Gylfi Þ.Gíslason

er einn af þeim örfáu virkilegu yfirburða kennurum sem ég kynntist um ævina.Það er víst hundrað ára tíð hans í dag.

Hann kom inn í 3. bekk C til okkar í MR 1953. Stássklæddur,sléttgreiddur með þverslaufu. Höfðinglegur.

Allar bækur af borðunum var það fyrsta sem hann sagði. Hér vorum við greinilega komnir í aðra veröld upp úr busíunni og staglinu sem við vorum vanir. Hann hóf fyrirlestur um gæðahugtak efnahagslífsins. Opnaði okkur nýjar víddir og skýrði hugtök hagfræðinnar.Fór mikinn um gólfið og ræddi við okkur hvern og einn um einstaka atriði.Það var þérað í hástigi og virðuleikinn var í forgrunni.

Á stundaskránni stóð Bókfærsla. Hún kom af sjálfu sér og með fyrirlestrunum. En almennur skilningur, kurteisi og formfesta, spurningar og svör var það sem hann kenndi okkur.Yfirbragðið breyttist samstundis og við vorum allt í einu eins og fullorðnir menn.

Við Gylfi urðum vinir ævilangt og það var alltaf stórkostlegt að hitta hann. Hnyttni hans og gamansemi var svo leiftrandi að maður gleymdi stund og stað. Listamanninum kynntist ég kannski ekki lengi nema það sem ég heyrði utanfrá. Stjórnmálamanninum var ég hugsanlega ekki alltaf sammála. En maðurinn sjálfur var stórkostlegur hvar sem á hann var litið. 

Gylfi Þ. Gíslason er mér ógleymanlegur.

 

Sá eini sem veit

líklega hvað gerðist með Birnu Brjánsdóttur þegir.

Á meðan leitar öll þjóðin að vegsummerkjum og sorgin og reiðin nagar hana.

Maðurinn sem öll líkindi benda til að viti sannleikann þegir. Og er varla yfirheyrður því hann þverskallast.

Af hverju skyldi hann ekki vera beittur mesta mögulega harðræði í yfirheyrslum? Hefur hann unnið fyrir einhverri silkihanskameðferð?

Er hann ekki sá eini sem veit allt?

Hvað má Trump?

eða má ekki?

Dómari í Bandaríkjunum telur sig vita það betur en Forsetinn.

 Samt virðist nokkuð skýrt að Forsetinn má takmarka aðgengi. Enda hafa einir 6 fyrri Forsetar gert svo án þess að Íslendingar hafi kallað þá fasista úr ræðustól Alþingis,

En það er kominn tími til að Forsetar Bandaríkjanna fari að spyrja Samfylkingarfólk, og 101 liðið  á Íslandi leyfis áður en þeir fara að derra sig við umheiminn.

Verður ekki Trump að átta sig á því hvar hann stendur og hvað hann má eða má ekki?

Gerum lönd okkar mikil aftur!

Endalok kratismans eru augljós. Fólkið hefur ekki húmor fyrir því sem þetta fólk segir.

Hver vill eyða ævinni undir regluverki þessa fólks sem það flytur inn frá krataveröld Evrópusambandsins.Húmorlaust, dapurt og dofið.Án fyrirheita um fegri veröld.

Megum við heldur biðja um Trump og endurreisn hinna gömlu gilda. Trú á vinnu og framtak einstaklinganna. Endir aumingjadýrkunarinnar,styrkja og millifærslna.

Gerum lönd okkar mikil aftur!

Enn stórvirki í Borgarstjórn

Reykjavíkur. Nú á að sletta milljónatugum í að láta verkfræðistofur gera áætlanir um að grafa Miklubrautina niður í stokk í stað þess að gera 2 göngubrýr eða tvenn undirgöng undir hana og stórauka afköstin.Nei, það á að lækka hraðann til að menga meira og lengja ferðatímann enn meira. 

Hvað halda menn að kosti að loftræsa þennan stokk? Hvernig verða slysin afgreidd? Hvað á að gera ofan á honum? Er þetta fólk í Borgarstjórninni eins og fólk er flest?

Þetta stórvirki verður nú sem betur fer líklega í flokki með íbúðunum þrjúþúsund sem Dagur ætlar að byggja yfir fátæka fólkið.

Þessi stórvirki munu koma seinna hljóti Dagur endurkjör.

