Flugvallarfundir

voru haldnir í dag. Þar var ekki B.Dagur né S.Björn heldur þeir helstu vitmenn sem hægt er að finna um flugmál.

Fundur var boðaður í SES sem þýðir samtök eldri sjálfstæðismanna. Fundinn átti að halda  í Valhöll. En þessi samtök undir formennsku Halldórs Blöndal hittast þar á hverjum miðvikudegi kl 10:00 árdegis. Þarna koma einhverjir tveir tugir gamalla baráttujaxla og ráða ráðum sínum. Nú bar svo við að þeir auglýstu að Friðrik Pálsson hótelhaldari á Rangá og Arngrímur Jóhannsson kenndur við Atlanta myndu hefja umræðuna um framtíð Reykjavíkurflugvallar.

Nú brá svo við að fundarrýmið sprakk utanaf fundnum og varð Blöndal að hafa hraðar hendur á að dirka upp aðalsalinn til að taka við fjöldanum sem fyllti hann. Þetta sýnir að að Rreykjavíkurflugvöllur er ekki yfirgefinn illum örlögum og þeim banaráðum sem vinstra liðið í Borgarstjórninni er að brugga honum. 

Arngrímur og Leifur fluttu inngangserindi og svöruðu spurningum fundarmanna sem voru margvíslegar. Rauður þráður var að Rögnu-mefndin myndi ekki finna neina nýja staði undir flugvöll í Borgarlandinu. Enda búið að leita áratugum saman. Dagfinnur Stefánsson, Geysisflugmaðurinn gamli", sagði sína skoðun óhaggaða að gott flugvallarstæði væri á Álftanesi en hvergi annarsstaðar utan Vatnsmýrar.Hann hefði sjálfur rannsakað þetta og vissi þetta upp á hár. En þetta myndi kosta fé og hvar myndi þess von?

Fram kom á fundinum að meirihlutinn í Reykjavík hefði komið Rögnu-nefndinni á fót með slægð og undirferli í því skyni að segja kjósendum að flugvallarmálið væri ekki á dagskrá í kosningunum þar sem það væri í ákveðnum farvegi í þessari nefnd. Mikilvægt að fólk léti ekki blekkjast í áróðursmoldviðrinu sem er rétt að bresta á.

Enda koma á daginn í máli Leifs Magnússonar að lítið væri gert með svör eða ályktanir á bæ meirihlutans. Miklu heldur væri ekki hægt að rökræða við þetta fólk um flugmál því það hefði enga þekkingu fram að færa né hefði áhuga á vitrænum umræðum hér að lútandi og svöruðu í besta falli útúr með óskyldum klissíum.

Þessi lýsing passaði  beint við þann atburð þegar stórkaupmaður Jóhann J. Ólafsson,  3. maðurinn í samtökunum um betri byggð fór í pontu og hélt því fram að flugvallarmálið væri ekki kosningamál, það væri ekkert á dagskrá og vildi því tala um leikskóla eða þvílíkt í borginni. Hann var hálf-púaður niður hann Jóhann J. eftir þetta og fór því skipulega  úr ræðustólnum. Eftir stendur að fjöldi fundarmanna vildi ekki heyra annað en flugvallarmálið væri höfuðkosningamálið. Allar tilraunir meirihlutaflokkanna til að drepa því á dreif myndu renna út í sandinn.

Fram kom á fundinum að Reykjavíkurborg geti ekki sannað eignarhald sitt á landinu undir flugvellinum á nokkurn hátt hverju sem B.Dagur og S. Björn halda fram öðru. Borgin keypti einhverja fermetra  af Vatnsmýrarbletti 5 sem var erfðafesta Eggerts bónda í Viðey. Jón Kristjánsson seldi íþróttafélaginu Val sína erfðafestu á Hlíðarenda og þar er Valur enn sem eigandi.  Á öðru  þyrfti Borgarstjórn að sanna eignarrétt sin á og lögsögu yfir svæðinu, sem ekki er almennt viðurkennt þar sem íslenska ríkið fékk völlinn afhentan frá Bretum 1947 með öllu sem honum fylgdi. En Ólafur Thors, formaður Sjálfstæðisflokksins og þá ráðherra , veitti vellinum viðtöku fyrir hönd þjóðarinnar allrar.

