Metið slegið

sem prófessor Ágúst Einarsson setti hér um árið þegar hann taldi það góða ráðstöfun að flytja inn eina 17.000 Afríkumenn til Íslands til þess að setjast að á Suðurlandsundirlendi. Ég hef beðið þess um óralöng ár að fram kæmi tillaga sem toppaði þessa vizku prófessorsins.

það hefur nú gerst. Hallgímur Helgason rithöfundur segir svo í Mogga:

"„Evrópusambandið er til í að taka á móti 20.000 flóttamönnum, af öllum þeim milljónum sem nú eru á vergangi. Hvernig væri að við Íslendingar byðumst til að taka við 20.000 sjálfir? Við gætum til að mynda nýtt eitthvað af aukahúsunum sem við eigum, sumarbústöðum og sumarhúsum. Ég býð fram eitt slíkt í Hrísey. Við getum varla haldið áfram lífi okkar eins og ekkert sé.“

Ekki er þetta fyrr komið fram  þegar allir fjölmiðlar flytja fréttir af stórauknum þrýstingi á að Ísland taki við fleiri en 50 kvótaflóttamönnum. Þá vita menn hvaðan slíkur þrýsingur kemur og hvernig hann er mældur. Komi hann frá vinstri elítunni og mælist í stöðu einstakra þátta á markaði, þá er stóraukinn þrýstingur fyrir hendi að því að fjölmiðlar tjá.

Ég vil þá mæla fyrir mig og hina afturhaldsömu í þessu þjóðfélagi, sem vilja halda þjóðinni sem mest einsleitinni og arfhreinni, að ég er á móti hvorutveggja. 50 kvótaflóttamönnum og líka 20 þúsund flóttamönnum í einum skammti. Ég vil ekki leggja til þeirra sumarhúsið mitt né skattfé mitt. Ég vil hreint út ekki sjá þá. Mér er sama þó ríkisstjórnin sendi einhverja peninga í flóttamannahjálp út um heim þó mér finnist neyðin ærin sem hér ríkir, þegar krabbasjúklingum er neitað um sprautu vegna peningaleysis og Kári klári verður að kaupa jáeindaskanna handa okkur.

Ég er á móti flóttamannavandamálum og tel að alþjóðasamfélagið eigi hvergi ekki að líða ríkisstjórnir sem fara þannig með þegnana að þeir þurfi að forða lífinu með flótta. Þá þarf að drepa einhverja strax en ekki setja málið í nefnd.

En flestöll heimsins óleystu vandamál hefur dagað upp í nefndum þar sem óhæft fólk, skoðana-og valdalaust sem í eiginhagsmunaskyni fæst við að leysa mál sem það skilur ekki sjálft.

Píratar úr pukrinu

og héldu hundrað manna fund um baráttumálin.

Það bar helst til tíðinda að þá eru þeir orðnir 2 einsmáls flokkarnir, ef maður telur Bjarta Framtíð frá sem sjálfdauða.

Píratar  ætla nefnilega í Evrópubandalagið og fyrsta verkið er að hafa þjóðaratkvæði áframhald viðræðnanna.

Og svo fylkja þeir sér um Þorvald Gylfason og Pétur á Útvarpi Sögu með  lengstu stjórnarskrá í heimi sem þeir sömdu hér um árið. Sem þjóðin nennti ekki einu sinni að ræða á sinni tíð og var í raun felld í ólöglegri þjóðaratkvæðagreiðslu.

Þá er loks komið er svar við því fyrir hvað Píratar standa. Það eru bara tvö mál: Fyrra málið er aðild að Evrópusambandinu. Seinna málið er ný stjórnarskrá að hætti Þorvaldar Gylfasonar. Ekki fleira hafa þessar vísdómsuglur til málanna að leggja eftir að hafa hugsað í leyndum dulúðar svo mánuðum skiptir.

Þá hefur Árni Páll og Samfylkingin eignast samherja í Evrópumálunum og kannski fengið eitt mál í viðbót til að flagga með sem væri ný stjórnarskrá. Og Viðreisnin hans Benedikts getur hugsanlega gengið pukurlaust í Pírataflokkinn í heilu lagi sem myndi spara marga fyrirhöfn í skoðanakönnunum.  

