33% afstöðutaka

Jóns Þórs Ólafssonar efsta manns Pírata við atkvæðagreiðslur um mála á Alþingi koma mér á óvart. En Staksteinar Morgunblaðsins flytja frétt um þetta.

"Atkvæðaskrá Jóns Þórs Ólafssonar á árunum 2013-2015 má hins vegar finna á vef Alþingis og hún er svona:  Já: 331 sinnum. Nei: 95 sinnum. Greiðir ekki atkvæði: 1285 sinnum.  Fjarverandi: 219 sinnum.  Jón Þór treysti sér ekki til að taka afstöðu til mála í 67% tilvika.“

Jón þessi hefur ráð undir rifi hverju í umræðuþáttum og flytur sitt mál af ákefð og festu.

Eftir þessa frammistöðu á alþingi hætti Jón skyndilega þingmennsku og fór í malbikið aftur. Líklega hefur honum fundist það skemmtilegra og lái ég honum það í raun ekki eftir að hafa horft á marga þingfundi og hlustað á speki stjórnarandstöðunnar um fundarstjórn forseta.

Þessum manni á ég að treysta sem efsta manni Pírata í SV-kjördæmi. Mun hann fara á Alþingi eða fer hann frekar í malbikið með vorinu?

Eða mun hann mæta í 33 % tilvika?

Leggjum á vegagjald

á bílaleigubílana og íslensku trukkana sem eru að eyðileggja vegakerfið sem við vorum búin að strita fyrir í öll þessi ár.

Vegamálastjóri lýsir 40 % aukningu á umferð austur að Lómagnúp síðustu ár.

Hverjir eru á ferðinni? Ferðamenn og íslenskir trukkar. Stórhætta fyrir alla aðra umferð. Ferðamenn stoppa hvar sem er á akreinum. Trukkarnir aka dag og nótt með farma sem myndi fara með skipum ef þeir væru látnir borga sanngjarnt fyrir vegslitið sem er margfalt miðað við fólksbílinn.

Af hverju bara að horfa upp á þetta og gera ekki neitt?

Sjáið mesta lygara Íslandssögunnar!

http://www.vb.is/skodun/staerstu-svik-islenskrar-stjornmalasogu/103032/

Degi fyrir kosningarnar 2009.

Hver treysir VG  fyrir fjöreggi þjóðarinnar eftir þessar lygar?  

Er farið eftir nýju lögunum?

um endursendingu hælisleitenda?

Er farið eftir því sem segir þar um að kæra synjunar fresti ekki endursendingu?

Hvað komu margir hælisleitendur í land í síðustu viku? Hversu margir voru sendir til baka?

Það má víst ekki spyrja hvernig gangi með eftirfylgni við lögin?

www.nobordersiceland.org

heldur úti vefsíðu til útskýringar á aðgerðum sínum.

Ekki eru um skipuleg samtök mað ræða heldur laustengda hópa fólks af ýmsum gerðum. Enginn forystumaður er tilgreindur, stjórn eða ábyrgðaraðilar.

Á heimasíðunni er m.a. þetta að finna:

"Hvernig No Borders hópur vinnur er undir honum sjálfum komið að ákveða og vera ábyrgur fyrir. Allar aðferðir eru nothæfar á meðan þær eyðileggja ekki fyrir málstaðnum og samvinna er algeng við önnur samtök.

No Borders er oft í samstarfi við aðra hópa, svo sem anarkista eða hústökufólk og því notast No Borders hópar oft við ákvarðanatökuaðferðir þessara hópa þar sem þátttökulýðræði er stundað og reynt er að koma í veg fyrir stigveldi innan hreyfingarinnar. Það er þó alltaf undir hverjum og einum hópi komið hvernig skipulag hans og aðferðir eru.

Eitt af einkennum hreyfingarinnar er áherslan á samstöðu fremur en leiðtoga, og því styðja hóparnir oft við aðra hópa sem skipulagðir eru af innflytjendum eða flóttamönnunum sjálfum.