Halldór Hallddórsson oddviti Sjálfstæðismanna koma á fundinn og sagði einhug nú ríkja í framboðsflokknum. Hildur Sverrisdóttir, Áslaug Friðriksdóttir og Marta Guðjónsdóttir hefðu allar greitt atkvæði gegn þeirri deiliskipulagstillögu sem nú ræðst gegn flugvellinum.  Um flugvallarmálið ríkti nú alger einhugur meðal framboðsfulltrúa til Borgarstjórnar í lok maí maí-mánaðar. Menn geta því treyst Sjálfstæðisflokknum til  nauðsynlegrar varðstöðu um Reykjavíkurflugvöll sem skildi Sjálfstæðisflokkinn frá öðrum framboðum sem ekki væru svo afdráttarlaus og einföld í sinni liðveislu við Reykjavíkurflugvöll. Var gerður góður rómur að máli Halldórs en ekki var laust við að fundarmenn drægju getu  flokksins til að kynningar vera takmarkaðann í besta falli. Enda kom afram í máli Halldórs að bæði svonefndir Baugsmiðlar og RÚV sniðganga Sjáflstæðisflokkinn á áberandi hátt.

Seinna um daginn fór bloggari á fund Framsóknarmanna á Reykjavíkurflugvelli þar sem þeir gerðu grein fyrir órofa samstöðu sinni við flugvöllinn áfram í Vatnsmýrinni. Þessi flokkur Framsóknarmanna er hið fríðasta lið og vel máli farið, Það var ekki hægt annað en senda þeim heillaóskir í tilefni dagsins þar sem þeir eru komnir með listann á hreint. En af einhverjum ástæðum lét honum miður að skrifa frásögnina við undirleik vindhörpunnar frekar en við vísitöluskrölt bankanna.

Þetta var ánægjulegur dagur að finna það að stuðningur við áframhaldandi tilvist Reykjavíkurflugvallar í Vatnsmýrinni  er vaxandi og að svo margt gott og góðviljað fólk er komið í varnarsveitina. Vallarvinir eru ekki lengur einir á báti því málsmetandi fólk úr stjórnmálunum er komið til liðveislu.

Flugvallarfundirnir í dag eru vonandi aðeins forsmekkurinn af almennum stuðningi við Reykjavíkurflugvöll sem hefur svo  ótalmarga efnahagslega kosti fyrir Reykjavík sem höfuðborg Íslands. Völlurinn þekur aðeins 1.4 % af byggingarlandi Reykjavíkur. Því verður ekki trúað að hagræðing geti leyst þá eftirsjá sem sumir hafa á landinu undir vellinum. Þeim sömu er bent á að horfa á byggðakjarnana  á henni Florídu þar sem varla er til svo aumt þorp eða pláss að ekki sé þar flugvöllur. Samt eiga Bandaríkin þá dýrlegustu vegi sem nokkur staðar finnast og umgangast náttúruna með  slíkri varfærni að við gætum margt af þeim lært.      

Styðjum þau öfl í stjórnmálum sem bera  Reykjavíkurflugvöll fyrir brjósti en styðjum hin ekki. Og greinum milli lygi og sannleika.  Af ávöxtunum skulið þér þekkja þá.                           

B.Dagur og S.Björn blekktu

með bandvitlausri gjöf þegar þeir settu svonefnda Rögnu-nefnd á stofn til að finna nýtt flugvallarstæði utan Vatnsmýrar. Auðvitað vissu þessir kumpánar upp á hár að slíkt er hvergi að finna.  B.Dagur settist sjálfur í samstarfshópinn og hefur að sögn haldið þar uppi innihaldslausu snakki út um móa og grundir til dæmis um hugsanleg önnur verðurskilyrði á Hólmsheiði en þegar er um vitað og annað álíka gáfulegt. Læknir í flugvélaleik sem talar og talar og blekkir og blekkir. Allavega hefur þeim tekist að nota nefndina sem pólitíska skiptimynt sem verður fleygt á haug strax eftir kosningar.