"Skítlegt eðli"

voru orð sem Ólafur Ragnar Grímsson notaði eitt sinn til að lýsa innræti núverandi ritstjóra Morgunblaðsins. Þessi ritstjóri skrifar í dag um það hvernig framkoma þingmanna á Alþingi Íslendinga hefur dregið virðingu þess niður í svaðið og finnst greinilega ekki til um,

Á miðopnu skrifar Hólmfríður Gísladóttir svo um Donald J. Trump Forseta Bandaríkjanna:

"Ádögunum kallaði ég Donald Trump Bandaríkjaforseta lygara, rasista og karlrembusvín, hér í þessu plássi. Það fór óskaplega fyrir brjóstið á nokkrum aðdáenda hans, sem sendu mér tölvupósta og báðu mig m.a. vinsamlegast að standa fyrir máli mínu og benda á dæmi.

Ég lét flestum póstunum ósvarað, enda þarf maður að búa yfir einbeittum vilja til að sjá þess ekki merki að Trump sé sannarlega lygari, rasisti og karlrembusvín. Einhver fann að því að ég skildi tala um rasisma þegar fordómar Trump beindust gegn trúarbrögðum en ekki kynþætti. Potato, potato, segi ég.

Þá var ég sökuð um að hafa ekkert fyrir mér í því að konur og hinsegin fólk myndu eiga undir högg að sækja. Með útnefningum sínum í hin ýmsu embætti síðustu daga hefur Trump skotið traustum stoðum undir þá fullyrðingu mína. Það tók ekki langan tíma. Ef einhverjum fannst nóg komið af Trump á meðan kosningabaráttan vestanhafs stóð yfir, þá er nú orðið ljóst að framundan eru löng fjögur ár. Hver einasta truflun er vel þegin og í vikunni kom hún í formi þungaðrar Beyoncé. Guð blessi hana og öll hennar afsprengi. „Ég hef þrjú hjörtu,“ tilkynnti hún yfir myndaflóði á vefsíðu sinni og vísaði þar til barnanna tveggja sem hún ber undir belti. „Stúlka verður að konu, kona að móður, móðir að venus. Móðir er verndarhjúpur þar sem frumur neista, limir mótast; móðir þrútnar og teygist til að vernda barnið; móðir með annan fótinn í þessum heimi, hinn í þeim næsta; móðir, svartur venus.“

Þannig hljóðar brot úr ljóði Warsan Shire sem fylgir með. Beyoncé er svartur Venus; hin áhrifamikla, sterka kona... með óléttubumbuna bera í frjóu blómaskrúði. Samfélagsmiðlar nötruðu. Trump gleymdist um stund. Amen. Fólk er að setja sig í stellingar; hvernig eigum við að fást við þennan mann? Á sama tíma og fyrirbærið „alternative facts“ ryður sér til rúms og Trump ákveður að New York Times og CNN séu „fake news“, fara fjölmiðlar í naflaskoðun.

Þegar þeir eru í þeim sporum að forsetinn og allt heila báknið í kringum hann skrumskælir staðreyndir, þurfa þeir allt í einu að ákveða hvernig þeir ætla að skilgreina „lygi“ til að geta notað orðið fumlaust í umfjöllun um forsetaembættið og stjórnsýsluna. Helgi Hrafn pírati benti á það í Facebook-færslu í vikunni að þeir sem hefðu kvartað einna mest undan pólitískum rétttrúnaði krefðust hans nú fyrir hönd Trumps.

„Það er ekki á neinn hátt rangt eða ósanngjarnt eða ómálefnalegt að kalla Donald Trump fasista, rasista og kvenhatara. Hann hefur unnið fyrir öllum þessum stimplum og engar viðkvæmar tilfinningar munu breyta þeirri staðreynd,“ sagði Helgi m.a. „Fyrirgefið, en hneykslan er ekki mótrök.“ Heyr, heyr. [e-mail]"

Áður hafði Ásdís blaðamaður lýst því á sama stað að hún vildi heldur sofa hjá öllum dvergunum sjö og Mjallhvíti líka heldur en Donald Trump.

Hver skyldu vera helstu rök ritstjórans fyrir því að birta svona skrif á miðopnu Morgunblaðsins?

Á ég að lýsa skoðunum mínum á þessum blaðakonum í stíl fyrrum Forseta Íslands sem hann viðhafði um ritsjórann?  Ég get hugsanlega rifjað upp talsverðum orðaforða frá götustrákaárum mínum sem ég gæti hugsanlega gripið til um þessar blaðakonur til,að lýsa þeim eins og þær koma mér fyrir sjónir í víðsýni sinni og Pírataaðdáun.

En af tillitssemi við Morgunblaðið sem leyfir mér að hafa þessa bloggsíðu til að rísla mér við í ellinni þá ætla ég að láta það bíða.