Hrafnaþing

á föstudagskvöldið vekti athygli mína.

Ég horfi yfirleitt alltaf á þegar þeir heimastjórnarmenn setjast á rökstóla. Stundum verða þeir svo æstir að hver talar upp í annan og er  þá Ingvi Hrafn ekki barnanna bestur og drekkir hinum í hávaða svo þeir komast ekki að. Kallinn þarf að gæta að því að taka sjálfur ekki upp of mikið af tímanum heldur sjá til þess að allir fái einhvern tíma til að tala. Ekki það að hans skoðanir séu nokkuð verri en þeirra, þær eru oftast mjög góðar og skarplegar.

Í þessum þætti var farið yfir það trúnaðartraust sem stjórnmálamenn verða að búa yfir eigi þeir að ná hylli fólksins. Mér fannst málflutningur Jóns Kristins afskaplega yfirvegaður og raunsær þegar hann ræddi þessi mál.

Jón tók stöðu Hönnu Birnu sem varaformanns fyrir. Varaformaður þarf að hafa nægjanlegan pólitískan styrk til þess að kjósendur treysti honum til að taka við af formanni Sjálfstæðisflokksins sem alveg eins þá getur verið í embætti forsætisráðherra þegar hið óvænta ríður yfir.(Eins og varð til dæmis í slysinu hörmulega á Þingvöllum.) Varaformaður verður að hafa óskorað traust flokksmanna og annarra til að taka við merkinu.

Bjarni Benediktsson hefur sagt um stöðu Hönnu Birnu sem stjórnmálamanns, að hún verði að sækja sér nýtt umboð.Jón Kristinn samsinnti þessu og sagði að þetta umboð  næði bæði til flokksmanna og svo kjósenda. Hún lenti í málum sem leiddu til þess að hún varð að segja af sér embætti. Það gefur auga leið að styrkleiki stjórnmálamanns hefur beðið alvarlegan hnekki eftir slíkar hremmingar.

Heimastjórnarmenn voru sammála um að Hann Birna ætti núna að draga sig í hlé. Ekki að reyna að bjóða sig fram sem varaformann fyrir Sjálfstæðisflokkinn. Slíkt myndi beinlínis þýða fylgistap upp á 5-10 % að mati Ingva Hrafns. Jón Kristinn lagði áherslu á að menn yrðu að hugsa ávallt hvað væri best fyrir flokkinn og þær tugþusundir sem hann fylla. Hugsa hvort þeirra persóna séu það sem flokkinn vantar við þetta tækifærið. Hvort þeir sjálfir séu endilega réttur valkostur í stöðunni. Hagmunir flokksins hljóti alltaf að koma á undan persónulegum metnaði. Maður komi alltaf í manns stað í slíkri fjöldahreyfingu sem Sjálfstæðisflokkurinn er og enginn þar sé ómissandi. Það sem traustið sem skipti öllu máli.

Það væri talað um að unga fólkið kæmi ekki til liðs við Sjálfstæðisflokkinn. Jón kvað ungliðahreyfinguna í flokknum hafa brugðist því hverjir ættu að tala við ungt fólk aðrir en ungir sjálfstæðismenn. Þeir væru bara alls ekki í því. Yngvi Hrafn benti á hvernig Vaka rúllaði kommunum ítrekað upp í Háskólanum. Hann  spurði svo hvort þeir ættu þá ekki að vera í forystunni sem varformaður?  Jón kvað nei við því og benti á ábyrgðina sem því embætti fylgdi. Unga fólkið væri einfaldlega of ungt í slíkum tilvikum. En þeir þyrftu endilega að koma meira inn í hugsjónastarfið.

