Af hverju ein umferð?

í Forsetakosningunum?

Birgitta Pírati sem mig minnir að sé hrifin af beinu lýðræði eins og Pétur á Sögu og Þorvaldur Gylfason segir Forsetann vera að skipta sér af því sem honum komi ekki við:

"Þarna hefur forseti lýðveldisins bein afskipti af störfum þingsins í jafn veigamiklu máli og þessu. Mér finnst það mjög alvarlegt og furðulegt að við þingmenn látum það óátalið, sem þurfum oft að sitja undir þeim ásökunum að við séum eingöngu einhvers konar stimpilpúði eða að reyna að sýna aðhald gagnvart stimplinum sem kemur frá framkvæmdarvaldinu,"

sagði Birgitta Jónsdóttir í ræðu sinni. Sagði hún við Vísi í dag að hún teldi Ólaf Ragnar hafa setið of lengi á forsetastóli og að hún myndi hvorki kjósa hann né Þorgrím Þráinsson, rithöfund sem hyggst bjóða sig fram til forseta á næsta ári. Sitjandi forseti hefur hingað til ekki sagt til um hvort hann hyggist bjóða sig fram til forseta sjötta kjörtímabilið í röð. Vill Birgitta að Ólafur Ragnar hætti að reyna að hafa áhrif á störf þingsins nema þjóðin biðji hann sérstaklega um að nota málskotsréttinn, segir hún það aumt af öðrum þingmönnum að þora ekki að gagnrýna forsetann:

"Ég hef ekki heyrt einn einasta þingmann meiri hlutans gagnrýna þessa aðför að lýðræðinu, engan. Það hryggir mig. Ég verð að segja að mér finnst það pínulítið aumt. Við eigum að standa með þingræðinu. Við þingmenn eigum að standa með þingræðinu og það gerum við ekki."

"„Persónulega finnst mér óþarfi að vera með forseta. Betra væri ef málskotsrétturinn væri þjóðarinnar.“

 

 

Ef þegar eru komnir í framboð Sturla Jónsson bílstjóri, Þorgrímur Þráinsson, Jón Gnarr og hugsanlega Ólafur Ragnar. er hægt að bjóða Forseta Íslands upp á það að taka við embætti kannski mikinn minnihluta þjóðarinnar á bak við sig? Getur Forseti orðið sameiningartákn allrar þjóðarinnar við þær aðstæður?

 

Af hverju kjósum við ekki í tveimur umferðum? Getur Birgitta ekki reddað því í gegn um þingræðið?

 

 

 

Risaeðlurnar

önduðu að sér lofti sem innihélt 4-5 sinnum meira magn CO2 en við erum að gera í dag. 

Þegar landið Pangea hafði verið til lengi þá hófust mikil eldgos og upp streymdi hraun svipað og í Holuhrauni nema í stærri skala. Í Holuhrauni hömuðust loftslagsfræðingar við að segja okkur að ekkert CO2 kæmi upp í eldgosum. Það hentaði ekki. Svoleiðis lofttegund kæmi bara frá brennslu jarðefnaeldsneytis í  bílum og iðjuverum.

 Merkilegt væri það ef eldgosin á Jura-Krítartímabilinu gerðu loftið svo mettað af CO2 að loftslagið var með framangreindum hætti og mun heitara líka en nú er. Hvort þarna voru að verki gróðurhúsaáhrif, sólin sjálf eða samverkun veit ég ekki. Ekki kom það CO2 frá okkur mönnunum svo mikið er víst.

Nú halda sumir menn því fram að eldgosin á okkar tímum gefi ekkert það frá sér af gróðurhúalofttegundum að það taki því að ræða það í París?

Kortin af ferli flekaskilanna gefa okkur mynd af því hvílík reginmögn voru í gangi á tímum risaeðlanna.

http://www.livescience.com/37285-gondwana.html

Hvort kemur á undan eggið eða hænan? Hvort hitnar fyrst af völdum sólarinnar og CO2 eykst vegna þess eða öfugt? 

Risaeðlurnar dóu út af því að loftsteinn rakst á jörðina og það varð skyndilegur fimbulkuldi á jörðinni. Risaeðlurnar urðu bráðkvaddar með fullan kjaftinn af veisluföngum sem þær fengu ekki tíma til að kyngja. Vonandi svelgist riseðlunum í París ekki á neinu.