Aðferðirnar sem No Borders á Íslandi hafa notfært sér eru tilteknar hér fyrir ofan. Þær teljast að flestra mati hófsamar og erfitt að segja til um áhrif þeirra. Hins vegar má telja víst að No Borders hreyfingin á Íslandi hafi að stuðlað að mun meiri vitund fólks um aðstæður flóttafólks og hvernig íslensk stjórnvöld koma fram við það.

No Borders hefur varpað ljósi á það að mannréttindabrot eiga sér oftast stað í flóttamannabúðum, Ísland er þar ekki undanskilið. Þessi brot eru til að mynda þau að fangelsa fólk án þess að kanna rétt þeirra til hælis (og þar af leiðandi hvort þau hafi lögmætan rétt til að ferðast á ólöglegum skilríkjum), fjöldabrottvísanir, óþarfa valdbeiting lögreglu og eigur sem gerðar hafa verið upptækar (svo sem reiðufé og úr).

Um 15-20 manns sem nú búa hér hafa látið þá skoðun í ljós að án stuðnings hreyfingarinnar hefðu þau ekki getað fengið búseturétt á Íslandi. Einnig hefur tekist að koma í veg fyrir nokkrar brottvísanir.

No Borders hefur einnig stutt opinberlega þær tilraunir heimamanna til að fela flóttafólk sem stendur til að vísa úr landi, og að minnsta kosti þrisvar sinnum hefur flóttamönnunum tekist að snúa aftur úr felum og dvelja í landinu. Þessir litlu hlutir eru allt lóð á vogarskálarnar þegar kemur að baráttu gegn þjóðrembu og rasisma sem hefur því miður á sér allt of stutta sögu hér á landi. Fyrir flóttafólkið sjálft skipta þessar aðgerðir miklu máli.

Á móti kemur að hreyfingin hefur ekki haft tækifæri til að takast á við mismunun og fordómum gegn öðrum innflytjendum en flóttamönnum, né náð að rannsaka tilfelli þar sem verkafólki, nemendum eða öðrum einstaklingum með tímabundin dvalarleyfi er vísað úr landi.

Því miður hefur No Borders heldur ekki gefist tækifæri til að berjast gegn almennum rasisma á Íslandi, þó það hafi vakið athygli á þeim rasisma sem innbyggður er í kerfið. Hvorki No Borders né aðrar hreyfingar sem berjast gegn rasisma hafa stækkað eða eflst að ráði undanfarin ár.

Það sem svíður sárast er að þó einstakir flóttamenn hafi haft ávinning af starfi No Borders, þá hefur samtökunum ekki tekist að stuðla að neinum grundvallarbreytingum á lögum eða framförum á því hvernig stjórnsýslan hagar málefnum hælisleitenda og útlendinga. Flóttamenn eru enn geymdir í Keflavík eins og vara sem bíður þess að vera flutt úr landi, á meðan íslenska landhelgisgæslan gætir landamæra í Suður Evrópu fyrir FRONTEX, þar sem nánast hver einasti flóttamaður sem sækir um hæli hér er handtekinn og fangelsaður og þar sem þeir sem bera ábyrgð á þessu sitja í góðum stöðum og þurfa ekki að svara fyrir ákvarðanir sínar.

Á hinn bóginn hefur aktívismi á borð við þann sem No Borders stundar einungis verið til staðar hér á landi í fjögur ár og þeir eru ekki margir sem lyft hafa litla fingri til þess að aðstoða hælisleitendur og barist fyrir réttindum útlendinga. Við vonum að þetta sé bara byrjunin og fleiri sjái sér fært að vinna að þessum málstaði, stofni fleiri hópa og skapi betri aðferðir til að afnema landamæri, raunveruleg og ímynduð. Einhvern tímann verður það að byrja og hvers vegna ekki núna?

