Svíar breyta um stefnu

gagnvart flóttamönnum.

Eftirleiðis munu þeir aðeins taka við lágmarksfjölda kvótaflóttamanna. Sem þýðir á mæltu máli að þeir eru búnir að lok lok og læsa og allt úr stáli.

Veit Hallgrímur Helgason og Samfylkingin af þessu hjá Svíum?

Fjörtíuþúsund spurningar

til fjörtíuþúsund fífla í París.

Kristján Guðmundsson spyr spurninga í Morgunblaðsgrein í dag sem Parísarráðstefnan með Al Gore og aðra gróðapunga í broddi fylkingar, mun ekki svara. Af því að lofstlagsmál snerta hagsmuni þeirra sem ætla umfram allt að græða á framleiðslu trúarbragða undir vísindalegu yfirskyni.

Kristján skrifar:

"Eru ummæli frægs rithöfundar sönn, um starfsemi hinna svokölluðu vísindamanna, en hann skrifaði að fullyrðingar vísindamanna um loftslagsbreytingar á jörðinni væru einungis settar fram til að knýja út meira fjármagn til að halda áfram sinni starfsemi. Fullyrðingar þeirra væru án nokkurrar stoðar í raunveruleikanum.

 

Samkvæmt þessum ummælum rithöfundarins eru margskonar rannsóknir sem fram fara á jörðinni í ætt við atvinnubótavinnu.

 

Samkvæmt einni vísindakenningu var þannig umhorfs á jörðinni að ekkert þurrlendi var til, aðeins vatn yfir allt, svonefnt Alheimshaf. Var það ekki beinn sjór (saltur) heldur tók vatnið í sig salt af sjávarbotni í aldanna rás.

 

Það sem vekur enn meiri furðu varðandi kenningar eru þær að sjór (vatn) hafi verið á jörðinni en ekkert súrefni í lofthjúp jarðarinnar.

 

Því er spurt: Hvernig gat vatn (sjór) orðið til án súrefnis þar sem súrefni er talið annað aðalfrumefnið í efnasambandi vatns?

 

Ein kenningin sem birst hefur á prenti er að langt aftur í tímatali jarðsögunnar hafi hlutfall súrefnis í lofthjúp jarðar verið um 30%. Var það löngu áður en farið var að huga að framleiðslu á manninum.

 

Hefur maðurinn orsakað rýrnun á hlutfalli súrefnis í lofthjúp jarðar?

 

Er það rétt frá skýrt að í einu eldgosi komi upp meira magn hinna svonefndu gróðurhúsalofttegunda en mannskepnan lætur frá sér fara á mörgum árum?

 

Ef breyting hefur orðið á hlutfalli kolsýru í andrúmslofti (lofthjúp) jarðar af mannavöldum, að frásögn fræðimanna, og kennt um brennslu jarðefna, þá er rétt að spyrja:

 

Hver er munurinn á losun CO² á sólarhring frá 1,5 milljörðum manna 1950 og sjö milljörðum dýra af ættinni homo sapiens 2015? Að auki mætti bæta við losun á þessari lofttegund því sem kemur frá öllum þeim fjölda húsdýra og annars fénaðar sem notaður er til að halda lífi í þessum mannfjölda.

 

Er þörf á að senda mannskepnur í stórum stíl í endurvinnslu til að ná jafnvægi varðandi gróðurhúsalofttegundir í lofthjúp jarðarinnar og minnka þannig útblástur á CO²?

 

Varðandi svartsýnisspár vísindamanna um ofhlýnun jarðar er bent á eftirfarandi sem tekið er úr þekktu fræðiriti.

 

»Loftslag var þá undrahlýtt um alla jörð. Þar sem nú eru Bandaríki Norður-Ameríku, var fullkomið hitabeltisloftslag og litlu var kaldara við heimskautin. Hvarvetna uxu þá glæsilegir birkiskógar, meira að segja í heimskautabeltunum, enda þótt heimskautanóttin væri bæði löng og dimm þá eins og nú er. Það var þrungið vatnsgufu og kolsýru, sem hélt hitanum niðri við yfirborð jarðarinnar undir stöðugu skýjaþykkni.«

 

Hvernig var aðkoma mannsins á þeim tíma að þeirri veðurfarsbreytingu? Hafa ekki verið miklar sveiflur í breytingu á veðurfari á jörðinni í aldanna rás án sjáanlegrar aðkomu þeirra lífvera sem búið hafa á jörðinni í gegnum þúsundir eða milljónir alda?