 

 

 

 

Trúfrelsi

er jafnan hrópað hástöfum af góða fólkinu þegar við "rasistar" "fasistar" og "nasistar" eins og það kallar okkur látum þá skoðun í ljósi að það sé praktískara fyrir Íslendinga að velja sér kristna flóttamenn til að fylla okkar kvóta af tegundinni. Manni skilst að það sé enginn hörgull á kristnum til að velja úr gommunni sem í boði er. 

Svo höfum við látið í ljósi ákveðnar skoðanir á þvi að flóttamennirni séu valdir fremur úr menntaðum hópum til munns og handa. Þeir muni hafa meiri möguleika á að plumma sig í samfélaginu hér með okkur.

Ekkert að þessu samþykkir góða fólkið. Trúarskoðanir eiga að vera einkamál fólksins, heilbrigði þess. Kynhneigð og kunnátta er líka einkamál flóttamansins  og væntanlega sakaskrá hans líka. 

Bara það að kristnir flóttamenn þurfa ekki sér lóð undir mosku hélt maður að það væri til hægðarauka fyrir okkur. Nei, það gengur gegn trúfrelsinu segir góða fólkið.

Valdimar Jóhannesson veltir fyrir sér trúfrelsi Múslíma á sinni heimasíðu. Þar segir hann m.a.:

"Trúfrelsisákvæði stjónarskrárinnar eiga ekki við um íslam vegna þess að íslam stenst ekki skilyrðin sem stjórnarskráin setur fyrir iðkun hennar hérlendis. Hér er vísað í 63. grein stjórnarskráinnar: »Allir eiga rétt á að stofna trúfélög og iðka trú sína í samræmi við sannfæringu hvers og eins. Þó má ekki kenna eða fremja neitt sem er gagnstætt góðu siðferði eða allsherjarreglu.«

Þeir, sem þekkja íslam, vita að íslam samræmist ekki góðu siðferði eða allsherjarreglu. Flestir sem ekki þekkja íslam ættu að hafa hugboð um þetta sama. Hvað boðar íslam sem ekki samræmist allsherjarreglu? Hér koma nokkur atriði:

Misrétti milli karlmanna og kvenna. Misrétti milli múslíma og annarra trúarhópa. Dauðarefsingar fyrir að ganga af íslamstrú. Dauðarefsingar fyrir samkynhneigð. Limlestingar fyrir t.d. þjófnað. Dauðarefsingar fyrir að hallmæla íslam eða Múhameð. Bann á tjáningarfrelsi um íslam. Karlmönnum er leyft að eiga fjórar konur. Margt fleira ljótt má tína til.

Fari svo að moskan í Sogamýri rísi fyrir peninga frá arabískum salafistum, sem hafa verið að styrkja ISIS og Al Kaída, ber lögreglunni að stöðva boðun íslams í húsinu. Sama á við um starfsemi beggja félaga múslíma á Íslandi, nema þessi félög lýsi yfir andstöðu við þau ákvæði í trúarritum sínum sem stríða gegn allsherjarreglu (þ.e. öll íslensk lög) og góðu siðferði eins og við skilgreinum það."

Skýrara getur það ekki verið hjá Valdimari. Trúfélag sem boðar handarhögg á þjófum og umskurn meybarna samrímist varla íslenskum lögum og allsherjarreglu.

Ætli boðun Woodoo trúar með drápsfórnum yrði talin styrkhæf af góða fólkinu og fengi lóð? Myndu Hells Angels geta sótt um stofnun safnaðar hérlendis á grundvelli trúarskoðana?

Af hverju má helst ekki beita skynsemi æsingalaust í nokkrum hlut á Íslandi? Sagði ekki Ljósvetningagoðinn að vér skyldum allir einn sið hafa og ein lög.

Er það ekki líka okkar trúfrelsi að mega blóta á laun?

 

 

 

 

 

Straumsvík stefnir í stopp

Það er líkleg niðurstaða kjaraviðræðnanna. Álverið lokar og fer ekki í gang aftur.

Minnisvarði um hinn heilaga verkfallsrétt og gildi frjálsra samninga. Frelsi fárra til að eyðileggja eigur annarra og valda þjóð sinni óbætanlegum skaða með fíflaskap. Reykjavíkurflugvöllur er annað dæmi.