Þeir félagar voru ekki bjartsýnir á framtíð Samfylkingarinnar. Þeir töldu að sá flokkur hefði brugðist þjóðinni á slíkum örlagstundum að hann hefði fyrirgert trausti fólksins. Áhrif Alþýðubandlags Kópavogs væru allt of áberandi í andliti flokksins og allir eðalkratar löngu horfnir sjónum. Jón spáði illa fyrir Pírötum sem hann sagði að þeir myndu þurrkast út þegar fólkið sæi í gegn um þá. Jón lagði líka áherslu á að þeir stjórnmálamenn sem stóðu að aðförinni að Geir H. Haarde myndu þurfa að bera sína sekt ævilangt. Þeir yrðu að víkja af vettvangi og nýtt fólk að taka við. 

Skerðingar aldraðra og öryrkja voru einnig ræddar hvort flokkurinn myndi koma leiðréttingum fram eða ekki. Jón Kristinn kvað upp úr með það að við yrðum að ætlast til þess að flokkurinn leysti þessi mál.

Þetta var fróðlegur og fræðandi þáttur. Menn verða að tala af yfirvegun en ekki æsingum í stjórnmálum jafnt á Hrafnaþingum sem öðrum. 

Bragð er að

þá barnið finnur.

Halldór Auðar Svansson hefur þetta að segja eftir að Dagur Borgarstjóri kynnti aukin útgjöld vegna aukinnar starfsemi í þágu borgarbúa:

„Það er klárt mál að það þarf að ráðast í aðgerðir vegna stöðu borgarsjóðs. Síðasti ársreikningur kom ekki vel út og við höfum vitað af stöðunni. Það þarf að leita allra leiða til þess að draga úr þessum halla,“ sagði Halldór A. Svansson, borgarfulltrúi Pírata,"

Miðað við þá venjulegu þögn um menn og málefni sem ríkir hjá Pírötum, þá er þetta nokkuð stór yfirlýsing frá manni sem er í eins sterkri stöðu og hann. Sá sem síðast stóð í slíkri stöðu  var stundum uppnefndur "Ruler of Reykjavík" þar sem menn gerðu sér ljóst að hans orð voru lög sem allir urðu að fara eftir.Nú er rekstarafgangur hjá Borginni 1.2 milljarðar í stað þriggja. Skeikar aðeins 250%. Sem betur fer geta borgarfulltrúar í Reykjavík enn sent viðskiptavinum Orkuveitunnar í öðrum sveitarfélögum  reikninginn til að lát þau borga hallann með sér.

Halldór Auðar er í sömu stöðu og Sigurjón heitinn. Segi hann eitthvað verður meirihlutinn, að Degi Bé. og EssBirni meðtöldum, að ráðast í aðgerðir eigi ársreikningur að koma vel út.

Athyglisvert að Dagur nefndi stóraukinn launakostnað í velferðarsviði sem ein orsakaþátt hallarekstrarins.En einmitt mun meiri mönnun á öllum sviðum skilur Reykjavík algerlega frá öðrum sveitarfélögum. Sem þýðir það að Reykjavík hefur ekki ráð á þeirri þjónustu sem hún veitir. En fjölgun starfa er samt það sem vinstri menn tala oftast um.

Nú gerist það að Píratar segjast ætla að fara að taka þátt í stjórnmálum. Taka á málum hjá Reykjavíkurborg með eigin höndum. Bara si sona?

Væntanlega fylgjast kjósendur með því hvernig til tekst þar sem búast má við spurningum í næstu kosningum sem lúta að því að gera eitthvað sem bragð er að í margvíslegum málum, sem Píratar hafa ekki svarað neinu um til þessa.

 

 

Hæ,hó jibbý jibbý,jibbýaje

bankarnir græddu fjörtíu milljarða á fyrstu 6. Aðalfréttin að mati fjölmiðla.

Hverjir borguðu? Einhverjir nafnlausir útlendingar? Íslensk fyrirtæki? Hvert fara aurarnir?

Hvað borguð þið mikið á þessum sex? Hver á bankana?

Hæ, hó...... 

Óhugnaður

sest að manni við lauslegan lestur meira en hundrað greina frumvarps um útlendinga sem íslenskir þingmenn hafa samið og auðvitað koma að meirihluta af verulega vinstri kantinum í stjórnmálum og svo úr röðum stjórnleysingja.

Frumvarpsdrögin eru að þessu gefnu samin af "þverpólitískri þingmannanefnd "um  útlendingamál.

