Baugsfíflin

hans Þorvaldar Gylfasonar prófessors doktors og stórkrata erum við kjósendur.

Enn einu sinni þiggur prófessorinn dúsu frá Baugsveldinu fyrir að hræra steypu ofan í kjósendur. Sjálfsagt í von um að einhverjir trúi endurtekinni lyginni að hætti doktors Jósefs og kjósi Samfylkinguna.

Hann skrifar núna:

" ....Úrslitum kosninga verður ekki undir nokkrum kringumstæðum breytt eftir á. Aldrei. Væri veitt færi á að hunsa úrslit kosninga eftir hentugleikum og bíða heldur úrslita næstu kosninga í von um önnur úrslit væri það ávísun á heimild handa stjórnmálamönnum til að endurtaka kosningar eins oft og þeim sýnist þangað til úrslit fást sem þeir geta sætt sig við.

 Slíkt háttalag á ekkert skylt við lýðræði.

 Menn hafa velt því fyrir sér hvernig það gat gerst að 67% kjósenda lýstu stuðningi við nýja stjórnarskrá í október 2012 og 51% kjósenda greiddu Sjálfstæðisflokki og Framsókn, andstæðingum stjórnarskrárinnar, atkvæði sitt hálfu ári síðar í apríl 2013. Hvers vegna?

Eru kjósendur kleyfhugar? Sveimhugar?

Fífl?..."

Enn reynir prófessorinn að halda því fram að 67 % kjósenda landsins þrái ekkert heitara en stjórnarskrársuðu hans sjálfs þegar þáttökuleysið gerði að verkum að mikill minnihluti kjósenda samþykkti þetta. Enda var atkvæðagreiðslan dæmd ómerk af Hæstarétti.

En Þorvaldur hefur tekið eftir því að það má endurtaka atkvæðagreiðslur þangað til rétt niðurtaða fæst. Þannig hafa vinnubrögðin iðulega verið í kring um Evrópubandalagið.

Sagt er að hundurinn bíti aldrei í þá hendi sem fæðir hann. Það útskýrir sauðtryggðina og það að prófessornum finnst kjósendur hugsanlega vera bæði sveimhugar og fífl að kjósa ekki rétt.

Storm P

(Robert Strom Petersen September 19, 1882 – March 6, 1949) var í gamla daga óaðskiljanlegur frá jólunum. Þá komu út Blæksprutten og Hudibras og þar voru þessar óborganlegu teikningar með heimspekilegum athugasemdum gjarnan frá rónunum.

Þessi rit hef ég ekki séð lengi og kannski eru þau hætt að koma út.

Það er gaman að skoða myndirnar hans sem maður getur séð  eitthvað af á netinu. Sannur listamaður var þessi maður til munns og handa.

Fræg er þessi auglýsing sem Ölgerðin notaði lengi:

 

"Heyrðu Perikles, hvenær smakkast Tuborginn best ?

Períkles svarar: "Í hvert skipti!"

Storm P var einstakur.

 

 

Voru vaxtabætur óþarfar?

spyr maður sig þegar maður sér töfralausn kratanna að borga út 5 ára vaxtabætur fyrirfram eða 3 milljónir og nota sem útborgun í íbúð.

Segjum að eftir standi 40 milljónir sem þarf að taka að láni? Hver verður vaxtabyrðin af því láni? Getur fólk borgað það án ríkisaðstoðar eins og var?

Er þetta bara ekki eins og á myndinni hans StormP hvernig maður gefur svöngum hundi að éta?

Þegar maður er að fara í kosningar þá er um að gera að hafa ráð undir rifi hverju. Það hefur Samfylkingin séð.

Af hverju má bara ekki afhenda ungu fólki litla íbúð útborgunarlaust. Láta það síðan greiða hana niður mánaðarlega? Ekkert greiðslumat bara útburður ef ekki er borgað og Vesgú næsti?

Til hvers voru annars vaxtabætur?

 

 

Hlustum á Björn!

Bjarnason fyrrverandi Dómsmálaráðherra. Myndi þetta viðgangast ef hann réði? 

 

Hann skrifar svo þann 4. október:

"

Í Morgunblaðinu í dag segir að neyðarskýli fyrir hælisleitendur verði opnað í dag á Krókhálsi í Reykjavík þar sem Lögregluskólinn var áður. Um 40-60 hælisleitendur muni dveljast þar en um sé að ræða bráðabirgðaúrræði. Í frétt á ruv.is segir vegna þessa:

 

„Aldrei hafa jafn margir sótt um hæli hérlendis líkt og gerðu í ágúst og september síðastliðnum. Húsnæðið sem Útlendingastofnun hefur til umráða fyrir hælisleitendur var fullnýtt um miðjan september og grípa hefur þurft til þess ráðs að koma hælisleitendum fyrir á hótelum og gistiheimilum.“

 

Jón Brynjar Birgisson, sviðsstjóri neyðarvarnasrviðs Rauða krossins, segir Rauða krossinn hafa verið viðbúinn auknum fjölda hælisleitenda hér á landi á þessu ári en ekki hafi verið búist við að svo margir kæmu í einu, líkt og hefur verið á síðustu vikum.