 

Enn ein kenning fræðimanna er varðar loftslagsbreytingar á jörðinni eru svokallaðar ísaldir. Ef þær kenningar eru réttar hvar kom maðurinn með sínum aðgerðum að þeirri breytingu? Var þá engin vatnsgufa (ský) og kolsýra í lofthjúp jarðar er leiddi til þess að mest allur varmi sólar er barst til jarðarinnar streymdi út í himingeiminn í heiðskírum himni?

 

Ein furðukenningin er varðandi eyðingu á svokölluðu ósonlagi lofthjúpsins. Fræðingarnir hafa viljað kenna um notkun á ákveðnum klórlofttegundum sem notaðar voru.

 

Aldrei hefur fengist skýring á því hvernig það gerist að mælingar á svokölluðu gati á ósonlagi lofthjúpsins er eingöngu yfir Suðurskautslandinu eða á svæði fyrir sunnan syðri heimskautsbaug.

 

Samkvæmt þeim upplýsingum sem hafa fengist hefur notkun ósoneyðandi efna verið 80 til 90% á norðurhveli jarðar og ekki talað um marktæka breytingu ósonlagsins í lofthjúp jarðar yfir þeim heimshluta.

 

Það skal viðurkennt að rannsóknir vísindamanna hafa bætt lífsafkomu jarðarbúa í gegnum aldirnar á margvíslegan hátt (mannskepnunnar vel, en misjafnlega varðandi aðrar lífverur jarðarinnar).

 

Það væri vel gert ef einhver af þeim fræðimönnum íslenskum treysti sér til að fræða fáfróðan og svara þeim spurningum er hér eru lagðar fram."

Fjörtíuþúsund spurningar er hægt að leggja fyrir fjörtíuþúsund fífl og fá aðeins þau fjörtíuþúsund svör sem eru Al Gore og réttrúnaðinum þóknanleg.

Forsetinn

talaði skýrt um ISIS.Ég endurnýjaði heit mitt að kjósa þennan mann meðan og ef hann gefur kost á sér.

Við þurfum mann í þetta embætti. Ekki trúð eða poppara. Hlutlægan mann með dómgreind.

Hægri maður verður aldrei kosinn því þjóðin er vinstri sinnuð.

Ólafur Ragnar Grímsson virðist hafa dómgreind þegar á þarf að halda. Og svo er Dorrit með honum. Mrs.Intrepid úr búsáhaldabyltingunni er líka með Forsetanum.   

 

Villimenn

og drullusokkar eru Araba-eða Tyrkjakvikindin sem skutu varnarlausa flugmennina í fallhlífunum yfir Sýrlandi.

Í seinni heimstyrjöldinni voru það aðeins brjálaðir nasistar og SS-liðar sem frömdu slík ódæði og voru túlkuð sem það siðleysi Húnanna undir Hitler sem þyrfti að útrýma.

Þetta skítuga lið í þessu héraði tekur ekki stríðsfanga heldur myrðir þá. Hugsanlega minnast Vesturlönd þessa ef þau þurfa að fara þarna um til að sækja sér flóttamenn og innflytjendur.Og ekki vantar okkur þessa villimenn til Evrópu.

En Noble

gamli yfirmaður Interpol talar um það fullum fetum að gera hlé á Schengen samstarfinu?  Hann segir líka að Bandaríkin hafi aðgang að gagnagrunninum góða um glæpamennina sem við hefðum ekki fengið án þess að ganga í Schengen.

Skyldi hann Noble hafa lesið þetta blogg lengi? Forsíða Moggans segir: Schengen veldur hættu? Eru þeir líka farnir að lesa þetta blogg? 