 Nefndina leiðir Óttarr Proppé alþingismaður en auk hans sitja í henni alþingismennirnir Birgitta Jónsdóttir, Líneik Anna Sævarsdóttir, Svandís Svavarsdóttir, Unnur Brá Konráðsdóttir og Össur Skarphéðinsson.

Ásamt þeim sat í nefndinni fulltrúi félags- og húsnæðismálaráðherra, Hanna Sigríður Gunnsteinsdóttir.

 Með nefndinni hafa starfað Erna Kristín Blöndal og Íris Björg Kristjánsdóttir, sérfræðingar í innanríkisráðuneytinu, Sigurbjörg Rut Hoffritz, lögfræðingur hjá Útlendingastofnun, auk sérfræðinga velferðarráðuneytisins, Útlendingastofnunar og Vinnumálastofnunar.

Frumvarpið er að finna á www.innanrikisraduneyti.is og er óskað eftir athugasemdum við það. Sem vert er að hvetja til að gera.

Eftir lauslega yfirferð finnst mér við blasa að frumvarpið hnigi allt að því að gera hælisleitendum hærra undir höfði og takmarka rétt íslenskra yfirvalda, svo ekki sé minnst á rétt íslensku þjóðarinnar til andmæla,  til að taka á þessum málum af festu og fullveldi.

Þarna úir og grúir að skálkaskjólum fyrir hverskyns landhlaupara sem hingað koma og færir mönnum heim sanninn um hversu EES samningurinn er hættur að duga Íslendingum sem eyþjóð svo maður tali ekki um og Schengen aðildina.

 

Maður spyr sig hvert venjulegur Íslendingur getur leitað pólitísk í næstu kosningum til að verja sjálfan sig, fjölskyldu sína, íslenska íslenska þjóð og menningu þegar hinir kjörnu fulltrúar setja saman slíkt valdaframsal í hendur útlendinga. Koma menn auga á þá stjórnmálaflokka sem eru líklegir til að taka upp innflytjendamál með íslenska hagsmuni efst á blaði?

Ég hvet alla sem vettlingi geta valdið að kynna sér þetta frumvarp svo stóralvarlegt sem það er. Þarna er nauðsynlegt að berja ákveðið í borðið og láta ekki valta yfir sig með illa grunduðum rökleysum.

Verða Íslendingar ekki að hafa fullar heimildir til að snúa við skilríkjalausum útlendingum, láta læknisskoða hælisleitendur og geyma einstaklinga í sérstökum búðum meðan nauðsynlegar rannsóknir fara fram?

Er það vilji þjóðarinnar að þessum lýð sé dælt inn órannsakað og eftirlitslaust til dvalar meðal almennings?

Og svo heyrði ég á Útvarpi Sögu að Tony Omos sé kominn til landsins. Er ekki ástæða til að óska baráttufólkinu til hamingju með það sem því hugnast best?

Hver er að semja ?

um hælisleitendur og aukið  Schengen-samstarf fyrir Íslendinga?

Ég get ekki fundið neitt um þetta á vef Alþingis. Samt er talað um það sem gerðan hlut, að nú verði ekki hægt að endasenda hælisleitendur. 

Er þetta eitt af þeim lögum sem þingmenn samþykkja samið frá Brussel án þess að lesa?

"Helsta ógnin við mannkynið

og forgangsmál nr.1" Mansalið er svo vinsælt hjá Lögreglustjóraembættinu á höfuðborgarsvæðinu að aðstöðarlögreglustjórinn er sendur  til USA að tala við 34 aðrar þjóðir.

Í Morgunblaðinu telur hún þetta vera "helstu ógnina  við mannkynið og forgangsmál nr. 1"! Þá hafa menn það. Tugir hælisleitenda á viku eru langt til komnir með að sjá fyrir árlegri fjölgunarþörf íslensku þjóðarinnar. Það er ekki ógn við mannkynið né forgangsmál nr. 1? Alþingi er víst að vinna að því að gjöra veg þeirra hælisleitenda og vegabréfafalsara enn beinni og elítan fagnar gríðarlega yfir því að endursendingar verða erfiðari með þessu nýja máli og styrkingar Schengen.

