Hverskonar fréttaflutningur?

er þetta að tala um fylgdarlaus flóttabörn til að blekkja almenning til vorkunnar?

Svo segir í Mogga:

"Fjórtán einstaklingar hafa sótt um alþjóðlega vernd hér á landi það sem af er ári og borið því við að þeir séu börn eða ungmenni án fylgdar. Í fyrra komu sjö fylgdarlaus flóttabörn hingað til lands. Samkvæmt upplýsingum frá Útlendingastofnun hafa tvö úr hópi þessara 14 ungmenna sagst vera 14-15 ára og tólf sögðust vera á aldrinum 16-18 ára. Þau koma frá Albaníu, Alsír, Írak, Marokkó, Pakistan, Sómalíu og Sýrlandi og í hópnum eru tvær stúlkur og 12 piltar.

Var ekki fólk fermt á Íslandi til að vera tekið í tölu fullorðinna? Síðan hvenær eru táningar með fulla kynorku taldir börn? Og ef við gerum ráð fyrir að þetta lið ljúgi til um aldurinn niður á við til að skapa samúð, þá er líklegra að þarna séu hermenn og vanir dráparar á ferð. Staðfastir Islamistar sem þeir þegja um. Og að Íslendingar eigi að taka þessi "börn" í fóstur er bara Ga-ga.

Í hvaða tilgangi er svona fréttaflutningur framleiddur?

 

Benedikt flokkseigandi

sat fyrir svörum á RÚV.

Megináhersla hans og Viðreisnar liggur á að taka upp aftur aðildarviðræður við Evrópusambandið eftir þjóðaratkvæði þar um. Ekki um það hvort þjóðin vilji ganga í það Samband þar sem hann á eftir að útskýra það fyrir okkur. Nei það á að halda áfram að kíkja í pakkann. Halda áfram bjölluatinu í Brussel hvað sem þjóðinni sýnist um raunverulega inngöngu.

Svo leggur hann til tafarlausa gengisfellingu með því að binda krónuna við evruna á gengi 130. Krónan sjálf var búin að ákveða að rétt gengi á henni væri 125.5 kr. 3.5 % lífskjararýrnun Íslendinga með gengisfellingu yfir línuna til að byrja með. Síðan á að binda krónuna við þetta gengi. Man einhver eftir evrunni á öðru gengi en 130? 180 t.d. eða 90?

Svo á að hirða 20 milljarða af útgerðinni til að gera góðverk. Þar verður hann að semja við Samfylkinguna sem vill hirða 200 milljarða. Hvor skyldi vinna?

Benedikt flokkseigandi er greinilega til í allt nema að starfa með núverandi stjórnarflokkum.

 

Stjórnarandstaðan flytur inn byssumann

í gerfi Evu Joly. Þessi leigubyssa frá Græningjum mætir á baráttufund til að rægja og rógbera forystu ríkisstjórnarflokkanna. Segir að þjóðin verði að kjósa þá frá af því að þeir séu gerspilltir.

Þessi gamli gullgrafari gerir ekki endasleppt með að krafsa sér mola á Íslandi undir því yfirskini að hún sé að hjálpa okkur. Ég held að hún sé frekar eftir fé og frama á okkar kostnað en að henni gangi einhver sannleiksást til. 

Ekki frekar en fyrri daginn ráða svona leigubyssur úrslitum í Alþingiskosningunum. 

Af hverju er ekkert gert?

annað en að segja frá alls kyns neyð í húsnæðismálum?

Mæður á flótta undan ofbeldi. Engin búsetuúrræði. Heilabilaðir á hrakhólum , ekkert húsnæði. Fleiri íbúðir en eru í byggingu +i túristaútleigu hjá AirBandB. Ungt fólk ær ekki leigt.Allt svo dýrt. Eiginlega enginn getur tekið á leigu neitt húsnæði í samkeppni við túristana.

Svo auglýsa Stólpi Gámar lausnina í sjónvarpinu. Huggulegir íbúðargámar sem kosta skídogkanel. Dagur Bergþóruson og hans lið geta ekkert gert. Bara sagt SorrýStína. Segjast ætla að byggja 5100 íbúðir. Hvenær skiptir ekki máli, þeir bera enga ábyrgð á neinu, hvorki sem þeir segja né gera ekki.