Hugsanlega er RioTinto þegar búið að ákveða lokun álversins. Það er þægilegra fyrir þá og píeerið að verkfallið valdi því frekar en þeir sjálfir.

Og kannski góð lexía fyrir okkur sjálf að svo fari. Höpp og slys bera dularlíki. Þarna fá Parísarfararnir aldeilis útblástursminnkun sem um munar. Það verður þjóðhátíð þegar þeir koma til baka eftir að hafa frelsað heiminn.

Straumsvík stefnir í stopp um þesar mundir.

CO2

er hærra nú en fyrir 800 þúsund árum. Sem eðlilegt er vegna þess að hitastig er hærra vegna hnattrænnar hlýnunar. Það er þessi deila um hvort komi á undan eggið eða hænan. Menn hafa reynt að finna fylgni á milli en ekki tekist að sanna neitt svo óyggjandi sé. Þó telja sumir að CO2 haldi í humátt á eftir hlýnun. Súrnun sjávar og allt það fylgir svo afleiðing af hlýnun.

En jörðin hefur séð ymislegt áður.Grafið til vinstri sýnir hvað menn halda að hafi getað verið ástandið í CO2 fyrir hundruðum milljóna árum síðan.

Síðan eru önnur línurit sem sýna aukningu í CO2 nær okkur í tíma og eru fengnar með mælingu á kjörnum úr Dome C. Síðan eru komnar gerfihnattamælingar frá 1980 sem sýna greinilega aukningu í CO2.Sem er annaðhvort gott eða vont eftir smekk.

Allt er þetta fróðlegt en heldur er það óvísindalegt að alhæfa út frá þessu öllu eða leggja á sig stórar byrðar vegna þess sem kannski er á ferðinni. Menn geta kynnt sér málin á   http://cdiac.ornl.gov/trends/co2/ svo þeir verði samræðuhæfir við Dag Bé þegar hann kemur forkláraður úr fríinu með AlGore.                     

Fjörtíuþúsund fyrirmenni

ráðast gegn loftslagsvandanum í París á morgun með Dag Bé.og Halldór Halldórsson í broddi fylkingar. Þann dag munu skuldir Reykjavíkurborgar aukast um 17 milljónir og annað eins daginn eftir og svo hinn og hinn...  15 fræknir forystumenn  frá ríkisstjórninni munu einnig verða þarna meðan gjaldeyrishöftin halda áfram að grúfa yfir þjóðinni.

"Langt hafa slíkir til sótt" sagði Gizur Þorvaldsson þegar Gísli á Sandi reið framhjá honum eftir misheppnað banatilræði í Skálholti. " Nauðsyn þótti á vera" sagði Gísli.

Hvað er eiginlega um að vera? Jörðin er að yfirhitna segir Al Gore og hans lið. Gróðurhúsalofttegundir eru að verki.

Hvaða vísindalegar staðreyndir liggja að baki þessum fullyrðingum? Til hvers eiga Vesturlönd að draga úr þjóðarframleiðslu sinni meðan Austurlönd kæra sig kollótt?

.

 

 

 

 

 

 http://climate4you.com/

 

 

Ef skoðaðir eru endar ferlanna á  fyrstu myndinni þá myndi maður ekki síður geta óttast ísöld en áframhald hlýskeiðsins nýlega. En meðaltal hitans á jörðinni er miklu lægra en nú. Ef ekki væru hlýskeiðin væri ekkert mannlíf sem við köllum svo. þessi mynd sýnir hitastig jarðar mælt eftir Vostock ískjörnunum á suðurskautinu 420.000 ár aftur í tímann.

Á mynd númer tvö sést hvernig hitinn rís hratt upp eftir síðustu ísöld og síðan hvernig hitastig jarðar sveiflast upp og niður um rúma 1.5 gráður, frá hlýskeiði landnáms tímans til litlu ísaldarinnar fyrri(Maunder) og fram til 1854 sem mælt var efst á Grænlandi. Þriðja línuritið enda einnig á því ári og sýnir CO2 styrk til ársin 1777 eins og hann mælist í hvelfingu C á suðurskautinu. Síðan þetta ár hefur hitastig jarðar aukist nokkurnveginn í það sem það var á miðöldum og  CO2 stigið í 390ppm.