 

Allt ber hér að sama brunni og áður. Á sama tíma og nágrannaþjóðir fagna fækkun hælisleitenda fjölgar þeim hér. Fjölgunin á einkum rætur að rekja til komu fólks frá Albaníu og Makedóníu sem á engan lagalegan rétt til að fá hér hæli en er í nokkrar vikur, mánuði og jafnvel ár á opinberu framfæri hér á meðan mál þess velkist í kerfinu – nú dragast mál á langinn hjá opinberri kærunefnd og þeim sem framkvæma brottflutning fólksins eftir úrskurð um brottvísun.

 

Það er í sjálfu sér frekar nöturlegt að gamalt húsnæði Lögregluskólans skuli notað sem neyðarrými til bráðabirgða fyrir hælisleitendur. Virðist þeirri ráðstöfun tekið sem næsta sjálfsögðum hlut í fréttum í stað þess að leita skýringa á hvers vegna svona er komið í þessum málaflokki þegar unnt er að beita mun öflugri úrræðum en gert er til að draga úr fjölda þeirra sem hingað koma.

 

Ólöf Nordal innanríkisráðherra hefur lýst áhyggjum af ástandinu. Hún glímir hins vegar við sama vanda og ýmsir forverar hennar á stóli dómsmálaráðherra sem sætt hafa gagnrýni þingmanna vilji þeir efla varnir á þessu sviði sem öðrum.

 

Sé því hreyft að huga þurfi að hervörnum Íslands eða vopnum fyrir lögreglumenn reka þeir gjarnan upp ramakveim sem mega ekki heyra minnst á að allt sé gert sem lög leyfa til að stemma stigu víð ólöglegri komu fólks hingað. Hér er áhrifamikill hópur sem vill engar ráðstafanir til að verja eða vernda land og þjóð, allt á að standa opið."

Sumir segja að ég fari með staðlausa stafi í fyrri færslum. En nú segir Björn þetta og ég tek meira mark á Birni en mörgum öðrum.

Mér finnst ekki úr vegi að Ólöf hlusti nú á Björn og þiggi ráð.

 

 

 

 

 

Lögregluskólinn lagður niður

svo hægt sé að hýsa 40 hælisleitendur. Enginn lögregluskóli er starfandi en hælisleitendum fjölgar um marga tugi á dag.

Er engin leið að stöðva þessa geðveiki  sem ræður móttöku hælisleitenda? Bara snjóa þeim inn þegar Íslendingar eru húsnæðislausir?

Til hvers höfum við eiginlega ríkisstjórn? Varð hún verklaus þegar Sigmundur fór?

Verðum við ekki að sjá um að reka Lögregluskóla óslitið?

Smári McCarthy

sat fyrir svörum í RUV í gærkveldi.

Sagt er að hann sé forsætisráðherraefni flokks Pírata. 

Maðurinn er alþjóðlega sviðsvanur og með víðtæka reynslu að baki. Spurning er hvort það sé nægilegt til þeirrar stöðu sem hann sækist eftir. Mér fundust nú svör hans við spurningum fréttamanna ekki mjög skýr þar sem hann vísaði ítrekað í það samráð við grasrótina sem hver Pírati þyrfti að hafa. Þetta bendir ekki til mikillar félagsmálareynslu. Fréttamenn lögðu ítrekað áherslu á skyndilega ákvarðanatöku en Smári fannst mér ekki svara því beint eða sannfærandi. 

Hann var spurður um framkvæmd prófkjara hjá Pírötum og varðist fimlega spurningum um afskipti kapteinssins. Hann hafði þó þetta að segja um hann í blaðagrein(Grapewine 2012):

"...Actually, people have found one other thing to complain about. It’s one of our members—my colleague Birgitta Jónsdóttir. I’ll admit that in many ways it would be a hell of a lot simpler if she weren’t a member of the Icelandic Pirate Party because then self-righteous pundits would have even less to bitch about, but frankly, she is a valuable asset for a party like ours..."

Smári er greinilega vel lesinn maður og veraldarvanur og trúir á nauðsyn stjórnarskrárbreytinga. En ég efa þó að hann hafi nægilega stjórnmálareynslu til að geta leitt stjórnarsamstarf og þá sérstaklega með Birgittu svífandi yfir vötnum sem er ekki auðveld viðfangs. Til þess þekkir maður of lítið til hans. Hvernig honum gengi gegn til dæmis Steingrími J. sem má telja líklegan samstarfsmann eftir kosningar?