Alþingi sýni ábyrgð

og hætti að sóa tíma í dellumál eins og áfengisfrumvarp meðan sjómannaverkfallið er óleyst. Það skiptir máli en ekki brennivín sem fæst í ríkinu hindrunarlaust.

Ámóta dellumál taka tíma frá því sem máli skiptir. Hvort eigi að selja Lögreglustöðina og láta ríkið taka hana á leigu af fasteignafélagi? Var ekki Árni Sigfússon búinn að sýna það í Reykjanesbæ hvert slík della leiðir? Það var sótt að Kópavogi að fara þá leið. Meirihlutinn hafði vit á að ansa því ekki.

Nú kaupa fasteignafélög og kvótasölumenn upp heilu blokkirnar hér í Kópavogi sem áttu að fara á almennan sölumarkað. Nú eru bara leigumálar í boði á verði sem enginn getur borgað.

Lífeyrissjóðaspillingin er að leggja allt heilbrigt athafnalíf í landinu að velli. Verðlækkunin á Flugleiðabréfunum er ekki orðið neitt tap ennþá.Bara bókhaldstala. En ef hún verður varanleg þá lækkar bara lífeyririnn minn. En furstinn sem stjórnar sjóðnum mínum bara hlær og kærir sig kollóttann. Ég þekki hann ekki einu sinni og get ekki einu sinni skammað hann né sett út á hann. Ég er gersamlega ofurseldur honum og hann ræður yfir allri minni framtíð. 

Almenningur verður að fara að rísa upp og krefjast uppskurðar á þessu foraðsdíki sem þetta spillta lífeyrissjóðakerfi landsmanna er. Það verðu að breyta þessu í gegnumstreymiskerfi í stað þessa Shangrílakerfis sem segist ætla að ná 3.5 % ávöxtun á íslenskar krónur meðan ávöxtun heimsins á peningum er fyrir neðan núll.

Þetta lífeyrisjóðakerfi er að eyðileggja þjóðfélagið, gera ungu fólki ómögulegt að lifa í þjóðfélaginu fyrir eigin reikning, keyra upp vexti í fákeppni banka sem framleiða rafeyri á ræfildómi allra skuldsettra vesalinga sem eru að reyna að standa í atvinnustarfsemi í þessu landi eins og Icelandair er vissulega að reyna að gera.

Alþingi verður að sýna ábyrgð og hætta að verða sér til skammar með að láta stelpukjána standa uppi í pontu og kalla erlenda þjóðhöfðingja fasista.Það þarf líka að fara að greina aðalatriði frá aukaatriðum eins og hvort selja eigi Bónussprútt eingöngu eða hafa þokkalegt úrval eins og verið hefur.Og stjórnmálamenn þurfa að sýna ábyrgð með því að hætta að dellumakast um sölu á arðbærum ríkiseignum vegna ályktana einhverra sértrúarsöfnuða eins og Viðskiptaráðs Íslands.

Af hverju er ekki afgreitt?

samkvæmt Dyflinnarreglugerðinni?

Af heimasíðu Mannréttindaskrifstofu er þessi text:

"

Hælisumsóknir

Oftast er umsókn um hæli lögð fram hjá lögreglunni sem sér um að taka framburðaskýrslu af umsækjandanum. Umsækjandi á að gera grein fyrir persónulegum upplýsingum og ferðaleið sinni til landsins. Ásamt því á hann að greina frá þeim aðstæðum sem leiddu til þess að hann ákvað að sækja um hæli á Íslandi. Við skýrslutöku er einnig leitað eftir því hvort viðkomandi eigi eða hafi átt hælisumsókn í öðrum löndum.

Það á alltaf að gefa hælisleitendum kost á því að segja sögu sína. Í framburðaskýrslu eru umsækjendur hvattir til þess að segja satt og rétt frá högum sínum. Láta á umsækjenda vita, að ef ekki er sagt rétt frá málsatvikum og ef upplýsingum er haldið frá stjórnvöldum þá getur það haft áhrif á umsókn hans.

Þegar skýrslutöku er lokið er hælisumsóknin send Útlendingastofnun sem ákveður hvaða afgreiðslu umsóknin á að fá. Þrjár leiðir koma til greina:

Venjubundin meðferð

Ef hælisumsækjandi á ekki umsókn um hæli í öðru aðildarríki Dyflinnarreglugerðarinnar og ef Útlendingastofnun telur að umsóknin sé ekki tilhæfulaus er hún tekin til venjubundinnar meðferðar.

Umsækjandinn er venjulega kallaður í viðtal til Útlendingastofnunar og gefst honum þá kostur á að útskýra betur aðstæður sínar og hvað hafi orðið til þess að hann ákvað að leggjast á flótta og sækja um hæli á Íslandi.