Ekki verður ráðið í það að samband sé á milli CO2 og hitastigs af þessum ferlum og telur Ole Humlum að annað en CO2 hafi áhrif á hitastig síðustu ellefu þúsund ára.Enda virðist nærtækara að athuga hvaðan hlýjan kemur til jarðar. Hefur sá miklu máttur ekki sýnt sig í því að draga virkni sína saman og einum tíma og auka á öðrum?

Er ekki CO2 það byggingarefni lífsins á jörðinni sem við síst megum án vera?  Aukin tillífun gróðurs er því það sem sem mannkyninu kemur best á öllu sviðum. Þarf ekki að stöðva rányrkju og skógabrennslu frekar en draga saman í iðnaði og matvælaframleiðslu og verðmætasköpun?

Offjölgun mannkyns og misskipting lífsgæða er alvarlegt mál Vonandi gera fjörtíuþúsund fyrirmenn sér ljóst að fleira kemur til með að hafa áhrif á hitstig jarðar og lífsskilyrði en útblásturinn frá iðnaðarreykháfunum einn.

Stöðugleikaframlagið

og afnám gjaldeyrishafta var til umræðu á fjölmennum fundi Sjálfstæðismanna í Kópavogi í morgun. Þar fluttu fjórir framsögumenn erindi.

Hafi maður mætt á þennan fund til þess að fá raunveruleikann gjaldeyrishöftunum útskýrðan þá kom maður enn ringlaðri út en  maður kom inn.

Sigriður Á. Andersen flutti lofræðu um það hvernig ríkisstjórnin væri að vinna fyrir land og þjóð með því að láta slitabú föllnu bankanna borga þjóðinni kostnaðinn af afléttingu hinna óþolandi gjaldeyrishafta sem væru hér að skekkja allt efnahagslífið. Ekki gerði fólk athusgsemdir við þetta.

Hún sagði að stöðugleikaframlögin væru mun betri kostur en skatturinn sem hugsanlega yrði látinn fara fyrir dómsstóla þar sem kröfuhafar ættu lögvarðar kröfur í búin. Ekki gerðu fundarmenn sig ánægða með þær útskýringar.

 

Dr. Sveinn S.Valfells talaði næstur og greindi frá greiningu InDefence hópsins á samanburði Stöðugleikaskattsins og Stöðugleikaframlagi því sem nú er í boði af hálfu kröfuhafa.

Þetta hefur verið lagt fram sem jafngildir hlutir.En að mati hópsins er hér um mikla einföldun að ræða. Að mati hópsins vantar hundruði milljarða á að þetta boð sé jafngilt stöðugleikaskattinum sem hótað var um áramót ef ekki yrði samið fyrir þann tíma.

Ríkisstjórnin væri ekki að uppfylla það markmið að láta hagsmuni almennings vera ofar hagsmunum kröfuhafa eins og málið horfði með viðræðum um söðugleikaframlagið. Svo margir óvissuþættir blönduðust þar í sem næmu mörg hundruð milljörðum. Fjármálaráðherra hefði ekki gefið kost á að að ræða við hópinn um málið öfugt við aðra sem þeir hefðu leitað til.    

Ólafur Arnarson hagfræðingur tók mjög undir með dr.Sveini og lagði áherslu á að ríkisstjórnin hefði lofað því að hún stæði vörð um íslenskan almenning sen ekki kröfuhafana. Þetta væri ekki að gerast.

Inní stöðugleikaframlagið hafa kröfuhafarnir í Glitni blandað allskyns hlutum eins og kaupi skilanefndarinnar, vonarpeningaskuldum Reykjanesbæjar sem leiðir af sér mikið ofmat á efnahag Íslandsbanka sem er partur af tilboði þeirra. 

Vinstri stjórnin veitti kröfuhöfunum skotleyfi á almenning þegar hún afhenti þeim Glitni og Aríon banka að gjöf. Þetta skotleyfi stæði enn. Allar þessar aðgerðir sem nú væri verið að semja um stefndu aðeins að því að láta almenning blæða fyrir alla þessa samninga. Hann lýsti fullkominni vantrú sinni á að aflétting gjaldeyrishafta yrði að veruleika þar sem svo mikið vantaði á að skilyrði til þess yrðu fyrir hendi.