Hann kom inn á að krónan væri vandamál fyrir Íslendinga vegna vaxtanna. En fréttamenn slepptu honum alveg við að útskýra þetta nánar. Vill Smári McCarthy binda krónuna við Evru eins og Benedikt flokkseigandi eða hvað vill hann í gjaldmiðilsmálum?

Hann var ekki eindreginn í að hafna samstarfi við Sjálfstæðisflokkinn eftir kosningar,  heldur vildi snúa spurningunni við. Það kannast ég ekki við að hafi komið upp. Hvað segir þá Birgitta sjálfstæðum skoðunum Smára?

Viðtalið skilaði mörgum ósvörðuðum spurningum um Pírata og Smára McCarthy. Hann er vissulega áhugaverður maður en er í mínum augum of stórt óskrifað blað pólitískt séð.

En kemur þetta ekki allt í ljós innan örskamms tíma?

Er fýla í Framsókn?

Einhver svona fyrst í stað.

En það er fráleitt að flokkurinn sé klofinn. Fólk leggur allt of mikið upp úr einstaka persónum. Ég man að ég gekk út af landsfundi með Þorsteini Pálssyni eftir sigur Davíðs. Hann var alveg rólegur og við báðir vorum áreiðanlega ekki að hugsa um Sjálfstæðisflokkinn sem klofinn flokk. Enda varð Þorsteinn ráðherra flokksins mörg ár eftir þetta.

Ég get ekki séð mikinn mun á þessum atburði og  núna hjá Framsókn.Það er bara verið að skipta út mönnum. Sigmundur er í oddvitastöðu í sínu kjördæmi. Hann þarf ekkert að vera á leið í útlegð í Timbúktu svona þegar fnykurinn fer frá. Flokkur er flokkur og atkvæði er atkvæði.

Ég helda að fýluna leggi fljótt frá.

 

Aldraðir og öryrkjar

eru Björgvin Guðmundssyni hugleiknir. Þessi óþreytandi baráttumaður segir svo á bloggsíðu sinni:

"Hilmar, yngsti sonur minn,las úr bók minni " Bætum lífi við árin" á bókarkynningu minni í gær.Hann las m.a. eftirfarandi:Hvaða leyfi hafa stjórnarherrarnir til þess að halda kjörum lífeyrisþega niðri? Fengu þeir eitthvað umboð til þess í síðustu kosningum að hlunnfara aldraða og öryrkja á sama tíma og allir aðrir í þjóðfélaginu fá miklar kjarabætur?Var það ekki þveröfugt.Sögðust þeir ekki ætla að stórbæta kjör lífeyrisþega? Ég man ekki betur.

Á landsfundi Sjálfstæðisflokksins 2013 var eftirfarandi samþykkt:Ellilífeyrir verði  leiðréttur strax til samanburðar við þær hækkanir sem orðið hafa á lægstu launum frá 2009.Þarna er engin tæpitunga töluðu.Því er lofað að ellilífeyrir verði leiðréttur vegna launahækkana ekki seinna heldur strax.En núna 3 árum seinna er ekkert farið að gera í að efna þetta loforð.

Þetta loforð,sem sonur minn las upp á bókarkynningunni er stærsta loforðið,sem stjórnarflokkarnir gáfu öldruðum og öryrkjum.Til þess að efna það þarf að hækka lífeyri um a.m.k. 56 þúsund krónur á mánuði.Það er kosningaloforð og nú á morgun og I byrjun vikunnar er síðasti möguleiki að efna þetta loforð.Þar fyrir utan ber stjórnvöldum skylda til þess að hækka lífeyri svo mjög,að hann dugi örugglega til framfærslu.Það er ekki víst,að 56 þús króna hækkun dugi til þess,þar eð ríkið hrifsar drjúgan hluta lífeyrisins í skatta.Ég tel,að lífeyrir eigi að vera skattfrjáls.

Björgvin  Guðmundsson

Eru við í Sjálfstæðisflokknum að fara fram í kosningar út á þessa samþykkt okkar á landsfundi 2013? Getum við gert eitthvað annað en að lofa meiru? 

Er ekki verið að horfa á okkur af öldruðum og örsyrkjum?