ESB Samfylkingarsinnar eru þó algerlega rökheldir. Svo skrifar Viktor Stefánsson í Mogga:

"...... Það hafa verið draumórar margra íhaldshreyfinga að sjá afturhvarf til landamæraeftirlits og ferðatakmarkana innan Evrópu og ekki síst hér á Íslandi. Nú hefur íhaldið sig upp í umræðunni undir forystu Framsóknarflokksins um Schengen-samstarfið, flóttamannastrauminn og endurlífgun á tortryggni í garð alþjóðlegs samstarfs.

Forsætisráðherrann ætlar sér nú að nýta sér hryðjuverkaárásir í Evrópu og flýjandi Sýrlendinga til þess að endurlífga úreltar hugmyndir gærdagsins.

Schengen er langt því frá ástæðan fyrir þeim vandamálum sem Evrópa stendur frammi fyrir heldur er það ósamvinnufýsi sem hefur einkennt þær ríkisstjórnir sem skuldbundu sig til samvinnu um sameiginleg vandamál.

Íslendingar hafa langa og góða reynslu af þátttöku í ríkjasamstarfi um ferðafrelsi án persónueftirlits á landsmærum.....

....Það væri því hrein vitleysa að fá blautan draum Framsóknarflokksins uppfylltan. Enda væri það mikill sigur fyrir hryðjuverkasamtökin að sjá evrópskt samstarf hrynja á tímum sem mannskæð hryðjuverk hafa verið mun færri en á fyrri áratugum, vitna ég hér í nýlega frétt RÚV um málið. Sameinuð stöndum við, sundruð við föllum."

Þarna sjá menn hvað við er að etja meðal landsmanna. Benedikt er að stofna heilan nýjan stjórnmálaflokk um Evrópusamstarfið og Schengen þar sem Samfylkingin er ekki ekki lengur nóg sem réttrúnaðarflokkur.

Segist það ekki eitthvað á móti Viktori ef hann Noble segir að við eigum að taka upp vegabréf eins og Bretar til að fá betri yfirsýn yfir það fólk sem er á ferð?

 

Af hverju?

má ég ekki hafa þá skoðun að við eigum að velja okkur kristna flóttamenn til okkar til að fylla innflutningskvótann? Af hverju má ég ekki halda því fram að kristnir Arabar séu mun líklegri til að hverfa inn í okkar þjóðfélag og samlagast okkur heldur en múslímskir Arabar?

Hvað paragröff banna okkur Íslendingum að velja kristna flóttamenn til viðtöku umfram múslímska? Af hverju megum við ekki beita neinni skynsemi í vali okkar flóttamanna? Er það ekki stykkjatalan sem kvótinn gengur útá?

Af hverju ekki?

Nato í norskum fjöllum

 

Pentagon er að senda  skriðdreka og gáma fulla af  öðrum stríðstól um til geymslu í hellum í Noregi. Þetta er allt fyrir Landgönguliðasveitir Bandaríkjanna(US Marine Corps) sem vilja bæta og breikka birgðir sínar í Skandínavíu.

Landgönguliðarnir eða Marínurnar  hafa geymt vopn og búnað úti  í  sveitum Noregs síðan á níunda áratugnum. Þetta gerir Landgönguliðunum kleyft  að koma flugleiðis og vera reiðubúna til bardaga með  skömmum  fyrirvara.

Þetta sparar Pentagon peninga við það að þurfa ekki að halda úti stórum sveitum allt árið í  Noregi. Washington eyðir árlega billjónum dollara í rekstur stórra  bækistöðva yfir þvera og endilanga  Evrópu.

Oft hefur sú orðið raunin á, að þegar þurft hefur að senda Landgönguliðana skyndilega í átt að orrustugný að þá hefur skort  nægan  eldstyrk.. Fyrir fimm árum voru Humwee bílar með vélbyssur og flugskeyti einu stríðsfarartækin í norskum geymslum, eftir því sem handbækur Landgönguliðsins  segja.