Gjaldeyrishöftunum yrði ekki aflétt hvað sem ríkistjórnin talaði fjálglega um það. Það væri þegar búið að framlengja frestinn fram í mars. Þetta væri hugsanlega aðeins fyrsta frestun. Honum hugnaðist ekki framhaldið sem myndi skilja eftir sig stóra snjóhengju. Það yrði almenningur sem yrði látinn blæða fyrir þetta allt saman ef af þessu stöðuglaieka framlagi yrði sem væri alls ekki jafngilt stðugleika skattinum.

Aðalsteinn Sigurðsson ræddi um verðtryggingarmál og dóma Hæstaréttar og hvaða áhrif þeir hefðu. Framundan væru dómar sem gætu haft áhrif á framvinduna í efnahag bankanna ef ríkið stæki við þeim núna.  Bloggari fylgdist því miður lítt með ræðu hans og biður velvirðingar á því, þar sem tekið var að hitna talsvert í fundarmönnum sem beindu nú spjótum sínum mjög að Sigríði Andersen þingmanni.

Hún varði stöðugleikaframlagið þar sem hún hélt því fram að stöðurleikaskatturinn væri á gráu svæði og,enhverjir myndu láta reyna á hann. Þetta fór ílla í fundarmenn sem töldu skattlagningarvald fullvalda þjóðar hafið yfir allan vafa. Þeir drógu í efa fullyrðingar hennar um að kröfuhafar hefðu einhverjar lögvarða kröfur í slitabúin. Þetta væru bara kröfur í íslenskt gjaldþrot.

Bloggari spurð Svein og Ólaf hvað þeir myndu gera ef þeir réðu. Sveinn sagðist myndu leggja á stöðugleika- skatt eins og hann var hugsaður. Ólafur tók undir það og taldi það skárri kost. Hvort hann væri nógu hár væri annað mál.

Fundurinn fór eiginlega úr böndunum svo hart var sótt að Sigríði og missti fundarstjórinn nokkuð stjórn á honum vegna æsinga fundarmanna sem hótuðu að ganga úr flokknum og hætta að kjósa hann ef stjórnvöld ætluðu að lyppast svona niður í því að halda á hagsmunum almennings.

Bloggari var alvarlega hugsi yfir gangi mála þegar hann koma af þessum fundi og velti fyrir sér hvort ríkisstjórnin hans væri að semja af sér í þessu máli eins og honum leist vel á stöðugleikaskattinn þegar hann var kynntur. Hann á hljóðupptöku af talsverðum hluta fundarins en lætur hér staðar numið i bili.

 

Björn og Stefanía

Bjarnason úr Sjálfstæðisflokknum og Stjórnarráðinu og Jónasdóttir frá Albaníu og Sauðárkróki, vekja athygli á ýmsum erfiðum punktum í þjóðlífi okkar og umhverfi í greinum í Morgunblaðinu í dag. Bæði bera þau öryggismál þjóðarinnar fyrir brjósti

Stefanía tínir til fjögur atriði:

1. "Skref fyrir skref heldur áfram niðurbrot þjóðar. Hversu lengi leyfist trúgjörnum kjánum að taka ákvarðanir fyrir þjóðina? Hér kemur brot: Ráðist er á kirkjuna - og ef til vill verður allsstaðar bannað að flagga í hálfa stöng við andlát. Markaðir við Rússa eyðilagðir en samningar gerðir við Kína, með öll sín mannréttindabrot og dýraníð..."

2. "Vegabréf fyrir gæludýr, alveg endilega, náum okkur í hundaæði og fleiri dýrasjúkdóma. Hendið svo krónunni, sem hefur varið okkur og eyðileggið okkar góðu stjórnarskrá, og þar með ásamt krónunni fýkur sjálfstæði okkar. Ónýtt og misnotað lýðræði, ekki hlustað á 70 þúsund manns um að hafa Reykjavíkurflugvöll þar sem hann er."

"3... yfirlýsing VG um að slíta stjórnmálasambandi við Ísrael og viðskiptabann, þar með minnkandi þjóðartekjur og ofan á það á að taka á móti sem flestum flóttamönnum, en með komu þeirra mun aukast fátækt Íslendinga, þar sem flóttafólk er rétthærra. Orð Katrínar Jakobs um að við séum »aflögufær«, já einmitt það, er það svo? Sér hún ekki að hér er allt í skötulíki og það vantar fjármuni í allt? Hvað ætlar vinstra liðið að gera þegar ríkisféð þrýtur.."