Það væri hægt að reisa fullt af íbúðum í hvelli úr gámum ef búnar væru til götur með frárennsli og hita. Þær færu ekkert þó gámarnir færu. Nei, orkan beinist að léttlestakerfi jafnvel alla leið til Keflavíkur og þrengingu Grensásvegar. Og ráða fleiri félagsráðgjafa fyrir húsnæðislaust fólk.

Þvílíkir framkvæmdamenn sem geta bara ekkert gert í húnæðismálum nema til langrar framtiðar sem þeir vita að þeir munu ekki lifa.

Sérstaða Viðreisnar

hlýtur að vera einhver úr því að Bwenedikt flokkseigandi hikar á tilboði kapteins Birgittu. 

Hann skrifaði þessa grein árið 2009 í Morgunblaðið:

"Stefna stjórnmálaflokkarnir að nýju hruni?

EFTIR nokkra daga verður kosið til Alþingis. Því miður virðist sem stjórnmálaflokkarnir geri sér enga grein fyrir því, að ef ekki er gripið til ráðstafana nú þegar er líklegt að yfir þjóðina dynji annað stóráfall og þjóðin verði um langa framtíð föst í fátæktargildru.

 

Erlendir loddarar tala um að Íslendingar eigi að gefa skít í umheiminn og neita að borga skuldir sínar. Margir virðast telja að slík leið sé vænleg. Enginn stjórnmálamaður talar um það að landið hefur misst lánstraustið og mun ekki endurvinna það fyrr en við sýnum að okkur er alvara með því að vinna með samfélagi þjóðanna.

 

Fjárhættuspil

Forráðamenn og eigendur bankanna lögðu mikið undir í útrásarveðmálinu. Þjóðin var sett að veði án þess að nokkur bæði hana leyfis. Gagnrýnisraddir voru fáar og þeir sem vöruðu við hættunni voru nánast taldir landráðamenn eða kjánar. Árum saman var bent á það að með sjálfstæðum gjaldmiðli væri gífurleg áhætta tekin. Krónan hefur lengi verið rangt skráð. Á velmegunarárunum var hún svo sterk að hér fylltist allt af jeppum og flatskjám, nú er hún svo veik að Austur-Evrópumenn vilja ekki lengur vinna fyrir þau laun sem hér bjóðast.

 

Atvinnuleysi eykst dag frá degi, gengi krónunnar hrapar, vextir eru miklu hærri hér á landi en í samkeppnislöndum og bankarnir eru vanmegnugir. Ríkið þarf að taka mjög há lán og fyrirsjáanlegt er að vaxtagreiðslur verða stór hluti af útgjöldum þess næstu árin. Í ljósi alls þessa er mikilvægt að leitað verði allra leiða til þess að bæta hag íslenskra heimila og fyrirtækja og koma jafnframt í veg fyrir að ástandið versni enn frá því sem nú er.

 

Almenningur á erfitt með að skilja hvert stefnir. Peningar eru hagkerfinu jafnnauðsynlegir og súrefni líkamanum. Nú vilja fáir lána þjóðinni peninga og þeir peningar sem fást eru þá á afarkjörum. Hin einfalda aðgerð »að hætta að borga skuldir óreiðumanna« hefur lamað hagkerfið allt. Í fréttum hefur komið fram að sterkt fyrirtæki eins og Landsvirkjun þarf að endurfjármagna lán innan tveggja ára. Tekst sú endurfjármögnun og verður það á vöxtum sem fyrirtækið ræður við? Hvaða stjórnmálamaður vill stefna framtíð þessa fyrirtækis í hættu?

 

Þjóðin geldur nú fyrir það dýru verði að hafa haldið í gjaldmiðil sem komið hefur heimilum og fyrirtækjum landsins í glötun og leitt til einangrunar. Ráðamenn skelltu áður skollaeyrum við aðvörunum. Ætla þeir að endurtaka leikinn núna?

 

Evran og Evrópusambandið

Með því að Ísland láti reyna á umsókn um aðild að Evrópusambandinu er líklegt að trú umheimsins á landinu vaxi á ný. Nú eru víðtæk höft í gjaldeyrisviðskiptum. Lánstraust íslenskra aðila er mjög lítið.