Tilgangur þeirra kumpána með nefndarskipaninni var aldrei annar en að drepa flugvallarmálinu á dreif svo að þeir hefðu frið fyrir því um kosningarnar. Það er raunalegt til þess að vita að grandvarir menn og gegnir létu þá prakka sig til að taka sæti í nefndinni sem þeim var talin trú um að myndi hafa alvarlegan tilgang.  Blessaðir mennirnir áttuðu sig bara ekki á því að hér er aðeins um undirmál og blekkingar þessara pólitísku kumpána að ræða. Þeir ætla sér ekkert með neinar niðurstöður að gera. Hverjar sem þær verða.

Þeir eru nefnilega ekki að leita að einu né neinu. Það er ekki þeirra stíll. Þessir kumpánar gera aldrei neitt annað en þeim sýnist sjálfum með rök eða tillögur sem þeim eru ekki þóknanaleg,  sbr. afstöðu þeirra til 70.000 undirskrifta eða hundruða mótmæla við Aðalskipulaginu, sem þeir neyddu í gegn um Borgarstjórn með atbeina nytsamra sakleysingja úr minnihlutanum.

Öll barátta Samfylkingarinnar í Borgarstjórn frá og með regeringtíð Ingibjargar Sólrúnar með Alfreð sem hækju er ein samfelld saga undirferlis, blekkinga  og óheilinda í pólitík þar sem svart verður hvítt og rekstrarafgangur sem breytist í rektrarhalla er bara undirliggjandi halli sem er allt annað en rekstrarhalli sem allir Samfylkingarmenn vita að er ekki rekstrarhalli eins og hjá Sjálfstæðismönnum. Og það var líka bara þá eins og hún útskýrði það.

Öll þeirra pólitík er þannig blekking og Pótemkintjöld til að breiða yfir aulaháttinn í rekstrinum sem blasir við hverjum sem vill sjá í yfirmönnun Borgarapparatsins.  Þeim tókst meistaralega allt kjörtímabilið að fela sig á bak við Gnarrinn  sem tók skóla-og gatnaþrengingaskellina með sínu barnslega brosi og hreinleika hjartans sem enginn getur reiðst. Mér finnst hinsvegar ljótt þegar svona pólitískir pörupiltar fara svona með góðhjartað fólk og grandvart eins og hann Jón Gnarr er svo sannarlega. Enda hefur Samfylkingin reynst öllum óhollur félagsskapur sem reynt hafa. Kratar  eru verstir sagði Tryggvi Ófeigsson og vissi hvað hann söng. 

Þeir frómu menn sem létu prakka sig til að taka sæti í Rögnu-nefndinni ættu að átta sig á því að þeir hafa verið misnotaðir sem peð í blekkingaleik B.Dags og S.Björns með flugvallarmálið til að halda því úr umræðunni yfir blákosningarnar.  Mér finnst að þeir væru menn að meiri að átta sig á þessu og segja sig úr þessari nefnd án tafar.  Ragna Árnadóttir, þaulvön griðkona og blómaskreyting úr Jóhönnustjórninni, getur sem best klárað þessa leit upp á eigin spýtur enda ekki um ókunn lönd að fara. Öll skipun Rögnu-nefndarinnar var nefnilega ekki gerð til annars en að afvegaleiða og blekkja kjósendur til að bæta pólitíska vígstöðu þessara áminnstu kumpána. 

Skiptir það ekki máli að maður átti sig á staðreyndum í hinu pólitíska spili þótt seint sé  þar sem þeir B.Dagur og S.Björn hafa hvort sem er gefið vísvitandi vitlaust? 

Vilja Reykvíkingar mosku?

á besta stað í borginni? 

Hefur einhver spurt að því hvort Reykvíkingar almennt vilji að framandi trúfélögum  séu gefnar þvílíkar gjafir af skattfé sem felast í gerningum Dags B. og Gnarrsins, að úthluta múslímum ókeypis lóð undir mosku á besta stað í bæjarlandinu?