Frjáls för fólks skiptir höfuðmáli fyrir jafnrétti.

Engin landamæri – engin þjóðríki!"

 

Það fer ekki á milli mála að liðsmenn þessa hóps eru ekki reiðubúnir að fara að lögum landsins. Þeir hafa sín eigin lög og aðferðir og tengjast gjarnan anarkistum. Svipuð hugmyndafræði og  Baader-Meinhof samtökin höfðu á sínum tíma.

Það er illt til þess að vita að þetta fólk virðist ráða miklu um  meðferð hælisleitenda á Íslandi. Það hrópar upp ásakanir um rasisma og fasisma við öll tækifæri ef einhver dirfist að mótmæla.Og virðist hafa greiðan aðgang að fjölmiðlum.

Nobordersiceland eru ótrúlega máttug samtök sem þó enginn þekkir.

Gengisfesta Benedikts

birtist á Sprengisandi.Hann prédikar gengisfall vegna útflutningsatvinnuveganna og ferðamennskunnar. Íslenska krónan sé of sterk.

Síðan segir hann að vextir á Íslandi muni lækka í kjölfar myntráðsins sem er að binda krónuna við Evruna. Hann fer með allskyns tölur um hvað vextir séu lágir í nágrannalöndum. En skyldi hann aldrei hafa spurt um almenna yfirdráttarvexti í Þýskalandi til dæmis. Það eru vextir sem atvinnuvegirnir búa við. Það eru ekki lægstu húsnæðisvextir sem finnast heldur mældir í tugum prósenta þegar verst lætur.

Hann er sem sagt á móti þeirri lífskjarabót sem almenningur hefur sótt í lækkandi innflutningsverð. Lækkun vörugjalda og tolla er honum ekki í huga.  

Síðan vill hann leggja auðlindagjald og setja kvótann á markað í sjávarútveginum sem stefnir honum í þveröfuga átt.

Hann ætlar að mynda innviðasjóði í hverju kjördæmi fyrir gróðann af kvótasölunni. Helmingur þjóðarinnar á höfuðborgarsvæðinu á greinilega ekkert að fá af því. Og þýðingarmikið sé að fólk eigi að hætta að deila um þessar skoðanir Benedikts því þær séu réttar. 

Hann segir hinsvegar ekkert um það hvernig hann ætlar að stjórna þeim myntráði sem hér á landi ræður. Eru það ekki stéttarfélögin sem hafa skrúfað upp kaupið og verðbólguna til þessa?

Hvernig ætlar hann að fást við innlenda verðbólgu með fastgengi?  Látum markaðinn ráða segir hann. Er 50 % atvinnuleysi eins og er víða í Evrópu svar við slíku?

Er hann með ráð gegn mánaðalöngum verkföllum lækna, flugumferðarstjóra og fleiri. Nær hann samstöðu um stöðugleika eins og hann talar um? bara ef hann er á Alþingi? Sér einhver hversu fólk er meira reiðubúið að hlusta á Benedikt en Bjarna? 

Fólk fái að vinna lengur en núverandi eftirlaunaaldri nemur segir Benedikt. Skyldu margir ríkisstarfsmenn gína við þessu? Til dæmis fólk á verðtryggðum lífeyri. Hvað skyldi Steingrímur J. Sigfússon fá þegar hann hættir?

Svo heldur Benedikt blaðamannafund um Myntráð og sjávarútvegsmál.Hann talar um sátt í sjávarútvegi um rekstrarumhverfi. Þeir verði sáttir ef auðlindagjaldið fari ekki í 38 milljarða eins og vinstri stjórnin lagði til heldur eitthvað meira en 4 milljarðar eins og nú. Sanngjarnir vextir eru 3-4 %,  það eru vextirnir á því fé sem sjávarútvegur á að setja í kvótakaupin.