 

Íslensk fyrirtæki fá ekki afgreiddar vörur erlendis nema gegn staðgreiðslu og erlendir aðilar vilja ekki koma að fjármögnun íslenskra framkvæmda. Allt er ótryggt varðandi endurfjármögnun erlendra lána, eins og margir Íslendingar hafa fengið að reyna að undanförnu. Stór íslensk fyrirtæki íhuga nú, eða hafa þegar ákveðið, að flytja höfuðstöðvar sínar úr landi til þess að fá traustara rekstrarumhverfi. Ísland er nær vonlaus fjárfestingarkostur meðan ekki hefur verið mótuð nein framtíðarstefna í peningamálum og almennu efnahagsumhverfi. Þessu þarf að breyta og Íslendingar mega ekki hrekja bestu fyrirtæki landsins til útlanda. Nú er þörf á að fjölga störfum en ekki fækka.

 

Sveiflur á gengi krónunnar og hið mikla fall hennar hafa komið mjög illa við bæði almenning og fyrirtæki á Íslandi. Innganga í ES, þar sem stefnt yrði að þátttöku Íslands í evrópska myntsamstarfinu svo fljótt sem auðið er, myndi draga úr óvissu í efnahagsmálum.

 

Síðustu forvöð

Það er ekki bara fyrirsjáanlegt "seinna hrun" sem gerir það að verkum að brýnt er að sækja um aðild að ES. Mjög margt bendir til þess að ef ekki verður gengið til viðræðna þar um á næstu mánuðum geti þjóðin misst af lestinni í allmörg ár.

Forsvarsmenn sambandsins hafa lýst því yfir að nú beri að hægja á stækkun þess. Þó er talið að Króatía eigi möguleika á því að komast inn í sambandið áður en lokað verður á inngöngu annarra um skeið og er talið líklegt að bærist umsókn frá Íslandi yrði hún afgreidd á sama tíma. Þetta er sérstaklega mikilvægt í ljósi þess að á seinni hluta árs 2009 verður Svíþjóð í forsvari í Evrópusambandinu, en líklegt verður að telja að Norðurlandaþjóð myndi styðja hratt umsóknarferli Íslands. Auk þess hefur stækkunarstjóri ES, Olli Rehn, lýst yfir miklum velvilja í garð Íslendinga og sagt að umsókn frá Íslandi yrði afgreidd hratt. Því er brýnt að hefja viðræður meðan viðmælendur hafa ríkan skilning á stöðu Íslands.

 

Sjávarútvegsstefna ES er til endurskoðunar og skal henni lokið fyrir árið 2012. Um leið og Íslendingar lýsa vilja til að hefja aðildarviðræður, verður þeim auðveldara að koma sjónarmiðum sínum um sjávarútvegsstefnuna að. Næsta endurskoðun verður ekki fyrr en árið 2022, þannig að stefnan sem nú verður mótuð mun gilda í 10 ár. Það er ábyrgðarhluti að Íslendingar sitji af sér tækifæri til þess að hafa áhrif í svo miklu hagsmunamáli.

Raunvextir á Íslandi eru nú 10-15% meðan nágrannalöndin hafa fikrað sig nær núllinu við hverja vaxtaákvörðun. Því er staða íslenskra fyrirtækja afar slæm gagnvart erlendum samkeppnisaðilum.

 

Skuldir ríkisins stefna nú í 1.500 milljarða króna. Hvert prósentustig í vöxtum jafngildir 15 milljörðum króna. Ef vaxtaálag lækkar um 3% við það að ganga í Evrópusambandið, eins og ráða má af kjörum lána til ES-ríkja sem eru nú í vanda, sparar það 45 milljarða króna vaxtagjöld á ári. Það er um það bil þriðjungur af fjárlagahalla þjóðarinnar. Hvort telja stjórnmálamenn skynsamlegra að taka upp evru og lækka vexti eða beita sársaukafullum niðurskurði ríkisútgjalda á enn fleiri sviðum en ella?

 

Ekki má gleyma því að í Evrópusambandinu eru okkar helstu bandalags- og vinaþjóðir sem Íslendingar hafa árum saman haft samstarf við innan Atlantshafsbandalagsins, EFTA og EES. Til samningaviðræðna við þessa aðila gengi þjóðin með fullri reisn, fullbúin að láta á það reyna hvað samningaviðræðurnar færðu henni. Það er ábyrgðarhluti að bíða með það, þegar við blasir að slíkt getur leitt til verri vaxtakjara, minni atvinnu, lakara lánstrausts og almennrar vantrúar á þjóðinni, einmitt á tímum þegar trausts er þörf.

 

Hvað gerist ef þjóðin sækir ekki um aðild að Evrópusambandinu?