Nú er herinn að bæta við M-1A1 Abrams skriðdrekum og árásarbrimbrjótum við í geymslunum. Þeir seinni eru mjög brynvarðir skriðdrekar sem geta sprengt sig  í gegn um jarðsprengjubelti og brotist í gegn um miklar hindranir.

Pentagon er einnig að bæta við M-88 skriðdrekabjörgunartækjum, innrásarprömmum, brynvörðum Humvees og ýmsum gerðum af endurbættum  trukkum  í safnið. Landgönguliðið býst við að að ljúka flutningunum inn í norsku fjöllin í endaðan nóvember mánuð.

Bandarísku vopnageymslurnar í Noregi hafa allan grunnbúnað fyrir útsendar Landgönguliðasveitir, (MEB =Marine Expedtitonary Brigade) sem geta verið 14.000 til 18.000 manna að stærð og eru skriðdrekar,  þyrlur og orrustuþotur innifaldar í því.

Pentagon fór að undirbúa endurnýjun á búnaðinn  í Noregi á síðasta ári. En Langönguliðið er líka mjög ánægt að hafa fengið þessa viðbót með tilliti til ástandsins í Úkraínu sem kraumar enn.

Fyrr á þessu ári hertók rússneskt herlið Krímskagann. Kremlverjar styðja einnig aðskilnaðarsinna í Úkraínu  sem berjast við Kiev

Sem svörun við öllu þessu hefur Washington aukið heræfingar í Evrópu til að hughreysta vini og bandamenn sína. Landgönguliðið hefur  verið mikill þátttakandi  í „hinu  Evrópska hughreystingarfrumkvæði“ sem nú er kallað  „Aðgerð hins einbeitta  Atlantshafs“ , Operation Atlantic Resolve).

Herlið gæti auðveldlega lent í því að æfa sig með þessum nýju tækjum í náinni framtíð. Birgðastjórnunaráætlun Landgönguliðsins í Noregi hefur lagt fram  búnað til slíks  á undaförnum árum.

Í raun og veru hefur bandarískt herlið dregið  þungavopn  frá  birgðastöðvum í Þýskalandi  til mikilla heræfinga. Herinn hefur ennfremur geymt Abrams skiðdreka og Bradley bardagatæki reiðubúin fyrir þjálfun  og og mögulegt neyðarástand.

Hvað sem öllu líður hefur Landgönguliðið í Evrópu mun fleiri kosti úr að velja –og NATO er líklega mjög ánægt með að svo sé.

Svo skrifar Joseph Tretihick sem er bandarískur blaðamaður sem er sérfróður um varnarmál.

En hvað kemur þetta okkur Íslendingum við?

Er ekki fyllsta ástæða að athuga með geymslu vopnabúnaðar á Íslandi  fyrir NATO að grípa til ef ástand í heiminum eða hérlendis breytist skyndilega?

Íslendingar hafa  þegar fengið verkreynslu í gangnagerð. Þessi þekking gæti nýst við hellagerð sem myndi hýsa svona varabirgðir. Mætti jafnvel hugsa sér að úr einhverjum veggöngum okkar myndu koma afleggjarar inn í vopnageymslur NATO?

 

Þetta myndi lyfta öryggismálum Íslendinga nú á þessum víðsjárverðu tímum. Tilvist slíks búnaðar í landinu myndi vera öftrun gegn þeim hópum sem mögulega gætu gert herhlaup hingað. Varnarlið NATO yrði  þá aðeins nokkra klukkutíma að taka til starfa við þau tækifæri. Allt yrði til muna seinvirkara  ef enginn herbúnaður er í landinu.

Sjálfsagt yrðu menn hérlendis ekki ásáttir um slíkar framkvæmdir frekar en um önnur mál.Menn geta rétt ímyndað sér allar ræðurnar á Alþingi um fundarstjórn forseta ef við vildum gera eitthvað svona?

En ef þetta er nógu gott fyrir Norðmenn og nógu gott fyrir NATO, er þá eitthvað  sérstakt í vegi fyrir því að þetta geti verið gott fyrir NATO og Íslendinga? Af hverju eru Íslendingar alltaf svona spes?