Hefur einhver  spurt að því hversvegna álit Reykavíkinga á tilvist Reykjavíkurflugvallar  skipti sömu kumpána og þennan S.Björn Blöndal nákvæmlega engu máli þegar kemur að umræðu og framkvæmd Aðalskipulags sem er ekki samstaða um í Borgarstjórn? Öllum athugasemdum vísað út í hafsauga.  Hafa ekki fram að þessu Aðalskipulög yfirleitt verið afgreidd samhljóða í sveitarstjórnum? Er það bara í Reykjavík sem Aðalskipulag er afgreitt í algerum ófriði við íbúana?

Er Það ekki  miður að tök Dags B. og hans manna á fjölmiðlum Baugs og Ríkisins eru með þeim hætti að aðrar raddir en hans eigin heyrast þar varla?  Undirskriftalistar hafa nákvæmlega ekkert vægi í huga fólks eins og S.Björns Blöndal. Hann segist aðspurður ráða og þar við sitji.

Ég velti fyrir mér hver sé afstaða kristinnar þjóðar eins og Íslendinga til innrásar múslíma í landið okkar? Hvaða áhrif hefur sú þróun að 2.800 útlendingar flytja til landsins á sama tíma og 800 Íslendingar flýja land? 1 % breyting á samsetningu þjóðarinnar. Breytti það engu  þó að þetta yrði 10 %?

Vilja Reykvíkingar virkilega mosku miðsvæðis og engan flugvöll?

Hvernig í ósköpunum

hugsa Íslendingar sér að byggja upp framsækið þjóðfélag með vexti og viðgangi í ferðaþjónustu sem byggist á samgöngum eða hverri grein sem er með það fyrirkomulag í stéttarfélögum og vinnudeilum sem hér viðgengst? Hvernig í ósköpunum geta svona margir haldið því fram í alvöru að Íslendingar geti búið við "stöðugan" gjaldmiðil og meina þá til dæmis Evru í stað óstöðugrar krónu eins og þeir kalla það með þetta fyrirkomulag óbreytt? Hvernig geta "kjaraleiðréttingar" valinna forgangshópa  upp á tugi prósenta gengið upp án verðbólgu? Hvað þýðir verðbólga í Evruríki?

Mér er þetta hulið. En ég get ekki annað en rifjað það upp, að Bretland var í svipaðri stöðu og við Íslendingar núna fyrir tíma Margrétar Thatcher. Ég veit ekki lengur hvernig hún fór að því að breyta Bretlandi frá því að vera land stöðugra verkfalla sem lömuðu allt efnahagslíf Breta og voru búin að stöðva lífskjarabata í landinu til þess sem nú er, þegar Bretland skarar fram úr á svo mörgum sviðum?

Getur einhver útskýrt það fyrir mér hvernig Íslendingar geta samræmt þjóðhagsleg markmið sín við það að búa við marga tugi stéttarfélaga sem hvert um sig getur stöðvað eða lamað efnahagslíf þjóðarinnar langt út fyrir starfsumhverfi viðkomandi félags?  Er það ekki orðið aðkallandi verkefni að reyna að koma böndum á fyrirkomulag vinnudeilna og verkfalla? Eða finnst öllum þetta bara vera í lagi?

Hvernig í ósköpunum komumst við hjá því að taka á þessu? 

Burt með Gísla Martein

úr sjónvarpi allra landsmanna RÚV fram að kosningum.

Það er algerlega óásættanlegt hvernig Gísli Marteinn hampar meirihlutaflokkunum í Reykjavík með hverju sófaviðtalinu af öðru við þeirra fulltrúa en gersamalega sniðgengur frambjóðendur Sjálfstæðisflokksins. Þeirra sjónarmið heyrast ekki. En hinsvegar raddir meirihlutaflokkanna í Borgarstjórn og  svo "evrópusinnaðara" Sjálfstæðismanna fá ágæta umfjöllun.

Hvernig væri að Gísli yrði hvíldur fram að kosningum í það minnsta. Hafi RÚV verið talið hlutdrægt í tíð síðustu ríkisstjórnar þá réttust metaskálarnar ekki með þessum Sunnudagsþáttum  Gísla Marteins sem nú virðist "hefna þess í héraði sem hallaðist á AlÞingi" með því að ganga svo í  björg Samfylkingarinnar sem raun ber vitni.