Myntráð og markaðstenging í sjávarútvegi. Það er enginn á móti kvótakerfinu sem sýnir að Viðreisn nær samstöðu um sína lausn.Þetta er niðustaða Benedikts eftir framboðfundi á Austfjörðum.

 

Gengislækkun þegar í stað er alveg nauðsynleg fyrir byggðirnar. Þess vegna verði efnd hátíðleg loforð um þjóðaratkvæði um að vinda sér í framhald aðildarviðræðna. Náum við víðtækri samstöðu um aðildarsamninginn sem fæst þá göngum við inn. Valfrelsi ríki í neytendamálum. Kjósendur velji áframhald aðildarviðræðna við Evrópusambandið.

Læturðu brjóta á þessum málum spyr Kristján? Samstöða um markaðslausnir og kvótauppboði? Já, Benedikt er heldur á því þó að beint svar fáist ekki.

Jafnlaunastefna, hann vill samstöðu um þetta. Þetta er ekki stjórnlyndi segir hann heldur ekki bann við mismunun sem er annað en stjórnlyndi. 

Virðing er nauðsynleg fyrir öldruðum segir Benedikt. Bankarnir segja fólki  upp 65 ára,  ríkið 67 ára eða 70 Hver árgangur sem hverfur leiðir til taps 1 % af VFL.

Hann er spurður um hættuna á þenslu framundan þegar 500 störf á vantar á Keflavík á ári næstu ár. Skýr svör fást ekki um þetta nema það að við Íslendingar séum á hættulegum  tímapunkti.

Hann segir samt greinilega ekki hægt að standa við 200 milljarða viðbótarútgjöld(líklega eins og formaður Samfylkingar boðar).

Mörg opinber verkefni séu framundan t.d. í vegagerð. Ekki svigrúm til skattalækkana við þær aðstæður. Hann talar um vaxtalækkun niður í 2-3 % hjá ríkissjóði. Manni skilst að Benedikt kunni að útvega slíka vaxtalækkun?

Hverjum skyldi ríkissjóður annars skulda sem Benedikt getur fengið til að lækka vextina svona niður í þetta sem hann nefnir, 2-3 %.  Veit hann hvaða vexti ríkissjóður sé annars að borga?  Eru þá samningamenn ríkissjóðs allir lélegir í fjármálum sem kunna ekki að semja um lánakjör? Már og Seðlabankinn kunni ekki að fá bestu vexti? Greinilega efast Benedikt um þetta atriði.

Austur á landi vilja menn gera mörg jarðgöng segir Benedikt. Hann hefur sagt þeim að það er ekki hægt að klára öll jarðgöng á 3 árum. Frekar á 30 árum!. Skyldu þeir Austfirðingar hafa klappað  mikið fyrir því?

Benedikt hugsar þá greinilega ekki í gjaldtöku-jarðgöngum sem borga sig sjálf. Jafnvel á einkaframtaksgrundvelli sem myndi hugsanlega gera kleyft að gera fleiri göng samtímis?

Hann er greinilega ríkisframkvæmdamaður og hugsar í gjaldfrjálsum  göngum eins og á Vestfjörðum og Héðinsfirði. Við viljum ekki halla á ríkissjóði segir svo Benedikt. Þess vegna getum við ekki lækkað skatta núna segir Benedikt. 

Rikissjóður á eignir upp á 500 milljarða í bönkum. Það verður ekki hægt að afsetja það í skyndi segir Benedikt. Ef við skuldsetjum ríkið þá erum við að skuldsetja börnin okkar segir Benedikt enn fremur.  Það er því greinilega ekki hægt að lækka skatta í góðærinu núna að mati Benedikts. 

Ljúka Landspítalanum núna vill Viðreisn. Við erum núna líka á tímamótum til þess að rífa okkur upp úr farinu þegar aðeins  15 % þjóðarinnar bera traust til Alþingis. Viðreisn er með lausnir á því sem öðru  á stefnumóti við framtíðina á næsta laugardag.