 

1. Stórfyrirtæki flytja höfuðstöðvar sínar úr landi

 

2. Útlendingar þora ekki að fjárfesta á Íslandi

 

3. Fáir vilja lána Íslendingum peninga

 

4. Þeir sem vilja lána þjóðinni gera það gegn okurvöxtum

 

5. Atvinnuleysi, vaxtaokur og gjaldþrot verða viðvarandi

 

6. Þjóðin missir af Evrópulestinni næstu tíu ár

 

7. Íslendingar verða áfram fátæk þjóð í hafti

 

 

Samfylkingin er eini flokkurinn sem vill sækja um aðild að Evrópusambandinu án skilyrða. En loforð stjórnmálamanna hafa reynst haldlítil þegar á reynir. Aðrir flokkar draga lappirnar og setja þannig framtíð þjóðarinnar í stórhættu. Ólíklegt virðist að eftir kosningar verði sótt um aðild tafarlaust eins og þó er lífsnauðsyn.

 

Síðastliðið haust var aðstoð Alþjóðagjaldeyrissjóðsins eina haldreipi þjóðarinnar til skamms tíma. Sumir töldu að þjóðinni væri meiri sæmd að því að sökkva en grípa þann bjarghring. Sem betur fer var farið að viturra manna ráðum í því efni. Þeir sem hafna nú Evrópusambandsaðild hafa ekki bent á neina aðra leið úr rústum bankahrunsins.

 

Eina úrræði þjóðarinnar er að taka málin í sínar hendur og krefjast þess að stjórnmálamenn setji málið á dagskrá. Það geta menn gert með því að undirrita áskorun til stjórnvalda á vefsvæðinu   www.sammala.is   þar sem þeir taka saman höndum sem eru sammála um að ríkisstjórnin, sem tekur við völdum að loknum kosningum 25. apríl, eigi að hafa það eitt af sínum forgangsverkefnum að skilgreina samningsmarkmið og sækja um aðild að Evrópusambandinu. "

Þá er spurning, hvað hefur breyst hjá Benedikt?  Af hverju talar hann ekki um hvað hann vill nú gera? Þjóðin  er greinilega að fara inn í nýtt hrun samkvæmt hans spádómum.

Er ekki kjörið tækifæri til að taka forystuna yfir vinstri öflunum og koma Íslandi í Evrópusambandið, borga Icesave afturvirkt svo Ísland einangrist ekki?

Viðreisn hlýtur að hafa algera sérstöðu við myndun næstu vinstristjórnar.?

 

 

Þá höfum við það

hvernig Píratar ætla að taka yfir eftir kosningar.

Allir vinstri menn og Evrópusinnar sameinast um vinstri stjórn. Benedikt flokkseigandi hikar einn. Kannski þurfa þeir hann ekki frekar en Jóhanna þurfti Simma 2009.

Þá höfum við það á borðinu.

Kerlingavæðing samfélagsins

er farin að ganga út í öfgar að mér finnst. Það er ekki sú starfsgrein til sem kerlingar tala ekki um að þær vilji starfa í jafnt og karlar.

Er þetta eðilegt?

Eiga konur að vera hermenn í fremstu víglínu? Hvað hefði Alexander mikli sagt við slíkri uppástungu? Eða Adolf Hitler? Eða Georg S. Patton? Hvað er göfugra en móðirin? Það geta ekki karlar leikið eftir.

Hvernig gefast okkar kvenkyns lögreglustjórar? Eru konur á réttum stað þegar átaka er von? Af hverju þarf að fjölga körlum í stétt yfirsetukvenna? Spyrjið til dæmis Sæma Rokk eða Stóra Björn sem hafa reynsluna?

Til hvers eru eistun? Af hverju er betra að hafa píku til allra verka frekar en pung?

Er þessi kerlingavæðing samfélagsins ekki komin út í öfgar og ónáttúru?

Gísli Marteinn

stóð fyllilega undir væntingum mínum í síðasta leiðindaþætti sínum á RÚV.

Gísla er illa við sinn gamla flokk sem hann yfirgaf óbeðinn. En hvað honum gengur til að sýna myndir af Bjarna Bendiktssyni að baka köku fyrir börnin sín blindfullan? Alveg sama þó síðar kæmist upp að myndin var fölsuð af tæknimönnum RÚV.

Af svipuðum toga var sýningin ósmekklega fyrir skemmstu þegar Áslaug Eva gekk þegjandi út frá viðbjóðnum þegar Gísli sat eftir skælbrosandi og minnti helst á Alfreð E. Newman í Mad-Magazine.