Hún er dýru verði keypt hin viðurkennda gredda karlmanna. Það er hægt að græða á henni stórar fjárhæðir. Mest er hægt að græða með því að gera greddu ólöglega eins og þessi lögreglukona Alda Hrönn spólar í væntanlega að sænskri fyrirmynd. Lemja náttúruna með lurk er gamlareynd aðferð til þess að láta hana ekki leita út um síðir..

Það sjá allir, og glæpamenn fyrstir allra, að lögleiðing vændis mun útrýma hlutum eins og mansali, dópsölu og nauðung sem því fylgir. Ég er búinn að lýsa því hér á blogginu áður hvernig þeir hafa þetta í Stuttgart.  Ég held bara að aðstoðarlögreglustjórinn hefði gott af því að fara þangað frekar en vera í einhverjum "cops & robbers" leikjum á kostnað skattgreiðenda þarna vestanhafs. En einmitt þar er hræsnin mest en vændið óvíða eins svæsið utan Kaupmannahafnar.

Það er ekkert séreinkenni Íslendinga að stinga hausnum í sandinn, strútar eru sagðir gera þetta líka. Ætli fjöldageldingar verði ekki næsta tillaga þessara gegnvændiskellinga sem funda um greddumál í öðrum löndum. Allt nema þora að ræða málið opinberlega á annan hátt en samrændan sænskan.

Greddan er greinilega "helsta ógnin við mannkynið og forgangsmál nr.1".

Skjólið og skugginn

gæti þessi mynd heitið. Hún var tekin í Þykkvabænum í dag í hinum mikla hita sem ríkti á Suðurlandi. Myndin er tekin úr toppi annarrar vindmyllurnar þar.

Miklar draugasögur hafa gegnið um hvernig vindmyllur myndu æra búsmala og drepa fugla. Ekkert af þessu stenst. Þarna má sjá hvernig stórir fjárhópar leita í skuggann af 

vindmyllunni í Þykkvabæ.

 

Það er eins og menn óttist alltaf eitthvað nýtt sem hljóti að vera verra en það gamla sem menn þekkja.

Svo verður það nýja að hversdagsleikanum og menn óttast næstu breytingar,

Engir fuglar hafa fundist dauðir við þessar vindmyllur frá því þær voru gangsettar fyrir ári síðan. Bloggari hefur hinsvegar séð stóra álftahópa fljúga á milli vindmylnanna fyrir neðan spaðamiðju. Enda álftirnar líklega séð fleiri vindmyllur á sinni tíð en hann mun nokkru sinni sjá.

 

10 milljarðar

í hagnað hjá Íslandsbanka fyrstu 6. Mikið svakalega gleðst þjóðin við að heyra þessar stórfréttir á RÚV. Þóknunartekjur og vaxtatekjur bara allt upp. Þó aðeins minnkun frá í fyrra.

Birna ætlar að spara meira í rekstri. Þó varla í bónusum fyrir heimsins bestu bankamenn? 

Eigendurnir, hverjir sem þeir skyldu nú vera, hljóta að skella sér á lær. Mikið er RÚV nú gott að láta okkur vita  af þessu. Ætli Arijón geri það nokkð verr? Varla fer banki þjóðarinnar allrar Landsbankinn að raka svona af eigendum sínum?

Hvað eru annars innlánsvextir? Sumstaðar víst einir 4%? Útlánsvextir? Verðbólgan? Hvernig á að spara í þessu þjóðfélagi þegar ekki er hægt að verðtryggja eigin peninga nema tl 3 ára bindingar. Af hverju 3 ár hjá öllum bönkunum? Tala þeir samráð?

Bankamenn ættu að vera 4 milljónir í Bandaríkjunum ef þeir ættuað vera í hlutfalli við Ísland. Þeir eru sagðir ekki ná einni milljón.

Þetta er eins og með olíuna sem er fallin um 2/3 í verði. Hún á auðvitað ekkert skylt við íslenskan veruleika frekar en bankareksturinn hennar Birnu?