Í heild finnst þessum bloggara Benedikt vera fremur þokukenndur um efnahagsmálin ef ekki mótsagnakenndur. Gengisfelling eigi að færa sjávarútveginum kjarabætur. Á sama tíma ætlar hann að selja frá þeim kvótann á uppboði og hækka þar með gjaldtökuna af sjávarútveginum?  Hann minnist ekki á þá kjararýrnun almennings sem verður af gengisfellingunni góðu. Verða ekki dýrari bílar,dýrara bensín dýrari vara það sem að almenningi snýr? Og Húsnæðislánin,  hækka þau ekki yfirleitt við gengisfellingu?  

 

Finnst engum nema mér þetta vera mótsagnir fremur en raunhæfar lausnir?

Benedikt sleppur við að vera spurður um afstöðu sína til almenns viðskiptasiðferðis á Íslandi. Hefði þó verið áhugavert umræðusvið sem almenningur hefur áhuga fyrir.  

Hefur Benedikt þessa miklu yfirsýn yfir hvaða mál eru erfiðust í íslensku þjóðfélagi?

Hefur  hann raunhæfar tillögur um hvernig hann ætlar að fást við innanlandsmál eftir að myntráði hefur verið komið á fót?

Hefur hann skýrt hversvegna  atvinnuleysi myndast í sumum Evrulöndunum í Evrópusambandinu? 

 

Er gengisfesta og myntráð Benedikts trúverðug stefna í efnahagsmálum Íslendinga?

 

 

 

 

 

 

 

 

 

 

 

 

 

No Borders?

flokkarnir stjórna mjög allri umræðu á þessu landi. Þeir vilja herða á innflutningi hverskyns hælisleitenda og flóttamanna og hvetja aðra Íslendinga til að taka skeggjuð börn í fóstur.

RÚV er með kosningakönnun. Þar er eins spurning sem ber ekki eins mikil merki þess að hafa verið handstýrt eins og maður gæti búist við. Þar er spurt um hvort þingmenn eigi að vernda íslenska þjóðmenningu:

"Ríflega sex af hverjum tíu sem hafa tekið kosningapróf RÚV vilja að alþingismenn beiti sér fyrir því að vernda íslenska þjóðmenningu. Um 30 prósent eru hins vegar mjög eða frekar ósammála því."

Er það virkilega svo að meirihluta Íslendinga þyki vænt um Ísland og fólkið sem þar býr? Menningu þess og sögu? Séu ekki alþjóðlega sinnaðir á undan því og stuðningsmenn opinna landamæra?

Erum við virkilega "No open Borders" fólk?

Frábær fundur með Bjarna

Ben í kópavogi rétt áðan Aldrei hefur verið jafn troðfullt í Sjálfstæðishúsinu og á þessum fundi það ég man.

Bjarni flutti yfirlit yfir stöðu mála og rakti þverstæðurnar í áróðri vinstri flokkanna 10. Þeir krefðust hærri launa um leið og þeir krefðust hærri skatta á þau laun. Þeir krefðust gjaldfrelsis þjónustu og ókeypis þessa og hins en um leið hærri ríkisútgjalda. En hvaðan eiga peningarnir að koma? Úr vösum ykkar skattgreiðendur góðir.

Þetta sama fólk var fremst í flokki við að vilja borga Icesave, það var á móti þjóðaratkvæði um Svavarssamningana eins og Bjarni lagði þá til á Alþingi.Þetta sama fólk dró Geir H. Haarde fyrir Landsdóm. Það hló að Sjálfstæðisflokknum fyrir að boða skattalækkanir og vilja þjóðaratkvæði um inngönguna í ESB áður en lagt var upp í aðildarumsóknina. Nú vilja allir þessir flokkar hækka skatta til að geta staðið undir útdeilingu ókeypis uppátækja sinna.