Næst ætla ég að slökkva á þætti Gísla Marteins áður en hann byrjar.

Kári í djöfulmóð

skrifar grein í Fréttablaðið í dag sem særir mig. Vegna þess hversu mikill aðdáandi og stuðningsmaður dr. Kára Stefánssonar ég hef verið og er, því sárar taka mig þessi skrif.

Ég vildi geta huggað mig við að Kári karlinn hafi verið fullur þegar hann skrifaði þetta. En hann er sjálfsagt stakur reglumaður og varla hægt að kenna Bakkusi greyinu um þetta. Enda fær hann víst nóg samt karlinn sá.

Það er eiginlega svo barnaleg röksemdafærsla í greininni að manni dytti ekki í hug að velta henni fyrir sér nema af því að það er sjálfur dr. Kári á í hlut.

Hvernig dettur honum i hug að eitthvað einvígi hans við Bjarna á Stöð 2,ráði einhverjum úrslitum í heilbrigðismálum Íslendinga?

Síðan hvenær heldur dr. Kári, að gamall kommúnisti geti sagt Sjálfstæðisflokknum fyrir verkum með það að fleygja formanni sínum út á eyrunum?

Var hann dr. Kári örugglega ófullur við að skrifa svona rökleysur í þessum djöfulmóð?

 

70 sinnum meiri sýklalyf

eru notuð á Spáni en á Íslandi til að framleiða hvert kíló af matvöru.50 sinnum meira í Þyskalandi, 30 sinnum meira í Danmörku og 2x sinnum meira í Noregi.

Fjölónæmar bakteríur koma með þessum matvælum ef þau eru flutt hingað. Þessar bakteríur eru hugsanlega mesta ógn sem steðjar að mannkyninu á næstu árum. 

Við Íslendingar megum hugsa um þetta þegar við hugsum um okkar landbúnað. Hvílík blessun er að hafa aðgang að slíkum vörum til neyslu og hér gefast.

Þetta kom fram í máli Jóns Gunnarssonar alþingismanns á fjölmennum fundi Sjálfstæðismanna í Kópavogi í morgun.

Þessum bloggara finnst það algert brjálæði að vera að verja ríkisfé til að greiða niður útflutning á íslenskum uppblæstri þar sem er um offramleiðslu kindakjöts að ræða. Fleiri aðilar eru á fullu við þessa starfsemi.  Einn ræðumanna sagði að verið væri að setja 400 milljónir í þennan útflutning í einu ráðuneytanna til viðbótar og bað Jón að gæta að því.

Vilhjálmur Bjarnason skýrði víglínur flokksins þar sem þær liggja í S-V og Suður kjördæmum. Hann kvað svo margt hafa áunnist á þessu kjörtímabili að málefnastaða flokksins yrði vart betri. Vissulega væri djarft siglt í ferðaþjónustunni og mikið undir þar.

Vilhjálmur vildi flokka Ísland með Evrópuþjóðum í ljósi sögunnar af EFTA og EES. Hann þurfti að fara af fundi áður en þessi bloggari gæti hjólað í hann fyrir þessi ummæli. Hann telur að Ísland búi við allt annan efnahagsfasa en Evrópuþjóðirnar. Hér styrkist gengið meðan Evran fellur, hér er atvinnuleysið 2 % meðan það er  margfalt í Evrópu. Ísland er Ísland byggt sjálfstæðum Íslendingum.

Ísland er sjóveldi, Naval Power,  eins og Stóra-Bretland og er ekkert skylt kotungunum í Evrópu nema helst í gegn um tónlist og þjóðsögur. Bloggari lítur á sig sem Íslending með meiri tengingar vestur um haf þar sem jafnstór íslensk þjóð býr og hér.Hann mótmælir svona kotungsskap eins og honum fannst Vilhjálmur lýsa með þessum ummælum og áskilur sér rétt til að ræða þetta nánar við vin sinn Vilhjálm þó síðar verði.

En 70 sinnum meiri sýklalyfjanotkun í landbúnaði í Evrópu heldur en á Íslandi á að vera hugsandi fólki sem þykist vera Evrópusambandssinnar viðvörun. Það væri skelfilegt að hleypa hingað óheftum innflutningi frá Sýklalyfjamenguninni í Evrópusambandinu í staðinn fyrir okkar hreinu landbúnaðarvöru.