4. "Eftir 17 ár á Balkan og reynslu mína af þeim, þá trúi ég ekki einu orði af því sem þeir segja. Þar sem Albanar ná fótfestu og fjölgun fylgir í kjölfarið mafían þeirra sem er sú grimmasta í Evrópu, er mikið í mansali og sölu á líffærum. Svo hugsið ykkur vel um og kannið málið áður en þið gasprið svona og hafið skömm fyrir að nota börn og unglinga til þess að hafa áhrif á ákvörðun Útlendingastofnunar.

Allar þjóðir hafa sín einkenni, og einkenni Albana er yfirgangur við aðra, hjá okkur eru einkennin græðgi og minnimáttar-mikilmennska."

Hér geta yfirvöld ekki ákveðið sig með hvort taka eigi upp vegabréfaskyldu tímabundið eins og Schengen samningurinn gefur okkur fulla heimild til. Tímabundið segir heimildin. Það er eins og menn séu uppteknir af því að spyrja hversu langur sé tíminn?

 

Björn Bjarnason er einna helstur sérfræðinga í Schengen-málum og alþjóðasamskiptum. Ekki gat ég ráðið í það af grein í Morgunblaðinu í dag, hvað hann vill gera í öryggismálum nema auka skrifræðið. Hann segir í niðurlagi:

" Hluti hins nauðsynlega samtals um öryggi íslensku þjóðarinnar þarf einmitt að snúast um innviði stjórnarráðsins. Brýnt er að skilgreina ábyrgð og skyldur í öryggismálum betur innan þess og koma á fót dóms- og öryggismálaráðuneyti sem taki með sér siglinga- og flugmál frá innanríkisráðuneytinu og styrki þannig sameiginlega yfirstjórn öryggismálanna.

Við njótum ekki hins frjálsa samfélags nema við sköpum því nauðsynlegar varnir eftir aðstæðum hverju sinni.

Öflun upplýsinga, greining staðreynda og nægur viðbúnaður eru lykilþættir þegar tekist er á við brýnan og aðsteðjandi vanda samtímans. Íslenska ríkið má ekki bregðast borgurum sínum, frumskyldan er að tryggja öryggi þeirra."

Síðasta setning Björns er prýðileg lína til að nota í næstu kosningabaráttu eftir nokkur ár. 

En hvað vilja þau Björn og Stefanía gera NÚNA?

Til hvers er Parísarráðstefnan?

eiginlega? Bara ástæða til þess að fara og eyða peningum í brauð og leiki? Til að skuldbinda ókomnar kynslóðir til að eyða peningum í framtíðinni út í loftið í víðustum skilningi?

Myndin frá Dr. Roy Spencer, fyrrum vísindamann hjá NASA gefur mynd af gerfihnattamælingum á hitastigi í neðri lögum lofthjúpsins:                     

 

 

 

 

 v

 

 

 

 

Því miður sést þetta kannski lla. En mín kúnst nær ekki lengra í augnablikinu. En það má fara á fyrstu krækju og þá blasir þetta línurit við.Það nær frá 1979 til 2015 í október. Þá er síðasti blái toppur. Það er greinilegt að ástandið núna er lítið öðruvísi en það hefur verið.Það var heitara 1998 og 2010 en er núna á ráðstefnunni.

Rauða línan sýnir 13 mánaða meðatal á undan. Hún sýnir engin sérstök frábrigði. 

Á 99 stöðum um heiminn stíga upp loftbelgir með radíohitamæla. Þær mælingar sýna hlýnun sem nemur 0.166°C á hverjum áratug. En þessum stöðum er ekki jafndreift um heiminn. Gerfitungl mæla á heimsvísu kólnun -0.03 °C yfir alla jörð á hvern áratug. Ekki mikið en kólnun samt. 

Á síðustu krækju er staðfest nákvæmni mælinganna.97% fylgni er milli gervihnattamælinga og hinna 99 mælipunkta þar sem belgirnir stíga upp.

http://www.drroyspencer.com/latest-global-temperatures/

http://www.remss.com/measurements/upper-air-temperature

http://www.cgd.ucar.edu/cas/catalog/satellite/msu/comments.html

Ekki hef ég  áhyggjur af hlýnun jarðar eða minni líðan. Ég tel að heimurinn hér á Íslandi hefði orðið betri aðeins hlýrri.Ég held að allur gróður hefði gott af meira CO2 en er í lofthjúpnum. Það er svo sáralítð af CO2 eins og er. Frá 2008 eru aðeins 39 af hverjum 100.000 mólekúlum af andrúmslofti CO2.Það myndi krefjast alls útblásturs mannkyns í 5 ár ef ætti að fjölga þeimí 40.