Nú heimtaði sama fólkið og studdi síðustu ríkisstjórn að Ísland gangi í ESB og taki upp EVRUNA sem er í bráðri hættu um þessar mundir með 50 % atvinnuleysi ungs fólks í sumum löndum.  Við höfum aðgang að innri markaðnum þó að við séum lausir við kostnaðinn af ESB sem Bretar vildu ekki lengur una.Hvað er að þessu fólki?

Sjálfstæðisflokkurinn einn boðar skattalækkanir. Hann hefur sýnt fram á að þetta var hægt. Hann sótti peninga í slitabúin sem fyrri ríkisstjórn gerði ekkert í og lækkaði með því skuldir ríkissjóðs. Þá segir Smári McCarthy að það sé allt í lagi að fá hér 50 % atvinnuleysi því þá hafi fólk tíma til að gera eitthvað annað.

Mikill einhugur ríkti á fundinum um að flokksmenn yrðu að berjast hart fyrir kosningarnar eftir viku. Hringja í aðra, og hvetja þá. Til dæmis stakk einn upp  á að allir þeir eldri hringdu í barnabörn sín fyrir kosningarnar. Í heitu pottunum og allstaðar sem fólk hittist yrði baráttan að fara fram.

Kominn er tími til að fólk opni augun og fari að hugsa hvernig umhorfs er á Íslandi um þessar mundir. Og hvert verður framhaldið ef Sjálfstæðisflokkurinn verður settur til hliðar og Píratar taka við? Fólk verður að hlusta og hugsa.

Að sinni rek ég ekki þennan frábæra fund með Bjarna  frekar en sjón var vissulega sögu ríkari.   

 

Leggjum niður RÚV

er mín niðurstaða eftir að hlusta á Hrafnaþing á ÍNN nú í kvöld.

Það er ekki hægt að þola lengur framgöngu þessarar stofnunar RÚV eins og hún  hefur verið rekin til margra ára. Hlutdrægni, pólitísk afskipti og ef ekki einskonar landráðastarfsemi með innflutningi erlendra afla til að ráðast gegn löglega kjörnum stjórnvöldum þessa lands er komin út fyrir allan þjófabálk.

Síðustu afrekin voru m.a. aðförin að Sigmundi Davíð þar sem erlendir aðilar í samsæri með íslenskum aðilum eru fluttir til landsins til að ginna forsætisráðherra landsins í viðtal á upplognum forsendum. Aðförin tókst og upphlaupslið og árásarsveitir kommúnista söfnuðust á Austurvöll og börðu Sigmund úr úr embætti sem kannski var búinn að vinna fyrir því að einhverju leyti.

Næst kostar Björk Guðmundsdóttir að sögn ferð Evu Joly til Íslands þar sem hún veður beint inn í þátt hjá RÚV til að blanda sér í íslensk innanríkismál rétt fyrir kosningar. Þar segir hún hreint út að okkar helstu ráðamenn séu helst ótíndir reyfarar sem skreyti í Panamaskjöl og þjóðin verði að kjósa frá í kosningunum eftir viku.  

Svokallaðir fréttamenn RÚV gapa upp í þessa konu sem hefur ekki hingað komið í annan tíma nema til að raka saman fé fyrir sjálfa sig og sá fræjum haturs og grunsemda í þjóðarsálina. Þessi franski kommúnisti með óverulegt kjörfylgi í sínu fósturlandi  situr upp á kaup fyrir franska alþýðu á Evrópuþinginu. Vinstri flokkarnir hérna ætla að keyra okkur í Evrópubandalagið með hjálp RÚV þar sem við munum fá 5 þingmenn alls af yfir 700 sem þá geta verið sessunautar Evu Joly. 

Hatursmaður Sjálfstæðisflokksins er fenginn til að setja saman klámþátt á RÚV til að hneyksla hvern meðal Íslending. Hann fær svo að setja saman skemmtiþátt sem reynir að falsa myndir af formanni Sjálfstæðisflokksins með því að sýna þær hægt sem gefa í skyn að hann sé blindfullur að baka kökur í barnaafmæli. Enn eitt stykkið í kosningabaráttunni af hálfu þessa endemis apparats RÚV.