Burt með Gísla Martein úr RÚV fram að kosningum. 

Brjálæðislegur kostnaður

við rannsóknaskýrslur Alþingis er til umræðu á Sprengisandi Sigurjóns. Hvernig í veröldinni er hægt að réttlæta hátt í tvo milljarða fyrir einskis nýtar pappírshrúgur. Ég segi einskisnýtar því að enn hefur ekki verið dreginn minnsti lærdómur af hvorki fyrri skýrslunni né skýrslunni um sparisjóðina. 

En með sparisjóðina er sagt að vissir aðilar haf fengið of mikil lán og orðið kerfinu að falli. Þessir vissu aðilar eru fyrst og fremst Jón Ásgeir og Baugurinn í kring um hann. Ég sá þetta byrja að gerast þegar ég sá að Jóhanna Waagfjörð var komin í stjórn SPK fyrir Baug  og allt sem á eftir fór. Jón notaði svo Glitni til að ná út peningum hjá almenningi  sem átti að borga meira stofnfé inn svo hann gæti fengið meiri lán. Þá laug Glitnir  því að annara trygginga yrði ekki krafist en bréfanna sjálfra. En hann sagði auðvitað ekki að undirskriftin væri skuldbindandi. Hvíta-Birna og liðið sem við tók í hrægammabankanum Íslandsbanka guggnaði á að gera ekkjur og gamalemnni ásamt mér gjaldþrota með innheimtu.

  Hrunið kom í veg fyrir þetta trikk Jóns Ásgeirs, sem var þaulhugsað fantabragð og sýnir innrætið svo um munar.  Það er verið að hundelta lakæja Jóns Ásgeirs eins og ræfilinn hann Lalla Welding en sjálfur sleppur hann og heldur sig ríkmannlega.

Það er sá eini lærdómur sem ég sé koma til mín úr sparisjóðaskýrslunni. Allt búið, allir sloppnir nema Ragnar Z og Jón Þorsteinn, ekkert hægt að gera. Og allt verður endurtekið næst þegar tækifæri gefst.

Svei attan öllu þessu bixi. Álit mitt á Alþingi hefur ekki vaxið við þennan brjálæðislega kostnað fyrir ekki neitt.  

www.spotfn.com Beware!

Beware! If you want to know why, email [e-mail]

er fyrirsögn sem fer væntanlega beint inn á Google.

Þannig er leitarvélin orðin verkfæri til að koma einkaskoðun á framfæri. Þetta er því tilraun mín til að hafa áhrif á heimsvísu. Nú fer ég bráðum á Google og gái hvort hún finni þessa síðu.

Áskorunarlista á Guðna

Ágústsson til að taka 1. sætið á lista Framsóknar í Reykjavíkurborg vantar strax!

Allir flugvallarsinnar munu flykkja sér um Guðna alveg án fordóma á Framsóknarflokknum. Hann hefur einn gefið afgerandi yfirlýsingu um að hann ætli að berjast fyrir Reykjavíkurflugvöll.

Er hægt að gera eitthvað strax?

Reykjavíkurflugvelli liggur lífið við! Guðni mun ekki bregðast ef fólk er ákveðið.

Söfnum undirskriftum á áskorunarlista almennings fyrir því að Guðni gefi kost á sér í Borgarmálin!

 

Lánleysi Framsóknar

í Reykjavík er með endemum.

Þarna voru þeir með rosalegt sóknarfæri með Guðna Ágústsyni í 1.sæti og alla flugvallarsinnana sem örugga kjósendur. 3 menn eða meira inn hefði verið raunhæfur möguleiki.  Þess í stað sitja flugvallarsinnar uppi með það að eiga enga örugga talsmenn flugvallarins. Enginn frambjóðandi hefur lýst því yfir að hann ætli að verja Reykjavíkurflugvöll með kjafti og klóm. Það er sama hvað væntanlegur frambjóðandi Framsóknar í 1. sæti segir. Hann er ekki og verður ekki Guðni Ágústsson.