Píratastefnan

er aðgengileg á vefnum. Ég gluggaði aðeins í þetta og tók eftir þessum atriðum:

1. Stefna beri að fullum og algjörum aðskilnaði ríkis og kirkju og jafnri stöðu allra trúar- og lífsskoðunarfélaga. Um Þjóðkirkjuna gildi sömu lög og reglur og um önnur trúar- og lífsskoðunarfélög.
2. Endurskoða beri samninga ríkisins við Þjóðkirkjuna um kirkjujarðir (frá 1997) og prestsetur (frá 2006) með tilliti til:
3. a) Þess hvort greiðslur ríkisins séu sanngjarnar og eðlilegar miðað við þær eignir sem um ræðir.
4. b) Þess hvort skynsamlegra sé að greiðslur ríkisins verði skilgreindar sem afborganir heldur en sem greiðslur fyrir afnot.

 

Það er gott að þessi afstaða til þjóðkirkjunnar liggur fyrir. Líklega mun þessi eindregna afstaða verða einhverjum leiðbeining í komandi kosningum.

Evrópusambandið:

1. Ísland má aldrei gerast aðili að Evrópusambandinu án þess að aðildarsamningurinn fari í þjóðaratkvæðagreiðslu eftir að hann hefur verið kynntur þjóðinni með hlutlausum hætti.
2. Gangi Ísland í Evrópusambandið skal það vera eitt kjördæmi í kosningum til Evrópuþingsins.
3. Gangi Ísland í Evrópusambandið skal íslenska vera eitt af opinberum tungumálum þess.
4. Ef aðildarviðræður um inngöngu Íslands í Evrópusambandið stöðvast, eða aðild verður hafnað af öðrum hvorum aðila, þarf að leitast við endurskoðun á samningnum um Evrópska efnahagssvæðið, til að tryggja betur sjálfsákvörðunarrétt Íslands. Ótækt er að Ísland þurfi að taka upp stóran hluta af Evrópskri löggjöf í gegnum viðskiptasamning án þess að fá fulltrúa eða áheyrn.
5. Skilyrði Pírata fyrir inngöngu Íslands í Evrópusambandið eru undanþága frá upptöku á gagnageymdartilskipuninni (2006/24/EC) og reglugerð um fullnustu óáskoraðra krafna (1869/2005/EC), þar sem annars yrði gengið gegn grundvallarmannréttindum.

 

Greina menn samúð með inngöngu eða ekki? Smári McCarthy er merktur sem höfundur að þessari stefnu sem fleirum  og hann er einmitt á Sprengisandi þegar ég er að skoða þetta. Hann segist þar vera bæði vinstri-og hægri maður. En spillingin sé meiri hægra megin og dragi úr áhuga Pírata á samstarfi til hægri. Þrátt fyrir margt gott fólk sé spillingin að ráða ferðinni hægra megin. Þá hafa menn það. Vinstra samstarf er hugmyndafræðingnum  Smára McCarthy hugstæðara.

Flóttamenn og hælisleitendur er ein heild í hugum Pírata.

1. Veita beri þeim flóttamönnum atvinnuleyfi sem geta stundað atvinnu, í samræmi við Flóttamannsamning SÞ.
2. Endurskoða skuli reglur um læknishjálp, í samræmi við reglur Flóttamannsamnings SÞ um opinbera aðstoð. Eins og er, er eingöngu veitt neyðarþjónusta þegar líf er í bráðri hættu.
3. Vinna skal með bæjarfélögum að því að gera flóttamönnum kleift að stunda nám og/eða vinnu, þar sem mestur möguleiki er fyrir þá að stunda slíkt.
4. Setja skal upp áætlun sem felur í sér að hætta að misnota Dyflinarreglugerðina til að senda hælisleitendur úr landi, a.m.k. þar til Ísland hefur nálgast önnur lönd sem eru aðilar að reglugerðinni í fjölda flótttamanna miðað við höfðatölu.
5. Endurskoða vinnulag og reglur Útlendingastofnunar og færa nær alþjóðlegum samþykktum. Þ.e.: hætt skuli að brjóta á réttindum flóttamanna, sem fest eru í alþjóðleg og íslensk lög; Útlendingastofnun skal ekki senda flóttamenn úr landi meðan mál þeirra er rekið á Íslandi.

Það er nokkuð ljóst að þetta er no-borders lína og vill opna allar gáttir varðandi aðstreymi flóttafólk og hælisleitenda. 

Píratar virðast hvergi gera tilraun til þess að tengja kostun við stefnumál sín. Þau eru því hreinar hugsjónir án tengingar við hið mögulega. Það yrði erfitt fyrir ábyrgan stjórnmálaflokk að semja við slíkt lausbeislað lið.

Píratastefnan vekur upp fleiri spurningar en hún svarar.

 

 

http://agbjarn.blog.is/

er með tengil undir "Undur um nótt" inná 80 ára afmælissýningu VERKÍS á Suðurlandsbraut árið 2012. Sýnir kannski einhverjum húmanistum að verkfræðingum er ekki alls varnað á listræna sviðinu.

Það er alveg þess virði að skoða þetta hjá Gústa frænda.