Útlendingastofnun úrskurðar síðan á grundvelli þeirra upplýsinga hvort einstaklingnum verði veitt staða flóttamanns, honum veitt dvalarleyfi af mannúðarástæðum eða að umsókn hans verði synjað.

Ef hælisleitandinn er mótfallinn afgreiðslu umsóknarinnar, t.d ef umsókn hans hefur verið synjað, getur hann kært úrskurðinn til innanríkisráðuneytisins. Ásamt því hefur hann kost á því að fá skipaðan löglærðan talsmann sér til aðstoðar.

Innanríkisráðuneytið getur breytt úrskurði Útlendingastofnunar og veitt einstaklingnum stöðu flóttamanns eða breytt úrskurði á þá leið að einstaklingurinn fær dvalarleyfi af mannúðarástæðum. Ráðuneytið getur einnig staðfest synjun Útlendingastofnunar. Ef ráðuneytið staðfestir synjun er einstaklingnum vísað úr landi og fylgir því endurkomubann á Schengen svæðið, ekki til skemmri tíma en þriggja ára.

Endursending

Ísland er aðili að tveimur samningum í Evrópu, Norðurlandasamningnum og Dyflinnarreglugerðinni, sem beita má til þess að endursenda hælisleitendur til þeirra ríkja þar sem þeir áttu hælisumsókn áður eða til þeirra ríkja sem þeir komu frá áður en leið þeirra lá til Íslands.

Dyflinnarreglugerðin kveður sérstaklega á um að aðeins eitt ríki skuli bera ábyrgð á meðferð upplýsinga um hæli og kemur það því í veg fyrir að einn einstaklingur geti átt umsóknir í mörgum ríkjum samtímis. Ef í ljós kemur að umsækjandi á hælisumsókn í öðru aðildarríki Dyflinnarreglugerðarinnar þá geta stjórnvöld á Íslandi farið fram á að það ríki taki við viðkomandi umsækjanda.

Ef viðkomandi umsækjandi á umsókn í öðru aðildarríki er honum gefinn kostur á því að skila inn greinargerð til Útlendingastofnunar þar sem hann rekur ástæður þess af hverju íslensk stjórnvöld ættu ekki að endursenda viðkomandi til ríkisins þar sem hann á fyrir umsókn. Hefur hælisumsækjandinn þrjá daga frá fyrstu skýrslutöku til að koma greinargerð sinn á framfæri til stjórnvalda.

Ef hælisleitandi verður endursendur með þessum máta gefst honum kostur á að kæra niðurstöðu Útlendingastofnunar til Dómsmálaráðuneytis. Þessir einstaklingar hafa þó ekki rétt á lögfræðiaðstoð nema þeir geti sjálfir greitt fyrir þá þjónustu. Oftast líður skammur tími frá birtingu úrskurðar þar til hælisleitendur eru endursendir. Ef hælisleitendur vilja hafa þeir fimmtán daga til að skila inn greinargerð til Dómsmálaráðuneytisins máli þeirra til stuðnings.

Frávísun

Ef Útlendingastofnun telur ljóst að umsókn um hæli og fyrirliggjandi upplýsingar um hælisleitenda uppfylli ekki skilyrði þess að umsækjandi teljist flóttamaður samkvæmt flóttamannasamningi Sameinuðu þjóðanna, úrskurðar stofnunin um synjun og frávísun umsækjanda. Synjunin getur tekið mjög skamman tíma, allt niður í 48 klukkustundir. Hælisleitendanum gefst tækifæri á því að kæra úrskurðinn til Dómsmálaráðuneytisins, en þrátt fyrir það frestar kæra ekki framkvæmd á úrskurðinum. Frávísun hefur ekki í för með sér endurkomubann til landsins eða inn á Schengen svæðið. "

Getur nokkur skilið af hverju þarf að safna hælisleitendum hér saman í hundruðavís til hrikalegs tjóns fyrir innanlandsástandið hvað varðar húsnæðismarkaðinn þar sem íslenskt fólk verður að liggja úti, heilsufarslegar hættur á smitsjúkdómum svo sem berklum og alnæmi, hættu vegna ókannaðrar bakgrunnsglæpasögu einstaklinga í þessum hópi og úrvinnslu lyga sem þeim er heimilt að bera á borð fyrir yfirvöld samkvæmt nýjum útlendingalögum sem tefja auðvitað fyrir málsrannsóknum.Af hverju flugfélög eru ekki gerð ábyrgð fyrir því að farþegar hingað hafi skilríki svo sem er til Bandaríkjanna? Hversvegna ekki fæst alls ekki svarað af yfirvöldum.

