn ofrv. Ég er alveg viss um að þetta voru vel uppaldir strákar. En tjaldstæðið þar sem þeir voru á var eins og vígvöllur. Það er ekkert víst að akkúrat þeir hafi ekki skilið vel við en svona almennt var þetta eins og maður sér verst á myndum.

En ég velti þessu bara fyrir mér hvort sé við bara annan að sakast þegar að umgangi kemur?