Líkur eru leiddar að því að breytingar í lofthjúpi jarðar geti stafað frá-LOFTHJÚPNUM SJÁLFUM. Þær mun eiga sér stað alveg án okkar tilverknaðar.

Við skulum vona Dagur Bé. og hirðin í kring um hann, sem er svo aftur hluti stærri hirðar í kring um vísindamanninn Al Gore, hafi það gott í ferðinni. Ég sé ekki annan tilgang tilgang með Parísarráðstefnunni. 

 

 

 

 

Það er nokkuð ljóst að það hefur ekki hitnað núna meira 

 

 

Fjörtíu fylgisveinar

og Dagur Bé. frá Íslandi eru á leið á ráðstefnu fjörtíuþúsund ginningarfífla gróðapunganna í París.

Þeir mættu lesa grein Friðriks Daníelssona verkfræðings á leiðinni í flugvélinni um leið og þeir teygja úr sér á Saga Class á dagpeningunum frá horuðum almúganum á Íslandi. Dagur þarf að slá heilan dag til þess að borga ferðina fyrir Borgarfulltrúana miðað við að Borgin tapar 700.000 á hverjum klukkutíma 24/7/365. Gott er að Orkuveitan græddi milljarða sem þeir Dagur Bé. og EssBjörn geta tekið í aukið afgjald frá almenningi með tilstyrk Halldórs Pirata. 

Friðrik segir í Mogga í Dag:

"Síðasta ár var hlýjasta frá því mælingar hófust“ … „hafísinn er að hverfa“ … „ísbirnirnir eru í útrýmingarhættu“ … Almenningsfjölmiðlarnir hafa tönnlast á þessu svo lengi að margir eru orðnir þreyttir, hlýnunin virðist bara vera hjá þeim, hún finnst ekki á jörðinni sjálfri. Heitustu árin eru liðin (1941 og 2003 hér, 1934 og 1998 á hnattvísu). Ísþekjan á jörðinni vex stöðugt (í Norður-Íshafinu um milljón ferkílómetra síðan 2012).Ísbjarnastofninn er orðinn stór og hættulegur íbúum norðurskautssvæðisins.

Þriggja áratuga hrakspá

Herferðin gegn brennslu eldsneytis komst á flug sumarið 1986 þegar fulltrúi virðulegrar stofnunar (GISS) var kallaður fyrir nefnd Bandaríkjaþings til að vitna um loftslagsbreytingar. Hann (James Hansen) sagði að strax eftir aldamótin 2000 yrði hitinn á jörðinni líklega orðinn sá hæsti á síðustu 100.000 árum!

Ástæðan væri „gróðurhúsaáhrif“ af vaxandi koltvísýringi frá brennslu manna á jarðefnaeldsneyti. Nú, nærri þremur áratugum síðar, hefur komið í ljós að spáin var röng. Í mars á þessu ári gerðist það svo að sá vísindamaður (John Christy) sem hefur haft það hlutverk fyrir Bandaríkjastjórn að fylgjast með hitanum sem mældur er með þróuðustu mælitækjunum (rafsegulbylgjumælum í gervihnöttum) síðustu áratugina var kallaður fyrir þingnefnd Bandaríkjaþings til að vitna um loftslagsbreytingar. Hann sagði að ekki hefði fundist vísindalegt orsakasamband milli koltvísýringslosunar og hegðunar loftslags á jörðinni.