Er afgreiðsla hælisumsókna notuð sem atvinnubótavinna fyrir lögfræðinga eða lögregluþjóna sem hafa ekki annað að gera? Það getur ekki verið að það sé ekki hægt að afgreiða mál fljótt og vel samkvæmt forskriftinni sem liggur fyrir. 

 

Langavitleysan

á Miklubrautinni er ekki að fara að leysast.

Starfshópurinn sem Hjálmar skipaði til að lækka hámarkshraðann er búinn að ná lýðræðislegri niðurstöðu. 2 á mót 1 samþykkja erindi Hjámars bókmennta-og skipulagsfræðings um að eyða tugmilljónum í blikkljós til að lækka hraðann.Hver bíll verður lengur á brautinni og reykir meira.

Skólakrakkarnir fá áfram að leika sér á gangbrautarljósunum tveimur á brautinni R-listans og horfa á hvernig umferðin stöðvast vestur í Háskóla. Flestir sjá hvað myndi gerast ef þarna væru göngubrýr yfir en ekki borgarstjórnin.Minnihlutamaðurinn í starfshópnum lagði auðvitað til að byggja brýr en sleppa blikkljósunum. En það var auðvitað ekki á það hlustað hvað þá á það að ferðatíminn muni lengjast með lækkun hámarkshraðans. Enda býr auðvitað ekkert annað að baki en að hrekkja bíleireigandann og fá hann til að fá sér hjólhest. Um að gera að skemma og eyðileggja sem mest og framleiða vitleysur. Þetta kusu Reykvíkingar yfir sig og fá að njóta í meira en ár til viðbótar.

Líklega hefur hvergi á Íslandi setið önnur eins afturhaldsstjórn heldur en núverandi borgarstjórn. Borgarstjórinn tilkynnir og tilkynnir um að hann ætli að byggja nýjar íbúðir og RÚV birtir af honum myndir við þau tækifæri. En ekkert er byggt og engar lóðir eru heldur til. Skyldi kjósandinn falla fyrir þessu? 

Langavitleysan á Miklubrautinni við Lönguhlíðina heldur áfram.

Trump er trompið

í heimspólitíkinni um víða veröld. Sá tími sem kratastrumpar og kommatittir geta vaðið uppi og logið að alþýðu um að þeir hafi kökur á himnum að færa því ef það sé bara þolinmótt og trúi þeim er að líða.Enda grætur elítan ESB yfir þessu og skilur ekki af hverju fólk vill ekki styrki frá sambandinu alveg eins og Viðreisn hérna.

Líklega munu bæði Geert Wilders og Marine LePen vinna sigra í sínum löndum og áhrif Farage fara vaxandi í Bretlandi þrátt fyrir þá hörmulega niðurstöðu sem hann hlaut í kosningum að fá aðeins einn þingmann út á fimmtung atkvæða. Hann var ekkert að efna til mótmæla og uppþota eins og venjulega vinstriðgerir.Fyrir honum er kerfið bara svona.Eins og hjá Trump er stjórnarskráin svona.

Þegar rykið sest þá er Trump ekkert að gera neitt óvenjulegt með því að fresta koma tiltekinna hópa til Bandaríkjanna.Margir Forsetar hafa gripið til þessa ráða án þess að varanlegur skaði hafi af hlotist.Trump er bara maður sem stendur vioð orð sín en er ekki bara með slagorðakjaftæði eins og við eigum að venjast af kratastóðinu.

Það er hinsvegar skömm fyrir Ísland sem lýðræðisþjóð að ótíndar þingstelpur skuli geta kallað Bandaríkjaforseta fasista úr ræðustól Alþingis óátalið.

Svona talsmáti varðar við gildandi íslensk lög þó þau séu yfirleitt aldrei látin ná yfir kommatitti síðan Þórberg leið. En skömm þessara óuppdregnu stelpukinda er söm fyrir því  og loðir við Alþingi Íslendinga. Öðru máli gegnir ef innhringjandi á Útvarpi Sögu er með hommakjaft. Þá skal Pétur straffaður fyrir hatursorðræðu í Hæstarétti af því að kratar taka það til sín.

Pólitíkusar á Vesturlöndum eru óðum að átta sig á því, að það verður að stemma stigu við innrás múslíma. Við getum ekki haldið áfram að láta sem Rússland komi okkur við því þeir séu bara óvinir. Þeir eru í okkar heimshluta og eiga við sömu vandamál að stríða. 

Trump er pólitíska trompið sem mun laga til um víða veröld.