Í bráðsnjöllu erindi á fundi Sjálfstæðismanna í Kópavogi nú fyrir hádegið, fór Óttar Guðmundsson geðlæknir yfir sálfræðilegar sjúkrasögur mikilla stórmenna og greindi þá  útfrá læknisfræðilegu innsæi. Þar kom að geðhöfn stjórnmálamanna hefði ávallt úrslitaáhrif á gengi þeirra og árangur.

Hann nefndi mörg dæmi um þessi atriði.Hann taldi einsætt að leiðinlegir stjórnmálamenn og alvörugefnir ættu engann sjans í að fást við skemmtilega menn og húmorista. Andstæðingar Framsóknarflokksins hefðu ekki óttast annað meira en að Guðni myndi leiða listann því þeir hefðu með engu móti getað fengist við hann á vígvellinum. Hundleiðinlegir mótherjar hefðu steinlegið fyrir húmor Guðna og skemmtilegheitum. Þessvegna taldi hann einsætt að Guðni hefði sópað til sín fylgi sem enginn annar þar sem enginn slíkur húmoristi væri í borgarpólitíkinni. Og raunar ekki heldur í landsmálunum heldur nema þá kannski Össur.

Fólk liti fyrst á gáfur og orðheppni frambjóðenda og léttleika þeirra þegar kæmi að vali. Það væri engin tilviljun að Ólafur Thors og Davíð Oddsson stæðu svona einir upp úr hópi stjórnmálamanna á síðustu öld. Þeirra jafningjar væri hvergi í augsýn.

Bloggari vísar í könnun sína á þessari síðu þar sem Davíð Oddsson nýtur nærri fjórfalds álits umfram aðra stjórnmálamenn samtímans. Enda finnst honum þeir eiga það sameiginlegt að vera mest hundleiðinlegir og hafa enga hæfileika í þá átt að kveikja í fólki hugsjónaelda. Því miður upp til hópa finnst honum þetta vera  áberandi. Þetta pólitíska lið tekur sjálft sig svo hátíðlega að fólk nennir helst ekki að hlusta á það. Því finnst ekki lengur neinn tilgangur í að fara á kjörstað, þetta er svo leiðinlegt lið allt saman og eins í framan. Engin stemning neinsstaðar.

Guðni Ágústsson er allt annarar gerðar eins og Davíð Odssson er líka. Hvar sem þeir koma taka þeir sviðið með húmor sínum og orðheppni.

Það er lánleysi Framsóknar að fá ekki Guðna fram núna. Hann hefði unnið kosningarnar og hefði getað hætt þessvegna strax á eftir. Þetta eru líka byrjun á dapurlegum örlögum Reykjavíkurflugvallar og nútímans ef svo fer fram sem horfir að Dagur B. Eggertsson og vinsta liðið jafn hundleiðinlegt og það er vinna stórsigur í borginni. Já, ég er eiginlega búinn að afskrifa aðra möguleika í stöðunni því miður. Þeim líðst að valta yfir vonlausa kjósendur sem sjá ekki til himins.

Í öðrum bæjarfélögum er Sjálfstæðisflokkurinn á blússandi siglingu og þar ríkir bjartsýni. En skoðanakannanir sýna viðast slakt gengi Framsóknar. Það virðist vanta húmorinn í þann flokk víða. Sama má segja um Bjarta Framtíð og Pírata. Þekkir nokkur skemmtilegan frambjóðanda frá þessum flokkum? Ekki ég. Og þá frá Samfylkingunni, Herre Gud!, þvílíkt einvala húmorslaust leiðindalið.

Mér er alltaf frekar hlýrra til  Framsóknarmanna heldur en annarra þeirra sem ekki eru Sjálfstæðismenn. Lánleysi Framsóknar um þessar mundir rennur mér því  til rifja.

 

Af hverju ekki?

 

 

 

 

gera eitthvað í húsnæðismálum unga fólksins úr því að það eina sem stjórnmálamönnum dettur í hug eru fimmtánmilljóna lóðir, efnismiklar byggingar, verðtryggð lán hjá íðbúðalánasjóði.

Mobile homes er lífsstíll í USA. Hvað erum við alltaf að láta mata okkur af trénuðum köllum og uppþornuðum kellingum?

Af hverju ekki?