Af hverju eru norsk fjöll svona miklu öðruvísi en íslenzk?

 

 

 

Áslaug Arna

Sigurbjörnsdóttir ritari Sjálfstæðisflokksins var á fjölmennum fundi flokksins í Kópavogi á laugardaginn.

Áslaug Arna er fullorðin kona þó ung sé. Hún hefur starfað sem lögreglumaður og er nú í meistaranámi í lögfræði. Hún kom mörgum fundarmanni í opna skjöldu með sjónarhorn sem okkur eldri gleymast stundum. Hún varaði okkur við að tala niður til Pírata. Þeirra fylgi væri það fólk sem væri okkar með réttu ef okkur hefði tekist að koma okkar boðskap til skila. Okkur hefði bara mistekist þetta. Sjálfstæðisstefnan höfðaði til mun stærri hluta fólks en skoðanakannanirnar segðu til um. Þarna hefðum við verk að vinna.

Okkur tækist ekki að fá ungt fólk til að tala  um stjórnmál eða starfa að þeim. Ekkert stjórnmálastarf væri í framhaldsskólum landsins þar sem áður hefði verið mikið starf. Nú mættu Sjálfstæðismenn ekki koma í skólana nema að hafa alla flokka í fylgd með sér.

Margrét Friðriksdóttir skólameistari sagði skýringuna vera þá að flokkarnir sýndu engan áhuga á að tala við nemendur nema kortéri fyrir kosningar. Þá væri ekki stætt á öðru en að bjóða öllum flokkum það sama. Stjórnmálastarf væri bara ekki neitt innan skólanna milli kosninga.

Umræður urðu um fjármál Sjálfstæðisflokksins og komu nú skörp skeyti frá Labba eins og í handboltanum í gamla daga. Flokkurinn væri sokkinn í skuldir og yrði því tannlaus. Þórður Þórarinsson, framkvæmdastjóri flokksins, varð fyrir svörum og rakti það hvernig bæði hefðu tekjur fallið um helming  og skuldir vaxið um helming. Staðan væri þröng en nú væri unnið eftir fjögurra ára áætlun þar sem ekki yrði eytt meiru í kosningum en sem næmi því sem safnað hefði verið þrjú árin á undan. Gerðu fundarmenn góðan róm að en Labbi sagðist myndu fylgjast grannt með efndum.

Fundarmenn voru mjög óhressir með fjárhagsstöðuna. Mörgum varð áreiðanlega hugsað til Friðriks Sophussonar sem í sinni varaformannstíð koma styrktarmannakerfinu á fót. Við Sjálfstæðismenn getum ekki horft upp á þessa niðurlægingu flokksins hans Alberts Guðmundssonar sem átti manna mestan þátt í að byggja Valhöll skuldlausa  með elju sinni. Við getum ekki horft upp á þetta hús okkar, stundum kallað " Albert Hall", veðsett upp fyrir rjáfur. 

Við Sjálfstæðismenn verðum að að borga flokkinn okkar  út úr þessu. Og jafnframt að sjá til þess að einstakir fjármálegir dilletantar innan flokksins geti ekki ráðstafað neinu því fé framar sem ekki er til. Stjórnmálamaður sem vill skuldsetja flokk sinn í kosningabaráttu er óábyrgur og óhæfur og á ekki að komast upp með slíkt. Valhöll má aldrei veðsetja og Sjálfstæðisflokkurinn má aldrei lenda í vanskilum.

Ég vildi sjá Áslaugu Örnu, ritara Sjálfstæðisflokksins og framkvæmdastjórann Þórð fara að vinna í þessu af krafti.

Við Sjálfstæðismenn getum þetta með samstilltu átaki.

Vilji er allt sem þarf og það eina sem ekki má vanta núna 

 

Schengen samningurinn bregst ekki

virðist manni helsta niðurstaðan þegar Ólöf Nordal kemur  heim blaðskellandi af fundi evrópskra ráðamanna um Schengen samninginn. Þar var fjallað um þá þjóðflutninga sem nú eiga sér stað í Evrópu. Nú hafi einhverjir áhyggjur af landamæraleysinu?