Það eru gerðar skoðanakannanir af þessari stofnun sem allar stefna til vinstri, annað hvort með ráðum eða dáðum. Andstyggilegheit fréttamanna og spyrla í garð allra sem eru ekki vinstrisinnar eru svo áberandi og alvanaleg að þetta fólk er hætt að reyna að leyna því. Og Hemir Már Pétursson úr Allaballanum gamla hefur sama stílinn á Stöð 2 þar sem Jón Ásgeir ræður ríkjum.

Öllum þunga þessara miðla er svo beint beint gegn Sjálfstæðisflokknum sem á sér formælendur fáa.  

Allt þetta vinstra fólk kemur svo skælbrosandi fram í öðrum þáttum og þykist alhlutlausir venjulegir þulir og fréttamenn.

Ég hef verið stuðningsmaður Ríksútvarpsins frá dögum Jóns Múla og Gufunnar. Ég hef reynt að verja RÚV sjónvarpið lengst af og vonað að það myndi einhvern tímanna læknast af þeirri vinstri veiki sem þar er búíð að ríða húsum um árabil.Hún fer hinsvegar versnandi dag frá degi. Varla einn fréttamaður sem ég man í svipinn virðist vera hlutlaus á RÚV og heldur ekki á Stöð 2.

Nú er ég búinn að fá nóg. 

Ég vil loka þessari stofnun RÚV og leggja hana niður. Ég verð andstæðingur hennar og allra sem þarna vinna og bið hana aldrei þrífast. Hvernig henni verður lokað má einu gilda, seld eða rifin, hirði ég ekki um. 365 er löngu gjaldþrota að réttum lögum og safna áfram skuldum eins og RÚV.Einhvern tímann hlýtur að koma að skuldadögum. 

Ríkisútvarp  sem hljóðvarp, sem segir sannar fréttir úr umheiminum getur verið til umræðu að hafa áfram svipað og það var í gamla daga. Kannski er það eitthvað öryggistæki.  En Ríkissjónvarpið er óþarft með öllu og því á að loka. Það er pólitískt rauðlitað ,hlutdrægt og því óþolandi með öllu auk þess sem dagskráin er yfirleitt hundleiðinleg að margra dómi.

Burt með það og látum einkaframtakið sjá um sjónvarp til landsmanna. Það er búið að sýna það að tæknin er ekki til hindrunar á neinn hátt.  Einkaframtakið getur rekið sjónvarp miklu betur en kommarnir á RÚV eru að gera fyrir okkar skattfé.Það má leigja afnot af dreifikerfinu sem er sjálfsagt ágætt. En þessi stofnun sem slík hefur sannað sig sjálf að vera er óþörf og beinlínis skaðleg fyrir skoðanamyndun í landinu.

Kínverjar reka hér sitt ríkissjónvarp. Þeim væri í lófa lagið að blanda sér í okkar mál.AlJazera líka og svo er um fleiri erlendar stöðvar sem hér nást. Máttur þesara miðla er mikill til að hafa áhrif á Íslendinga. Áróðursbylgjur utan úr heimi brotna hér í íslenskum brjóstum. Það er því óþarfi að reka hér aðra stjórnmálastöð fyrir íslenskt skattfé rekur einhliða áróður eins og RÚV gerir.

 

Því segi ég: Niður með RÚV, lokum því og leggjum það niður.

 

 

 

Enginn kristinn

meðal sýrlenskra flóttamanna sem er verið að flytja til Akureyrar?

Myndir úr sjónvarpinu virðast sýna að bara múslímar séu valdir úr hópi flóttamanna til Íslands?

Er sneitt hjá kristnum sýrlenskum flóttamönnum?