Lífseigar blekkingar

Meginástæða þess að almenningur hefur látið blekkjast af kenningunni um hlýnun loftslags af mannavöldum er að koltvísýringsstyrkurinn í loftinu hefur aukist úr 0,03% í 0,04% á einni öld og það er búið að koma því inn hjá almenningi að meiri koltvísýringur þýði hærri hita. Sannleikurinn er sá að áhrif hans á hitann eru hverfandi og þau eru þar að auki þegar mettuð. Hann tekur upp hitageislun af sérstökum bylgjulengdum (mest 15 míkrón) og það sem er í lofthjúpnum af honum nú þegar dugir til þess að taka upp mestalla þá geislun, lítið af geislum á þeim bylgjulengdum sleppur út úr lofthjúpnum. Að bæta meiri koltvísýringi í loftið hefur því álíka áhrif og að fá sér aðra regnhlíf fyrir ofan þá sem maður er með í rigningunni. Önnur ástæða fyrir langlífi kenningarinnar er að fjöldi fólks hefur framfæri sitt af „rannsóknum“ á lofthjúpnum, þeirra hagsmunir eru að ógninni sé haldið lifandi (Bandaríkjastjórn eyðir yfir 20 milljörðum dollara á ári í „rannsóknir“ á loftslagi). Stórfyrirtækin vilja losunarkvóta til að hindra nýliðun. Og upphafnir stjórnmálamenn nýlenduveldanna vilja koma alheimshöftum á orkunotkun (til að geta stjórnað efnahagsmálum heimsins). Og nú hefur kaþólska kirkjan gengið í liðið og er kenningin þar með komin á réttan stað með öðrum trúarkenningum.

Kólnunin er áfall fyrir Íslendinga

Loftslagskólnun hefur reynst Íslendingum afdrifarík. Á 12. öld hófst kólnun sem leiddi til þess að upprunalegur atvinnuvegur landsins (landbúnaður) visnaði og landsmenn urðu fátækt að bráð. Borgarastyrjöld braust út og landsmenn misstu bæði kjarkinn og svo sjálfstæðið (1262). Hlýindin á 20. öldinni (1920- 1960) gerðu landið aftur byggilegra, fjárafli og bjartsýni jókst og sjálfstæðið endurheimtist. En kólnunin í kjölfarið (1960-1990) rýrði afkomuna, svartsýni jókst og landflótti brast á, verðbólga fór úr böndum og kvótakerfi voru sett á atvinnuvegina. Nokkurra gráða kólnun veldur tuga prósenta samdrætti, bæði í fiskveiðum og landbúnaði (Páll Bergþórsson).

Landsins forni fjandi og fylgifiskar

Með kólnun loftslags birtast gamalkunnir vágestir: Fjárdauði eykst. Kornrækt leggst af á Norðurlandi. Uppskerubrestur, kal í túnum, afréttarbeit versnar. Skógrækt á Norðurlandi lendir í vandræðum. Vetur á hálendinu fram yfir mitt sumar, ferðamenn hverfa frá. Hafnir á Norður- og Austurlandi lokaðar vikum og mánuðum saman. Framkvæmdir verða kostnaðarsamar og erfiðar. Minna vatn rennur úr jöklum og virkjanir skila minni orku og fylgir því mikil rýrnun þjóðartekna. Fiskigengdir minnka. Margir gefast upp og landflótti færist í aukana.

Íslendingar komi sér upp þekkingu á loftslagsfræðum

Íslendingar, sem búa við kuldabeltisröndina, geta ekki treyst á erlendan hræðsluiðnað, umhverfistrúboða og erindreka nýlenduveldanna sem halda að þeir geti stjórnað loftslaginu.

Fyrir okkur er svo mikið í húfi að við verðum að reyna á eigin forsendum að spá fyrir um loftslag á Íslandi. Það þarf að veita fé til háskólanna hér til að þeir geti byggt upp trausta þekkingu á vísindum loftslagsfræða og stundað alvöru rannsóknir og gert spár um þróunina. Það gerist ekki á einni nóttu og verður erfitt, ekki síst vegna þess að stór hluti stofnanasamfélagsins á alþjóðavísu, s.s. stofnanir Sameinuðu þjóðanna (við þekkjum hvalveiði- og fiskifræði-„vísindi“ þeirra) eru peningalega háðar því að ógninni um loftslagshlýnun af mannavöldum sé haldið lifandi.

En ef við byrjum strax mun okkur fyrr takast. Við getum tekið á móti landsins forna þegar hann kemur aftur á næstu áratugum."

Hér er sagður sannleikurinn um loftslagssvindlið frá byrjun til enda. Minna má á hvernig fyrrum forsvarsmaður Greenpeace minnti á það, að CO2 væri undirstaða lífsins á jörðinni. Án kolsýrings í andrúmsloftinu deyjum við. Aðeins hinn græni gróður breytir honum í súrefni svo við getum andað.

Engin hnattræn hlýnun hefur enn verið mæld. Ráðstefnuseta Dags Bé og fjörtíu fylgisveina í París mun þar um engu breyta.