Keltar, Gotar og Vandalar eru farnir hjá fyrir allnokkru. Rómverska ríkið er líka horfið. Á okkar tíma koma nú Arabarnir og Afríkubúar í þeirra stað. Engar Legíonír tiltækar.

Hver veit hversu margar milljónir eru ekki reiðubúnar að skipta um sveitfesti þessa dagana?  Er ekki ástandið verra víða en hjá okkur akkúrat núna?

Þarf þá ekki að ráðslaga um þetta mál í heild í Evrópusambandinu á miklum ráðstefnum? Vantar ekki sumar þjóðir þræla vegna skorts á náttúru? Aðrar óttast samkeppni um störfin?  

Þannig er þetta Evrópusamband. Ráðalaust ef taka þarf ákvarðanir eins og ávallt áður þegar til stykkisins kemur. Hefur engann þjóðarvilja, ekkert þjóðarstolt, engann fána?

Ekki neitt?

 

Auðvitað er allmikill fjöldi fólks utan Evrópu þeirrar skoðunar að betra sé að svelta í hinni sósíaldemokratisku Evrópu en í hinni frumstæðri Afríku eða hinum skelfilegu, heimsku og siðlausu  Mið-Austurlöndum múslímanna.Lái þessu fólki hver sem vill.

Mér skildist að þeir vísu menn sem Ólöf hitti hafi orðið sammála um að styrkja þyrfti ytri landamæri Schengen. Sem liggja víst um Ísland af einhverjum gleymdum ástæðum.

Skyldi þetta þýða að Bandaríkjamenn og túristi eins og ég sem kem frá Flórída úr fríi á næsta vori verði skoðaðir miklu betur en nokkru sinni fyrr?

En hælisleitandinn, sem hefur refsilaust ekkert vegabréf. Hann búi við óbreytt ástand og óbreyttan kærleika?   Innri landamæri Schengen séu eftir sem áður ágæt og þarfnist engra endurbóta? Bara Íslendingar búi við vegabréfaskyldu  í eigin landi? Fari ekkert um Keflavík nema sýna íslenskan passa?  

Schengen samningurinn virðist ekki ætla að bregðast íslenskum stjórnmálamönnum úr öllum flokkum hvorki í bráð né lengd. 

150 vélbyssur óskast

í útboði lögreglunnar á Evrópska Efnahagssvæðinu?

Ennfremur kannski skotheld vesti og hjálmar verði boðin út. Og svo verða hugsanlega vanir menn ráðnir í auglýstar stöður af sama svæði þegar fjárveiting hefur fengist? Vantar ekki að birta lista í DV yfir nöfn og heimilsföng þeirra sem skipa sérsveitina núverandi? Er Snorri enn með byssu í töskunni?

Er ekki þýðingarmikið að Katrín Jakobsdóttir. Birgitta Jónsdóttir, Sigríður Ingibjörg Ingadóttir, Svandís Svavarsdóttir og hugsanlega fleiri súffragéttur af vinstri vængnum fái að fylgjast með öllum útboðsmálum löggæslu og öryggismála eða hvað? Verður Ólöf Nordal svo látin annast PR málin og nauðsynlegan leka á eigin spýtur og ábyrgð? 

Skyldu engum málum sem varða öryggi ríkja vera haldið til hlés frá opinberrri umræðu annarsstaðar eins og í Frakklandi, Bandaríkjunum og Bretlandi? Af hverju er talið nauðsynlegt að á Íslandi séu öll löggæslumálefni rædd fyrir opnum tjöldum á bæði á Alþingi og í DV? Fór ekki þannig með billegu norsku byssurnar að þetta lið kjaftaði þær úr landi?

Finnst okkur virkilega um að gera að ISIS fái ávallt að vera vel upplýst um stöðu vopnabúnaðar hér á Íslandi á hverjum tíma?

Vonandi fylgist almenningur með hverju verður eytt núna í útboði á 150 vélbyssum þegar kaupin verða boðin út?